ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง

 
คำสั่งเพิ่มเติม เรียบเรียงคำตอบ
01-17-2009, 02:55 PM   #1 (permalink)
เจ้าหน้าที่ประชาสัมพันธ์
 
รูปส่วนตัว เซียงเหมี่ยงเมืองสุรินทร์
 
ดูวีดีโอ YouTube ออนไลน์ อ้าย เอ๋&โอ๋ พจนา ศิลปินเลี้ยงไก่(ตี)


เซียงเหมี่ยงฯ ได้มีโอกาส ไปยาม อ้าย เอ๋ พจนา ทางรถทางรัก นั่นล่ะครับ ไปเที่ยวซุ้มไก่ตีเผิ่นอยู่คลองหกปทุมธานี กะเคยได้ติดตามผลงานเพลงเลามาต่าโดนแล้วล่ะ แต่ว่ากะบ่ได้คิดว่าสิไปแสวงหาพบพ้อเล้าดอก แต่ว่าพอได้มีโอกาสได้คุยเรื่องไก่ตี
เซียงเหมี่ยงฯ อยู่บ่ได้แล้วแอ่วพี่ ๆ ให้พาไปโลดครับ นี่ล่ะครับ ลูกบ้าของซุมมักไก่ตี ฮิ ฮิ ..::)::)

อันนี้ทางเข่าไปครับ พอดีกลางทางเข้ารถหกล้อไปจอดเสียขวางทาง ขับรถเข้าไปบ่อได้จอดรถลงหย่าง ใจเอาขนาดครับ อิ อิ ::)::)

อ้าย เอ๋&โอ๋ พจนา ศิลปินเลี้ยงไก่(ตี)

บรรยากาศสวนเผิ่นครับ เนื้อที่กว่าแปดไร่ เลาซื้อไว้ตั้งแต่ไร่ละบ่พอล้าน เดียวนี้ถนนใหญ่สิตัดผ่านราคาไปไกลแล้วล่ะ เลากระซิบบอก..

อ้าย เอ๋&โอ๋ พจนา ศิลปินเลี้ยงไก่(ตี)

มาฮอดกะเห็น บรรยากาศ กว้างขวางครับพื้นที่เลี้ยงไก่ตีเลา..

อ้าย เอ๋&โอ๋ พจนา ศิลปินเลี้ยงไก่(ตี)

อีกภาพครับ เลาเอาไว้ปล่อยไก่แล่นออกกำลังกาย กะย่อนว่าเป็นไก่นักกีฬาเนาะครับ อิ อิ ..::)

อ้าย เอ๋&โอ๋ พจนา ศิลปินเลี้ยงไก่(ตี)

มาฮอดข้างใน เผิ่น โอ๋ พจนา เสื้อลายหันดากมานั่นล่ะครับ พาหย่างเบิ่งไก่ หลายคักอยู่ครับไก่เผิ่น..

อ้าย เอ๋&โอ๋ พจนา ศิลปินเลี้ยงไก่(ตี)

มาเบิ่งไก่โตเก่งเผิ่น พากันซอมคักสองผู่เฒ่า "โฮเกล็ดแข้งคือแตกคือตรงตามตำราแท้" เผิ่นว่า อิ อิ ..
อ้ายเอ๋ บอก คันโตบักหวายนี่ออกตี "สิเอานาไปจำนองมาลง" พะนะ เซียงเหมี่ยงฯ ว่า "โฮคือ คักแท้น้อ"..เลาบอกว่า "นาพ่อเฒ่าดอกน้องหล่า" ..ฮิ ฮิ ..แล้วไปคันน่ะ ว่าแต่ "อย่าไปจำนำลูกสาวพ่อเฒ่าไปตีไก่กะแล้วกันครับ" อิ อิ ::)::)

อ้าย เอ๋&โอ๋ พจนา ศิลปินเลี้ยงไก่(ตี)

"เอ้าหล่า ๆ จับไก่มาเซ็ดน้ำ ซ้อมให้อา ให้ลุง เพิ่นเบิ่งลูก"..สงสัยสิแม่นลูกซาย พี่ เอ๋ ล่ะคือเบิ่ง
ผู้ก้มหน้านั่งหยิ่งแข่ว อยู่ข้างหลัง เซ็ดน้ำไก่นั่น อ้าย พรชัย วรรณศรี "ป๋องแป้งแห่งความหลัง" ได๋นั้นน่ะ เซียงเหมี่ยงฯ ว่าแม่นเด็กน้อยเลี้ยงไก่ ฮิ อิ คนบ้าไก่เฮ็ดได้คู่แนวเด้อครับ..::)::)

อ้าย เอ๋&โอ๋ พจนา ศิลปินเลี้ยงไก่(ตี)

พอแต่ลูกซาย กับอ้าย พรชัย เฮ็ดบ่ทันใจ อ้ายเอ๋ กับ อ้าย โอ๋ สองศรีพี่น้อง เฮ็ดเองโลดเซ็ดน้ำไก่เอง
โอ๊ย นักร้องขวัญใจ เซียงเหมี่ยงฯ นี่แหม๊ บ่คิดว่าสิมาเห็นภาพพากันเอ็ดแบบนี้ เห็นแต่เทิงเวทีคือโก้แท้ ฮ่า ฮ่า ::)::)

อ้าย เอ๋&โอ๋ พจนา ศิลปินเลี้ยงไก่(ตี)


เอ้า แล่วแล้ว กะเลยถ่ายรูปนำเผิ่นจักหน่อยครับ ซ้าย มือ อ้าย โอ๋ ขวามือ อ้าย เอ๋ สองศรีพี่น้อง "ศิลปินเลี้ยงไก่"
พี่น้องบ้านมหาลองเบิ่งแหน่ครับว่า เซียงเหมี่ยงฯ กับนักร้องไผ๋หล่อกั่วกันครับ อิ อิ..::)

อ้าย เอ๋&โอ๋ พจนา ศิลปินเลี้ยงไก่(ตี)

นี่รูป โอ๋ พจนา ที่เผิ่นถ่ายประดับเล้าไก่ไว้ คือมาหล่อกว่า โตจริงคักแท้น้อ บาดนี้อิ อิ ::)::)::)

อ้าย เอ๋&โอ๋ พจนา ศิลปินเลี้ยงไก่(ตี)

นี่ล่ะครับคือ อีกมุมหนึ่งนอกเหนือจากภาพที่เฮาเห้นเผิ่น เฮาเห็นเผิ่นอยู่หน้าเวทีอีกแนวหนึ่ง เวลาว่างเว้นจากงานเดินสายร้องเพลง กะมาอยู่กับสวนกับไก่ เลี้ยงไปตีแหน่ ขายแหน่ แบ่งหมู่แบ่งพวกแหน่ อ้าย พรศักดิ์ กะมักสิเข้าไปเล่นนำเลาดู๋อยู่ ขานั้นกะมักไก่ต่เข้าเส้นเลือดคือกัน เป็นอีกอาชีพหนึ่งครับที่รองรับ หลังจากบ่ได้ร้องเพลง นอกเหนือจากนี่แล้ว เลากะปลูกไม้ เฮ็ดสวน เลี้ยงปลา เรียกได้ว่ามีชีวิตอยู่กับ ดิน กับน้ำ กับการเกษตรอีหลีครับ
เดี๋ยวมื่อหน้าคันได้ไปยามเพิ่นอีกเซียงเหมี่ยงฯ สิ เก็บภาพมาฝากอีกเด้อครับ...
 

01-17-2009, 05:47 PM   #2 (permalink)
ดูแลตรวจสอบเนื้อหา
Re: อ้าย เอ๋&โอ๋ พจนา ศิลปินเลี้ยงไก่(ตี)

บรรยากาศสุดยอดเลยอ้าย เอามาเบิ่งอีกแหน่เด้อ ซุ้มไก่เลาคือคักแท้อ้ายเอ๋พจนา คือสิมีแต่โตตีเก่งๆเนาะ คนมักไก่นี้มักแท้ๆเด้ ตื่นเซ้ามาต้องกาดน้ำไก่ก่อนว่าซั้น จั่งไปเฮ็ดเวียกได้ เลี้ยงดีปานลูกพุ้นแหล่ว:g:g
 
01-17-2009, 06:15 PM   #3 (permalink)
Maximum learning
ศิลปิน นักเขียน
Re: อ้าย เอ๋&โอ๋ พจนา ศิลปินเลี้ยงไก่(ตี)

บรรยากาศดีน้อ เลี้ยงไก่ตีโอ้ยลำบาก ต้องเอาใจปานลูกตะของน้อ
 
01-17-2009, 06:57 PM   #4 (permalink)
ผู้ช่วยผู้ใหญ่บ้านมหา
Mr.Reception
Re: อ้าย เอ๋&โอ๋ พจนา ศิลปินเลี้ยงไก่(ตี)

ผู้มักไก่ตีนี่เขาว่ามักคักกว่าหยัง... แต่ผมนี่มักไก่ต้มเด้อ เป็นไก่ตีแห่งดี ::)
 
01-18-2009, 01:13 PM   #5 (permalink)
ศิลปิน นักร้อง นักแสดง
Re: อ้าย เอ๋&โอ๋ พจนา ศิลปินเลี้ยงไก่(ตี)

มักหลาย ๆ .................2 ศรีพี่น้องคู่นี้.............เสียงดีเป็นตาหน่าย.......จำได้หว่าเคยเบิ่งวง เอ๋ พจนา เบิ่งประมาณปี 39 ตั้งแต่ราคา บ่ฮอด 5 หมื่น ลำเรื่อง สังค์ทองเงาะป่าตอนเล่นลำเรื่องต่อกลอน.......อ้ายโอ๋...เป็นเงาะป่า โตดำ..อ้ายเอ๋เป็น สังค์ทอง......ตอนเงาะถอดรูปแล้ว........โอย...หม่วนหลาย....ติดตาติดใจอยู่บ่เซา.........


:g

:g

:g
 
01-18-2009, 02:26 PM   #6 (permalink)
ดูแลตรวจสอบเนื้อหา
Re: อ้าย เอ๋&โอ๋ พจนา ศิลปินเลี้ยงไก่(ตี)

หม่องเลี้ยงไก่ตีกะกว้างขวางเนาะครับอากาศถ่ายเทสะดวกครับเบิ่งๆๆไปอ้ายเซี่ยงหล่อกว่าเนาะผมว่านะครับ::)::)
 
01-18-2009, 03:40 PM   #7 (permalink)
ร่วมถ่ายทอดความรู้สู่สังคม
Re: อ้าย เอ๋&โอ๋ พจนา ศิลปินเลี้ยงไก่(ตี)

อ้ายเอ๋เป็นนักร้องที่ชื่นชอบคนหนึ่ง

อ้ายเซียงขอลายเซ็นเพิ้นมาให้น่ำบ่อล่ะจ้า
 
01-18-2009, 04:13 PM   #8 (permalink)
เจ้าหน้าที่ประชาสัมพันธ์
ดูวีดีโอ YouTube ออนไลน์ Re: อ้าย เอ๋&โอ๋ พจนา ศิลปินเลี้ยงไก่(ตี)

อ้างถึง:
กระทู้ต้นฉบับโดยคุณ หนุ่มเหงาคนไกลบ้าน Re: อ้าย เอ๋&โอ๋ พจนา ศิลปินเลี้ยงไก่(ตี)
หม่องเลี้ยงไก่ตีกะกว้างขวางเนาะครับอากาศถ่ายเทสะดวกครับเบิ่งๆๆไปอ้ายเซี่ยงหล่อกว่าเนาะผมว่านะครับ::)::)


โอ๊ยกะจั่งแม่นมาเว่าถืกใจคักแท้เนาะคุณ หนุ่มเหงาฯ นี่แหม คันมายามเซียงฯ ไก่สิบ่ได้ให้เบิ๊ดเล้าบ่น้อครับ เซียงฯ แห่งมักย่องอยู่ครับ อิอิ::)::)
 
01-18-2009, 04:18 PM   #9 (permalink)
เจ้าหน้าที่ประชาสัมพันธ์
ดูวีดีโอ YouTube ออนไลน์ Re: อ้าย เอ๋&โอ๋ พจนา ศิลปินเลี้ยงไก่(ตี)

อ้างถึง:
กระทู้ต้นฉบับโดยคุณ ลูกอิสาน Re: อ้าย เอ๋&โอ๋ พจนา ศิลปินเลี้ยงไก่(ตี)
อ้ายเอ๋เป็นนักร้องที่ชื่นชอบคนหนึ่ง

อ้ายเซียงขอลายเซ็นเพิ้นมาให้น่ำบ่อล่ะจ้า


ครับเผิ่น เป็นคนสุรินทร์ คือกันกับเซียงฯ ครับ ประทับใจเผิ่นอยู่ครับ อัธยาศัยดี เว้าดี เสียงเว้ากะม่วน เดี๋ยวมื่อหน้าจั่งสิขอลายเซ็นต์มาให้เด้อครับ คุณ บี มื่อที่ไปบ่ได้ขอครับ คาต่าเบิ่งไก่ แต่ว่าบ่ยาก ๆ ครับ เข้าฮอดโตเผิ่นบ่แม่นเรื่องยากครับ บ่ถือโตเลย เบิ่งแต่เลาเซ็ดน้ำไก่ไป่หยังครับ อิ อิ::)::)
 
01-22-2009, 04:22 PM   #10 (permalink)
แบ่งปันความรู้และประสบการณ์
ฟังเพลงที่เล่นด้วยแฟลท Re: อ้าย เอ๋&โอ๋ พจนา ศิลปินเลี้ยงไก่(ตี)

:g:gเป็นตาม่วนน้อครับ อยากไปนำเด้อครับ:g:g
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง


ป้ายกำกับ
พจนา, อ้าย, เอ๋andโอ๋


คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 12:17 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'