ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ลิ้งก์ผู้สนับสนุน
ตอบกลับ
 
คำสั่งเพิ่มเติม เรียบเรียงคำตอบ
01-31-2010, 07:06 AM   #1 (permalink)
เจ้าหน้าที่ประชาสัมพันธ์
 
รูปส่วนตัว วัฒนชัย หาริโร
 
เจ็บแป๋ตาย...อ้ายกะยอมทน

หล่านางเอ๋ย... พอได้ยินคำน้องบอก ว่าจบกันสิได้บ่

บอกว่าพ้อคนใหม่แล้ว เขาคนนั้นเท่คักหลาย

ขอแยกทากฮักกับอ้าย ขอให้ชายหลีกได้บ่

สิไปกับคนที่พ้อ ส่วนโตอ้ายแล้วแต่กรรม

การกระทำที่เคยสร้าง หรือหนทางที่เคยเกี่ยว

เหลือคนเดียวแค่โตอ้าย คนฮักพ่ายต้องอยู่ทน

หากเขาดีกว่ามากล้น อ้ายยอมทนให้เจ้าหุ่ง

อ้ายบ่ขอเขาไปยุ้ง ขอให้รุ้งไปดั่งฝัน

มื้อได๋เจ็บบ่อาจกลั้น ให้ฟ่าวหันทางนี้ก่อน

มื้อได๋นอนน้ำตาร่วง อ้ายคนนี้สิรับคืน.....

มือใหม่ครับ....บืนบกบืนบากไปนำเผิ่นช่อยกันชี้แนะน้องนุ้งแหน่เด้อครับสิไปพัฒนามาใหม่ครับ
 

01-31-2010, 07:15 AM   #2 (permalink)
แบ่งปันความรู้และประสบการณ์
ผุได๋น้อเฮ็ดให้น้องชายหล้าเอื้อยเจ็บมาเป็นตาซังแท้
 
01-31-2010, 07:23 AM   #3 (permalink)
ศิลปิน นักแต่งผญา
ฟังควมซายอ้ายวัตย์เว้า
บอกว่าสาวขอลาก่อน
นางออนซอนใจอ้าย
มาดีแท้หลื่นคน...แท้น้อ
ฮักเคยรอฮ่วมสร้าง
สาวมาพังเป็นแนวใหม่
แต่จั่งได๋อ้ายผุนี้
กะรอเจ้ายุซุยาม...พะนะ
ออนซอนนำเจ้าเด้
อ้ายเอิกเพเขาบ่ห่วง
อ้ายทนเหงาเขาสุขล่วง
คนห่วงอ้ายกะคึดนำ...ยุเด้อจ้า
อ้ายบ่าวเอ๊ย
 
01-31-2010, 08:01 AM   #4 (permalink)
แบ่งปันความรู้และประสบการณ์
อ่านผญาซึ้งตรึงใจผู้ได้อ่าน อ่านผญาเศร้าเหงาใจผู้จอบฟังซั่นแล้ว พี่น้องเอย
 
02-03-2010, 04:46 PM   #5 (permalink)
แบ่งปันความรู้และประสบการณ์
มาเป็นกำลังใจให้จ๊า...ได้การยุเดะล่ะอ้าย...สู้ ๆ จ้า
 
02-03-2010, 05:01 PM   #6 (permalink)
ร่วมถ่ายทอดความรู้สู่สังคม
อ้ายชายเอ่ย อย่าสิคิดนำเขาหลาย
บ่ได้มีแต่เขาคนเดียว สาวอื่นอ้ายกะเหลียวเบิ่งเนเด้อจ้า..

มาเที่ยวนี้เศร้าแท้น้อจ้า สู้ๆๆ แต่งม่วนดีจ้า..
 
02-06-2010, 03:06 AM   #7 (permalink)
แบ่งปันความรู้และประสบการณ์
มาสงสารแท้หล่ะอ้าย เฮาผู้ซายถืกถิ่มถ่ม
หลงคารมสาวผู้นั่น(จั้กผู้ได๋)สาวผมสั้นหรือผมยาว
หรือเป็นสาวมักเว้า ลมลวงเอาป้อนเข้าใส่
หรือเป็นสาวทรงใบ้ เทียวใซ้แต่สายตา
หรือว่าเป็นคนแถวนี้ แม่นซิมีอยู่บ้อหว่า
หรือเป็นสาวบ้านมหา ผู้มาลวงหลอกต้มให้ซายล้มลุกบ่ไหว
เจ็บคือกันน้ออ้าย สาวบ้านได่กะตามสร่าง
ถึงเป็นสาวแม่ฮ้าง กะเจ็บย้อนบ่ต่างกัน
อดสาเอาเด้ออ้ายมโนนัยอย่าอุกอั่ง
กัดเทิงแข่ว เทิงฟัน กัดจนดังก้อดก้อด น้ำตาเจ้าอย่าให้เห็น อ้ายเอ้ย
เขาซิสมน้ำหน้าเฮา หลูโตนอ้ายข่อยคัก
 
02-06-2010, 06:43 AM   #8 (permalink)
ศิลปิน นักแต่งผญา
ฟังอ้ายรอย สอนอ้ายวัตย์ มาซงเป็นตะเส้นเลือดแตกในสมองแท้จ้า กัดแข่ว ทนเอาพะนะ...อิอิ
 
02-06-2010, 07:01 AM   #9 (permalink)
เจ้าหน้าที่ประชาสัมพันธ์
ขอบใจอ้ายรอยเด้อที่มาบอกน้องนุ่งให้อดทนฟังแล้วถืกใจคัก ปะอ้ายเฮาไป ว.4ทางน้ำแก้ความเจ็บจัก 2กลมกะหนาเถือลืมเขาได้ฟ่าวๆเด้ออ้ายน้องสิอาบน้ำถ่า
 
02-06-2010, 07:02 AM   #10 (permalink)
ศิลปินแดนไกล
แมนเจ็บหลายปานได๋อ้าย เจ็บแป๋ตายมาซ่างว่า
คือสิเจ็บเอาหนักหนา มาเป็นตาหลูโตนแท้
คือสิแย้แท้อาการ แมนสาวได๋คนผู้นั่น
คงสำคัญสำหรับพี่ คั่นเจ็บหลายเอาซ่ำนี่
บอมีได้สิซ่อยไหว เจ็บร่างกายยังพอเว้า
เอายาใส่กะยังหาย แต่เจ็บใจไผ๋สิฮู้ว่ายานั่น
มันอยู่ไส อิอิอิอิ เซาเจ็บสาเถาะจ้า เมื่อยนำอิอิอิ
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

ป้ายกำกับ
ผญา

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search
วันไหลพัทยา 2558, ตั้งสายกีต้าร์ ผลสอบ มสธ, ซื้อโทรศัพท์รุ่นไหนดี, ฟังเพลงลูกทุ่งออนไลน์, การเพาะเห็ดฟาง, อาหารอีสาน, สงกรานต์เที่ยวไหนดี

เวลาทั้งหมดอยู่ในเขตเวลา GMT +7 และเวลาในขณะนี้คือ 10:04 AM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม