ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
01-30-2009, 09:29 AM   #1 (permalink)
หนุ่ม เกินร้อย
Guest
 
คึดฮอดอีสานบ้านเฮา

:g " เสียงพินเสียงแคนห่าวดังมาว้อนว่อน ลมพัดไผ่สุดสายแนนกาเต้นก้อนคือเสียงอ้อนแอ่วสวรรค์ ชุมหมู่ฝูงคนเฒ่าเหงานอนคือสิซ่วงเด้น้อ ย้านหลายเด้ย้านแต่แม่ฮ้างแม่หม้ายคนิ่งโอ้อ้าวผัว ย้านแท้เด้ย้านฝูงพ่อฮ้างพ่อหม้ายฮ่ำคนิงเมีย เหลือทนทุกข์ยุผู้เดียวนอนแล้ง เป็นที่อัศจรรย์แท้เสียงแคนดังมาว้อนว่อน ไผ๋ได้ฟังม่วนแม้งใจสล้างวังเวง คึดฮอดเด้คึดฮอดบ้านเขตถิ่นดินอีสานเฮาเด้ ยากนำความขัดสนจั่งได๋ไกลเมืองบ้าน คนอีสาน เฮานี่ทุกข์ทวีซ่ำตื่ม ผืนแผ่นดินแห้งแล้งบ่ปานแห้งแอ่งน้ำใจ เฮาแล้ว โอ๊ยเก้าสิแล้งสิบสิแล้งเพียงภายภาคภูมิสถานพุ้นเด้อ อันน้ำใจคนอีสานอย่าสิมียามแล้ง ให้ฮักแพงพงศ์เชื้อเครือเดียวอย่าหลุดล่า กันถ่อน กูณาผองพี่น้องให้เพียรซ้วนซ่อยกัน อย่าได้หมางเหม็นฮ้ายอีสานคำน้ำขาดแอ่ง เฮาน้อ ขอดกะให้ขอดแต่อู๋แอ่งน้ำจิตใจเจ้าอย่าขอดนำ อีสานคำเฮาแห้งให้โฮมแฮงเฮาแต่ง คันอีสานเฮาแห้งแล้งโฮมแฮงป้องซ่อนกัน ให้เจ้ามามาถ่อนอีสานเฮาโฮมพวก เฮาเด้อ เชิญเจ้ามาเนียงคำข้าวเหนียวปั้นซ่อยกัน อันแนวนามข้าวเหนียวปั้นให้คือกันกับขี้สูต ปั้นให้แข็งแก่นไว้ปานนั้นจั่งเพื่อพอ อย่าได้ไลลืมก้ำอีสานคำก้ำบ้านเก่า เฮาเด้อ เสียงแคนดังอิ่นอ้อยออยเจ้าให้ต่าวเมือ เหลือแฮงพ่อแม่เจ้าคอยเฝ้าให้ลูกมา เหลือแฮงพี่น้องเจ้าคอยท่าเจ้าฮีบคืน เชิญเจ้าเมือยามบ้านหัวใจเฮาคึดแล้วบ่ อย่าได้คึดแต่ความปากเว้าใจเจ้าผัดต่าวเค็ม อย่าได้โอ้อวคอ้างเหยียบย่ำคนลืมโต อย่าไว้โวๆ เสียงลื่นคนทั้งค่าย ได้เป็นนายคนแล้วอย่าลืมแนวพวกไพร่ คันได้เป็นใหญ่แล้วอย่าลืมเซื้อเซ่นอีสานเฮาเด้อ อันข้าวเหนียวกะเคยปั้นกินนำกันจ้ำถ้วยแจ่ว คันได้กินข้าวจ้าวแล้วสิลืมเซื้อเซ่นโต สั้นบ้อ อย่าได้โวๆ ต้านทำตนอวดฉลาด ธรรมชาติเฮาหากเกิดแกวก้ำอีสานพี้เซ่นเฮา คันเจ้าได้ขี่ช้างก้มฮ่มเป็นพยา อย่าสิลืมชาวนาขี่ควายคอนกล้า คันเจ้าได้นั้งบ้านเป็นเอกสูงศักดิ์ อย่าได้โวๆ เสียงลื่นคนเหลือล้น คันเจ้าได้ขี่ช้างอย่าลืมหมู่งัวควาย มันหากคุณคนทางต่างดีคนก้ำ ช้างหากดียานเข้าสงครามขับขี่ ดีเมื่อเข้าเขตห้องนครกว้างอาจอง อันว่างัวควายนี้มีคุณหลายเท่า ห่าฝนตกได้แก่กล้ายามแล้งได้แก่ฟืน คันสิไปทางหน้าให้เหลียวหลังก่ำของเก่า เฮาถ้อน คันมะลูดทูดเท้าเซาถ่อนอย่าสิไป พี่น้องเอ้ยฯ " (ครูบ้านนอก หรือ ครูส้น ) :g
 
02-18-2009, 06:05 PM   #2 (permalink)
หนุ่ม เกินร้อย
Guest
@"คึดฮอดอีสานบ้านเฮา"@

:g " เสียงพินเสียงแคนห่าวดังมาว้อนว่อน ลมพัดไผ่สุดสายแนนกาเต้นก้อนคือเสียงอ้อนแอ่วสวรรค์ ชุมหมู่ฝูงคนเฒ่าเหงานอนคือสิซ่วงเด้น้อ ย้านหลายเด้ย้านแต่แม่ฮ้างแม่หม้ายคนิ่งโอ้อ้าวผัว ย้านแท้เด้ย้านฝูงพ่อฮ้างพ่อหม้ายฮ่ำคนิงเมีย เหลือทนทุกข์ยุผู้เดียวนอนแล้ง เป็นที่อัศจรรย์แท้เสียงแคนดังมาว้อนว่อน ไผ๋ได้ฟังม่วนแม้งใจสล้างวังเวง คึดฮอดเด้คึดฮอดบ้านเขตถิ่นดินอีสานเฮาเด้ ยากนำความขัดสนจั่งได๋ไกลเมืองบ้าน คนอีสาน เฮานี่ทุกข์ทวีซ่ำตื่ม ผืนแผ่นดินแห้งแล้งบ่ปานแห้งแอ่งน้ำใจ เฮาแล้ว โอ๊ยเก้าสิแล้งสิบสิแล้งเพียงภายภาคภูมิสถานพุ้นเด้อ อันน้ำใจคนอีสานอย่าสิมียามแล้ง ให้ฮักแพงพงศ์เชื้อเครือเดียวอย่าหลุดล่า กันถ่อน กูณาผองพี่น้องให้เพียรซ้วนซ่อยกัน อย่าได้หมางเหม็นฮ้ายอีสานคำน้ำขาดแอ่ง เฮาน้อ ขอดกะให้ขอดแต่อู๋แอ่งน้ำจิตใจเจ้าอย่าขอดนำ อีสานคำเฮาแห้งให้โฮมแฮงเฮาแต่ง คันอีสานเฮาแห้งแล้งโฮมแฮงป้องซ่อนกัน ให้เจ้ามามาถ่อนอีสานเฮาโฮมพวก เฮาเด้อ เชิญเจ้ามาเนียงคำข้าวเหนียวปั้นซ่อยกัน อันแนวนามข้าวเหนียวปั้นให้คือกันกับขี้สูต ปั้นให้แข็งแก่นไว้ปานนั้นจั่งเพื่อพอ อย่าได้ไลลืมก้ำอีสานคำก้ำบ้านเก่า เฮาเด้อ เสียงแคนดังอิ่นอ้อยออยเจ้าให้ต่าวเมือ เหลือแฮงพ่อแม่เจ้าคอยเฝ้าให้ลูกมา เหลือแฮงพี่น้องเจ้าคอยท่าเจ้าฮีบคืน เชิญเจ้าเมือยามบ้านหัวใจเฮาคึดแล้วบ่ อย่าได้คึดแต่ความปากเว้าใจเจ้าผัดต่าวเค็ม อย่าได้โอ้อวคอ้างเหยียบย่ำคนลืมโต อย่าไว้โวๆ เสียงลื่นคนทั้งค่าย ได้เป็นนายคนแล้วอย่าลืมแนวพวกไพร่ คันได้เป็นใหญ่แล้วอย่าลืมเซื้อเซ่นอีสานเฮาเด้อ อันข้าวเหนียวกะเคยปั้นกินนำกันจ้ำถ้วยแจ่ว คันได้กินข้าวจ้าวแล้วสิลืมเซื้อเซ่นโต สั้นบ้อ อย่าได้โวๆ ต้านทำตนอวดฉลาด ธรรมชาติเฮาหากเกิดแกวก้ำอีสานพี้เซ่นเฮา คันเจ้าได้ขี่ช้างก้มฮ่มเป็นพยา อย่าสิลืมชาวนาขี่ควายคอนกล้า คันเจ้าได้นั้งบ้านเป็นเอกสูงศักดิ์ อย่าได้โวๆ เสียงลื่นคนเหลือล้น คันเจ้าได้ขี่ช้างอย่าลืมหมู่งัวควาย มันหากคุณคนทางต่างดีคนก้ำ ช้างหากดียานเข้าสงครามขับขี่ ดีเมื่อเข้าเขตห้องนครกว้างอาจอง อันว่างัวควายนี้มีคุณหลายเท่า ห่าฝนตกได้แก่กล้ายามแล้งได้แก่ฟืน คันสิไปทางหน้าให้เหลียวหลังก่ำของเก่า เฮาถ้อน คันมะลูดทูดเท้าเซาถ่อนอย่าสิไป พี่น้องเอ้ยฯ " (ครูบ้านนอก หรือ ครูส้น ) :g
 
02-18-2009, 08:27 PM   #3 (permalink)
Maximum learning
ศิลปิน นักเขียน
re: คึดฮอดอีสานบ้านเฮา

โอ้เก่งน้อย ผญาได้ ทางนี้ ไม่เป็นเลยค่ะ ผญา ไม่ได้สักบทเลย จัดหยังเป็นหยังจ้า
 
02-18-2009, 09:27 PM   #4 (permalink)
หนุ่ม เกินร้อย
Guest
re: คึดฮอดอีสานบ้านเฮา

:g "สู่คนสู่กินขาวภาษาสังมาต่าง สู่คนสู่อาบน้ำส้งมาเกลี้ยงลื่นกัน กรรมเฮาแล่วเป็นผู้ปั้นให้แตกต่างโตตน อีกสติปัญญาคนโคตรวงษ์พงษ์เซื้อ บารมีบุญเกื้อเป็นคนดีได้มีมั่ง เถิงนิพพานเป็นที่แล้วเวียงแก้วซื่นกะใจ ผู้ลางคนทุกข์ยากไฮ้เขินขาดแลงงาย เพราะบาปกรรมหลวงหลายบ่ซ่วงตาได้คาแค้น บ่มีเฮือนบ่มีแป้น เป็นนำแนนได้น้าวจ่อง เงินขาดถงข้าวขาดท้อง เพราะซินสร้างที่ต่างกันฯ":g
 
02-18-2009, 10:07 PM   #5 (permalink)
หนุ่ม เกินร้อย
Guest
re: คึดฮอดอีสานบ้านเฮา

:g @ "สมภารเบื้องบารมีเฮียงฮอดกันน้อ อยู่ไกลกันสุดขอบฟ้ายังมาพ้อพบกัน ย้อนว่าบุญเก่าเกี้ยวได้สร้างฮ่วมเฮียงกัน ไผ่ฮ่อดขัดขืนเซินบาปบุญบ่มีได้ บุญหากมาเถิงแล้วไกลปานได่กะได๋จวบกันแล้ว แม่นว่าสุดขอบฟ้าทะยานยื้อหยั่งเถิง ไทยเฮาได้มีบุญวาสนาบุพเพสร้างปางหลังจั่งได้ฮ่วม ไกลแสนไกลสุดขอบฟ้าได้มาพ้อพบกัน ย่อนว่าบุพเพสร้างปางหลังแต่ชาติก่อน บุญจั่งหลอนพบพ้อมาเห็นหน้าบัดทื่อลุน" @ (ครูบ้านอก) :g
 
02-19-2009, 08:24 AM   #6 (permalink)
หนุ่ม เกินร้อย
Guest
ฟังเพลงที่เล่นด้วยแฟลท re: คึดฮอดอีสานบ้านเฮา

:g @" ข้าวเต็มนาปลาพวมข่องประชากรริ่มกุหลี่ กันแล้ว คราดและไถไซและลันลอบแฮ้วเก็บแล้วขึ้นสู้เถียง ควายบ่มีบ่อนล่ามง้วบ่มีบ่อนเลี้ยงหญ้ากะเกี่ยวมาเก็บเอา อีสานเฮาข้าวกำลังเป็นฮวงล่วงฤดูหนาวแล้ว แสงทองแววอยู่ฮิมฟ้าบูรพาแต่เช้าตรู่ ลมหนาวถูลู่ท่งข้าวยามเช้าเสม่นกาย เด็กน้อยลุกแล้วย้ายเฮื้อผ้าห่มหากองไฟ ตากับยายเพิ่นสุมฝิงนั่งอิงเสาฮั้ว ทังฟันฟืนังเทน้ำใต้ล่างเฮือนลงโจ๊กๆ เสียงไก่โอ๊กอิ๊เอ็กจั้นขันท้าอยู่บ่ถอย ไก่แม่ลูกอ่อนพากันออกจากหม่องคุ้ยเขี่ยหาอาหาร ฤดูกาลหลังฝนต่างคนสิหนาวเนื้อ เสื้อกันหนาวฟ้าวหาซื้อส่งขายยาวฟ้าวหาใส่ นั่งฝิงไฟพวกผู้เฒ่านิทานเว้าสู้หลาน ระงมงัวทั่วบ้านจัวน้อยลั่นระฆังโปง ฟ้งเบิ่งโยงๆ เสียงสัญญาณป็นการพร้อม ว่าให้สาธุชนน้อมพร้อมหาอาหารสิใส่บาตร พระเณรยัวระยาดย้ายขาวซ้ายฝ่ายถนน กิจวัตรเริ่มต้นของพระภิกษุสังฆ์ ผู้ดำรงศาสนาสืบมาแต่กาลกี้ จนวามาสมัยนี้ประเพณีบ่ได้เปลี่ยน พระยังเพียรวัดบ่ฮ้างเพิ่นยังสร้างก่อบุญ ทางอีสานทุกหมู่พุ้นเพิ่นบ่ละพระพอฉัน ค้ำเทิงเพลเทิงจังหันสืบสันติวงค์เค้า กิจกรรมยามเช้าหนาวทุเลาแดดเริ่มส่อง มาแล้ว เสียงนกกดกระปูดฮ้องดังก้องทั่ละหาร เด่น้อ พี่น้องเอ๊ย :g
 
02-19-2009, 09:58 AM   #7 (permalink)
ไทยอุบล
Guest
re: คึดฮอดอีสานบ้านเฮา

สุดยอดอีหลีครับ บางช่วงบางตอน อ่านแล้วพ้อน้ำตาไหลพุ่นตั่ว..แม่นแต่งเองหรือเอาแต่ใสหนอสุดยอดอีหลีครับ หายาก หายาก..:g
 
02-19-2009, 12:12 PM   #8 (permalink)
หนุ่ม เกินร้อย
Guest
ฟังเพลงที่เล่นด้วยแฟลท re: คึดฮอดอีสานบ้านเฮา

:g @"แสนสิทุกข์ฮ้อยชั้นได้เกิดเป็นคนกะดีแล้ว บุญกุศหลวงหลายอย่าได้ไลลือเนื้อ คันหากบุญเฮาน้อยปางหลังบ่มายมาก แสนสิทุกข์ยากฮ้ายบุญน้อยให้ตื่อเอา แสนสิทุกข์ถอฟ้าเฮาได้เกินเป็นคน บ่ได้เป็นนามสัตว์ก็หากบุญหลายเลื่อ เฮามาพากันสร้างกุศลแฮเฮียงฮ่วงกันน้อ พุ้นกะพี่นี่กะน้องบุญป้องเข้าใส่กันฮักเอ้ยฮักเอ่ยฯ :g โดย ครูสัน
 
02-19-2009, 03:24 PM   #9 (permalink)
หนุ่ม เกินร้อย
Guest
re: คึดฮอดอีสานบ้านเฮา

:g @"เป็นหญิงนี้ทำนองให้มันค่อง ตีนผมให้ล่ำเกี้ยงตีนซิ่นให้ล่ำเพียง ตั้งแต่นางเมืองฟ้าเทวดาผู้ประเสริฐ เพิ่นกะยังนุ่งซิ่นบ่แปรปลิ้นดั่งเฮา นั่นเด้ เพิ่นเอ้ยฯ"@ :g โดย ครูบ้านนอก
 
02-19-2009, 03:57 PM   #10 (permalink)
ดูแลตรวจสอบเนื้อหา
re: คึดฮอดอีสานบ้านเฮา

สุดยอดเลยครับอ้ายเขามาอ่านแล้วกะคิดฮอดบ้านเนาะครับอ้าย
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

ป้ายกำกับ
ครูบ้านนอก

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 05:31 AM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'