Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
06-26-2009, 11:06 PM   #1 (permalink)
ผู้ช่วยผู้ใหญ่บ้านมหา
มิสบ้านมหา 2012
 
 
มาตรฐาน คิดฮอดกันแน่บ่อ้าย


:heart: อุ บ ล ? ร า ช ธ า นี แ ห่ ง นั ก ป ร า ช ญ์ :heart:

*-*-*-*-*-*-*-*-*-*-*-*

กลางดงป่าพงแสนชั้น
มีเถาวัลย์ มันเกี้ยว
เป็นเกียวยานหย่อนๆ
แสนสะออน หมู่ไม้ในด้าวด่านดง
เสียงปีปโป้งฮ้องส่งดังไกล

ในหัวใจ มันเพลินค่อยเดินไปหน่า
กาเว่าฮ้องยุงทองแอ่ว ...
ได้ยินเสียง แจ้วๆ ฟ้งแล้วม่วนหู
คิดฮอดซู้ผู้อยู่ทางไกล
จิตอาลัย ความฮักห่างเหิน เดินด้าว

กลางคืนหนาวเย็นจ้อย
....ลมวอยพัดผ่าน
จากมานานเป็นห่วงแต่เจ้า
ผู้เคยเว้า แม่นต่อกัน.....ดอกอ้ายเอ้ย.....

*-*-*-*-*-*-*-*-*-*-*-*-*-*-*-






 
06-27-2009, 06:11 AM   #2 (permalink)
Moderators
พบปะพูดคุย มาเชียร์ติ๊กของต่ายจ้า....

:heart:...:heart:...:heart:

สุดสายตาส่งยู้ ... หาพธูนางน้อง

หมายจับจองใจจ่อ..ฮ่วมพนอนำนาง...บ่น๊อ

ใจบางบางบ่ลดเลี้ยว...เทียวระทวยอ่วยหา

แนมสายตากะเพียงอ้าย....บ่าวพี่ชายอย่าไกลห่าง

คืนเวิ้งว้างให้ว้าวุ่น..ขอไออุ่นมาแอบอิง..คิงสะท้านหวั่นไหว..คึดฮอดอ้ายอยู่บ่เซา เด้น๊อ

คืนเหงาเหงาเอาใจส่ง..พะวงหาแต่ญาพี่..ในฤดีฮ่ำฮ้อน....อ้อนพี่ชายให้คึดฮอด..ซั่นแหล่ว


:heart:...:heart:...:heart:

เพลงติ๊กจ๋าแหมะ..ม่วนซูเพลงจ้า..จุ๊ฟๆๆๆๆ

แก้ไขครั้งสุดท้ายโดย ต่าย; 06-27-2009 เมื่อ 06:15 AM
 
06-27-2009, 09:11 AM   #3 (permalink)
ท่องเวบ
พบปะพูดคุย

ไกลตา ไกลใจ จิตคนึงหาแต่อ้าย

คึดฮอด อ้ายผู้ไกล ฝั่งพระนครศรีฯ

น้องอยู่ทางพี้ คิดฮอดกันบ่น้อ อ้ายเอ๊ย..
 
06-27-2009, 10:22 AM   #4 (permalink)
ดูแลตรวจสอบเนื้อหา
มาตรฐาน

จากบ้านมาไกลคิดฮอดหลายคนอยู่บ้าน
คิดฮอดหลายเฮือนซานที่เคยอยู่
คิดฮอดควายบักตู้กินหญาอยู่ข้างเถียง
คิดฮอดคนที่ฮักร่วมอยู่เคียงกัน
คิดฮอดคนที่ฝันจากมื้อนั้นอ้ายบ่อลืม
 
07-12-2009, 04:30 PM   #5 (permalink)
ร่วมถ่ายทอดความรู้สู่สังคม
มาตรฐาน น้ำฝนปนน้ำตา

เวหาสะเทือนก้อง น้ำตานองอยู่กลางท่ง

ฝนหลั่งลงฮำแผ่นพื้น ข้าวเขียวดั้วอยู่ทั่วนา

ฝูงหมู่ปลาดีดบ้อนห่าวซื่นแซวๆ

แนวโตคนอกหักฮักพังน้ำตาย้อย

นั่งงอยโพน เหม่อมองฟ้า เป็นหยังหนานางบ่อต่าว

หลงฟองเบียหลงกลิ่นวิสกี้ บ้อน้อหล่า....นางน้องจั่งบ่อคืน
 
07-12-2009, 04:33 PM   #6 (permalink)
ร่วมถ่ายทอดความรู้สู่สังคม
มาตรฐาน

ขอบคุณหลายๆ เด้อครับที่เขียนกลอนผญาม่วนๆ ให้อ่าน และหาเพลงม่วนๆ มาให้ฟัง

ขอเป็นกำลังใจให้ครับ
 
07-18-2009, 12:12 AM   #7 (permalink)
ศิลปิน นักแต่งผญา
มาตรฐาน

ฟังเสียงถ้อยทิดถอยกลกล่าว
พอได้ฟังเสียงท้าวทบทอดถึงพะนาง
ทดๆท้ายท้าวจ่อยวอนหา
ให้ฟ้าวคืนมาสาผุเคยซมท้าว
 
07-28-2009, 02:35 PM   #8 (permalink)
ร่วมถ่ายทอดความรู้สู่สังคม
มาตรฐาน เปลี่ยนวิกฤตให้เป็นโอกาส

เบิยเบิกฟ้ายามฝนซา หลังฝนใหม่

เห็นฟ้าใสแจ่มแจ้ง มโนอ้ายกะดั่งกัน

ลืมผู้หญิงคนนั้นหันอ่วยดูแลใจ

คิดไปหลายหวนหวย บ่ออาจหวนอดีตได้

มีกำลังใจให้ต่อสู้ วาสนาเฮาอาจยู้ใส่

มาพ้อผู้สาวคนไค สาวหญ้านางแน่งน้อย มาหลงเจ้ากว่าผู้ใด๋...นางเอ้ย....55555

ออนซอนเด้...ใจเจ้าของ...ย้านอ้ายอกหักอีกอยู่เด้อน้องติ๊กต๊อก
 
08-31-2009, 05:24 AM   #9 (permalink)
เจ้าหน้าที่ประชาสัมพันธ์
มาตรฐาน

วอนๆเว้าบ่าวสาวเผิ่นเอิ้นสั่ง คือดั่งนางจากอ้ายหลายปีแล้วบ่อต่าวคืน
อ้ายกะยืนเพ้อเว้อ แนมเบิ่งแต่หนทาง แต่กะจางใจหวังวาดมโนแนวม้าง
แนมสองข้างเดียวดายอ้ายเปล่าเปลี่ยว เทียวแต่แนมพุ้นพี้บ่อมีเจ้ามาอยู่เคียง
กลับมาเถิดนางน้อง มาตุ้มไฮ่นาเถียง กลับมาเบิ่งแยงเยียงพ่อแม่เฮาอยู่ทางบ้าน
กลับมาสานใจหมั้นสองเฮาให้หมั่นแก่น สุดสะแนนชีวิตคู่สิซูให้สู่สม ซั่นเด้น้อง นางเอย
:em01):em01):em01)
 
08-31-2009, 05:47 AM   #10 (permalink)
เจ้าหน้าที่ประชาสัมพันธ์
มาตรฐาน

วอนวอนเว่า อยากเว่าจาเป็นผญานำเพิ่น
แต่กะจนปัญญาน้อย...กะเลยได้สอยเอา
อันนี่...กะวาสอย ข่ะน้อยเอ๋ย
อ่ะกรี๊ดดดดดดด....สั่นดอก
5555+
 
08-31-2009, 07:50 PM   #11 (permalink)
แบ่งปันความรู้และประสบการณ์
มาตรฐาน

เหลียวเห็นลมพัดสนจ้าวเอ้าอั่งในอุรา
อ้ายจากนามาใกลใจคณึงนำน้อง
เทียวคิดเห็นตั้งแต่หน้าคือขวัญตามายิ้มใส่
อ้ายมาใกลปานนี้หรือลืมอ้ายแล้วบ่หน้อ
 
08-31-2009, 07:58 PM   #12 (permalink)
แบ่งปันความรู้และประสบการณ์
มาตรฐาน

อ้ายจากมาคราวนี้ถึงเกาหลีแสนใกลห่าง
แต่ความฮักยังบ่จางยังคิดถึงนาทน้องนางหล่าอยู่ซูวัน
ใจพี่นี้บ่เคยเปลี่ยนเป็นสองยังหมายปองแต่นางมาอยู่เคียงกับอ้าย
ถ่าจักคราวแนะเด้อหล่าซำพางหาดอกเงินแต่งค่าดองแพงกะสิสู่เพียงเจ้าบ่เปลียนผัน
 
09-01-2009, 02:34 PM   #13 (permalink)
ศิลปิน นักแต่งผญา
มาตรฐาน

คิดฮอดหลายแท้นอหล่า ได้แต่แนมเมฆา กับฟากฟ้าไปบอกข่าว
บอกว่าคนใจเหงา ฝากเอาความคิดฮอด หลอยหยอดไว้ให้สุ่วัน
บ่สำคัญกะซ่างถ่อน ถึงสิบ่ออนซอน กะป่อนป้ายให้คือเก่า
เพราะว่าใจเหงา ๆ อยากบอกเจ้าท่อนี้ คือว่า..เอ่อ.."พี่รักเธอ"


บืยยยย..
 
09-05-2009, 10:07 PM   #14 (permalink)
ศิลปิน นักแต่งผญา
มาตรฐาน

ผุบ่าวจ่อยผัดมาต้อย
อ่อยคำหวานตาลปนเหยื่อ
ย้านแต่เชื่อคำเจ้า
ได้กินข้าวบ่ายน้ำตา............แท้น้อ
ย้านมาล่อให้ม้าง
ทางเทียวแล้วถางไฮ่
ตั๋วให้ไล่ไก่บ้าน
เลี้ยงไว้แต่หมู่กา ............อิอิ
 
Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

ป้ายกำกับ
คำผญา

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 04:15 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน