Way of life > อาหารการกิน > ครัวบ้านมหา ชวนชิม

 
คำสั่งเพิ่มเติม เรียบเรียงคำตอบ
04-19-2009, 10:58 PM   #1 (permalink)
ผู้ช่วยผู้ใหญ่บ้านมหา
 
 
นึ่งไก่



นึ่งไก่

มาอีกแล้วครับพี่น้อง ฅนภูไทมีแนวแซบๆมาฝากอีกแล้ว มื้อนี้ฅนภูไทขอนำเสนอนึ่งไก่ กะเป็นอีกเมนูหนึ่งที่ได้รับความนิยมของชาวอีสาน สิกินหากินได้เฉพาะโอกาสพิเศษทอนั้นเด้อครับ เช่น ลูกหลานกลับมาจากทำงานต่างถิ่น รึสิเป้นเอาไว้ต้อนรับแขกพิเศษ นึ่งไก่กะมีหลายสูตร ไก่ที่นิยมนำมานึ่งกะต้องเป็นไก่กระทง(ไก่หนุ่มไก่สาว)ทอนั้นเด้อครับ มันจั่งสิบ่เหนียวจนเกินไป มาเบิ่งกันเลยครับพี่น้อง



เมื่อได้ไก่มาแล้ว เฮากะสับเป็นต่อนใหญ่ๆ รึสินึ่งเบิ้ดโตเลยกะได้เด้อครับ เครื่องปรุงกะมี ตะไคร้ ใบมะกรูด ข่า กระเทียม รากผักชี ตำให้ละเอียด แล้วใส่ลงไป ใส่น้ำมันหอย ลงไป ปรุงรสด้วยซีอิ้วขาวหรือซอสปรุงรส อย่างเดียวเด้อครับ งานนี้บ่ใส่น้ำปลาและเกลือ เพราะว่าซีอิ้วขาว สิเฮ็ดเนื้อไก่มีกลิ่นหอมและเฮ็ดให้ไก่บ่เค็มจัดจนเกินไป



หมักทิ้มไว้อย่างน้อย 2 ชั่วโมง แฮ่งหมักโดนแฮ่งแซบเด้อครับเพราะเครื่องปรุงสิได้ซึมเข้าไปในเนื้อไก่ได้ทั่วถึง



ทีนี้เฮากะมานึ่งกันเลยครับ จัดการเอาไก่ใส่ถ้วยรึใส่จาน ขึ้นนึ่งเลยครับ



วิธีสังตรวจสอบว่าไก่สุกรึยัง กะให้ใช้ไม้จิ้มฟันจิ้มลงไปในเนื้อไก่ ถ้ามันเสียบเข้าง่ายเสียบแล้วทะลุไปเลย แสดงว่าไก่สุกแล้วครับ ถ้าเสียบเข้าไปยากกะแสดงว่าไก่หยังบ่สุก



พอสุกดีแล้วเฮากะตักใส่จาน สิได้กลิ่นหอม ของซีอิ้วขาวและเครื่องเทศหอมฟุ้งตลบอบอวนเรียกน้ำย่อยดีคือหยัง เสริฟพร้อมแจ่วบักพริก ข้าวเหนียว รึข้าวสวย กะได้เด้อครับ สิกินแกล้มเหล้ากะเข้าท่าคือกัน



ซู๊ดดดส์ โอ๊ยยยยห๊อมหอม มาเด้อพี่น้องมากินนำกัน ::)::)
 
04-19-2009, 11:02 PM   #2 (permalink)
ผู้ช่วยผู้ใหญ่บ้านมหา
Re: นึ่งไก่

กรี๊ดดดดดดดดด หิว
ตั้งใจ ว่าจิลดน้ำหนักอีหลีเด้นี่
กินไก่นึ่ง บ่ อ้วนไปก่านี้ดอกเน๊าะ 5555
จ่งไว้แน๊จ้า
 
04-19-2009, 11:08 PM   #3 (permalink)
Maximum learning
ศิลปิน นักเขียน
Re: นึ่งไก่

กินข้าวเช้าบวกเที่ยงไป ดูภาพนึ่งไก่ไป
น้ำลายก็ส่อไป มื้อนี้จะแม่นน้อจ้า คืออร่อยสุดๆ เลย

ขอบคุณนะคะที่นำอาหารที่ชอบมาให้ทำกิน
ตอนเย็นจะไปซื้อไก่มานึ่งแบบสูตรคนภูไท เอาดอกจ้า
คงอร่อยมากๆ เลยน้อจ้า

ถ้าให้ดีเจ้าของตำหรับน้า เหวี่ยงมาทางอากาศก็ได้เด้อจ้า
 
04-19-2009, 11:13 PM   #4 (permalink)
เจ้าหน้าที่ประชาสัมพันธ์
Re: นึ่งไก่

นึ่งไก่แม่ไข่ซ้ำน๊า เอามาล่อกันคักเนาะ 55 น้ำลายเหยนำ
 
04-19-2009, 11:56 PM   #5 (permalink)
ร่วมถ่ายทอดความรู้สู่สังคม
Re: นึ่งไก่

มากินนึ่งไก่นำอ้ายคนเก่ง แซบๆเนาะจ้า
 
04-20-2009, 12:41 AM   #6 (permalink)
มิสบ้านมหา 2008 - 2009
Re: นึ่งไก่

เป็นตาแซบเนาะ อ้าย ไข่เหลืองๆนะ กินได้บ่ สิดื้อ สิมึน บ่อ้าย อิอิ(มันเป็นตาแซบหน๊า)
 
04-20-2009, 12:53 AM   #7 (permalink)
แบ่งปันความรู้และประสบการณ์
Re: นึ่งไก่

กินนำแน่เด้อ อันน้ำก้นหม้อนึ่งอย่าเทถิ่มเด้อเอามาเฮ็ดเป็นน้ำซุปไก่หยดซอสใส่จั๊กนอยแล้วกะเอาผักซี
โฮยหน้าซดกินแบบฮ่อนๆ มันสุดยอดอีหลี
 
04-21-2009, 12:02 AM   #8 (permalink)
ดูแลตรวจสอบเนื้อหา
Re: นึ่งไก่

นึ่งไก่กินนำกันหลายๆคนเนาะคับ จั่งแซบ มีเหล้าขาวแพ่งแจกกันกินแห่งแซบ
 
04-22-2009, 12:21 AM   #9 (permalink)
Super Moderator
Re: นึ่งไก่

กรี๊ดดดดดดดดดดดด คนผู้ฮ้ายคือเฮ็ดแนวกินเป็นตาแซบแท้น้อ แซบบ่ล่ะ ใด๋ให้ชิมเบิ่งก่อนนะ อิอิอิ
 
04-22-2009, 01:36 AM   #10 (permalink)
แบ่งปันความรู้และประสบการณ์
Re: นึ่งไก่

เป็นตาแซปแท้นอ้อยากกินหลายครับ ยกนิ้วให้คนเฮ็ด:g:g:g
 
04-22-2009, 03:36 AM   #11 (permalink)
Super Moderator
Re: นึ่งไก่

...เบิงกระทู้อาหารยามได๋กะหิวเข้าเนาะ
.....อ้ายป๋อง..หล่าจองไข่ไก่แหน่เดอ้..
......เดินไปเอาถ้วยมาตักเอาก่อนบาดนิ...อิอิอิอิ
 
04-22-2009, 07:05 AM   #12 (permalink)
ดูแลตรวจสอบเนื้อหา
Re: นึ่งไก่

อื่มสุดบรรยายอ้ายขอติบข้าวนำแน่เด้อครับซิกินนึ่งไก่ครับ
 
04-22-2009, 07:12 AM   #13 (permalink)
เฒ่าทรนง
Guest
Re: นึ่งไก่

ป๊าดดดดดดดดดดดดดดดดด ของเพิ่นดีขนาด กลิ่นหอมมาฮอดนี่เลยครับ
 
04-27-2009, 08:21 AM   #14 (permalink)
ร่วมถ่ายทอดความรู้สู่สังคม
Re: นึ่งไก่

มักคักนึ่งไก่ ซะบ่เหลือโตนท่านผู้ชมหน้ออ้าย ปั่นเข่าสีใหญ่ๆจ่ำน้ำนึ่งไก่เบ่งเด้
 
04-27-2009, 08:36 AM   #15 (permalink)
ร่วมถ่ายทอดความรู้สู่สังคม
Re: นึ่งไก่

เป็นตาแซบอีหลีน้อ..
 
Way of life > อาหารการกิน > ครัวบ้านมหา ชวนชิม


ป้ายกำกับ
นึ่งไก่

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 12:20 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม