ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ตอบกลับ
 
คำสั่งเพิ่มเติม เรียบเรียงคำตอบ
05-04-2009, 09:29 PM   #751 (permalink)
นักปราชญ์เมืองอีสาน
ศิลปินนักแต่ง ผญา
 
 
มาตรฐาน

อ้างถึง:ฮ่าๆๆๆ อ้ายศรีๆ.. อั่น ฟ้ายักคิ้ว นิ มันแปลว่าจั่งได่อ้าย บอกนางแน้...

ฟ้ายิกคิ้วกะฟ้าเหลื่อมแมบมาบ
(ฟ้าแลบ)อยู่ไกลๆ นั้นหละ อย่าสิปึ....หลาย เรียนแหน่ภาษาลาวหนะ อย่าเรียนแต่ภาษาญี่.....หลาย หึ ๆ ๆ ก๊ากก
 
05-04-2009, 10:02 PM   #752 (permalink)
ผู้ช่วยผู้ใหญ่บ้านมหา
มาตรฐาน

บ่น่าถามเล้ยย..(ละแม่นไผ๋สิไปคึดได่คือเจ้า ฟ้ายักคิ้ว คือฟ้าแลบ พะนะ เอิ้กๆๆ) โรงเรียนด๋ายสอนน้อภาษาลาวน่ะ สิส่งอิน้อยไปเรียนแทนซั่นดอกหว๋า..คริๆๆๆๆ
 
05-06-2009, 11:43 AM   #753 (permalink)
ศึกษาหาความรู้
คำถาม และรอคำตอบ

อ้างถึง:
กระทู้ต้นฉบับโดยคุณ ศรีสะท้าน อ่านกระทู้
...คำศรีบ่อหาญต้านเป็นอาจารย์ไผด๋อก ภูมิศรียมีท่อก้อยฝูงเด็กน้อยทะเลยหัว....
เพียงแต่เคยเห็นพ่อ ในใบลานเพิ่นจารบอก ซอกมาเป็นแบบเบื้องเคืองหูเจ้าอย่าสิซัง..เทาะเนอออ...
***
คำว่า ทะเลยหัว แปลว่า อะหยั่ง อ้าย
ขอบคุณ จ้า
 
05-06-2009, 06:48 PM   #754 (permalink)
ศึกษาหาความรู้
มาตรฐาน

นางเอ๋ยสาว มีโต๋นั่นบ่ต้องเกี่ยวคำถามขอให้จิตใจเฮาก๋อมกันเอาไว้ แมนสิใสคือแก้วมณีนิลอันล้ำค่าบ่ถือวาสนาพี่เอาบ่ได้อย่าจาเว่าเถอะแม่คุณ คันเห็นน้องเตี้ยงอ้ายคือเงียงปลาดุกปักพุ่นตั้วหล่า คันแลนไขห่อยาอ้ายแลนตำปอกล้วย โอ๋ย..อ้ายอยากจูงแขนเข้าพาขวัญป้อนไข่นวยเบิงเด๊ มือขวาป้อนไข่อ้ายมือซ้ายป้อนไข่นาง คันเจ้าบ่ได้กับอ้ายบ่ให้ว่าซะกะเป็นบ่ให้เห็นเลยคนขั่นขี่บนโยนแก้ว พี่บ่ไล่เสียถิ่มป๊ะเจ้าไปเป็นอื่น เดือนบ่หงายกลางคืนพี่บ่แปผันปี้นก็คือด้ามดังกัน แม่น้ำโขงนั่นบ่อั้นกลายเป็นบวกควายนอน ยังจันทร์เป็นดงดอนบอนควายอีนายโน่ หนองโสนบ่ทันเศร้า หัวเมืองเฮายังมีเจ้าด็อกฮองนั่ง พระราชวังบ่เป็นป่าหญ้าปล้องบ่วางน้องให้แก่ไผ ไก่บ่เขี่ยไปทางหน้า ม้าบ่ปงเป็นเขา หมากกะเลาบ่หุ้มก้น โพนบ่ยางคือหนู ภูบ่เป็นดินเพียงพี่บ่ลืมพะนางได้ ไหมบ่กลายเป็นฝ้ายคันพี่ชายบ่ตายบ่วางน้องให้เป็นอื่น หล่านางเอ๋ยยยย..ถึงกลางคืนพี่สิเข้าอยู่ซ้อนบ่ไล่ถ่างห่างพะนาง.....น้องพี่เอ๋ยยยยยยย[/SIZE][/SIZE][/SIZE]
 
05-07-2009, 11:28 AM   #755 (permalink)
ร่วมถ่ายทอดความรู้สู่สังคม
มาตรฐาน

อน้อ...อ้ายชายทั้งหลายเอ้ย.........
ได้ยินวาจาเว่าขันเอาผญามาต่อนั่นแล่ว....
มีแต่แนวดีดีพี่เจ้าเอามาเว่าบอกกัน
ลังคนว่า..โตนั่นต่ำต้อย..น้อยอิ่นบ่สมนาง
ลางคนวาจาหวานว่าฮักนางเหลือล้น
คนหนอคนเฮานี่มีดีจั่งได้ว่า....น้ออ้ายน้อ
นางสิขอรับไว้ไมตรีอ้ายทุกๆคนเด้อ......อ้ายชายเอ่ย



หมายเหตุ ย้ายจากหน้าเวปเ่ก่า มาตอบในหน้าเวฟใหม่เด้อจ้า

แก้ไขครั้งสุดท้ายโดย สาวเมืองกะสิน; 05-07-2009 เมื่อ 11:31 AM
 
05-07-2009, 07:18 PM   #756 (permalink)
ศึกษาหาความรู้
มาตรฐาน

คิดเบิงแนเป็นหยังหล่า ตั้งแต่ท้าวฮอบปาทรพลท้าวกะยังเป็นคนจนรจนายังเอาซ้อน ตั้งแต่นางใสสรกะยังเอากับท้าวสุริวงศ์ใส่ซ้อนฮวม บัดความฮักมีต่ออ้ายสิเพม่างอยู่เคิงทาง ตั้งแต่แดดเต็มฟ้าอ้ายกะยังฝ่ากลางฝนอดสาทนความทุกข์จึงด่วนมาถึงน้อง ยามเมื่อมาเห็นแล้วสิหนีไปทางอื่นเป็นหรือ มาเห็นแล้ว......................................
 
05-08-2009, 09:44 AM   #757 (permalink)
ร่วมถ่ายทอดความรู้สู่สังคม
มาตรฐาน

"บัดว่ามาเห็นหน้าแล้วสิหนีป๋าไปทางอื่น" มันบ่แม่นแล่วอ้าย
คำที่ชาย...เปรียบท้ายไว้นั่นมันผั่นบ่แม่นนาง.......
ตามวิสัยของหล่าไผ๋มาจากะเว่าต่อ...ตั้วหล่ะ้อ้าย
บ่ได่หมายหยอกเล่นเป็นเช่นดังที่เปรียบดอกจ้า


อั่นผญาภาษาเว่าของอ้ายซายหล่ะหมายม่วนแท้ว้า.....
ไผ๋เขามาอ่านพ้อมีแต่ย่อย่องว่าดี
มีหลายๆบ่หล่ะอ้ายเอามาจ่ายแจกปันกัน
อ้ายหมอลำพัน..อ้ายจารย์ศรีแฮงมีหลายล้น
ขอเป็นศิิษย์นำส่นหนทางผญาถิ่น....แนเด้ออ้ายเด้อ
บางทีเผลอหยอกเล่น ญาอ้ายอย่าถือสา เด้ออ้ายเอย...



หวัดดีจ้าอาจารย์ผญาทั้งหลาย แต่งบ่เก่งดอกเด้อจ้า
ภาษาอีสานกะพอกะเทิน บางเทื่อกะปนไทยพร้อมย้อนว่าเรียนมาหน่อย
จังได๋กะขอฝากเนื้อฝากโตกับอาจารย์ทั้งหลายแนเด้อจ้า มีหยังกะแนะนำกะสอนสั่งให้แนเด้อจ้า

แก้ไขครั้งสุดท้ายโดย สาวเมืองกะสิน; 05-08-2009 เมื่อ 10:43 AM
 
05-13-2009, 06:23 PM   #758 (permalink)
ศึกษาหาความรู้
มาตรฐาน

ม่าแต่งมวนกันแท้ละ พากันคึดได้จังได
ขั่นแต่งได้คือสิมีแต่คนฮัก สันดอกหว่า
 
05-13-2009, 06:35 PM   #759 (permalink)
ศึกษาหาความรู้
มาตรฐาน

tim:[COLOR="DarkOrchid"] เว่าพื่นอ้ายใจประสงค์ส่งกางเกงจังได้ซื้อนุ่งตั้วล่ะนาง ใจประสงค์นาถน้องนางหล่าพี่จังมานี่แล้ว ใจพี่นี้พอจังหินหนักหมื่น ถิ่มใส่น้ำกะบปึ๋งตั้วล่ะนาง
 
05-13-2009, 08:06 PM   #760 (permalink)
ผู้ช่วยผู้ใหญ่บ้านมหา
มาตรฐาน

คักๆๆ ม่วนๆๆจ้า มีแต่ผู่แต่งม่วนๆ มาให้กำลังใจน้องสาวหล่าทางกะสินเด้อนาง..ว่าไปๆโลด ม่วนแล้วล่ะหล่า..
 
05-15-2009, 10:21 AM   #761 (permalink)
ร่วมถ่ายทอดความรู้สู่สังคม
มาตรฐาน

ขอขอบคุณเอื้อยส้มป่อย ผู้คอยตามให้กำลังใจจ้า....
เข้ามายามได๋ กะได่พ้อหน้าเอื้อยเจื่อยแจ่ว มีแนวเว่าให้ม่วนหู
คอยเชียร์คอยให้สู้ ต่อกระทู้ม่วนชวนติดตาม
คิดฮอดเด้ คิดฮอดเอื้อยคนงาม ยามแต่งกลอนผญานี่
หากว่ามีแนวได๋แนะนำได่ เอื้อยคนไคขอให้แนะน้องแน
แนวได๋บ่ดีพี่ซอยแก้ให้ นางสิได่แต่งตามจ้า......เอื้อยเอ้ย

แก้ไขครั้งสุดท้ายโดย สาวเมืองกะสิน; 06-22-2009 เมื่อ 02:24 PM
 
05-15-2009, 10:54 AM   #762 (permalink)
เจ้าหน้าที่ประชาสัมพันธ์
มาตรฐาน

หม่วนๆๆๆ..หม่วนหลายคำพญา อิสานบ้านเฮานี้เนาะจ้า มักอ่าน มักฟัง แต่ว่าให้แต่งนั่นคึสิบ่เป็นเลยจ้า...ขอเป็นกำลังใจให้ ทุกท่านที่มีคำพญาม่วนๆมาฝากให้สมาชิกบ้านมหาได้ฟังได้ม่วนกันเด้อจ้า..
 
05-15-2009, 07:31 PM   #763 (permalink)
นักปราชญ์เมืองอีสาน
ศิลปินนักแต่ง ผญา
มาตรฐาน

เหยาะหยอกเหล่น เป็นคำกลอนก่าย
บทผญาส่งท้าย แถมท้วงซ่วงกะใจ
จาความใน ไขความแจ้ง แถลงกลอนมีซ้อนต่อ
สรรพพะคำหยอกล้อ ตางให้ม่วนยิน
มวลมะโมมอบสิ้น ถวายบาทคำแพง
จึงได้แจงความสาร์น ผ่านพะอวนมวลแม้ง
ยอแสดงพอเห็นฮู้ ตามฮูพอฮู้ป่อง
ขออภัยเด้อพี่น้อง เวรต้องอย่าได้พาน แท้แหลว
 
05-26-2009, 11:33 PM   #764 (permalink)
ร่วมถ่ายทอดความรู้สู่สังคม
มาตรฐาน

คืนนี้ฝนรินฮำย้อย
ตกปรอยปรอย มาคือน้องคอยพี่แท้น้อ
หลายเพลาบ่พ้อหน้า ญาศรีอ้ายเป็นจังได๋
สำบายดีอยู่บ้ออ้าย กายใจไคแนบ่
เป็นจังได๋กะอย่าท้อ ขอภัยอันตรายฮอนฮ้าย
อย่ามากลายใกล้ อ้ายข่อยเด้อ...สาธุเอ้ย

แก้ไขครั้งสุดท้ายโดย สาวเมืองกะสิน; 06-22-2009 เมื่อ 02:30 PM
 
05-28-2009, 09:56 PM   #765 (permalink)
ร่วมถ่ายทอดความรู้สู่สังคม
มาตรฐาน

หล่านางเอ้ย...สาวบ้านมหากลายเป็นข้าวเขียคือเทา กะสิก้มหน้าเกี่ยว ดอกนางเอ้ย
ถึงแม่นกลายเป็นข้าวมะกล้า สิอาสาก้ม แม่นค่อยเล็ม เถิงแม่นเล็มบ่อได้ สิเอามือฮูดไส่กะต่า
มือฮูดใส่บ่ได้ สินอนกลิ้งเกลือกเอา..นางเอ้ย..555555

พุ้นตั่วเผิ่น...อิอิอิ
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ตอบกลับ

ป้ายกำกับ
คำผญา, นักปราชญ์อีสาน, ผญา, ผญาอีสาน, ศรีสะท้าน, เรียนผญา

คำสั่งเพิ่มเติม
เรียบเรียงคำตอบ
แบบตามยาว แบบตามยาว


หัวข้อที่คล้ายกัน
หัวข้อ ผู้เริ่มหัวข้อ ฟอรั่ม ตอบกลับ กระทู้ล่าสุด
ผญา มะลำมะลอย ศรีสะท้าน ผญา อ.ศรีสะท้าน 421 01-21-2013 08:27 PM
ผญา คติเตือนใจ โป้ยก่าย คำผญา สุภาษิต 0 04-22-2008 03:22 PM
ผญา vampie_master คำผญา สุภาษิต 0 02-16-2008 01:29 PM
ลำคอนสวรรค์ หยอกสาว - สมัย อ่อนวง ขี้เมารายวัน หมอลำย้อนยุค 0 08-06-2007 05:16 PM
ผญา ชวนเฮ็ดบุญเด้อพี่น้อง UB คำผญา สุภาษิต 5 03-23-2007 06:46 PM


เวลาทั้งหมดอยู่ในเขตเวลา GMT +7 และเวลาในขณะนี้คือ 03:30 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน