ชุมชนบ้านมหา > ท่องเที่ยว-Tourist-Guide > สถานที่ท่องเที่ยวทั่วไทย > สถานที่ท่องเที่ยวภาคอีสาน

 
คำสั่งเพิ่มเติม เรียบเรียงคำตอบ
09-13-2009, 11:20 AM   #1 (permalink)
ดีเจ นักจัดรายการ
 
รูปส่วนตัว บักขามป้อม
 
ไปไหว้หลวงปู่ศรีสุทโธนำกันจ้า


[IMG][/IMG]ธุจ้า อ้ายๆ เอื้อยๆ บ้านมหาซู่คนจ้า กลับบ้านเทื่อนี้ขามป้อมกะมีโอกาสได้ไปไหว้หลวงปู่ศรีสุทโธจ้า ทั้งที่ศาลหลักเมืองเจ้าปู่ศรีสุทโธที่ทุ่งศรีเมืองอำเภอบ้านดุง บ้านเกิดขามป้อมเองจ้า และกะที่คำชะโนดนำ ขามป้อมบ่ขอบรรยายหยังหลายเด้อจ้าเกี่ยวกับรายละเอียด เพราะว่าเว้าหยังที่เป็นทางการบ่ค่อยเป็นจ้า ก๊าก แต่ถ้า เอื้อยๆ อ้ายๆ อยากฮู้รายละเอียดกะให้ตามกระทู้นี้ของพี่ลูกหินไปจ้า เพราะว่าเลาอธิบายได้ละเอียดดีแล้วจ้า

http://www.baanmaha.com/community/94-21378/

ขามป้อมถือเอามื้อดีคือวันที่ 9 เดือน 9 ปี 2009 ไปไหว้ปู่จ้า เพราะว่าบ่ได้ไปไหว้เพิ่น
อยู่คำชะโนดกะหลายปีแล้วจ้า เมือบ้านปีกลายกะบ่ได้ไปจ้า ล่าสุดที่ไปทางเข้าไปกะยังบ่ทันได้สร้างใหม่จ้า เริ่มการเดินทางจากตัวอำเภอก่อนจ้า แวะไหว้ปู่ที่ศาลหลักเมืองก่อน


ไปไหว้หลวงปู่ศรีสุทโธนำกันจ้า

เริ่มการเดินทางออกจากตัวอำเภอไปคำชะโนด ประมาณ 14 กิโลเมตร เดินทางด้วยรถมอเตอร์ไซค์จ้า คนขับกะคือน้องสะใภ้จ้า แดดฮ้อนคักจ้า

ไปไหว้หลวงปู่ศรีสุทโธนำกันจ้า

มาฮอดบริเวณวัดแล้วกะไหว้พระซะก่อนจ้า แล้วค่อยข้ามไปเกาะคำชะโนด

ไปไหว้หลวงปู่ศรีสุทโธนำกันจ้า

[/IMG]ทางเข้าไปจ้า เป็นสะพานข้ามไปยังเกาะคำชะโนด ตามหลังน้องสะใภ้ขามป้อมไปเลยจ้า

ไปไหว้หลวงปู่ศรีสุทโธนำกันจ้า

ไปไหว้หลวงปู่ศรีสุทโธนำกันจ้า

[SIZE="3"]เข้ามาถึงข้างในแล้วจ้า ให้เบิ่งบรรยากาศโดยรอบ ร่มรื่นเย็นสบายดีจ้า

ไปไหว้หลวงปู่ศรีสุทโธนำกันจ้า


ไหว้ปู่ศรีสุทโธ กับย่าปทุมมาจ้า


ไปไหว้หลวงปู่ศรีสุทโธนำกันจ้า



ยกหินศักดิ์สิทธิ์อธิษฐานจ้า


ไปไหว้หลวงปู่ศรีสุทโธนำกันจ้า

บ่อน้ำศักดิ์สิทธิ์จ้า

ไปไหว้หลวงปู่ศรีสุทโธนำกันจ้า

แก้ไขครั้งสุดท้ายโดย บักขามป้อม; 10-24-2009 เมื่อ 04:24 PM เหตุผล: แก้ไข เพิ่มเติมรูปแทนภาพเดิมที่หายไป
 

09-13-2009, 11:22 AM   #2 (permalink)
ดีเจ นักจัดรายการ
พอกลับมาฮอดบ้าน เซาเมื่อยสักพัก กะได้รับโทรศัพท์จากอ้ายฮัก (หนุ่มบรูไน)ทางเฝ้าไร่หนองคายจ้า ว่ากำลังเดินทางไปอุดรฯ จะผ่านบ้านขามป้อมพอดีจ้า ถามว่าอยู่บ้านบ่ อ้ายสิแวะไปเล่นนำพะนะ โอ๊ย จับจูดกันคัก แล่นหนีกะบ่ทันคนแห่งตะผุฮ้ายๆ อยู่ บ่ค่อยอยากเปิดเผยโตจริ่งหั่นหนา ก๊าก หลังจากที่ถามทางมาจนฮอดบ้านขามป้อม แบบทุลักทุเล ย้อนว่าทางยาก มีแต่ตะหลุกทางลาดยางแล้วกะตะหลุกทางดินแดง อ้ายเพิ่นกะมาฮอดจนได้ ก๊ากกกกก

นั่งคุยกันกินน้ำกินท่าแล้ว อ้ายเพิ่นว่า อ้ายบ่เคยไปคำชะโนดสักเทื่อเด้หล้า ว่าจิไปหลายเทื่อแล้วกะบ่ฮอดพะนะ เอ๋า ไปกะไปส่ะน่ะ (รอบสองแล้วข้อยมื้อนี้)


ออกเดินทางเที่ยวนี้พร้อมกับรถคันงามของอ้ายเพิ่น แต่งมาคักโหลดเตี้ยใส่แม็กอีกต่างหาก ตกตะหลุกเทิงบาดไปบาดมา จนว่าแม็กดุ้งเบิดเอาโลด ก๊าก



อ้ายเพิ่นอธิษฐานลูบฆ้องอยู่หน้าทางเข้า แต่ว่าดังหือบ่ดังกะบ่สามารถเปิดเผยได้ ให้ไปถามเลาเอาเองเด้อจ้า ก๊าก



สาธุหลวงปู่เอ๊ย หลานจิได้ไปเมืองนอกอีกรอบ หือสิได้เมียก่อนกะขอให้สมหวังเด้อพะนะอ้ายว่า (ถึกฆ้อนซะน้อ) 555+




ขามๆ ถ่ายฮูปดีๆ เด้อ เอาหล่อๆ ห่าเทื่อผุสาวเข้ามาเบิ่ง อ้ายอยากได้พี่นางให้น้องแล้วนี่พะนะ (ทางนี้กะดีใจอยู่อยากลักซิ้นพอแฮงแล้ว)



เบิดแล้วจ้าสำหรับทริปนี้ ขอบคุณสำหรับน้องสะใภ้ที่พาขับรถมาจนฮอดในเที่ยวแรก และกะขอขอบคุณอ้ายฮักที่อุตสาห์ขับรถไปเยี่ยมไปยามอีหล้าฮอดบ้านตีนโคก ก๊าก ท้ายสุดกะขอบคุณสำหรับก๋วยเตี๋ยวเด้ออ้าย แซบหลาย อิ่มคักจนว่ากินข้าวแลงบ่ได้เอาโลด

แก้ไขครั้งสุดท้ายโดย บักขามป้อม; 10-24-2009 เมื่อ 04:34 PM เหตุผล: แก้ไข เพิ่มเติมรูปแทนภาพเดิมที่หายไป
 
09-13-2009, 11:25 AM   #3 (permalink)
Membership renewed
สวยๆๆๆจังเลยจ้าน้องขามบรรยากาศกะร่มรื่น พาเอื้อยไปไหว้นำแน่เด้อจ้าเทื่อหน้า
เบิ่งแล้วกะมีความสุขจังเลย...เอื้อยสิหาโอกาศไปยามลุงจักเทื่อก่อนดอกสิได้ไปยาม
น้องนำนั่นน่ะ อ.บ้านดุง สาธุ สาธุ สาธุ ///จุ้ฟฟฟฟฟฟฟฟฟฟฟฟจ้าน้องขามบ่ได้เว้านำ
หลายมื้อคั่กว่าแม่นหลงป่าเห็ดแล้วสั่นดอกหวา น้องกะดาย อิอิ

ปล. 55555555555555คนทางหนองคายจับจูดน้องสาวหน่อยติ c06:

แก้ไขครั้งสุดท้ายโดย siranee; 09-13-2009 เมื่อ 11:28 AM เหตุผล: เพิ่มเติมข้อความ
 
09-13-2009, 11:26 AM   #4 (permalink)
ร่วมถ่ายทอดความรู้สู่สังคม
อนุโมทนาด้วยครับ ผมคนบ้านดุงเหมือนกันครับ ขอให้บารมีพ่อปู่คุ้มครองรักษาลูกหลานปู่ทุกคนครับผม
 
09-13-2009, 12:07 PM   #5 (permalink)
ศิลปิน นักร้อง นักแสดง
มิสบ้านมหา 2011
สาธุ ...

วัดสวยจังนะคะ ร่มรื่นมากๆ เลย หวังว่าคงจะมีโอกาสได้ไปกราบหลวงปู่สักครั้ง
 
09-13-2009, 12:09 PM   #6 (permalink)
แบ่งปันความรู้และประสบการณ์
ขามป้อมเพื่อน อนุโมทนาสาธุนำ
เขากะอยากไปไหว้หลวงพ่ออยู่เด้
แต่บ่มีวาสนาจักเทือ บุญคือสิบ่เถิงดอก อิอิอิ
จุ๊ฟฟฟฟ เพื่อน ขอบใจหลายๆเด้อ ที่หามาฝาก
 
09-13-2009, 12:53 PM   #7 (permalink)
ค น ธ ร ร ม ด า
สวยๆๆๆๆๆ อยากไปไหว้นำเด้น้อคือสิสบายใจดีแท้
 
09-13-2009, 01:22 PM   #8 (permalink)
Noo noiy
Guest
หว้า ถ้าเขาไปไหว้ หลวงพ่อจะส่อยเขาบ่ น่ เพื่อน แต่กะแนวมักเด้อ เข้าวัดฟังธรรม นำก้นแม่ใหย่ นิ เฮ็ดมาตะน้อย เลยติดนิสัยแมะ แต่ผุอื่นเผิ่นบ่เชื่อว่าเขา กะเข้าวัด ได้ 5555555555 ไปหาชวนผุบ่าวไปไหว้พระกะน้า คั้นอ้ายผาบี้ กะไปผุเดียวบ่เอิ้นน้องไปนำ เทื่อหลังก่อนเพื่อน ไปให้ครบทีม ไปพร้อมกันหลายๆคนมันจั่งค่อยม่วน 5555555 ไปหาแม่ย่า เอาทางหน้า นำหมูจี่ดอก ไปเก็นเห็ด เข้าป่าหาหน่อไม้ 5555555555 สาธุนำเพื่อน ขอให้เขามีความสุข พะนะ 5555บ่แม่นๆ ขอให้โลกสงบสุข........ฮิ้ววววว
 
09-13-2009, 03:26 PM   #9 (permalink)
แบ่งปันความรู้และประสบการณ์
เคยไปไหว้ปู่ อยู่คำชะโนด ยุเพื่อนขามป้อม แต่ตอนนั้นเพิ่นสร้างองค์พระยังบ่เสร็จเลยแหมะ

สาธุปู่ นำเน๊าะจ้า
 
09-13-2009, 06:53 PM   #10 (permalink)
ดูแลตรวจสอบเนื้อหา
อ้ายขออนุโมทนาบุญนำเด้อ ขอให้ก้าวหน้าในหน้าที่การงานเด้อครับ
 
ชุมชนบ้านมหา > ท่องเที่ยว-Tourist-Guide > สถานที่ท่องเที่ยวทั่วไทย > สถานที่ท่องเที่ยวภาคอีสาน



คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 08:59 AM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'