ก๋วยจั๊บน้ำใส...แบบไกลบ้านจ้า

[ติ๋ม เปอร์โย]

ก๋วยจั๊บน้ำใสจ้าพี่น้อง ใสอิหลี เบื่อๆก๋วยเตี๋ยวเลยเปลี่ยนเป็นก๋วยจั๊บเด้อมื้อนี่...ง่ายๆจ้า
เครื่องปรุงกะขาดๆเกินๆตามประสาคนไกลบ้านเนาะจ้า...พี่น้องทางไทยกะเอาไปดัดแปลงเอาเด้อจ้า
อันดับแรกต้มน้ำซุปก่อนจ้า กระดูกหมู เครื่องในหมู...ติ๋มหาได้แค่ตับ+หัวใจ ใส่หม้อตุ๋นใส่เครื่องตุ๋นเนื้อเคิ่งห่อจ้า
ปรุงรสน้ำตาลปึก1ก้อน ซีอิ๊วขาว เกลือ ผงรสดีนิดหน่อย(ซีอิ๊วดำนำเด้อคั่นกิน)
หอมใหญ่ กระเทียม เม็ดพริกไทยดำ รากผักชี...ตุ๋นไฟอ่อนๆจ้า ตักฟองถิ่มนำแหน่เด้อจ้า
ตุ๋นจัก1ชั่วโมงกะเอาตับ+หัวใจ มาหั่นจ้าเตรียมไว้...เส้นก๋วยจั๊บแช่น้ำ แล้วต้มให้สุกจ้า
เนื้อสันในหมูกะหั่นบางๆลวกพอสุก...ถั่วงอกกะลวกแหน่จักหน่อย...หั่นต้นหอม+ผักชี

เอาถั่งงอกลวกใส่ถ้วย ใส่เส้นก๋วยจั๊บ เนื้อลวก ตับ+หัวใจ โรยกระเทียมเจียว ต้นหอม ผักชี
ตักน้ำซุปใส่ ปรุงรสตามมักเลยจ้า...คั่นมักไข่ต้มกะต้มไข่ ผ่าซีกใส่ลงไปนำเด้อพี่น้อง
คั่นอยากให้เป็นก๋วยจั๊บน้ำข้นกะ ต้มก๋วยจั๊บพอสุก ละลายแป้งมันใส่ลงไปกะสิเป็นก๋วยจั๊บน้ำข้น...

หยุดอาทิตย์ที่แล้ว...กะซุปหน่อไม้...กินอยู่3มื้อกะบ่เบิด...แนวติ๋มกินข้าวมื้อละครั้งเนาะจ้า...เทือจ่อยอีก อิอิ
ซุปหน่อไม้ ใส่หมากพริกดิบจี่ไฟเด้อ..งาคั่วพร้อม แซบคัก...กินบ่เบื่อจักเทือหน่อไม้...มักหลาย8)

[สาวทุ่งฝน]

ออนซอนซุบหน่อไม้เด้เอื้อย คิดฮอดบ้านบักคัก
ก๋วยจั๊บกะยังว่าเฮ็ดเป็นอยู่ ตะซุบหน่อไม้เฮ็ดบ่เป็น
แง้้้้ๆๆ อยากกิน

[บ่าวกันต์]

บุ๊ยๆๆๆๆๆๆๆ แซ๊บ แซบ

.
.

เอาไปส่งหน้าบ้านแหน่ อยากกินอีก

แซบๆๆๆๆๆๆๆ

บอกได้คำเดียวว่า แซบ

[ศรีสะท้าน]

เป็นตาแซบเนาะก๊วยจั๊บ กับซุบไม้ไผ่ โอ๊ะซุบหน่อไม้เพิ่นแมะ

[ตรี ศรีเมืองใหม่]

มากินเป็นตาจ่อยแท้ละน้อง.... จ่อยลงอีกสัก 2 กิโล รับรอง งานบ้านมหาพาแลงปีนี้ มิสบ้านมหาคงหนีบ่อพ้น ติ๋ม เปอร์โย แน่ๆ อิอิๆๆๆๆ

[สาวส่าเมืองอุดร]

โอ้ยน้อ..แม่ดองจ้า มาอิจฉาแท้น้อ คิดอยากกินยังกะเฮ้ดกินได้ทันที ทางนี้ตี้ ได้แต่คิดเอา
มันหล่ะบ่มีหยังเอาโลดจ้า กินเพื่อแน่เด้อจ้า อันซุปหน่อไม้กะจั้งแม้นเป้นตาแซบเนาะจ้า8):g

[ลูกหินกอง]

อยู่ไกลบ้านกะมี่ข้าวเหนียวคือกันน้อครับ..เป็นตาแซบอยู่ครับเอื้อยติ๋ม:g:g

[หนุ่มลำซี]

เป็นตาแซบน้อครับพี่ซุบหน่อไม้แหม...กินกับก่วยจั๊บแหม::)::)

[ขอโทษที่คิดถึง...เด็กดื้อ]

เฮ็ดอีหย้งกะเป็นตาแซบเบิดจ้า ให้กินนำแนะเด้อจ้า ...อิอิอิ

[แหลวแดง]

ได๋ว่าไดเอตๆหั่นเด๋คับ แบบนี้มีแต่แนวแซบๆน้ำหนักสิบ่ขึ้นติน้อ อิอิ นำจักถ้วยแหน่คับ อ๊าหหหหหห:g:g