ชุมชนบ้านมหา > อาหารการกิน > ครัวบ้านมหา ชวนชิม > รูปภาพ-อาหารเมนูต่างๆ


ตอบกลับ
 
คำสั่งเพิ่มเติม เรียบเรียงคำตอบ
10-29-2009, 12:27 PM   #1 (permalink)
ดูแลตรวจสอบเนื้อหา
 
 
เกาทัณฑ์ ลาบปลาตองมาแล้ว

สวัสดีคับพี่น้องบ้านมหา ตามที่ผมได้ตั้งกระทู้ขอสูตรลาบปลาตองไปนั้น กะมีพี่น้องสมาชิกเข้ามาให้สูตรหลายๆสูตร ซึ่งผมกะได้พยายามศึกษาจดจำจนคิดว่าพอปฏิบัติตามได้ มื้อนี้ผมเลือกเฮ็ดตามสูตรที่ดีเจปุ้ยให้มาคับผม ลองเบิ่งเนาะคับ

พอดีกับไปตลาดพ้อปลาตองแบบนี้สองโตวางเฮียงกันอยู่เลยรับมาพิจารณาซะเลย แต่ว่าสิเฮ็ดแค่โตเดียวคับ เพราะว่าปลาโตใหญ่อยู่เด้ ลงมือเลยเนาะคับ


จัดการขอดเกล็ดปลาก่อนเลย เกล็ดหลายคับ ฟ่งไปทั่วเอาโลด ขูดออกให้เหมิดเลย แบบเกลี้ยงเกลาคับ


กรีดหลังถึงหางตามสูตรเลยคับ แบบว่าลอกสูตรเลยเด้เนี่ย


ไม้ฮี๋บพิฆาต ลอกหนังออกทั้งสองข้าง ลอกยากเติบอยู่เด้ ไม้ฮี๋บต้องใหญ่เติบ ลอกหนังแล้วกะเอาช้อนมาขูดเนื้อ ขูดเข้าไปๆ


เรียบร้อยแล้ว ได้มาส่ำนี้หละคับ สับก้างไว้ ส่วนหนึ่งเอาไปต้มน้ำปลาร้าไว้คนเนื้อปลา อีกส่วนหนึ่งไว้ต้มซดน้ำ



เนื้อปลาที่ได้เอาใส่ครกตำเลยคับ เหนียวหนับ ดึงสากกะสิบ่ขึ้น


เนื้อที่ตำแล้ว เป็นก้อนแข่นอั้นตั้นเลย

เดี๋ยวมาต่อ ยังบ่จบคับ
 
32 ท่าน ที่ขอบคุณ แหลวแดง
Boy_ubon, kapoloclikclik, kapoo, lukhin_inter, miaw, nakorn, pcalibration, pui.lab, tawant, กำพร้าผีน้อย, กำลังใจ, ข้าวปาด, คนตระการ..., คนไกลบ้าน2009, ตรี ศรีเมืองใหม่, ธีระปลัด, บ่าวกุดชุม, บ่าวจอหอ, บ่าวทิพย์คนอำนาจเจริญ, บ่าวน้อยยโส, บ่าวเคน, บ่าวแกดำ, ริมฝั่งหนองคู, ลาวดีน้อย, ลูกอิสาน, สาวเกษตร, เขมราฐ, เซียนเมา, เพียงลมพัดผ่าน, เพ็นนี, แจ่มใสยิ้มสวย, โชติ
10-29-2009, 12:44 PM   #2 (permalink)
ดูแลตรวจสอบเนื้อหา
เกาทัณฑ์ ต่อคับผม


เอาน้ำปลาร้าที่ต้มไว้มาคนเลยคับ คนจนว่าแหลกดีเอาช้อนบี้ไปนำ คนๆๆๆๆๆๆเติมน้ำต้มปลาร้าเทื่อละหน่อยๆ คนๆๆๆๆๆๆ


พอคิดว่าได้ตามสมควรแล้ว คือแหลกดี แหลวดีแล้วกะใส่ข่าก่อนตามสูตร คนให้เข้ากัน


ตามด้วยน้ำปลา ตามสูตรอีกแล้ว อย่าใส่หลายๆเด้อ มันเค็มน้ำปลาร้าแหน่แล้วหละ


ตามด้วยพริกป่น ข้าวคั่วๆใหม่ๆ หอมๆ ผงชูรสใส่ลงไป บักนาวจักหน่อย ท่อนั้นตั๊วเนาะเครื่องปรุงกะดาย


ปรุงแล้วชิมเบิ่ง ได้รสที่ต้องการ ใส่ผักลงไปคับ ผมได้แบบบ่เหนียวปานได๋ ใส่น้ำหลายโพดห่าได๋บุ งวดหน้าเอาใหม่


ส่วนหนึ่งสินึ่งแบบในสูตร แต่หาใบตองบ่ได้ เลยเอาแบบนี้หละ ห่อแล้วเอาไปนึ่งตั้วบาดเนี้ย ผมนึ่ง 30 นาที สุกคักอยู่คับ


มีต่อคับ บ่ทันจบ
 
10-29-2009, 12:58 PM   #3 (permalink)
ดูแลตรวจสอบเนื้อหา
เกาทัณฑ์ ต่ออีกจักหน่อย


ระหว่างที่นึ่งลาบหมก กะค้างหม้ออีกใบหนึ่ง ข่า ตะไคร้ ใบบักกรูด บักขามเปียก เกลือถิ่มลงไป เดือดอย่างร้ายแรงแล้วกะเอาก้าง เอาหัว เอาหนังส่วนที่เหลือลงต้มเลย ปรุงรสบ่ต้องจัดหลายดอกคับ เอาแบบนัวๆ ไว้ซดกับลาบปลา จั่งกินข้าวได้คล่องเนาะ


เรียบร้อยเหมิดทุกอย่างคับ หาออกไปพร้อมรับทาน ปลาโตหนึ่งได้สามอย่างนี้หละ ผมเฮ็ดโตน้อย โตใหญ่จักสิได้เฮ็ดหยังกินบุ ผักหนอกเข้ากันดีกับลาบปลา ซดน้ำตามไป แซบคือกันคับผม แล้วไปคาบหนึ่ง

ขอบคุณเจ้าของสูตร ขอบคุณผู้ขวนขวายหาสูตรมาให้ทุกท่านคับผม แต่มีข้อจำกัดแหน่อยู่ คือปลาตองเป็นปลาเนื้ออ่อน การเฮ็ดการทำกะยากพอสมควร หรือแม่นผมบ่ชำนาญกะบ่จัก เลยเฮ็ดให้เสียเวลาหลายเติบอยู่ เมนูนี้บ่เหมาะกับผู้หิวข้าวอย่างแฮง หรือว่าผู้ฟ้าว เพราะว่าอาจสิเฮ็ดให้อารมณ์เสียได้คือกัน แห่งมีผู้ถ่ากินที่ใจฮ้ายๆแห่งบ่เป็นตาเฮ็ดเมนูนี้เด้อ แต่ว่าผมเฮ็ดแบบไปเรื่อยๆใจเย็นๆ กรึ๊บไปนำ เลยรู้สึกว่าสบายใจคับ หิวปานได๋กะอดเอา มันบ่กล้าแล้วมื้ออื่นดอกนา อย่างหลายกะสามทุ่มท่อนั้นหละ อิอิ ขอบคุณที่ติดตามคับผม :heart::heart::em01)
 
10-29-2009, 01:27 PM   #4 (permalink)
ผู้ช่วยผู้ใหญ่บ้านมหา
Mr.Reception
มาตรฐาน

ป้าดดดด..มันเฮ็ดกินยากปานนี่ตี้ท่าน ยอมรับในความพยายามครับ...เป็นตาแซบเนาะ คือจั่งเห็นแนวแก้คาวแว๊บๆอยู่ อิอิ
 
10-29-2009, 01:46 PM   #5 (permalink)
ฝ่ายบริหารระดับสูง
มาตรฐาน

วิธีเฮ็ดง่าย ๆ ที่เคยเฮ็ดกะคือเอาไปย่าง หนังสิพองออกจากเนื้อ ปอกหนังออก เนื้อสิเป็นขุย ๆ หรือสิฟัก (สับ) ทั้งหมดคือลาบปลาดุกกะได้ครับ ใส่เครื่องลาบกะแซบคือกัน ถ้าบ่อยากเสี่ยงกะเอาก้างออกก่อนกะได้ครับ

วิธีที่ทั่นแหลวเฮ็ดค่อนข้างสิยุ่งยากครับ ผมเป็นคนใจฮ้อนแมะ อิอิ สุดยอดในความพยายามครับ

ไส ๆ ๆ เอามาซิมเบิ่งก่อนน่า
 
10-29-2009, 02:00 PM   #6 (permalink)
ศิลปิน นักแต่งเพลง
มาตรฐาน

กับบักสองซาวคือสิเข้ากันครับท่าน
 
10-29-2009, 02:43 PM   #7 (permalink)
ศิลปิน,ช่างภาพอิสระ
มาตรฐาน

เป็นตากินนำเด้อ้าย แต่ให้เฮ็ดคงบ่ไหวจ้า
 
10-29-2009, 03:58 PM   #8 (permalink)
Administrative
มาตรฐาน

อยากได้ลาบเหนียวบ้อจ้า...เห็นเฒ่าพ่อเพิ่นเฮ็ดเอาน้ำต้มหัวปลาหั่นหละมาคน ใส่น้ำทีละหน่อยๆคนไปเติมไปเรื่อยๆ
แล้วลาบสิเป็นแข่นๆเหนียวๆ...แต่ติ๋มว่ามันบ่สุกแหม๋...ได้ขอใส่หางตองเอาไปหมกไฟ เปิดออกหอมเด้ เว้ามาหละหิวข้าวเด้...
มาขอกินนำอ้ายแหลวแดงหนี่หละเนาะมื้อนี่...บ่เฮ็ดกับข้าวจ้า...
 
10-29-2009, 05:27 PM   #9 (permalink)
แบ่งปันความรู้และประสบการณ์
มาตรฐาน

แถวบ้านสิลาบแบบเหนียวครับ ฟักให่แหลกอิหลี แต่ดนเอาการ กว่าสิแหลวได่ แต่ของอ้ายแหลวแดง
เป็นตาแซ่บเนาะครับ
 
10-29-2009, 06:32 PM   #10 (permalink)
ฝ่ายกิจการพิเศษ
มาตรฐาน

อ้างถึง:
กระทู้ต้นฉบับโดยคุณ คนตระการ... อ่านกระทู้
ป้าดดดด..มันเฮ็ดกินยากปานนี่ตี้ท่าน ยอมรับในความพยายามครับ...เป็นตาแซบเนาะ คือจั่งเห็นแนวแก้คาวแว๊บๆอยู่ อิอิ
จังแม่นตาดีเนาะคนตระการเจ้า....

เห็นเฒ่าพ่อเพิ่นเฮ็ด เพิ่นตำใส่ครก แล้วหยอดน้ำอุ่นไปนำโลด หยอดเทื่อละน้อย
หยอดไปตำไป เอาสากนั่นหละคนไปโลด จนได้ที่เหนียวดีขนาด ลองเบิ่งเด้อบ่าวแหลว
ที่ยังอีกโตนึงนั่น.. กินกับยอดบักกอก หรือใบตูมอ่อนสุดยอด....
 
10-30-2009, 12:04 AM   #11 (permalink)
ดีเจ นักจัดรายการ
มาตรฐาน

อยากนำเด้บาดนิ ขั้นตอนเปนตะค้านเฮ้ดนำเนาะ อิอิ ขอนั่งซีมดอกสั่น
 
10-30-2009, 01:00 AM   #12 (permalink)
Moderators
มาตรฐาน

แหม่นแนวอ้ายราญหว่านั้นหละครับ ไผอยากกินเร็วๆบ่สมควรสิเฮ็ดเมนูนี้เพราะหว่ามันยากอิหลี สูตรบ่าวกะคือๆกันนั้นหละครับ หลังจากตำแล้วกะมาคนกับน้ำต้มปลาแดก น้ำต้มเถื่อละเคิ่งทัพพี คนไปเรื่อยๆจนหว่าเนื้อปลาที่มียุเคิ่งกะลังมังมันสิตึ่งขึ้นมาเป็น3ใน4ของกะละมัง หละเหนียวติดทัพพีจนซิดบ่อยากออกพู้นหละครับจั่งปรุง คนจนปวดแขนพู้นหละครับ แนวกินกับกะบักลิ้นฟ้าเผาไฟ ยอดบักกอกอ่อน กับใบบักเฟืองลนไฟเด้อครับ เข้ากันๆคือหยังนี้ (ปลาต้องสดๆเด้อครับเวลาคนเนื่อมันจั่งสิฟูหละกะเหนียวคือตัง) เว้ามาหละหิวข้าวเนาะ
 
10-30-2009, 06:44 AM   #13 (permalink)
ศึกษาหาความรู้
มาตรฐาน มีโอกาส สิไปกรึ๊บน๊ำดอกเด้อ

เป็นตาแซบแท่ แม่บ้านไปทางได๋ มื่อหน่าว่าสิไปกินแนวกินแซบๆน๊ำกันเด้อ!!!!!
 
10-30-2009, 11:08 AM   #14 (permalink)
ดูแลตรวจสอบเนื้อหา
มาตรฐาน

สุดยอดครับ อ้ายแหลว ปรบมือซวดๆๆๆๆๆๆๆๆๆๆๆๆ
 
10-30-2009, 11:34 AM   #15 (permalink)
ร่วมกิจกรรมนำความรู้
มาตรฐาน

โดนปานใด๋กะถ่าได้ครับ คันมีแนวกรึ๊บถ่า
จั่งว่าหละเนาะ สิกินของแซบต้องใจเย็นๆ เนาะ พ่ออาว...
 
ชุมชนบ้านมหา > อาหารการกิน > ครัวบ้านมหา ชวนชิม > รูปภาพ-อาหารเมนูต่างๆ

ตอบกลับ

ป้ายกำกับ
ปลาตอง, ลาบ, ลาบปลาตอง

คำสั่งเพิ่มเติม
เรียบเรียงคำตอบ
แบบตามยาว แบบตามยาว




เวลาทั้งหมดอยู่ในเขตเวลา GMT +7 และเวลาในขณะนี้คือ 04:15 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม