เขียวใหญ่กับงามเมืองย่า

[pcalibration]

---

เอามาให้ชมครับบิ๊กบิ๊ก
ไผมีต้นพันธุ์หรือปลูกไว้แล้วแนะนำแหน่ครับ

[เซียงสีผีเป้า]

มันบ่แซบแหมะครับ อยู่บ้านปลูกไว้สามสี่ต้น มีแต่บักม่วงหน่วยใหญ่ๆ ซื้อต้นพันธุ์ตอนช่วง งานเกษตรแฟร์ ที่ ม. เกษตรบางเขนตั้งแต่สมัยเรียน มีทั้งมะม่วงขาวนิยม มะม่วงเขียวใหญ่ มะม่วงงามเมืองย่า หน่ยวบักใหญ่ โอ้นโต้น เอ้นเต้น แต่ว่า ลูกไม่ดกนะครับ ตอนเป็นหน่วยเทียแรก อยากกินเกือบตาย ปานได๋มันสิใหญ่ บาดเทียมันแก่ ก้นส่อน ต่อยลงมากิน

พระเจ้า.................... จางพอปานแล่นลงท่ง กินแล้วเป็นสีแป้งๆคือกินขนมโก๋ กินแล้วยึ่ง ตดดู๋ อิอิอิ พอสุกกะบ่หวาน ตอนแรกคิดว่าเป็นนำดินบ่ดี เลยโทรไปถามเจ้าของสวนที่ซื้อมา เพิ่นบอกว่า รสชาติจะประมาณนี้แหละครับ จะออกจืดๆ

แล้วกะมี บักทันใหญ่ (พุทราแอปเปิ้ล) นั่นกะบ่หวานคือกัน

แล้วกะมี ละมุดมาเลย์ (ละมุดยักษ์)ลูกเท่ากระป๋องนม นี่กะบ่หวาน

ถึงว่าเป็นหยังคะเจ้าคือบ่ปลูกขาย เพราะว่าคนบ่นิยม มันบ่แซบ
เลยมีแต่กิ่งพันธุ์มาขาย สำหรับคนชอบของยักษ์ เอาไว้อวดคนอื่นเฉยๆ

ถ้าสิปลูกไว้ถ่าเบิ่ง หรือกินเล่นๆก็พอได้อยู่ แต่ถ้าจะปลูกขาย แนะนำให้ปลูกพันธุ์อื่นเด้อครับ


เล่าให้ฟังในฐานะคนในวงการต้นไม้ครับ ใช้ประกอบการตัดสินใจเอาเด้อครับ

[บ่าวจัย]

เป็นจั่งซั่นดอกวะติอ้ายเซียงสี ผมสิบ่ได้เอามาปลูก ว่าสิไปหาซื้อมาปลูกยุแหมะ

[เขมราฐ]

แม่นค่ะ รสชาติบ่แซ่บแต่ปลูกไว้งาม ๆ เสริมบารมีซื่อ ๆ น้องหลินเคยกินเทื่อหนึ่งอยู่ค่ะ

[แม่ญิงหนองคาย]

ฮ้วย! แม่นอิหลีบ่จ้าที่ว่ามันบ่แซบ ญิงกะลังหาข้อมูลแหล่งพันธ์ุพุ้นเด้จ้า ว่าสิสั่งซื้อแมะจ้า
ถ่าว่ามันแซบบ่สมหน่วยสิได้เปลี่ยนใจทัน ขอบคุณเด้อค่ะที่ให้ข้อมู,

[หนึ่ง]

อิอิ ยุบ้านกะมีต้นหนึ่งจ้า เห็นแต่แม่เพิ่นเอาหน่วยดิบมากิน กิ่งมันรับน้ำหนักบ่อไหว แม่เพิ่นให้ลองกินยุแต่บ่อทันเคยลองกิน ย้อนบ่อค่อยมักผลไม้รสส้ม มื่อหน้าซิลองแล้วล่ะ วาแซบบ่อ อิอิ

[lungyai1123]

หน่วยใหญ่ๆแบบยุบ้านฮั่งรดชาดบ่ถ่อได๋แฮ่ะมันบ่ค่อยมีคนนิยมกินหลายถ่อได๋. ปลูกไว้ประดับ,ไว้สวยงามเอ้อกะเข่าท่า

[สาวทุ่งฝน]

นำมาเบิ่งของใหญ่จ้า เห็นแล้วน้ำลายสอเลย อยากกินส้ม อยากได้ไว้บ้านจักต้นเดน้อจ้า