ปีกไก่ทอด...สูตรเด็ดจ้า....

[ติ๋ม เปอร์โย]

---

มื้อวานนี่มีแต่กระทู้ส้มตำ+ข้าวเหนียว+ไก่ย่าง...เห็นแล้วกะคึดอยากนำ บ่ได้กินส้มตำมาเป็นเดือนแล้ว ยากคักหลายพี่น้อง...
เปิดเบิ่งตู้เสบียงขน้อยในครัวบ่มีข้าวเหนียวจักกำ...เศร้าใจหลาย ตู้เย็นกะมีแต่ไข่ กับแฮม...
หมากแตงเคิ่งหน่วย หมากเขือเทศ2หน่วย หมากนาวหน่วยเดียว เอ้อ แล้วสิกินหยังหนี่...
บายกุญแจรถได้กะเลยบึ่งไปตลาด...ขนมาเกือบเต็มท้ายรถ...มีแต่แนวกิน...::)

อันดับแรก แช่ข้าวเหนียวก่อนเลย...บ่ายๆมากะจัดการกับปีกไก่ ล้างดีๆ หั่นแยกปีกบน ปีกล่าง...
ทีเด็ดอยู่ที่การหมักพี่น้อง...รากผักชี+กระเทียม+พริกไทยดำ โขลกรวมกัน...น้ำปลา+ซิอิ้วขาว
พริกแกงแพนง...ผงรสดี...แป้งโกกิ...เอาเครื่องปรุงทุกอย่างลงใส่อ่างหมัก เอาน้ำคนพอข้นๆนิดหน่อย
เทปีกไก่ลงไปหมักไว้จัก30นาทีเป็นอย่างต่ำ...ไผมักออกหวานๆใส่น้ำตาลได้เด้อจ้า...
ในระหว่างที่ถ่าปีกไก่ กะสับหมากหุ่งไปนำ...ต่อมากะนึ่งข้าว...ค้างหม้อใส่นำมันพืชเตรียมทอดปีกไก่....
เอาปีกล่างทอดก่อน ชิ้นใหญ่นานสุกเนาะ

พอปีกไก่สุก ข้าวกะสุกพอดี...จัดการตำหมากหุ่งเลยจ้า ใส่หมากกอกนำใด๋...
จัดการกินโลดบาดหนี่ หายอยากบ่...อิอิ
ในระหว่างที่กินอยู่หั่นกะทอดปีกไก่ส่วนที่เหลือไปนำเด้อ...เชิญแซบจ้าพี่น้อง...
ปีกไก่ทอดสูตรนี่...แซบหลายขอบอก ...มาลีน่ากินเล่นอยู่เบิดค่ำเอาโลด...

[หนุ่มเหงาคนไกลบ้าน]

โอ้ยทรมานเด่ว่าซินอนบาดนิเห็นทอดไก่ส้มตำหิวข้าวจ้าวๆๆเลยกินนำแน่เด้อครับน้องติ๋มหิวแฮงหลาย

[สาวโคราช]

น่ากินจังเลย พี่ติ๋ม ข้าวเหนียวร้อนๆๆกะไก่ โอ้ สุดยอด

แวะมาซิมไก่ทอดฝีมือพี่สาวจ้า..แซบคือเก่าเนาะ..อิอิ..

[ขอโทษที่คิดถึง...เด็กดื้อ]

น้ำลายย้อยตอนดึก ๆๆ อิอิอิ ..ให้กินนำแนะจ้า หิว ๆๆๆ

[pui.lab]

ป๊าดดดดดดดดดดดด ที่รักมาคือทอดหลายแท่ะปีกไก่นิ่ กินอาทิตย์นึงเมิ๊ดบ่ ::)

[สาวทุ่งฝน]

กินกับตำบักหุ่งพร้อม โอ๊ยย อยากกินเด้จ้า

มาส่างเฮ็ดน้องหนุ่มน้ำลายไหลคักแท้น้อจ้า

หึ๋ย หน่ายเอื้อยเนาะ

[รินเมืองร้อยเกิน]

เอื้อยติ๋ม คือเอาไก่มาล่อแต่เซ้าแท่ หิวแล้วเด้บ่าน เป็นตาแซ่บ กรอบ น้ำลายไหลแล้วล่ะ

[โชติ]

อยากกินนำ อยากกินนำ อยากกินนำ
คำเดียวกะได้ ปีกไก่ฮั่นน๊า
เป็นตาแซบจ้า พี่ติ๋ม

:g ::) :g

[ลูกอิสาน]

เอื้อยติ๋มแหม่จ้า เฮ็ดปาบน้องนุ่งคักเอามาล่ออีกแล้ว
ว่าสิลดหุ่นมันสิได้ลดบ่หล่ะเอื้อยเห็นทอดไก่กับตำหมากหุ่งแล้ว
เดียวมื้อนี้บีเฮ็ดคือกัน ขอบคุณสำหรับสุตรแซบๆเด้อจ้า

:g:g

[แหลวแดง]

สุดยอดเลยคับ เฮ็ดหลายอย่างไปพร้อมกันแล้วกะได้กินพอดี มีแต่แนวเป็นตาแซบ สุดยอดดดด:g:g

[หนุ่มลำซี]

ขอต่อนหนึ่งข้าวเหนียวนำปั้นไหญ่ๆ ครับเอื้อยติ๋ม :g

[sompoi]

กับแกล้มพาแลง เนาะ..บ๊ะ..เข้าท่าๆ..

[ศรีทนได้]

ดีจ้าเสื่ยว
เป้นตาเเชบเเท้หมอเอามากินนำเเน่หมอ
สัมตำเผ้ดข้าวเหนียวอาหารโปรดเลยหมอ
มายามสีเเน่ เด้อเสื่ยวรับรองเดนมาร์ก
สีนะขาดปลาร้าบอได้หมอมือนื้กะไปถอยมาเเล้วหมอ55555555
อาหารบ้านเฮาเเชบที่สุดในโลก พะนะ

[ลาวไทเป]

บู้ย...ตะแซบเนอะ...จักตอนแน่เด้อเพิน...ขอข้าวเหนียวนำจักปั้นพร้อม~~~