ช่วงปีใหม่ได้หยุดงานหลายมื้อเมือบ้านเกิดเมืองนอนซั่นแหล่วครับ
แม่เพิ่นพาไปเก็บผักหนอกยุท่งนา อันผักหนองนิเกิดตามดินชุ่มน้ำเด้อครับสังเกตุเบิ่งเด้อครับนาดำ(ข้าว)จั่งสิเกิด
นาหวานบ่เกิดผมกะบ่ฮู้คือกันมันเป็นหยังแต่ก่อนกี้นาของบ่าวจัยเกิดคักเต็มท่งเลย แต่ตอนนี้หวานข้าวเอาบ่มีจักต้น
ต้องไปหายุนาขะเจ้านาข้างๆกันครับ
อันนี้นายแบบและนางแบบกิติมศักดิ์ครับ ตามมาเลยครับสิพาไป
คนนี้ลืมบ่ได้ต้องพามานำ ขะซั่นวีซ่าบ่ผ่านอิอิอิเก็บบ่เป็นดอกไปนั่งเบิ่งซื่อๆ
นี้ละครับเขียวเต็มผืนนาเลย กำลังขึ้นใหม่ตอนนี้กำลังพอดีบ่แก่เกินไป
ถ้าแก่กว่านี้สิขมมาเด้อพี่น้องมาเก็บเอา ข้างกันเขาเก็บไปขายกัน มากันเป็นคันรถเลยว่าแม่นมาเอาบุญ
ชมภาพไปเรื่อยก่อนเนาะครับ อากาศตอนแลงกำลังเย็นสบายบ้านเฮาช่วงปีใหม่กำลังเย็นพอดี
บ่หนาวปานได๋ นั่งไส่มันคักๆโลดเนาะครับ
มาเบิ่ดเฮือนเลยพ่อแม่ลูกสาว555ย้านบ่ได้ออกกล้องนำพะน่ะ
อันนี้พ่อเฒ่ากับลุกสาวกำลังคักหญ้ากับผักหนอกออกจากกัน น้องนานาร่าวมาเป็นกำเลย555
ตอนนี้ได้หลายพอสมควรแล้วลูกสาวกะชวนเมือแต่บ้าน ปานว่าบ่ได้เลี้ยงใส่คนเอาโลดเป็นฮ้ายกะด้อกะเดี้ยเหว่ย
ตอนนี้กะพอแล้วครับเมือบ้านเอาไปล้างกินกิบป่นปลา กินกับแก่วปลาแดก ตะแม่นแซบคัก
มีความสุขตามประสาคนบ้านนาเนาะครับ หาบ่ได้เด้อทาง กทม.บรรยากาศแบบนี้น่ะครับ
Bookmarks