แพนเค้ก Pancake

[แม่มาลีน่า]

มื้อนี่ได้หยุดพักผ่อน1วันจ้า หลังจากทำงานยาวนานมาหลายมื้อ บ่เฮ็ดหยังหลาย พักผ่อน นอนเว็น
เฮ็ดกับข้าว,ขนม ทำความสะอาดบ้าน ซักผ้า ไปฟิตเนสช่วงแลง1ชั่วโมง เลี้ยงหมาเลี้ยงแมวไปตามประสาเนาะจ้า



ขนมที่เฮ็ดมื้อนี่ง่ายๆจ้า บ่ต้องใช้เตาอบ...นั่นคือ แพนเค้กแบบเดนิชเนาะจ้า สิแตกต่างจากสูตรทางอเมริกาเพิ่นแหน่จักหน่อย


เอาสูตรมาฝากตามเคยเนาะ
ไข่ไก่4ฟอง
แป้งเอนกประสงค์250กรัม
น้ำตาลทราย1ช้อนโต๊ะ
นมสดรสจืดครึ่งลิตร
เนยสดสำหรับทากระทะนิดหน่อยจ้า
เตรียมอ่างผสมมา ใส่น้ำตาล+ไข่ไก่ ปั่นให้ฟู แล้วใส่แป้งปั่นสลับกับใส่นม ปั่นไปเรื่อยๆจนเบิดแป้ง+นม
นำเข้าไปพักไว้ในตู้เย็น30นาที..



เคิ่งชั่วโมงผ่านไปกะเอาออกมากวนด้วยพายไม้ พายยางกะได้
กระทะตั้งไฟ ใส่เนยทากระทะนิดเดียวจ้า พอกระทะฮ้อนกะตักแป้งลงใส่ ทอดแบบกลับด้านจ้า
เฝ้าเบิ่งเอาสีเหลืองๆกะสุกแล้วจ้า ง่ายๆ



เวลาเสริ์ฟกะแล้วแต่ผู้ใด๋สิมีไอเดียร์ดีๆหละจ้า ตามใจ ติ๋มกะเอาของที่มีติดบ้านอยู่แล้วหละมาใส่
อย่างเช่น ไอติม,แยม,น้ำผึ้ง,น้ำตาลไอซิ่ง...เอาไปเฮ็ดแบบเครปเค้กงามๆกะได้จ้า
ขอให้สนุกกับการได้ทำในสิ่งที่ชอบทุกๆท่านจ้า...สำหรับติ๋มคั่นหยุดอยู่บ้านได้เฮ็ดในสิ่งที่มัก ทอนี่กะมีความสุขแล้วจ้า
การที่เฮาบ่อยู่ว่างๆกะซ่อยให้ลืมปัญหาไปได้แหน่ พอบ่เหงา บ่เศร้าใจจนเกินไปเนาะจ้า
ฮัก ห่วงคนอื่นมากๆแล้วกะอย่าลืมฮัก ห่วงโตเจ้าของให้มากๆคือกันเด้อจ้า...
อย่าไปหวังว่าคนที่เฮาฮัก...เขาสิมาฮักมาห่วงเฮาคือจังเฮาไปฮักเขา...คึดมากอีกแล้ว เซาเขียนดีกว่า....

[บ่าวจัย]

อยากเป็น เวียร์ เด้ๆๆๆๆๆๆๆๆๆๆ

[ไทสกลฯ]

ในตู้ มีแต่แจ่วบองแหมะ.. เอาใส่แทนแยม น้ำเผิ่ง แล่วมันสิกินได้บ่น้อ

[สาวโคราช]

พี่ติ๋ม น้องแอนก็ชอบเด้อจ้า ตอนอยู๋เมืองไทยกินทุกวัน ยามไปตลาด ชอบใส่มะพร้าวกะงาหลายๆๆๆๆๆๆๆๆ เอิ้ก ไม่ใช่แว้ว น้องแอนขอจั้ก 5ชิ้นเด้อจ้า ลูกชายชอบหลายจ้า กินกะแยมc06:c06:

[แจ่มใสยิ้มสวย]

เออ แอน พี่แจ่มใส ก็คิดถึงเหมือนกันเด้อไอ้ที่ใส่ งา ใส่มะพร้าว เยอะหนะ ฮะๆๆ

แต่แพนเค๊กนี่กิน กับ เนยอร่อยดีคือกันชอบๆ แฮะๆ ไตม่เคยทำเองจั๊กที มีแต่ซื่อแป้งผสมสำเร็จแล้ว

เอ้อ เก่งจริงๆ แม่บ้านคนนี้

[แม่มาลีน่า]

อันนั่น ขนมถังแตกบ้อจ้าน้องแอน ที่ใส่น้ำตาลทราย+งาคั่ว มะพร้าวทึนทึกขูดนะจ้า...มักกินเกือบลืมเลยขนมไทยชนิดนี่...
แต่เป็นเด็กน้อยงานวัดเนาะ เบิดเงินตั้งหลายบาท ย่อนขนมอันนี่....

ขอบคุณค่ะพี่แจ่มใส...ติ๋มมักเฮ็ดขนม+กับข้าวจ้าพี่ กะเลยเฮ็ดไปเรื่อยๆ ยามวันหยุด แก้เซ็ง แก้เหงาจ้า
แพนเค้กนี่ ติ๋มหัดให้ลูกสาวติ๋มเฮ็ดจ้า...เขาสิไปเรียนดรงเรียนกินนอนสิงหาคมนี่จ้า
ทางโรงเรียนให้เด็กน้อย เปลี่ยนกันทำกับข้าว อาทิตย์เว้นอาทิตย์...ย่านลูกจับเครื่องใช้ในครัวบ่เป็น เลยหัดให้ซะ อิอิอิ

เดี๋ยวว่างๆอีกมื้อใด๋ ติ๋มสิเฮ็ดแพนเค้กทางฝั่งเมกาให้เบิ่ง แบบแผ่นกลมๆหนาๆพองๆนะจ้า...มีสูตรอยู่

[ไก่น้อย]

หิวเด๋ ...เห็นแนวกินพี่ติ๋มแล้วท้องร้องจ๊อก เลย แมะ

[thedon]

ขอบคุณครับสำหรับ เมนูขนม เป็นแซ่บอีหลีครับ เทิงหน้าตา และกะรสชาด

[สหายพง]

อยากกินเด้บ้านพงมีแต่ข้าวจี่แหม

[บ่าวคนเดิม]

เมนูลดความอ้วน เหมาะกับสาวๆ ที่ต้องการไดเอตลดหน้าท้อง

เบิ่งไปเบิ่งมาหว่าแม่นโรตี แหมะติ๋ม