...น้องเขมพาเลาะกินต้มไก่ข้าวขึ้นบ้าน.....

[เขมราฐ]

สาวภูธรคือน้องเขม เฮ็ดเวียกกะบ่เป็นดอกค่ะ หั่งจักเป็นหยังพี่น้องเพิ่นจั่งเอิ้นแท้ละค่ะ

มื่อนี้น้าสาวเพิ่นสีข้าวค่ะ โทรมาเอิ้นแต่เช้าว่า "หัวหลินมากินต้มไก่เด้อ" วางโทรศัพท์แล้ว

ฟ้าวตื่น ซาวได้กล้อง กะแล่นโลดค่ะ ไปฮอดเพิ่นสีแล้วล่ะค่ะ เห็นแต่เพิ่นกำลังฮ่าย

กระสอบอยู่ค่ะ บ่แม่นผู้สาวขี้คร้านตื่นสวยเด้อค่ะ อั่น ๆ ตะเว็นขึ้นไวซื่อ ๆ



มาฮอดนาเพิ่นสีแล้วล่ะค่ะ เห็นแต่เพิ่นกำลังท้อนผ้าแหง่งเขียวอยู่ค่ะ



จากกองฟ่อนข้าวกลายเป็นกองเฟือง เน๊าะค่ะ แล้วจะกลายเป็นอาหารว่างให้งัวต่อไปค่ะ



ฝ่ายขนขึ้นรถกะขนเน๊าะค่ะ รถขับเคลื่อนล้อหน้าที่เอามาซ่อยบ่ได้จ้างแต่อย่างใดเด้อค่ะ
เอามาซ่อยกันค่ะ แล้วเจ้าของนากะจะซ่อยเพิ่นคืนค่ะ ซ่อยกันเป็นทอด ๆ




น้ำพักน้ำแรงตลอดหน้านาที่ผ่านมาค่ะ ชื่นใจนำเพิ่นคัก ข้าวกะเป็นราคา



เบิ่งงานหนักแบกหามแล้ว ขึ้นเทิงเถียงเบิ่งแนวอยู่แนวกินก่อนค่ะว่ามีหยังแหน่
แม่ครัวกะสาละวนเฮ็ดกับข้าว อั่นแม่ใหญ่กำลังคนลาบอยู่หั่นตื่นมาแต่ตี 4 พุ่นค่ะ



อาหารการกินกะลาบไก่บ้านค่ะ



ต้มไก่บ้านใส่หมากขามค่ะ

[เต็มใจให้เธอ]

ป้าด เป็นตาแซบแท้น้องเขม ยังจักถ้วยบ่ มากินใส่เที่ยงแหน่ครับ

[สาวทุ่งฝน]

ป้าดดด ได้่ข้าวหลายแท้จ้า ตั้งสามรถ คิคิ

อยากกินต้มไก่นำเนาะจ้า ฮิๆๆ ........

[บักขามป้อม]

โอ๊ยยย เทิงสะออนข้าวนำเพิ่น เทิงสะออนต้มไก่บ้านกับลาบไก่บ้าน ป้าดดดด เป็นตาแซบจ้าน้องหลิน

[เขมราฐ]

อั่น ๆ ขอต่ออีกแหน่เด้อค่ะ บ่ทันเบิด...



ผักพื้นบ้านเก็บจากในสวนค่ะ ปลอดสารพิษ รสชาติดี



ขนข้าวขึ้นรถแล้วนั่งเซาเมื่อยเว้านัวหัวม่วน หยอกล้อกันตามอัธยาศัย ซามแนวกินแล้ว
เอาเฟืองใหม่ ๆ กลิ่นหอม ๆ มาปูนั่งกินข้าวได้บรรยากาศอีหลีค่ะ เห็นเพิ่นเว้าหยอกกัน
น้องเขมกะม่วน ไปกับมุขตลกของเพิ่นแต่ละคน



ร่วมวงกันกินข้าวงาย บรรยากาศการช่วยเหลือ ซึ่งกันและกันที่ยังมีให้เห็นอยู่บ้านน้องเขมค่ะ



กินข้าวงายแล้วกะขนข้าวเปลือกขึ้นเล้าเน๊าะค่ะ บ่มีตอนเอาข้าวไปเทใส่เล้าเด้อค่ะ
ย่อนว่าน้องเขมคาแต่กินข้าว เมี่ยนพาข้าวซ่อยเพิ่น บ่ได้นำเมือในบ้านนำเพิ่นจ้อย....

[เพ็นนี]

บุ๋ยยยยยยยยยยยยยยย สีเบิดไปหลินน้อง อยากไปซอยเด้

ซอยกินต้มไก่

[คนตระการ...]

โอ้ยยยย..เห็นลาบไก่ ต้มไก่ แล้วมาคึดอยากแฮงแท้เด้.....เพิ่นมีหยังแก้คาวบ้อล่ะ ถ้าบ่อมีบ่อแม่นแนวเด๊ อิอิ งานนี่

[บ่าวเซียงน้อย]

น้องหลิน.. บ่อมีแนวแก้ติหล่า อั้น...ตีนไก่อ้ายจองเด้อ อิอิๆๆ สรุปแล้วน้องหลินเป็นมือกล้องกับฝ่ายกินอย่างเดียวแม่นบ่อ ฮ่าๆๆๆ

[เขมราฐ]

อ้ายเอ๋.. กับอ้ายเซียงน้อย ถามหาแนวแก้ น้องหลินเลยไปเปิดเบิ่งในกระติก เพิ่นปั้นน้ำมันไปแล้วค่ะอ้าย ยังแต่ซ่ำเห็นพอได้บ่ค่ะ

[แจ่มใสยิ้มสวย]

อยากกินลาบไก่นำจ้า