เนื่องจากน้องหลินนิสัยบ่ดี เป็นเหตุให้มีคำสั่งต้องไปอบรม แต่น้องหลินหั่งเห็นว่าเป็นการพักร้อนเบิ่งเมืองกรุงอันศิวิไลซ์หลายกว่าค่ะ เดินทางไปฮอดเช้าวันที่ 26 กะเข้าห้องอบรมเลยค่ะ ฟังไป กะเหงานอนพร้อม แต่เบิ่งเผิน ๆ คือจั่งพยักหน้าเข้าใจยามวิทยากรอธิบายค่ะ อิอิ..
และสิ่งที่ประทับใจที่จะบ่มีมื่อลืมเลยตลอดชีวิต คือวันที่ 27 สมเด็จพระเทพฯ
เสด็จไปทรงถวายผ้ากฐินพระราชทาน ณ วัดภคินีนารถวรวิหาร ซึ่งอยู่ใกล้ ๆ
กับโรงแรมที่น้องหลินไปอบรมพอดี หลังจากพักเบรกบ่าย น้องหลินกะหลอย...อิอิ
น้องหลินบ่แน่ใจว่าเหมาะสมบ่ที่เอามาลง ถ้าเอื้อยอ้าย
ทีมงานท่านอื่นเห็นว่าบ่เหมาะสมลบภาพนี่กะได้เด้อค่ะ
ใจเต้นตุ๊บ ๆ จนย่านว่าคนข้าง ๆ จะได้ยินเลยค่ะ
ตามนั้นค่ะ
สะพานกรุงธน แม่น้ำเจ้าพระยา ตามประสาคนบ้านนอกบ่เคยเห็นเลยตื่นเต้นหลายค่ะ
คืนแรกของการไปพักเมืองกรุง อ้ายดุลย์ อ้ายต่วง อ้ายเอ๋ ให้การต้อนรับ
อ้ายเอ๋ (บ่าวห้วยละโอง) ตัวแทนจุ้มสวนอ้อยกะมาแป๊บหนึ่งแล้วกะไป วีซ่าเบิดอายุหรือจั่งได๋คะ
หลังจากนั้นตลอดเวลาการเข้าคอร์ส (บุ๋ย) กะบ่มีหยังตื่นเต้นอีกค่ะ
จนฮอดมื่อวันที่ 29 มีอบรมแค่ช่วงเช้าช่วงบ่ายกะว่างน้องหลินเก็บกระเป๋า
ไปฝากไว้หมอชิตแล้วไปเยี่ยมยามปั้ม (บ่) ฮ้าง
ผู้จัดการปั้มเพิ่นเชิญตั้งแต่มื่อแรกที่มาฮอด กทม. แล้วค่ะ
เห็นเพิ่นกำลังย่างปลาอีฮือ มะลุ๊กขุ๊กขุ่นอยู่ค่ะ เครื่องแบบผู้จัดการเต็มยศถอดแต่เสื้อนอก อิอิ
ฝ่ายแกงเห็ดละโงกกะพวมเด็ดใบส้มโมง น้องหลินถามว่ามีหยังให้ซ่อย “นั่งถ่ากินโลดพ่ะน่ะ”
เพียงอึดใจเดียวกะมีพ่อครัวรูปหล่อมาย่างปลาอีฮือแทน อ้าย ๆ น้องแพ้เครื่องแบบเด้อค่ะเด้อ
พอมีคนย่างปลาอีฮือแทนแล้ว เจ้าของบ้านกะหันไปได้ครกสาก ตำกุ้งใส่หมากกอกเหิ่ม เพิ่มอีกหนึ่งจานใหญ่
สักพักทหารรูปหล่อกะมาฮอด อ้าย ๆ น้องแพ้เครื่องแบบเด้อค่ะเด้อ....พร้อมใจกันแต่งมาคัก
“ศุกร์บ่ายสิให้ใส่ชุดหยังล่ะหลิน หมากกอกทางเล็บสับซ้าน้อ..” เพิ่นว่า “เสาร์น้อยซั่นดอกอ้ายไผ๋ว่าศุกร์บ่าย”
เครื่องแบบหนุ่มออฟฟิสกะเท่ห์บ่แพ้กัน ครั้งแรกที่ได้พ้ออ้าย “หมากกะเบา” ลีลาม้วนผักกินขาดเลยค่ะอ้าย
เครื่องแบบยาม เบิ่งยามได๋กะยามเก่า กระเป๋าคาดพุง
อาหารการกิน ที่ผู้จัดการปั้ม (บ่) ฮ้างเพิ่นจัดหาไว้ค่ะ แซ่บ ๆ เบิดสู่แนว
ขอบคุณหลาย ๆ สำหรับทุกสิ่งอย่างค่ะอ้ายทุกคน
ขอบคุณเอื้อยเด็กน้อย สำหรับตุ๊กตาเป็นตาฮัก กับจดหมายน้อย..
โอกาสหน้าน้องหลินไปแบบบ่มีคำสั่งน้องหลินจะไปยามฮอดบ้านเด้อค่ะเอื้อย
Bookmarks