Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
05-13-2009, 07:00 PM   #1 (permalink)
แบ่งปันความรู้และประสบการณ์
 
 
มาตรฐาน ผญาคนอกหัก (พี่น้องอย่าซาเด้อถ้าบ่ม่วน)

พี่น้องเอ้ย อันว่าความฮักนี้คือดั่งกับลมหนาว
พัดพอคราวกะเลยหนี ล่วงกายบ่คงที่
ตกมาในระหว่างนี้ ใจผมพอปานมี ไฟฮ้อนมาจูดจี่
มักผู้สาวทังที เขากะหนีจากจ้อย สวอยให้อยู่ก่องน้ำตา เด้นอ
เหลือแฮงเฮานี่น้า เอาใจมักเพิ่นเหมิดโต
โสได้ลงทางหุบ โลดหลุบทุนย้อนสาวจ้อย
ค่ำจนแลงน้ำตาย้อย แนวพาออยแม่นเหล้ากลั่น
หายไปโดนนานวัน ว่าสิทำใจได้ ผั่นส่ำไม้ตายแล้ง ดินแห้งปลูกบ่คืน
เดียวนี้มีแต่นอนสะอื้น กลืนน้ำตาตางน้ำท่า
เข้าบ่กินจนว่าหล่า แฮงหน่อยสิจ่อยผอม
แนมทางใด๋คือดั่งเขาแล่นอ้อม ชี้หน้าด่าเฮาซั่วหลาย
พออยากตายวันสามที สาวผู้ดีคือทำได้
ผิดแนวใด๋น้อหล่า เจ้าคือมาปล่อยถิ่มพี่
ผิดหม่องอ้ายบ่มี ผิดหม่องพี่บ่โก้ ซั่นบ้อน้องเจ้าจั่งป๋า
ฮู้บ่ฝนอยู่ฟ้าลินหยาดลงยามใด๋ คือน้ำตาพี่ซายไหลหยาดลงฮ่ำแก้ม
แนมเบิ่งเงาเสาฮั้ว สีมัวๆว่าแม่นน้องมายามพี่
หลงแล่นใส่แสนยินดี พอปานผีย้อนป่วงบ้า ให้ไทบ้านเพิ่นกล่าวหยั๋น น้อนางน้อ
 
05-13-2009, 07:58 PM   #2 (permalink)
ผู้ช่วยผู้ใหญ่บ้านมหา
มาตรฐาน

ปร๊าดดดดดดดด..เป็นตาโตนซาดแท่ะ.. มะเฮ้ดจั่งๆได๋คืออกหักคัก หักแน่ แท่ะน้องทองคำ..
 
05-14-2009, 12:29 AM   #3 (permalink)
แบ่งปันความรู้และประสบการณ์
มาตรฐาน

คับ ตาหลูโตนคือหยังนี่เอื้อย

น้ำตาเปียกย่ามย่างอยู่หนี่

หาผู้สาวให้จักคนแหน่เด้อ
 
05-14-2009, 02:18 AM   #4 (permalink)
ท่องเวบ
พบปะพูดคุย

ตอนแลงซิไปต่อจ้า ผญาคนอกหัก ทางนี่กะเพิ่งอกหัก อุบอิบอุบอิบ
 
05-14-2009, 08:31 AM   #5 (permalink)
Craftsmanship
มาตรฐาน

อกหักเพราะฮักอ้าย
โศกเศร้าหลายอ้ายบ่ฮัก
ได้แต่หักใจห่าม
หลีกห่างไปให่ไกล
น้องบ่ไค(สวย) อ้ายบ่ฮัก
แถมมาทักว่าน้องพี(อ้วน):1-
ขอลาทีเด้ออ้าย
น้องผู้ฮ้ายสำหรับพี่
น้องมีดีบ่สมอ้าย
บ่คาดหมายสิเคียงคู่
ขอรอพูฮักแท้
พูบ่แพ้ความสวย เด้ออ้ายเอ้ย c06:

เข้ามาแจมนำม่วนๆเด้อจ้า :1-
 
05-14-2009, 10:39 AM   #6 (permalink)
ผู้ช่วยผู้ใหญ่บ้านมหา
Mr.Reception
มาตรฐาน

ผญานี่กะมักอยู่ครับอ้าย แต่เขียนนำบ่อเป็น ยามอกหักพู้นล่ะเด้อจั่งสิได้มาหัดแต่ง...5555
 
05-14-2009, 10:45 AM   #7 (permalink)
ท่องเวบ
พบปะพูดคุย

อ้ายเอ๊ย ภูเขาสูงเสียดฟ้า ทะเลกว้างใหญ่ไพศาล

แผ่นดินยาวนับล้านไมค์ เทียบบ่ได้ใจน้องฮักแต่อ้าย

มาบัดนี้ ความฮักอ้ายต่อน้องคือจางหาย

ใจญาอ้าย ซางฮ้าย คืออีกาแท้น้ออ้าย

ลืมหมดสิ้นอดีตสองเฮาเคยฮวมทุกข์

กินข้าวเหนียว จ้ำปลาแดกยามทุกข์ยาก

ฮวมข้าวเวนเทิงเถียงนาน้อยยามเกี่ยวข้าว

หยาดเหยื่ออ้าย ไหลเปียกปอนย้อยเต็มหลัง

น้องวีให้ตัวอ้ายคลายความฮ้อน บ่เซามือ

ยามแลงคล้อยตะเวนอ่อน ทางกลับบ้าน

เกี่ยวก้อยยางเทิงคันแทสุขเหลือล้นอ้ายเอ๊ย จำได้บ่.


 
05-15-2009, 03:06 AM   #8 (permalink)
แบ่งปันความรู้และประสบการณ์
มาตรฐาน

ขอขอบคุณทุกท่าน ผู้มาฮ่วมอุดมการณ์
คนบ่หม๋านความฮัก มักไผกะพลอยฮ้าง
ย่างนำทางสาวบ่เอิ้น เดินคนเดียวเทิงทางเปลี่ยว
เทียวถนนสายเศร้า เหงาเรื่อยอยู่บ่อเซา
อุกแสนอุกเอ้าแสนเอ้า ไผสิเฮายามาใส่
ใจมันเพพังแล้ว ปานแก้วแตกกระจาย ท่านเอ้ย
 
05-15-2009, 05:09 AM   #9 (permalink)
เจ้าหน้าที่ประชาสัมพันธ์
มาตรฐาน

สงสารเด้ผู้เผิ่นมีความฮัก แนวเผิ่นมักเหลือหลาย สงสารหญิงและชาย
ผู้มาดหมายสิครองคู่ ถึงฤดูกาลพ้นหนทางกะแปรเปลี่ยน หวานปานได๋กะเลี่ยน
หนทางเฮี๋้ยนหย่าวลง ปลงเสียเถาะหมู่เจ้าขอบอกเหล่าเรื่องความจริง บ่อได้อิงนิยาย
บ่อมาดหมายให้ฮนอ้อน อันว่าตอนสุขนั้น กะหวานเหมิดทุกอย่าง บัดห่าทุกข์มาแหล่น
กุ้มสุขนั้นกะเหือดหาย สุขทุกข์ก็ละหม้ายคล้ายกับฮักของเฮา มีทั้งเบาทั้งหนัก
มักปานได๋กะเพได้ อย่าได้ไปอ่าวโอ้ กับใจของผู้อื่น มีเป็นหมื่นเป็นแสนบ่ออาจแทนอาจเว้า
คือใจเจ้าแหม่นผู้เดียว ซั่นได๊ จงทำใจเสียเถิดสาวบ่าวผู้อกหัก อย่าได้ปักใจฮักแต่คนผู้เดียวนั้น
ย่อมมีวันสูญสิ้น มลายไปแปรเปลี่ยน หมุนเวียนไปอยู่สู่มื้อ ใจเจ้าบ่ออยู่คง อ้ายบ่าวเอย
 
05-15-2009, 05:21 AM   #10 (permalink)
แบ่งปันความรู้และประสบการณ์
มาตรฐาน

อกหักบักเเก่งเเก้..จั่งโงโค้งต่าวอีสาน..พะนะ..55
 
05-15-2009, 06:17 AM   #11 (permalink)
นักปราชญ์เมืองอีสาน
ศิลปินนักแต่ง ผญา
มาตรฐาน

อย่าไปมัวเมาไห่ เสียใจย้อนเขาจาก
บ่อึดอยากดอกน้อง ประสาหม่องแม่นผู้ญิง
เขาบ่จริงเพียงล่อ แหลตอ ตอยตอด
คำหวานหยอดหยอกเหล่น ตั๋วให่เต้นใส่ลม
ตัดหัวใจจากม้ม หาเอาใหม่เซาไลหมาง
ไปคนทางวางหนี หาผู้ดีกะยังได้
ประคองใจทนสู่ บู๋ทางถางก่น
อีกบ่ดนหากสิม้ม ระทมเอ้าอั่งอั่งทรวง นั้นแหลว
 
05-28-2009, 10:02 PM   #12 (permalink)
ร่วมถ่ายทอดความรู้สู่สังคม
มาตรฐาน

ผู้ข้ากะเคยอยู่คือกันคับ....แบบว่า "ทิ้งเขา แล้วเราก็ อกหัก" บุ้ยเผิ่น 5555
 
Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว


หัวข้อที่คล้ายกัน
หัวข้อ ผู้เริ่มหัวข้อ ฟอรั่ม ตอบกลับ กระทู้ล่าสุด
ผญาคนอกหัก โป้ยก่าย คำผญา สุภาษิต 3 03-20-2009 10:41 PM



เวลาทั้งหมดอยู่ในเขตเวลา GMT +7 และเวลาในขณะนี้คือ 02:07 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม