ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ลิ้งก์ผู้สนับสนุน
ตอบกลับ
 
คำสั่งเพิ่มเติม เรียบเรียงคำตอบ
11-15-2008, 11:27 PM   #601 (permalink)
นักปราชญ์เมืองอีสาน
ศิลปินนักแต่ง ผญา
 
รูปส่วนตัว ศรีสะท้าน
 
บาดสิได้ บินมาคือนกเจ่า ศรีกะบ่ว่านำ บาดสิว่า.....


บาดสิได้บินมาคือนกฮูก
จับแขนผูกจ่องน้าวซาวคั้วคว่าเอา
หยับภาช์เข่าขันเอาให้มันฮอด
นั่งต้อดลอดเลียบข่างแกะก้างต่อนปลา
 

11-16-2008, 11:31 AM   #602 (permalink)
ดูแลตรวจสอบเนื้อหา
อ้างถึง:
กระทู้ต้นฉบับโดยคุณ นกน้อยในดงคอนกรีต
บาดสิได้คือบินมาจังนกเจ่าแท้น้อ
เทิ่งอ้ายศรีผู้อยุ่ข้างๆ เทิ่งอ้ายโป่ยก่ายว่าอยากฮวมเฮียง
ว่าอยากขอมาซ้อนฮ่วมห้องหอนอน
แมนบ่น้อหึว่ามาเว่าต้อนให้นางน้องหลงคึดนำ

เห็นว่ากะให้เล่นโตแนจักหน่อยแนเด้ออ้าย ดน ๆ จังสิหลงเข้ามาจักเทือน้อ::)::)



เอ๋ามาซ่างว่าจั้งสั้นน้อ มันสิบ่ได้โยนพวงมาลัยคือรจนาเลือกคู่ซะบ้อ

คันน้องว่าจั้งสั้นกะตามใจให้นางเลือกเอาเด้อ
คาดสิได้บ่ห่อนเอ้ยทางเสีย ดอกนาง
คาดสิเป็นผัวเมียบ่ห่อนมีทางฮ้าง
อ้ายนี้คึดต่อเจ้าเอาแน่บ่มีวาง
อ้ายนี้คึดต่อนางว่างใด๋สิเอาอ้าย
ย่านคือนาไฮ่หล่งฝนตกลงน้ำบ่อยู่
คึดต่อเจ้าผู้ฮู้คึดต่อซู้ผู้นี้พอสิได้อยู่บ่น้อ


เฮ็ดใจไว้ถ้าแล้วหละเพิ่นเอ้ยตัดสินใจเอาโลด ฮึ หึ เซ็ดน้ำตาก่อน
 
11-16-2008, 02:31 PM   #603 (permalink)
นักปราชญ์เมืองอีสาน
ศิลปินนักแต่ง ผญา
หล้านางเอ้ย อ้ายมาคือเกรงย้านโวหาร นักราชญ์กล่าว แท้นอ
ฟังเสียงหย่าวๆต้าน อาจารย์โป๊ยผู้เก่งภูมิ
เบิ่งเลาหัวยุ้มยุ้ม เทียวป่อนกลอนผญา
ศรีฯนี้ถอยปัญญา บ่อาจจาเติมต้าน
แนวอาจารย์มีความฮู้ เป็นครูกวีปราชญ์
บ่ห่อนอาจแข่งสู่ เส็งฮู้ท่านมหา แท้แหลว
 
11-16-2008, 05:48 PM   #604 (permalink)
ดูแลตรวจสอบเนื้อหา
โอ้ยท่านเอ้ยมาคือเว้าเป็นตาผู้สาวอึดอัดแท้น้อ อิอิ

บ่แม่นมีความฮู้เต็มพุงนักปราชญ์
บ่ฉลาดลอบรู้คือท่านอ้ายทิตศรี เพิ่นดอก
แต่หากมีใจหมั่นฮักฮ่วมสิเนหา
จั่งได้ขันอาสาฮ่วมเฮียงถนอมตุ้ม


จะแม่นย่องกันคือเนาะท่านกะดาย
สิพาต้อมผู้สาวเข้าอุ่มแจยุนิแล้วค่อยเอาซิงห้างเอาเฮา อิอิ
 
11-16-2008, 05:52 PM   #605 (permalink)
นักปราชญ์เมืองอีสาน
ศิลปินนักแต่ง ผญา
ว่าไปท่าน ว่าไป ท่านมหา โอ๊ยตีกลอนหยอกซื่อๆดอกน่า..หืยยย อิ อิ
 
11-17-2008, 12:19 AM   #606 (permalink)
นกน้อยในดงคอนกรีต
Guest
อ้างถึง:
กระทู้ต้นฉบับโดยคุณ ศรีสะท้าน
หล้านางเอ้ย อ้ายมาคือเกรงย้านโวหาร นักราชญ์กล่าว แท้นอ
ฟังเสียงหย่าวๆต้าน อาจารย์โป๊ยผู้เก่งภูมิ
เบิ่งเลาหัวยุ้มยุ้ม เทียวป่อนกลอนผญา
ศรีฯนี้ถอยปัญญา บ่อาจจาเติมต้าน
แนวอาจารย์มีความฮู้ เป็นครูกวีปราชญ์
บ่ห่อนอาจแข่งสู่ เส็งฮู้ท่านมหา แท้แหลว


ซางมาอุกอั้งเอ้าในใจสาวแท้น้อ
ย้อนมีบ่าวคราวพ่อมาขอเข้าฮ่วมเฮียง
คันสิเลือกทางนั้นแมนย่านบ่ได้เทียวน้อทางนี่
หาทางออกเลยน้อคุณพี่ น้องสาวนี่ขอสองมาฮ่วมซ้อนสิว่าจังได๋

เอาแบบนี้ละเนาะอ้ายเอ้ย คนนึงตักน้ำ คนนึงนึ่งข้าว ซอยกันทำมาหากินตั่วอ้าย
หึว่าไผสินอนนาเฝ้าไก่ หึนอนบ้าน กะว่ากันไปเด้อ ::)::)::)
(หมายเหตุ: คราวพ่อบ่ได้ตี๋ว่าเฒ่าเด้ออ้าย แค่เคารพอย่างสูงเสยยยๆๆๆ)
 
11-17-2008, 12:26 AM   #607 (permalink)
นกน้อยในดงคอนกรีต
Guest
อ้างถึง:
กระทู้ต้นฉบับโดยคุณ เจ้าซายน้อย
อ้ายมาหยอก บักกอกไส่ กลางหน่าผาก
ไม้ทั่งดากดีดปากพร้อม ยอมล่ะยัง....::)


อ้ายเอ้ยสิหยอกกะหยอกโลดน้องบ่ยาก
อยากสิเอาไม้ทังดากน้องนี่กะบ่ว่า
แต่อย่าให้น้องได้หยอกกะแล้วกันเด้อ
สิบ่ทังซือๆเด้ สิเอาไม้หมิ่น....พร้อม::)::)::)

โอ้ยน้อ อย่าถือคนบ้า อย่าซาคนเสียเส้นเด้ออ้ายเอ้ย
หมายเหตุ:ใช้วิจารณญาณในการรับฟัง พะนะ ฮ่าๆๆๆๆๆๆๆ
 
11-17-2008, 07:35 AM   #608 (permalink)
แบ่งปันความรู้และประสบการณ์
หลูโตนเป็ดเด้ อยากนอนคอนซอ้นไก่ เหลียวเบิ่งตีนเปิ่มเป๋อตีนเปิ่มเป้อ ปีนขึ้นต้าดล้าดลงแท้น้อ::)::)
 
11-17-2008, 07:44 AM   #609 (permalink)
แบ่งปันความรู้และประสบการณ์
อ้างถึง:
กระทู้ต้นฉบับโดยคุณ นกน้อยในดงคอนกรีต
ซางมาอุกอั้งเอ้าในใจสาวแท้น้อ
ย้อนมีบ่าวคราวพ่อมาขอเข้าฮ่วมเฮียง
คันสิเลือกทางนั้นแมนย่านบ่ได้เทียวน้อทางนี่
หาทางออกเลยน้อคุณพี่ น้องสาวนี่ขอสองมาฮ่วมซ้อนสิว่าจังได๋

เอาแบบนี้ละเนาะอ้ายเอ้ย คนนึงตักน้ำ คนนึงนึ่งข้าว ซอยกันทำมาหากินตั่วอ้าย
หึว่าไผสินอนนาเฝ้าไก่ หึนอนบ้าน กะว่ากันไปเด้อ ::)::)::)
(หมายเหตุ: คราวพ่อบ่ได้ตี๋ว่าเฒ่าเด้ออ้าย แค่เคารพอย่างสูงเสยยยๆๆๆ)


อดสงสารบักเลเถ้าควายเฮ้าไว้แน คันบ่หลกหญ้าหวายคันบ่บายหญ้าป้อน บักเลเถ้าส่วนซิตายแท้แล้ว ::)(เลี้ยงเพิ่นไว้เทิ้ง อ้ายทิด เทิ้งอา้ยโป้ยนั้นหละ::)::):g)
 
11-17-2008, 09:49 AM   #610 (permalink)
นักปราชญ์เมืองอีสาน
ศิลปินนักแต่ง ผญา
อั่นหล้า..คุณนกน้อยผญาหย่อยตอยมา
ฟังวาจา ดั่งคนเคยเว้า
อย่าหัวซาคนเถ่า ปัญญาเบาคืออ้ายพี่
อย่าถือสาพ่อใหญ่ศรี หากมีดีแต่เว้าแนวเถ่าบ่ประสา ดอกน้อง ฮ่า ๆ ๆ


ปล.ขออนุญาตหน่อยหนึ่ง นกน้อยฯอย่ากดอ้างถึงดู๋หลายเด้อ ถ้าสิอ้างถึง กะขอให้ลากคลุมข้อความที่ต้องการ แล้วก็อปปี้มาวาง พิมพ์คำว่า.อ้างถึง.เอาดีกว่า มันจั่งบ่กินเนื้อที่หรือกระทบกระเทือนต่อระบบเพิ่น
 

ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต > ผญา อ.ศรีสะท้าน

ตอบกลับ

ป้ายกำกับ
คำผญา, นักปราชญ์อีสาน, ผญา, ผญาอีสาน, ศรีสะท้าน, เรียนผญา

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 10:11 AM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม