ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ลิ้งก์ผู้สนับสนุน
ตอบกลับ
 
คำสั่งเพิ่มเติม เรียบเรียงคำตอบ
09-28-2008, 10:57 AM   #501 (permalink)
ผู้ช่วยผู้ใหญ่บ้านมหา
 
รูปส่วนตัว sompoi
 
..ขอบคุณที่ชมอ้าย..คริๆๆ..โอ้ะ..แม่นย่องส้ม หรือ ชมน้องแพร น้อจร้า..ฮ่าๆๆ..>:d>:d
 

09-28-2008, 11:33 AM   #502 (permalink)
นักปราชญ์เมืองอีสาน
ศิลปินนักแต่ง ผญา
อ้างถึง : ..ขอบคุณที่ชมอ้าย..คริๆๆ..โอ้ะ..แม่นย่องส้ม หรือ ชมน้องแพร น้อจร้า..ฮ่าๆๆ..>:d>:d

แล่นแท้แล้เสนอหน้าเข้ามารับเอาไวตายแท้ดอก นี้กะดาย เขาย้องผู้สาวทางอื่นพู้น บ่แม่นเจ้าของ จั่งแม่นอยากได้หน้าหลายเนาะ ซุมื้อนี้กะว่าแม่นปานกระด้งอยู่ หืยยย

หมายเหตุ นี้บ่แม่นผญาเด้อ ว่าให้คนซื่อๆนี้หละ คันแข่ว เหอ ๆ ๆ
 
09-28-2008, 11:38 AM   #503 (permalink)
ผู้ช่วยผู้ใหญ่บ้านมหา
จึ๋ยย ..คึดฮอดซือๆดอกอ้าย..หึยย..บ่ได่เว่านำดนซั่นด๋อก..
 
09-28-2008, 11:44 AM   #504 (permalink)
นักปราชญ์เมืองอีสาน
ศิลปินนักแต่ง ผญา
จาหยอกสร่อย พอได้ส่วงกระแสจิต
ลางเทื่อหายมะโนคิด คั่งคาเวลาเอ้า
เจ็บในทรวงแสนเศร่า เหงาในบ่ไขบอก
ม่วนแต่นอกหน่วงน้าว ในนั้นบ่อาจเผย
เอาคำเปรยอิงอ้าง วางกลอนเกี้ยวก่าย
พอส่วงอุกทุกฮ้าย ที่แฮงฮ้อนฮุ่มใจ แท้แหลว


สร่อย(สร้อย) เอ้า(อบอ้าว เศร่า(เศร้า) ส่วง(สร่าง) ฮ้อนฮุ่ม(ร้อนรุ่ม)
 
10-24-2008, 04:57 PM   #505 (permalink)
มิสบ้านมหา 2010
ศิลปิน นักเขียน
ได้แต่นำอ่านผญาเพิ่นแต่งไว้ย่อนว่าแต่งบ่เป็น มักหลายค่ะ 8)
 
10-24-2008, 05:11 PM   #506 (permalink)
นักปราชญ์เมืองอีสาน
ศิลปินนักแต่ง ผญา
แต่งบ่เป็นคันเห็นพ้อ กะงอแวมาแจ๋เบิ่ง
ฮ่ามันหวานดั่งเผิ่ง มวลมิ้มสิอิ่มใจ
แม่นน้องแต่งบ่ได้ บ่เป็นหยังดอกคำแพง
ขอแค่แฮงกำลังใจ ส่งไปคอมเมนท์
พอให้ศรีได้หลงเต้น เกาะฝาเฮือนห่าวด่องด่อง
ฝากผญาให้พี่น้อง ฟังเหล่นได้ม่วนยิน นี้แหลว
 
10-27-2008, 03:33 PM   #507 (permalink)
มิสบ้านมหา 2010
ศิลปิน นักเขียน
อ้างถึง:
กระทู้ต้นฉบับโดยคุณ ศรีสะท้าน
แต่งบ่เป็นคันเห็นพ้อ กะงอแวมาแจ๋เบิ่ง
ฮ่ามันหวานดั่งเผิ่ง มวลมิ้มสิอิ่มใจ
แม่นน้องแต่งบ่ได้ บ่เป็นหยังดอกคำแพง
ขอแค่แฮงกำลังใจ ส่งไปคอมเมนท์
พอให้ศรีได้หลงเต้น เกาะฝาเฮือนห่าวด่องด่อง
ฝากผญาให้พี่น้อง ฟังเหล่นได้ม่วนยิน นี้แหลว


ออนซอนเด้..คำเว้าธรรมด๊าธรรมดากะเป็นกลอน
แม่นอ้ายกินข้าวกับหยังน้อ..ซังมาเว้าหยังขึ้น
กะเป็นตาฟังเบิดสู่แนวแท้.....
 
10-27-2008, 04:27 PM   #508 (permalink)
นักปราชญ์เมืองอีสาน
ศิลปินนักแต่ง ผญา
อ้างถึง:ออนซอนเด้..คำเว้าธรรมด๊าธรรมดากะเป็นกลอน
แม่นอ้ายกินข้าวกับหยังน้อ..ซังมาเว้าหยังขึ้น
กะเป็นตาฟังเบิดสู่แนวแท้.....

ช่วงนี้กำลังกินตำหมากยออยู่เด้อ พี่น้องทางใด๋กะอย่าฟ้าวห้ามเด้อ กำลังสุนทรีย์แล้วหละ เหอ ๆ ๆ


น้องถามอ้าย ว่าซายกินอีหยังแหน่
อ้ายคนทุกข์แด่นแด้ แค่กินเข่าบ่ายเกลือ
บ่อาจกินซี้นเนื้อ เฟือใฝ่ไขหมู
กินป่นปูนำนา ส่อนปลาแกมกุ้ง
นอนตบยุงไฮฮิ้น หากินตามสภาพ
ตักน้ำหาบบ่าแป้ว แนวเฮียนฮู้บ่สูง ฯ
 
10-27-2008, 05:19 PM   #509 (permalink)
มิสบ้านมหา 2010
ศิลปิน นักเขียน
อ้างถึง :น้องถามอ้าย ว่าซายกินอีหยังแหน่
อ้ายคนทุกข์แด่นแด้ แค่กินเข่าบ่ายเกลือ
บ่อาจกินซี้นเนื้อ เฟือใฝ่ไขหมู
กินป่นปูนำนา ส่อนปลาแกมกุ้ง
นอนตบยุงไฮฮิ้น หากินตามสภาพ
ตักน้ำหาบบ่าแป้ว แนวเฮียนฮู้บ่สูง ฯ


อยากลองชิมข้าวบ่ายเกลือนำญาอ้ายแท้น้อ
คือสิหวานจ้อย ๆ ปานน้ำเผิ่งเดือนห้า
ป่นปูป่นกุ้งคือคือสิแซ่บปานลาบงัวพ่ะน่ะ
(อันนี้กะบ่แม่นผญาเด้อค่ะอิอิ)
 
10-28-2008, 04:19 AM   #510 (permalink)
นักปราชญ์เมืองอีสาน
ศิลปินนักแต่ง ผญา
มันบ่แซบดอกหล่า กะลาสาข้าวจ่ำแจ่ว
บ่คือแนวลาบก้อย ซอยซ้อนต่อนหมู
ป่นปลาทูผักหมเฮี๋่ยน ภาช์กะเบียนเพฮ้างขาด
อย่ามาวาทว่าเว้า สิกินข้าวฮ่วมนำ
กินข้าวเหนียวปั้นจ้ำ ตำแจ่วกับแพวผัก
ไผสิมาทนมัก คักหลายอยากอายเว้า
หากินไปซามเถ่า เหงามาหาหม่องแม่น
บายเอาแคนเป่าจ้น พอได้พ้นส่วงใจ นั้นแหลว


กะลาสา(นับประสา)/ภาช์(ภาชนะ)/กะเบียน(ภาชนะใส่สำหรับกับข้าวสานด้วยไม้ไผ่อย่างกระด้ง)/เพ(ชำรุด)
 

ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ตอบกลับ

ป้ายกำกับ
คำผญา, นักปราชญ์อีสาน, ผญา, ผญาอีสาน, ศรีสะท้าน, เรียนผญา

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 09:34 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม