ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
02-08-2010, 06:21 PM   #1 (permalink)
Administrative
 
รูปส่วนตัว ติ๋ม เปอร์โย
 
ต้มแซบกระดูกหมูอ่อน


ต้มแซบกระดูกหมูอ่อน

เห็นกระทู้บ่าวต้นบ่มีรูป...อ่านแต่ชื่อหัวข้อกระคึดอยากแล้ว...ประกอบกับเจ้าของมีกระดูกหมุอ่อนอยู่พอดี
กะเลยเฮ็ดต้มแซบมาฝากพี่น้อง...มีสูตรมาฝากพร้อม เอาไปเฮ็ดกินลองเบิ่งเด้อจ้า แซบอิหลี...
ต้มแซบกระดูกหมูอ่อน

ต้มแซบกระดูกหมูอ่อน
เครื่องปรุง
เริ่มจากกระดูกหมูอ่อนเลยจ้า สับให้เป็นชิ้นพอคำหรือตามชอบเลยจ้า เลาะมันถิ่มไปนำแหน่ หลายโพด
ล้างให้สะอาด แล้วนำไปต้มใส่น้ำกะให้ได้ซดเด้อ พอเดือดใส่เกลือจักช้อน หมั่นตักฟองถิ่ม น้ำแกงสิได้ใสๆ
พอฟองเบิดไปกะเริ่มใส่ซีอิ๊วขาว รากผักชีทุบๆ3-4ราก ผงปรุงรสนิดหน่อยจ้า
ผ่อนไฟ ปิดฝาหม้อ ตุ๋นจัก1ชั่วโมง กระดูกสิได้นุ่มๆเนาะ

ต้มแซบกระดูกหมูอ่อน
ในระหว่างนั่นกะหันมาเตรียมเครื่องปรุงต้มแซบ
หอมแดงปอกเปลือกทุบพอแตก4-5หัว
ตะไคร้ทุบพอแตกหั่นท่อน2ต้น
กระเทียมโทนทุบพอแตก1หัว
ข่าหั่นแว่น5-6แว่น...แล้วนำทั้ง4อย่างนี่ไปคั่วให้หอม
เห็ดฟางถ้ามี(ติ๋มใช้เห็ดกระดุม)+มะเขือเทศ
ใบหมากกรูดฉีก+ผักชีฝรั่งหั่นท่อน2-3ต้น+ผักชีหั่น
ข้าวคั่ว+พริกป่นหน่อยหลายตามชอบจ้า
พริกแห้งทอดกรอบจัก5-6เม็ด+พริกขี้หนูสวนบุบๆพอแตก
น้ำหมากนาว+น้ำพริกเผา
พอกระดูกหมูสุกกะเริ่มเร่งไฟอีกครั้ง...ใส่หอมแดง+ตะไคร้+กระเทียม+ข่า+เห็ด+มะเขือเทศ
น้ำต้มเริ่มหอมแล้ว ให้ใส่น้ำพริกเผา ใบมะกรูด ชิมรสเค็มตามชอบ ใส่ผักชีฝรั่ง+ผักชี ปิดไฟจ้า

ต้มแซบกระดูกหมูอ่อน
เตรียมถ้วยใส่แกง ใส่น้ำหมากนาว+พริกขี้หนู+ข้าวคั่ว+พริกป่น แล้วตักต้มแซบใส่ถ้วย
โรยหน้าด้วยผักชีฝรั่ง+ผักชี+พริกทอด

ต้มแซบกระดูกหมูอ่อน
มื้อนี่เสริ์ฟกับข้าวสวยจ้า เป็นข้าวซ้อมมือ
วิธีหุงจ้าน้องแพง เอาข้าวสารใส่หม้อหุงข้าว ล้างจัก2น้ำ
แล้วใส่น้ำคือข้าวหุงทั่วไป+น้ำเพิ่มจักครึ่งข้อมือ แช่ถิ่มไว้จัก30นาทีถึง1ชั่วโมง แล้วกะกดหุงปกติจ้า...นุ่มดีบ่แข็ง...

ต้มแซบกระดูกหมูอ่อน
ตักฝากพี่น้องผู้ละถ้วยเนาะจ้า...มาเด้อกินข้าวนำกัน ซดน้ำแกงแก้หนาว....
ตั้งกระทู้แล้วหยอกบักลายไปนำ แล้วกะบ่เป็น อิอิอิ....
 

02-08-2010, 06:27 PM   #2 (permalink)
ดูแลตรวจสอบเนื้อหา
น่านพี่ติ๋มช่วงนี้หยุดบ่อน้อคือเห็นเข้าครัวน้อ อิอิ น้องหล่าเเวะมากินต้มเเซบดูกหมูเเหม๋ครับป๊าดดดมาเเซบเเท้น้อบาดนี้ไผมาดึงหูกะบ่ออยู่ อิอิ
 
02-08-2010, 06:38 PM   #3 (permalink)
ดูแลตรวจสอบเนื้อหา
ผมเฮ็ดยามได๋บ่แซบจักเทื่อคับ สิได้มาอาศัยแล้วแลงทางพี้หละมื้อหนิ เป็นตาแซบหลายๆคับผม
 
02-08-2010, 06:53 PM   #4 (permalink)
แบ่งปันความรู้และประสบการณ์
เป็นตาแซ่บอยู่เอื้อย ผมกะมักคือกันล่ะต้มแซ่บหมูนี่ แต่ว่ากว่าสิได่กินคือดนแท้
 
02-08-2010, 10:44 PM   #5 (permalink)
นักการภารโรง
ยากนำเฮดเวียกแล้วยังมายากนำ เฮดแนวอยากแนวกินยุเนาะ ปานนิหว่าซิพากันลดหุ่น
 
02-08-2010, 10:51 PM   #6 (permalink)
แบ่งปันความรู้และประสบการณ์
แน้พี่ติ๋ม มาทำให้แอนหิวข้าวอีกแล้ว น่ากินหลายๆเด้อจ้า ซดร้อนๆเนาะ แก้หนาวได้สุดยอด
 
02-09-2010, 01:05 AM   #7 (permalink)
ร่วมถ่ายทอดความรู้สู่สังคม
ขอบคุณหลาย แม่ครัวคนเก่ง พี่แจ่มใสทำผิดมาตลอด เลยค่ะ ถึงว่าไม่เคยได้อร่อยสักทีก็ใส่ ใส่ข่า ตะไคร้ หอม มะกรูดก่อนแหม แล้วเจ้าสิ่งเหล่า ต้มนานเป็นไงไม่รู้

ขอบคุณวิธีหุงข้าวด้วยค่ะ อีกอย่างให้ถามหน่อยนะ ข้าวคั่ว นี่ ทำมาจาก ข้าวเหนียว หรือข้าวจ้าวค่?
 
02-09-2010, 03:13 AM   #8 (permalink)
Administrative
โอ้ยยย...ซากได้หยุดมื้อเดียวหนี่กะให้กินได้แหน่เถาะท่าน วมต เอ้ย...เฮ็ดงาน5มื้อกินแต่อาหานนำฝรั่ง ข่อยหละหล่อยเบิด5555++

ตอบพี่แจ่มใสยิ้มสวยจ้า...แม่นแล้วจ้าพี่ ต้มเครื่องเทศโดนๆรสชาดสิเป็นเฝื่อนๆ...
ข้าวคั่วนั่น ติ๋มใช้ข้าวสารเหนียวคั่วจ้าพี่....
 
02-09-2010, 08:21 AM   #9 (permalink)
ศิลปิน นักแต่งเพลง
ขอบคุณครับสำหรับเมนูดีๆ ซดฮ้อนๆเนาะครับ หย่ำกระดูกอ่อน เว่าแล้วกะจักคำแหน่เด้อคับ
 
02-09-2010, 08:21 AM   #10 (permalink)
เจ้าหน้าที่ประชาสัมพันธ์
เอื้อยติ๋ม เบิ่ดแล้วบ้อครับ ตักมาให้น้องซิมเบิ่งแนครับ คือเป็นตะแซบแท้ ซู๊ดดดดดดดดดดดด
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
ต้มแซบกระดูกหมูอ่อน, อาหารอีสาน


คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 01:32 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'