นึ่งปลานิลจิ้มน้ำพริก

[ติ๋ม เปอร์โย]

---

รายละเอียด

หย่างไปร้านแขกมามื้อวานนี่จ้า...เซ็งไปร้านไทยบ่ได้ไกล รถเสียแต่คืนวันพุธพุ้น
เลิกงาน5ทุ่มกว่าๆ ขับออกจากที่ทำงานได้ประมาณ5กิโลเมตร ไฟขึ้นที่เครื่องยนต์ ตายคักๆข่อยงานเข้ากลางเดิก
แต่ปานนั่นติ๋มกะฝืนขับต่อ เพราะข้อ1.เดิกแล้ว..ข้อ2.อยากฮอดบ้าน ขับมาได้บ่ถึงกิโลเมตรไฟแดงๆขึ้นว่าStop พะนะ
กะเลยจำเป็นได้หยุด...โทรเอิ้นรถเขามายกไปไว้ร้านซ่อมให้จ้อย โทรเอิ้นหมู่ให้มารับกลับบ้านที แห่งแต่เดิกๆ อากาศกะหนาวๆ
เอ้ามาเบิ่งว่าติ๋มได้อิหยังมากินแหน่ บ่ซื้อหลายดอก หิ้วหนัก อิอิอิ



ได้ปลานิลมาโตหนึ่ง บวบหอม3หน่วย ฟักแม้วลูกหนึ่ง ผักกาดฮ่องเต้1ถุง หมากเขือ5-6ลูก
พริกหนุ่ม เอามาเฮ็ดน้ำพริกจ้า จัดการล้างปลาดีๆ ปั้งข้างๆโต หมักเกลือไว้จัก5ชั่วโมง สิได้นัวๆเนาะ
ผักต่างๆหั่นล้างเตรียมไว้เลย ตกเย็นๆมากะจัดการนึ่งปลาให้สุกก่อน ใส่ผักนึ่งคือกัน พอสุกกะใช้ได้





นึ่งสุกแล้วกะเสริ์ฟกับน้ำพริกหนุ่ม...บ่มีข้าวจักปั้นเลยกะยังว่า กินลดหุ่นอิหลีจ้า ผู้ใด๋อยากได้ข้าวนึ่งเองเด้อมื้อนี่
มาๆพี่น้องกินนึ่งปลาใส่ผักนำกัน...แซบ เสียดายบ่มีข้าว ตื่นเช้ามาแสบท้องแต่ตี5 หิวข้าว อิอิอิ
เดี๋ยวสูตรน้ำพริกหนุ่มเอามาลงให้จ้า ไปนอนต่อก่อนดอก พึ่งตี5...คั่นบ่นอนกะต้องได้หาข่้าวมากินคักๆ หิวปานนี้....

[กำลังใจ]

ผักเคียง น่ากินหลายเนาะ

[pui.lab]

กินลดหุ่นอีหลีเห็นผักกองบักใหญ่
ทางปุ้ยแม่ะ จันทร์ ถึง ศุกร์ บ่ค่อยได้กินข้าว บ่มีเวลากิน
มากินตอนเสาร์ อาทิตย์ รวบยอดจ้า 5555+

[ฝนหลวง]

กระทู้ต้นฉบับโดยคุณ pui.lab

กินลดหุ่นอีหลีเห็นผักกองบักใหญ่
ทางปุ้ยแม่ะ จันทร์ ถึง ศุกร์ บ่ค่อยได้กินข้าว บ่มีเวลากิน
มากินตอนเสาร์ อาทิตย์ รวบยอดจ้า 5555+

รวบยอดนี่กินหนักเลยแม่นบ่อเจ้ ฮ่าๆๆๆ

[ครูไทยไกลบ้าน]

เห็นแล้วน้ำลายไหล

[บ่าวกุดชุม]

เป็นตาแซบคัก แจ่วบักพริกดิบ แซบๆๆๆๆๆๆๆๆๆๆๆๆๆๆๆ

[แหลวแดง]

มักที่ซู้ดดดดคับ นึ่งปลาใส่ผักหลายๆ พร้อมด้วยแจ่วพริกดิบ สุดยอดเลย อย่าลืมข้าวเหนียวฮ้อนๆนำเด้อครับ

[หนุ่มสกลคนร้อยเอ็ด]

ขอมักครับสุดยอดเลย นึ่งปลาลวกผักมีข้าวเหนียวจ่ำแฮ่งคัก อิอิ

[หมูหวาน]

เป็นตาแซบ หลายจ้า เอื่อยติ๋ม ผักตอนนี้กะหัดกินแล้วจ้า แซบๆๆอยู่จ้า อิอิ

[ทอง]

จังแม่นเฮ็ดแนวกินเก่งเนาะครับ
มีแต่ของแซบๆทั้งนั้นเลยครับ

[cute]

ท่าทางจะอร่อยน่ะ

[ผู้ก่อการรัก]

โอ๊ยย ติ๋มเอ๊ยย มาเปิดเอาตอนนี้ หิวข้าวหลายเด้ออออ

[หนุ่มหน้าลาว]

ผมออกข้าวเหนียว แล้วกัน ครับ พอได้ตุ้ยแจ่วแน่

[ม๋าน่อย]

เป็นตาแซ่บเนาะจ้าเอื้อยติ๋ม เห็นแล้วหิวข้าวพะนะ

[หล่อร้อยเมตร]

โอ๊ยยย กิน2มื่อบ่เบิ่ดหว่านี่แม่ะ อ้ายแนมเบิ่งโตปลา บ่เขิ่งท้องอ้ายเด้อส่ำนี่นึง ฮ่าๆๆๆ