ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
01-12-2010, 10:24 PM   #1 (permalink)
Administrative
 
รูปส่วนตัว ติ๋ม เปอร์โย
 
แกงผักหวานป่าใส่ไข่มดแดง


เข้าบ้านบ่ได้หลายมื้อเกือบใจขาดจ้าพี่น้อง...คึดฮอดพี่น้องบ้านมหาทุกคนเด้อจ้า...
ติดหิมะหลายมื้อ อาหารกะบ่ค่อยสิมีกิน งานกะยากจักว่าแนวใด๋...หละเป็นหยุ่งๆคือไหมในบุงหนี่หละ
บ่เว้าหยังหลาย เว้าไปกะปวดหัวเนาะ กินดีกว่า ไปร้านไทยมาจ้าไปหามาม่ามาไว้กิน เทือหิมะตกแฮงอีก ไผสิไปฮู้
ได้ข้าวสารจ้าวมากระสอบ20กิโลกรัม น้ำปลา พริก มาม่าอีก1ลังขาดบ่ได้จ้าอากาศแบบนี่
ไปพ้อผักหวานกับผักอิตู่ โชคดีอิหยังปานนั่น กะเลยซื้อมาแกง มาเบิ่งแกงแบบไกลบ้าน หน้าตาสิเป็นแบบใด๋
แกงผักหวานป่าใส่ไข่มดแดง
แกงใส่ไข่มดแดงพร้อม...ไข่มดแดงแช่แข็งมาขายคือเก่าหละ สดๆบ่พ้อนำบ้านเพิ่นดอก
แกงผักหวานป่าใส่ไข่มดแดง
หน้าตาผักหวานจ้า กว่าสิเดินทางมาฮอด มาฮ้อนๆมาเจอหนาวเกือบเป็นน้ำ อิอิ
แกงผักหวานป่าใส่ไข่มดแดง
เครื่องปรุงจ้า
ผักหวานป่า2กำ เด็ดเอาแต่ส่วนอ่อนๆสิได้กินง่ายๆ ล้างน้ำไว้เลยจ้า
ผักอิตู่(ใบแมงลัก)เฮ็ดคือกันกับผักหวาน
ไข่มดแดง1ถุง
พริกสดจัก3-4หน่วย ใส่เป็นลูกโดด
เห็ดเท่าที่หาซื้อได้จ้า ติ๋มใช้เห็ดกระดุม(แซมปิยอง)
ปรุงรส ปลาแดก(ปลาร้า) น้ำปลา ผงนัวนิดหน่อย คั่นมัก
พริกแกง
ตำพริกแห้งใส่เกลือ ใส่กระเทียม หอมแดง ตะไคร้หั่นจัก2ต้น ข่าหั่นจัก3แว่น ข้าวสารแช่น้ำจัก1ช้อนโต๊ะ
โขลกพอหยาบๆค่ะ บ่ต้องละเอียดหลาย แกงอีสาน
เอาน้ำใส่หม้อตั้งไฟ พอเดือดใส่เครื่องพริกแกง เอาปลาร้าใส่กระชอนใส่ลงในหม้อแกง
พอปลาแดกเหลือแต่ก้างกะถิ่มไป ปรุงรสให้พอดี แล้วใส่ไข่มดแดง สุดท้ายกะใส่ผักหวาน ผักอิตู่ ปิดไฟโลดจ้า
แกงผักหวานป่าใส่ไข่มดแดง
ตักเสริ์ฟกับนึ่งข้าวเหนียวดำ...ตำแตง ทอดปีกไก่แก้เผ็ดนำจ้า
มาเด้อพี่น้องกินข้าวนำกัน เป็นมื้อที่แซบที่สุด ในรอบหลายๆเดือน...คึดฮอดแฮงเด้อแกงผักหวาน
คึดฮอดแต่เป็นสาวส่ำน้อย พากันไปเก็บผักหวาน ม่วนแฮง ไปนำกันหลายๆคนมีทั้งผู้สาว ผู้บ่าว ผู้เฒ่า
ทุกมื้อนี่คือสิบ่มีแล้วหละเนาะบรรยากาศม่วนๆแบบนั่น
แกงผักหวานป่าใส่ไข่มดแดง
เอ้าตักแจกคนละถ้วยจ้า...ติ๋มกินแต่แกงจนเบิดถ้วย ตำแตงกะเบิดจาน แทบสิบ่กินข้าว อิ่มคักกะยังว่า....

แก้ไขครั้งสุดท้ายโดย ติ๋ม เปอร์โย; 01-12-2010 เมื่อ 10:27 PM
 

01-12-2010, 11:01 PM   #2 (permalink)
แบ่งปันความรู้และประสบการณ์
พี่ติ๋มคือมาทำร้ายจิตใจน้องแอนแท้จ้า ทางนี้อดอยากปากแห่ง อะไรก็ไม่มีคือเขา อยากกินจ้า แกงผักหวานใส่ไข่มดแดง ถ้ามางโคราชแถวบ้านแอนจะใส่หมี่โคราช หรือวุ้นเส้นดาจ้า น้องแอนขอ 2ถ้วยได้ปล่าวจ้า หิวหลายจ้า
 
01-12-2010, 11:15 PM   #3 (permalink)
แบ่งปันความรู้และประสบการณ์
มักยุครับแกงผักหวาน...กินได้สุมื้อบ่เบื่อ...ใส่ไก่ใส่หวายนำครับ
 
01-13-2010, 01:44 AM   #4 (permalink)
International chef
ย้านสำมะโนครัวไปใกล้ๆพี่ติ๋มก่อนน๊าจ้า(กระซิกๆๆ)
ตะแซบแฮงจ้า มีฮอดไข่มดแดง แช่แข็งกะกินโลดจ้า ทางพี้แฮงบ่พ้อเลยจ้า (กระซิกๆๆๆ)
หาหยังมากินแก้อยากน้อบาดนี้มาพ้อเดิกๆแบบนี้นอนหลับบ่น้อขะน้อย

พี่แอน// ตราใบโพธิ์บ่พี่แอนสุดยอดหมี่โคราช เว่ามาคิดฮอดบ้าน (กระซิกๆๆ)

แก้ไขครั้งสุดท้ายโดย สาวทองแพง; 01-13-2010 เมื่อ 01:47 AM
 
01-13-2010, 04:02 AM   #5 (permalink)
แบ่งปันความรู้และประสบการณ์
ป๊าดดด ยุแถวได๋นิ ส่งมาแนน๊า บ่ได้กินหลายปีแล่ว อยากอย่างแรงงงง
 
01-13-2010, 04:25 AM   #6 (permalink)
แบ่งปันความรู้และประสบการณ์
แกงผักหวานแนวมัก เดือนกุมภา มีนาคม ไปหาเก็บตามภู สิได้กินอยุ่ด้อก อิอิ
 
01-13-2010, 06:58 AM   #7 (permalink)
ศิลปิน,ช่างภาพอิสระ
ผักหวานป่าแกงใส่ปลาช่อน ปลาย่าง ใข่มดแดง แซบคัก
ผักหวานป่าเดือนหน้ากะเริ่มแตกยอดแล้วเนาะ






เอื้อยติ๋มมาเว้าให้อยากไปเก็บผักหวานป่าอีกแล้ว 55+
ตอนเป็นสาวน้อยๆ ไปเก็บอยู่ป่าใกล้ๆเขากระโดงบุรีรัมย์
ผุบ่าวผุสาวเก็บไปจีบกันไป เด็กหญิงเพ็นนีกะคอยแซวอ้ายเอื้อย 55+
 
01-13-2010, 09:54 AM   #8 (permalink)
Craftsmanship
เห็นแล้วหิวจ้า ข้าวเหนียวสีง้ามงาม
อยู่ทางนี้ผักหวานมีแต่แช่แข็ง บ่เคยเห็นแบบสดๆเลย
 
01-13-2010, 10:56 AM   #9 (permalink)
ร่วมถ่ายทอดความรู้สู่สังคม
ใส่หมี่ จั๊กหน่อยกะแซบคือกันครับ (สูตรโคราชดอกเด้อ) เห่อๆๆๆ
เห็นแล้วหิวเข่าทันทีครับ
 
01-13-2010, 10:59 AM   #10 (permalink)
ร่วมถ่ายทอดความรู้สู่สังคม
ผักหวานเอาไปทำอิหยังกะแชบจ้ามัก แกงใส่ไข่มดแดงแชบหลาย ๆ จ้า...
 

ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
อาหารอีสานอินเตอร์, แกงผักหวานป่าใส่ไข่มดแดง

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 12:27 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม