หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: คนที่ใช่ แต่ไร้สิทธิ์..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    คนที่ใช่ แต่ไร้สิทธิ์..

    วาสนามาพ้อ คนที่คิดว่าใช่ แต่หัวใจผัดไร้สิทธิ์
    พรหมลิขิตแนวได๋ จั่งให้มาเป็นแนวนี้
    เขาผัดมีเจ้าของแล้ว อดหลงแซวไปหลายเทื่อ
    หลงปันเผื่อหัวใจให้ แนวที่ได้คือผิดหวัง
    แต่กะซ่างอ้ายเถาะหล่า ขอเวลาอ้ายสักนิด
    ฮู้ว่าผิดอยู่ดอกหล่า ที่มาเฝ้าแม่นแฟนเขา
    ถึงแม่นฟาวแนวหวังซ้อน บ่ลดทอนคำนึงคิด
    ขอใช้สิทธิ์แค่คิดฮอด พอส่วงซอดแต่ละวัน
    พอเติมฝันที่อ้างว้าง ใจเพพังได้สู้ต่อ
    ถึงว่าบ่มีสิทธิ์เฝ้า ขอเพียงเว้าว่า "คิดถึง" แน่เด้อ...

  2. #2
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    มาเว้าเป็นตาหลูโตนแท้นอ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    หึยย บาดสิว่ากะดาย ..

    เห็นว่านางขี่ฮ่ายหยอกแทนได่อยู่เด้อ
    คนที่ไผ๋ซายหลงเพ้อสะอ้อนโอ้โอ่หา
    ถึงบ่ใช่ในสายตากะตะฮักอยู่ดอก
    คำเว่าอาจสิบ้านนอกแต่น้ำใจนั่นใสส่อง
    เทียวมาแว่เกี่ยวข้อง ย่านเจ้านั่นเหงามโน..ซั่นดอกหว๋า..


    ..มาหยอกเกลอเก่า ... อยากเห็นแข่วหว่องเล้ายามเล้ายิ้ม..อิอิ
    มองต่าง..อย่างปลง

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    กระทู้ต้นฉบับโดยคุณ mikaze
    หึยย บาดสิว่ากะดาย ..

    เห็นว่านางขี่ฮ่ายหยอกแทนได่อยู่เด้อ
    คนที่ไผ๋ซายหลงเพ้อสะอ้อนโอ้โอ่หา
    ถึงบ่ใช่ในสายตากะตะฮักอยู่ดอก
    คำเว่าอาจสิบ้านนอกแต่น้ำใจนั่นใสส่อง
    เทียวมาแว่เกี่ยวข้อง ย่านเจ้านั่นเหงามโน..ซั่นดอกหว๋า..


    ..มาหยอกเกลอเก่า ... อยากเห็นแข่วหว่องเล้ายามเล้ายิ้ม..อิอิ

    ฮ่าๆๆๆๆๆๆ อยากเห็นแข่วหว่องว่านิแมะ หน่ายคนเด้ เอิ๊กๆๆๆๆ


    เห็นว่าคนผุฮ่าย กะหยอกได้อยู่ พะนะ
    ถึงบ่ใช่ในสายตา กะตาฮักอยู่เด้อเจ้า ว่าส้านนน..
    ล่ายคำหวานมาหยอกเล่น ย่อนอยากเห็นหม่องแข่วหว่อง
    คนหม่นหมองผัดแม่นอ้าย สิตายแล้วล่ะนางเอ้ย..
    เขามาเปรยเพียงคำเว้า แล้วทิ่มเฮาให้อกหัก
    เจ็บปวดคักในมโน ย่อนใจโตหลงมักเจ้า
    ผุที่เขามีคู่สร้าง เดินฮ่วมทางย่างเคียงคู่
    แสนอดสูแม่นใจอ้าย พ้อคนใช่แตไร้สิทธิ์
    แต่ขอคิดถึงบ้าง แน่เด้อนางพอใจอุ่น
    พอเป็นทุนส่งยู้ สู้งานบ้างบาดเมื่อยแฮง
    เพียงขอแงงในบางครั้ง เติมพลังให้ใจหม่น
    ขอเป็นคนที่คิดพ้อ พอตายแล้วกะสิลืม..ดอก นางเอย...

  5. #5
    แบ่งปันความรู้และประสบการณ์ สัญลักษณ์ของ บ่าวเคน
    วันที่สมัคร
    Jun 2009
    ที่อยู่
    อุบลฯ เมืองดอกบัวงาม
    กระทู้
    360
    อ้ายบ่าวก๋าคาม ขอฝากโตเป็นลูกแหล่งแหน่เด้อ ผญาเลา ม่วนยุ

  6. #6
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    กระทู้ต้นฉบับโดยคุณ บ่าวเคน
    อ้ายบ่าวก๋าคาม ขอฝากโตเป็นลูกแหล่งแหน่เด้อ ผญาเลา ม่วนยุ
    บ่าวเคนเอ้ย...
    อย่าสะว่าแนวนั้น อยากอายท่านอาจารย์เพิ่น
    บ่าวกะพอกะเทิน ม่วนนำเพิ่นไปสั่นแหล่ว แนวเฮียนฮู้กะบ่หลาย
    กะสิไคคันโตเจ้า ซวนกินเหล้าพอได้ม่วน
    หรือสิซวนกินลาบก้อย ปากซอยข่อยแซบหลาย...


    มาตี้ล่ะ..บ่าวเคน

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ฝนตกมาพายุเข้า อีกลมหนาวกะมาฮ่วม
    ผ้าห่มนวมที่เก็บไว้ สิได้ใช้อีกเทื่อสอง
    ตาเหลียวมองมือลูบผ้า ถึงสิหนากะบ่อุ่น
    คิดฮอดแก้มจุ่นพุ่น คงสิหมูนหมอนแนบข้าง อิงแอบร่างอยู่กับเขา
    ส่วนโตเฮาทางพี้ ถึงสิมีผ้าตุ้มห่ม
    หนาวฟ้าลมห่มกายไว้ แต่ใจฮ่างๆซ่างบ่เซา หนาวแท้
    กะเพียงแต่ความฝันอ้าย อยู่ในใจที่คิดต่อ
    คิดสิรอน้องหล่า จนล่ะว่าเขาตาย (บ่ได้แซ่งเด้อ)
    หลวมหัวใจไปมักเจ้า ถึงสิเฒ่ากะตามซ่าง
    กะสิรอแต่นาง บ่เคยห่างจากใจอ้าย คนที่ใช่..แต่ไร้สิทธิ์...

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    หนาวลมฝนปนความเศร้า
    สายลมหนาวแล้วหล่ะพี่
    ยังบอมีความเว้าของเจ้า
    สิเอ่ยขอ
    ปล่อยให้คอยแล้วมาล่อ
    แมนไผ๋น้อเพินมาเล่า
    ว่าน้องเอาผู้ซายซ้อน
    ซ่างมาเว้าบอแมนความ
    ผ้าห่มนวมดอกผืนนั่น
    น้องคอยวันสิไปห่ม
    บอต้องจ่มดอกอ้าย
    มีสิทธิ์ได้ว่าแน่นอนสั้นแหล่วอ้ายเอ้ย
    แก้ไขครั้งสุดท้ายโดย chudhancock; 24-01-2010 at 00:28.

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    กระทู้ต้นฉบับโดยคุณ บ่าวก๋าคาม
    ฮ่าๆๆๆๆๆๆ อยากเห็นแข่วหว่องว่านิแมะ หน่ายคนเด้ เอิ๊กๆๆๆๆ


    เห็นว่าคนผุฮ่าย กะหยอกได้อยู่ พะนะ
    ถึงบ่ใช่ในสายตา กะตาฮักอยู่เด้อเจ้า ว่าส้านนน..
    ล่ายคำหวานมาหยอกเล่น ย่อนอยากเห็นหม่องแข่วหว่อง
    คนหม่นหมองผัดแม่นอ้าย สิตายแล้วล่ะนางเอ้ย..
    เขามาเปรยเพียงคำเว้า แล้วทิ่มเฮาให้อกหัก
    เจ็บปวดคักในมโน ย่อนใจโตหลงมักเจ้า
    ผุที่เขามีคู่สร้าง เดินฮ่วมทางย่างเคียงคู่
    แสนอดสูแม่นใจอ้าย พ้อคนใช่แตไร้สิทธิ์
    แต่ขอคิดถึงบ้าง แน่เด้อนางพอใจอุ่น
    พอเป็นทุนส่งยู้ สู้งานบ้างบาดเมื่อยแฮง
    เพียงขอแงงในบางครั้ง เติมพลังให้ใจหม่น
    ขอเป็นคนที่คิดพ้อ พอตายแล้วกะสิลืม..ดอก นางเอย...
    โอ้หนอซายเอ๋ย
    แม่นเจ้าใจประสงค์แก้วเมืองขอดนาขันต์
    ใจประสงค์ตั้งมั่นส่างบ่เพียรเอาจนได่
    หือแม่นกล่าวจาไป ตามควมสนุกม่วน
    ใจบ่ซ้วนต่งเอา นำปากว่าตีแถลง
    หือแม่นทางในนั่น มีเครือข้องจ่องหลัง..แล้วน้อ
    หือว่ามีแล้วคู่ซ้อน ทางหลังเพิ่นนั่งคอย สาน้อ
    มองต่าง..อย่างปลง

  10. #10
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ยามมาพ้อคนแม่นนั้น
    แต่ความฝันบ่าวแตกมุ่น
    โถ.พ่อคุณบ่าวเฒ่า
    คือมาเว้าตะเหลือโตน...
    คึดนำเขาเหงาโอ้นโต้น
    ยืนข้างโพนคึดอ่ำหล่ำ
    หน้าจนดำก่ำก้าน
    ศอกด้านตีนเป็นหนอง ...แท้น้อ

    อยากได้บ่คนซ่อยอ้าย
    เฮ็ดให้คลายเหงาส่วง
    อยากได้บ่คนห่วงอ้าย
    ไปนอนผ้ายเผื่อหนาว...555555555

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •