ชุมชนบ้านมหา > ห้องสมุดบ้านมหา > ธรรมะ-รักษาจิต Religion > เทศน์แหล่อีสาน

ตอบกลับ
 
คำสั่งเพิ่มเติม เรียบเรียงคำตอบ
06-18-2009, 10:59 PM   #16 (permalink)
แบ่งปันความรู้และประสบการณ์
 
 
มาตรฐาน

4shared.com - online file sharing and storage - download 2368.mp3

เอามาฝาก(ธรรมะบรรณาการ)
 
06-18-2009, 11:29 PM   #17 (permalink)
เจ้าหน้าที่ประชาสัมพันธ์
มาตรฐาน

ป๊าด....ม่วนแฮงคั่กเด้อผุข้าเอ้ย...สะออนเสียง
สาธุ....บุญนำเด้อค่า สิพยายามเรียนเอาให่ได้จ้า
ขอบคุณอีกครั้ง
 
06-19-2009, 08:08 AM   #18 (permalink)
แบ่งปันความรู้และประสบการณ์
มาตรฐาน

อ้างถึง:
กระทู้ต้นฉบับโดยคุณ ผู้สาวไทบ้าน อ่านกระทู้
ป๊าด....ม่วนแฮงคั่กเด้อผุข้าเอ้ย...สะออนเสียง
สาธุ....บุญนำเด้อค่า สิพยายามเรียนเอาให่ได้จ้า
ขอบคุณอีกครั้ง
พยายามเรียนเอาเด้อ หัดร้องบ่อยๆๆเดียวเสียงมันกะเข้าคิง ถ้าบ่ร้องบ่อยๆๆเสียงมันสิตกเรื่อยๆๆ
ถ้ามีหยังให่ช่วยกะบอกเด้อ สิช่วยอย่างเต็มทีเลยเป็นการสืบสร้างพระศาสดาและวัฒนธรรมภาคอีสานเฮานำ

จากมหาเปรียญวัดโมลีโลกยารามราชวรวิหาร
 
06-19-2009, 01:37 PM   #19 (permalink)
เจ้าหน้าที่ประชาสัมพันธ์
มาตรฐาน

ขอบคุณหลายๆ เด้อค่าสำหรับสิ่งดีๆ ที่หยิบยื่นมาฝาก
จั่งได๋กะอย่าถือสาเด้อค่าคั่นนางสิถือโอกาสนี้ใช้งานท่านซะเลย555+++
คือตอนนี้กำลังนั่งฟังนั่งแกะเนื้อที่เพิ่นฮ้องไว่ออกมาเป็นโตหนังสือสั่นดอก
บางคำกะฟังออกบางวรรคบางตอนกะบ่ฮู้เรื่องเพราะเสียงแอ๊กโค่ก้องหลาย
อันๆ ไหนๆก็ไหนๆแล้ว คั่นได้ซ่อยกันแล้วกะซ่อยนางไปตลอดแหน่จ้า
บึ๊ย...มีการเรียกร้อง แฮ่ะๆ อีหลีตั่วค่าคั่นมีหลายหูหลายตาพากันฟังพากันเบิ่ง
ความถูกต้องในเนื้อหาและสาระมันอาจจะมีหลายกั่วเก่าสั่นตั่วค่าคนเดียวหัวหาย
หลายคนดีแท้ๆ จั่งได๋คั่นบ่รบกวนเกินไปกะซ่อยนางแกะเนื้อออกมาแหน่จ้า

ได้ฮ่วมทานมาสาธุบุญนำกันเนาะเจ้าค่ะ สาธุบุญ....
ปล. คั่นภาษาวาจาที่ใช้บ่สำรวม กะอย่าถือสาหาควมเด้อค่า



ในคืนนั้นพราหมณ์นอนเหนือที่ท้องขอบเขตพระอาวาส นุชทนาถมิ่งมัทรีมิพาฝัน
ก่อนจะหลับกระสับกระส่ายอัศจรรย์สุบินนั้นมีดั่งนี้กวีกลอน ฮือ...ฮือ.....โอ๊ยกล่าวถึงนางมัทรีแก้วแววมณีศรีปราชญ์
ผู้ฉลาดโลกนี้มัทรีอ้างดอกวางาม พอมาเสนมาตรข้ามถึงเขต ๗ เดือนมาทำเพียรถือศีลกะถิ่นวงกตกว้าง
ดวงมโนคั่นโสได้แก้วมรรคาไล่ปราสาทบ่ขยาดยอนย้านมารกล้าสิผ่าฟัน ปกติทุกทุกมื้อนั้นต้องเดินป่าหาหัวมัน ส่วนกัญหาชาลีฝากกับสามีไว้
(มื่อวานนั่งแกะออกมาได้ส่ำนี้จ้า จั่กถืกบ่ถืกนิมนต์พิจารณาให่แหน่เด้อค่า)



4shared.com - online file sharing and storage - download มัทรี.mp3

ลั่นเนินผาแสวงหากอยมันเผือกผลผลาไม้ มื้อหนึ่งตะวันได้แสงลายลับมอดพระจันทร์ทอดส่องพื้นแหนใต้หมอกบัง
มองเบิ่งเมฆกายกั้งดุจดังอาสาวะผู้บ่มีความกิเลสแหงาใจเฮ้า มัทรีอุ้มบุตรน้อยทั้งสองนอนกอดมือต่างหูปประนมกร
วอนถึงศีลที่สร้างไว้หทัยอ้างเพิงพาเสียงลมพัดซู่ซ่าสะบัดป่าสังหรณ์ ล้มหัวนอนลงไปสะเดิดตื่นทั้งเผอว่าโตเผอหรือร่างร้ายอัดลายบ่ฮู้ฮ่อง
ครองสติลุกขึ้นยืนง้วงอ่อนโหย คันพระนางสิฮ้องโอ้ยกระเสียป่าวบ่มีทอง จุดกระบองดูบุตรเงียบดีนอนนิ่ง พูดตามจริงลางเข้ามัทรีเนาว์บ่ฮู้ส่อง
นั่งสำรวมสติครองกัมมัฏฐานอ่านได้กระบองไต่มอดแสง มองไปไสกระบ่แจ้งพระพายแก่งลมตี คือจั่งมีคนเคาะปองหลายตั้งหลายครั้ง
ดวงจิตตั้งพะวังหล่าจนเวลาดึกดื่น ตาบ่มืนหลับคับได้คราวน้อยบัดเกิดลาง ฟันว่านางถูกช้างวิ่งไล่ใจหาย
แลนหมีตายผัดมีชายร่างกายหมินหม่อ มาจับคอพระนางไว้ตกกะใจได้ฮ้องโฮ่ เบิ่งกายาตนโตหูตาฟันและแขวคือด้ามยักมาร
มัทรีนางแฮ่งย้านวอนอ่านขอชีวิต มันบ่ไขความผิดต่อมัทรีทั้งนั้น จับพระขันดวงกล้ามาเจาะตาสองลูก ผูกขามือแล้วงัดไง้หัวใจน้อยแล่นหนีฝันแต่เพียงทอ่นี้
สะดุ้งตื่นตนลุก คันสิปุกกุมารย้านบ่มีทางแก้ รุกไปแก้กองไฟหาจับโด้นมากมเป่า จับกระบองพองขี้เทากว่าไฟสิลุกได้ใจเต้นเสม่นคีง
ถ้าหากนางอยู่นิ่งบ่เผยบอกคนใด กลัวจักมีเวรภัยไล่นำจำจ้อ โงคอทางทวารเอี้ยมเจียมตัวทั้งสั่น
ขณะนั้นดวงจันทร์ผัดแฮ่งคือจั่งเศร้าปบอบเป้าจอบหรณ์ใจมัทรีแฮ่งฮ้อนลมอ่อนหยุดเสียง ตาสำเรียงดูบุตรลูกลุนสองน้อย
คันสิกอยใจเอิ้นเอาไปพอเป็นหมู่พองย้านลูกทั้งคู่ตื่นตะหนกโอดฮ้องพระนางย้องพองยอง แต่นางพลัดพรากห้องทรงแทนมาเนาว์ไพร
ไผสิทายให้เบาใจเรื่องความฝันฮ้าย เป็นหรือตายไปหาพี่พระสามีสิดีกว่า จักฝันดีหรือฝันชั่วมัทรีนางบ่ฮู้อดสู้ย้ายยางดง
ถึงอาศรมบทแล้วศาลาแก้วกู่เคาะประตูสามทีกราบพี่สงัดนิ่ง เสียงพี่ตึงตัวซ้งมัทรีนางฟังอยู่ มัทรีนางฟังดูพองย้านพระพี่ฮ้ายประนมไหว้นั่งครองนอโยม...............นอ

แก้ไขครั้งสุดท้ายโดย เเมงสะดิ้ง; 06-19-2009 เมื่อ 01:51 PM
 
06-19-2009, 01:50 PM   #20 (permalink)
เจ้าหน้าที่ประชาสัมพันธ์
มาตรฐาน

บางคำอ่านแล่วบ่ฮู้ควมหมาย มันกะเลยไปบ่เป็นแหม่ะค่า
เช่นประโยคนี้ "พอมาเสนมาตรข้ามถึงเขต ๗ เดือน"
คำนี้"เสนมาตร" แปลวาหยังจ้า
คั่นสิท่องสิฮ้องไปตามเพิ่นมันกะพอได้อยู่ค่า
แต่ฮ้องไปแล้วบ่ฮู้ควมหมาย ร้องไปกะพอหนหวย
เพราะมันกะบ่แจบใจเจ่าของนั่นน๊าค่า กะเลยเรื่องมากแหน่จั่กหน่อย
อันๆ นางเว่าแว่ะๆ ถามดู๋ๆแบบนี้กะอย่าฟ่าวหน่ายเด้อค่า
อันได๋มันสำคัญกะบ่อยากข่วมอยากกายไปซื่อๆ เนาะค่า แฮ่ะๆ
 
06-19-2009, 03:04 PM   #21 (permalink)
แบ่งปันความรู้และประสบการณ์
มาตรฐาน

อ้างถึง:
กระทู้ต้นฉบับโดยคุณ ผู้สาวไทบ้าน อ่านกระทู้
บางคำอ่านแล่วบ่ฮู้ควมหมาย มันกะเลยไปบ่เป็นแหม่ะค่า
เช่นประโยคนี้ "พอมาเสนมาตรข้ามถึงเขต ๗ เดือน"
คำนี้"เสนมาตร" แปลวาหยังจ้า
คั่นสิท่องสิฮ้องไปตามเพิ่นมันกะพอได้อยู่ค่า
แต่ฮ้องไปแล้วบ่ฮู้ควมหมาย ร้องไปกะพอหนหวย
เพราะมันกะบ่แจบใจเจ่าของนั่นน๊าค่า กะเลยเรื่องมากแหน่จั่กหน่อย
อันๆ นางเว่าแว่ะๆ ถามดู๋ๆแบบนี้กะอย่าฟ่าวหน่ายเด้อค่า
อันได๋มันสำคัญกะบ่อยากข่วมอยากกายไปซื่อๆ เนาะค่า แฮ่ะๆ
คำว่า เสนมาสนั้น มันบ่มีดอกเด้อโยม แค่เขาพิมพ์เนื่องว่าพ่อทองเพชรเพิ่นแต่งไว้โดนแล้วนักเทศน์กะพากันขัดลอกจากฉบับจริง ลอกต่อๆๆกันไปกะเลยเป็นเสนมาส ซึ่งทางภาษาบาลีมันบ่มี ที่จริงมันซิเป็น สาวะนะมาส แปลว่าเดือนสิงหาคมเด้อ ให้เข้าใจตามนี้

ส่วนการขับเสภานั้น ให้ว่าตามนี้เด้อ
ในคืนนั้นพราหมณ์นอนเหนือสิงขร ขอบเขตพระอาวาส นุชชะนาถมิ่ง
มัทรีนินทราฝัน ก่อนจะหลับกระสับกระส่ายอัศจรรย์ สุบินนั้น มีดังนี้จะพลีกลอน

เจริญพรเพค่ะ
555555555555555555++
 
06-19-2009, 03:20 PM   #22 (permalink)
แบ่งปันความรู้และประสบการณ์
มาตรฐาน

กล่าวถึงนางแก้วแววมณีสีปราชฌ์ ผู้ฉลาดโลกนี้มัทรีอ้างห่างนามพอเมื่อสาวะนะมาสข้ามถึงเขต ๗ เดือนมาทำเพียรถือศีลกะถิ่นวงศ์กต
กว้าง ดวงมโนคันโสได้มรรคาไล่ปราสาทบ่ขยาดยอนย้านมารกล้าสิผ่าฟัน ปกติทุกมื้อนั้นต้องเดินป่าหาหัวมัน ส่วนกัญหาและชาลีฝากพระสามีไว้ มื้อนี้ตะวันได้แสงลายลับมอดพระจันทร์ทอดส่องพื้นแหนใต้หมอกบัง มองเบิ่งเมฆกายกั้งดุจดังอาสาวะผู้บ่มีธรรมะกิเลสแหงาใจเฮ้า มัทรีอุ้มบุตรน้อยทั้งสองนอนกอดมือต่างหูปประนมกร วอนถึงศีลที่สร้างไว้หทัยอ้างเพิงพาเสียงลมพัดซู่ซ่าสะบัดป่าสังหรณ์ ล้มหัวนอนลงไปสะเดิดตื่นทั้งเผอว่าโตเผอหรือร่างร้ายอันตรายบ่ฮู้ฮ่อง ครองสติลุกขึ้นยืนง้วงอ่อนระโหย คันพระนางสิฮ้องโอ้ยกระเสียป่าวบ่มีฮอง จุดกระบองดูบุตรเงียบดีนอนนิ่ง พูดตามจริงลางเข้ามัทรีเนาว์บ่ฮู้ส่อง นั่งสำรวมสติครองกัมมัฏฐานอ่านได้กระบองไต่กะมอดแสง มองไปไสกระบ่แจ้งพระพายแก่งลมตี คือจั่งมีคนเคาะปองหลายตั้งหลายครั้ง ดวงจิตตั้งพะวังหล่าจนเวลาดึกดื่น ตาบ่มืนหลับคับได้คราวน้อยบัดเกิดลาง ฟันว่านั้นนางถูกช้างวิ่งไล่ใจหาย แลนหนีตายผัดมีชายร่างกายทะมินหม่อ มาจับคอพระนางไว้ตกกะใจได้ฮ้องโฮ่ เบิ่งกายาตนโตหูตาฟันและแขวกะคือด้ามยักมาร มัทรีนางแฮ่งย้านวอนอ่านขอชีวิต มันบ่ไขความผิดต่อมัทรีทั้งนั้น จับพระขันดวงกล้ามาเจาะตาสองลูก ผูกขามือแล้วงัดไง้หัวใจน้อยแล่นหนี ฝันแต่เพียงทอ่นี้
สะดุ้งตื่นตนลุก คันสิปุกกุมารย้านบ่มีทางแก้ รุกไปแก้กองไฟหาจับโด้นมากมลงเป่า จุดกระบองพองขี้เทากว่าไฟสิลุกได้ใจเต้นเสม่นคีง ถ้าหากนางอยู่นิ่งบ่เผยบอกคนใด กลัวจักมีเวรภัยไล่นำจำจ้อ โงคอทางทวารเอี้ยมเจียมตัวทั้งย้านสั่น ขณะนั้นดวงจันทร์ผัดแฮ่งคือจั่งเศร้าปอบเป้าจอบหรณ์ ใจมัทรีแฮ่งฮ้อนลมอ่อนหยุดเสียง ตาสำเรียงดูบุตรลูกลุนสองน้อย คันสิกอยใจเอิ้นเอาไปพอเป็นหมู่พองย้านลูกทั้งคู่ตื่นตะหนกโอดฮ้องพระนางย้องพองยอง แต่นางพลัดพรากห้องทรงแทนมาเนาว์ไพร ไผสิทายให้เบาใจเรื่องความฝันนี้ เป็นหรือตายไปหาพี่พระสามีสิดีกว่า จักฝันดีหรือฝันชั่วมัทรีนางบ่ฮู้อดสู้ย้ายยางดง ถึงอาศรมบทแล้วศาลาแก้วกู่เคาะประตูสามทีกราบพี่สงัดนิ่ง เสียงพี่ตึงตัวซ้งมัทรีนางฟังอยู่ มัทรีนางฟังดูพองย้านพระพี่ฮ้ายประนมไหว้นั่งครองนอโยม...............นอ
 
06-19-2009, 04:17 PM   #23 (permalink)
เจ้าหน้าที่ประชาสัมพันธ์
มาตรฐาน

อ้างถึง:
กระทู้ต้นฉบับโดยคุณ mahazaa อ่านกระทู้
คำว่า เสนมาสนั้น มันบ่มีดอกเด้อโยม แค่เขาพิมพ์เนื่องว่าพ่อทองเพชรเพิ่นแต่งไว้โดนแล้วนักเทศน์กะพากันขัดลอกจากฉบับจริง ลอกต่อๆๆกันไปกะเลยเป็นเสนมาส ซึ่งทางภาษาบาลีมันบ่มี ที่จริงมันซิเป็น สาวะนะมาส แปลว่าเดือนสิงหาคมเด้อ ให้เข้าใจตามนี้

ส่วนการขับเสภานั้น ให้ว่าตามนี้เด้อ
ในคืนนั้นพราหมณ์นอนเหนือสิงขร ขอบเขตพระอาวาส นุชชะนาถมิ่ง
มัทรีนินทราฝัน ก่อนจะหลับกระสับกระส่ายอัศจรรย์ สุบินนั้น มีดังนี้จะพลีกลอน

เจริญพรเพค่ะ
555555555555555555++

ในคืนนั้นพราหมณ์นอนเหนือที่ท้องขอบเขตพระอาวาส นุชทนาถมิ่งมัทรีมิพาฝัน

------>

ในคืนนั้นพราหมณ์นอนเหนือสิงขร ขอบเขตพระอาวาส นุชชะนาถมิ่ง
มัทรีนินทราฝัน


5555++ฟังอันเดียวกันกะด้อ ยังห่างไกลกันหลายเนาะค่า
กะหย่อนจั่งซี่นั่นแล๊ว...ข่ะน้อยจั่กอยากมาเว่ามาถามนำผุเพิ่นฮู้แจ้งอีหลี
ขอบคุณค่ะที่มาไขควมกระจ่าง สาธุ...
 
06-19-2009, 04:20 PM   #24 (permalink)
แบ่งปันความรู้และประสบการณ์
มาตรฐาน

อ้างถึง:
กระทู้ต้นฉบับโดยคุณ ผู้สาวไทบ้าน อ่านกระทู้

ในคืนนั้นพราหมณ์นอนเหนือที่ท้องขอบเขตพระอาวาส นุชทนาถมิ่งมัทรีมิพาฝัน

------>

ในคืนนั้นพราหมณ์นอนเหนือสิงขร ขอบเขตพระอาวาส นุชชะนาถมิ่ง
มัทรีนินทราฝัน


5555++ฟังอันเดียวกันกะด้อ ยังห่างไกลกันหลายเนาะค่า
กะหย่อนจั่งซี่นั่นแล๊ว...ข่ะน้อยจั่กอยากมาเว่ามาถามนำผุเพิ่นฮู้แจ้งอีหลี
ขอบคุณค่ะที่มาไขควมกระจ่าง สาธุ...

ยินดีที่ได้ช่วยเด้อ
ถวายพระพรเพค่ะ55555555+++
 
06-19-2009, 04:23 PM   #25 (permalink)
เจ้าหน้าที่ประชาสัมพันธ์
มาตรฐาน

ขอบคุณค่ะ มีโอกาสสิเนรคุณ
ฮ่วย...เว่าผิดเด๊ะเนาะ หึย....
555+++
 
06-19-2009, 04:34 PM   #26 (permalink)
แบ่งปันความรู้และประสบการณ์
มาตรฐาน

อ้างถึง:
กระทู้ต้นฉบับโดยคุณ ผู้สาวไทบ้าน อ่านกระทู้
ขอบคุณค่ะ มีโอกาสสิเนรคุณ
ฮ่วย...เว่าผิดเด๊ะเนาะ หึย....
555+++
เนรคุณโลดเด้อถ้าบ่ย้านผิดครู 55555++
เจริญพรเพค่ะ5555555+++

มัทรีคำกลอน พอตะวันเบี่ยงค่ายตอนบ่ายจวนสิตก สามสัตว์เดินเวียนวนหลีกหนีไปแล้ว มัทรีเดินปานเรือจ้างตามทางรีบเร่ง เกรงว่าลูกตัวเองสิคองคอยอยู่ท่าละอาเอ้าเงางม หาบกะเช้าแล่นเกือบล้ม ม้มป่าถึงศาลา คอยบุตราสิมารับลัดทางกะจางจ้อย งอยศาลาระงมเอิ้นเดินลงมาแคมป่า ชาลีเอ้ย กัณหาแม่เจ้ามาฮอดแล้วคำแก้วไปอย่ใส หรือว่าพวกเจ้าได้ลี้ช้อนหัวชุกกุกท่อใด๋แห่งเย็นมิด เงียบเสียงบ่ขานต้าน ใจบ่บานพระนางน้อยวนเวียน ตั้งหลายแห่ง พ่องสงสัยว่าลูกแกล้งกลล้อหลอกลวง ปากว่ามาคำมาค่ำแลงลงแล้ว ถึงหว่างลางกูแหล่วหลายแนวแต่พ้อผ่าน หาบ่พ้อกุมารขึ้นกราบกรานพระเวสเจ้า พระนางเว้ากล่าวถาม ลูกเฮาตายจุ่มน้ำหรือเข้าป่าวนาใด๋ พี่ปล่อยสองสายใจบ่ล่ำแลชั่นหรืออ้าย น้องหมดทางสิหาแล้วจึงกลับมาถามพี่ บอกมัทรีสาโดยดี เดียวนี้ยามค่ำคล้อย บ่จักย้ายสิเที่ยวหา แล้วละน่าพี่พระองค์...นอฯ
 
06-21-2009, 10:27 AM   #27 (permalink)
แบ่งปันความรู้และประสบการณ์
มาตรฐาน

4shared.com - online file sharing and storage - download สด2.mp3

เอามาให้ฟังอีกเด้อพี่น้อง
 
07-03-2009, 12:08 PM   #28 (permalink)
ศึกษาหาความรู้
มาตรฐาน

ชาลีคำกลอน กลอนนี้ผมเรียนเทศ์แต่เป็นเณรน้อย เพิ่นให้จดเอา....
เมื่อนั้นชาลีท้าวบังคมถวายบาท ยอหัตถบาทเบื้องประนมไหว้ปู่พระยา แล้วจึงอ้าโอษฐ์แย้มคำอ่อนหวานหู จาคำหวานต่อองค์พระยาเจ้า คราวนี้ตัวหลายหล่าชานีน้อยอ่อน สิขอละเนตรเนื้อไล่ข้างปู่พระยา กับทั้งย่าแจ้มเจ้านามหน่อผุสดี ขอให้ภูมีพระอยู่สบายหายฮ้อน อย่าได้อาวรณ์แค้นคะนิงถึงน้อยอ่อน กะตามถ่อนฮ่าลางเทื่อบุญบุญกัณหาชาลีมักหากมีมากล้นยังสิได้นั่งเมืองดอกนา ค่อมว่าท้าวฮ่ำแล้วมือผ่าเผลียงอก ชลธาไหลตกอเนกนองฮำหน้า พระกายาเยื้อนอัสสุชลไหลหลั่ง น้ำพังอยู่ย่วยๆบ่มีเอื่อนเหลือนไหล พระกรซาวจับได้บาทาทูลเกศ ยอเอาตีนเทศไท้ลาเจ้าปู่พระยา ให้ค่อยอยู่เด้อ......สญชัยเจ้าพระยาหลาวตนปู่ กับทั้งยาแจ่มเจ้าถนอมเลี้ยงให้ใหญ่มา อย่าได้อาลัยแค้นดอมอวนสองอ่อน ขอให้หายโหดฮ้อนเวรฮ้ายอย่าพาน ทุกค่ำเช้าให้เพียรพร่ำบำเพ็ญศีล ภาวนามัยแผ่ญาณเลิงเรื่อย อย่าได้เหือยฮนฮ้อนนอนปรางค์เป็นเอก วิเวกคอยไค่น้อยภายหน้าหากสิเห็นดอกน่าปู่และย่าเอย...........
 
07-03-2009, 12:10 PM   #29 (permalink)
ศึกษาหาความรู้
มาตรฐาน

คราวนี่มันหากอัสสุชลแค้นแสนพระทัยกลิ้งเกลือนจริงแหล่ว ตัวชาลีมันสิเลื่อนๆไห้นำก้นแม่มัทรี โอนอตั่งแต่กี้ยังมีอัยกีเทียมข้างพระยาหลวงเทียมผ่างนั้นเด คราวนี้ตัวชาลีมันสิไปผ่างก้อนหินเงื้อมหว่างใด๋ หลานมาเหลือใจเด้อกสิเพแตกแล่ง ถึงยามแลงคือสินั่งค้อม้อเซาซ้อนฮ่มสะแบง เอาตองฮังมาแฟงข้างเครือยานามาเขนวอู่แม่มัทรีคือสิกวนต้อนแต้นแกมเชื้อหมู่ลิง ถึงยามค่ำมืดแล้วกะสิอยู่ในผา ถึงเมื่อยามแลงมากะสิอยู่ดอยดงกว้าง เหลียวไปไสเห็จแต่ดอยขวางขั้นตันตามืดจุ่มกุ่มสานอ ตัวชาลีมันสินั่งค้อม้อคั่นเฮในอยู่จั่งใด๋นอ พระปู่เอย.............................
 
07-04-2009, 05:40 PM   #30 (permalink)
ศึกษาหาความรู้
มาตรฐาน ขอติเพื่อก่อ ขอต่อเพื่อเต็ม

อ้างถึง:
กระทู้ต้นฉบับโดยคุณ ผู้สาวไทบ้าน อ่านกระทู้
เอามาลงเพิ่มค่ะ wat :: MVI_0007.flv video by toursweden - Photobucket
ฮ้องได้อยู่แค่สองกลอนเท่านี้จากเสียงของผู้ร้องนั่นล่ะจ้า
เพราะคนฟังเพิ่นคาแต่ฮ้องไห้นำมัทรีเอิ้นหาลูกอยู่

หึย....โศกปานนี้กะหยังมีใจมาเต้นใส่อยู่น๊อค่า....อิอิ
อ้าว...บาดเนี่ยงวกมาเว่าเรื่องกลอนใหม่ที่ได้มานิ่
สิให่สาวไทบ้านเดาทำนองเอาเองบ่น๊อจ้า หือได๋
อยากได้ยินตัวอย่างจั่กหน่อยกะยังดีเด้เนาะ ไผเด้หนอสิซ่อยได่
ให่ฟ่าวออกมาแจ้งแถลงไขแหน่เป็นหยังน๊อท่านเอ๋ย
เสียงดี แต่ทำนองยังบ่แจ่ม สังวาทลำกะบ่แม่นเทศน์กะบ่แม่นอิอิอิอิ เอาให้ชัดสิลำหรือเทศน์ แต่เสียงดีอยู่อิอิอิอิ ออกเสียงอักขระหลายมันสิบ่เศร้า ต้องไปเสียงตามธรรมชาติ เวลาเศร้าใผ๋สิมีกะจิตกะใจนำเสียอักขระน้ออิอิจากขวดน้อย:1-
 
ชุมชนบ้านมหา > ห้องสมุดบ้านมหา > ธรรมะ-รักษาจิต Religion > เทศน์แหล่อีสาน

ตอบกลับ
คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 02:03 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน