เปาะเปี๊ยะสดภาคพิสดาร

[บ่าวน้อยยโส]

เหตุการณ์เกิดขึ้นเมื่อตอนกลับบ้านช่วงปีใหม่ที่ผ่านมาผู้น้องกับผู้เอื้อยอยากกินเปาะเปี๊ยะสด
แบบเฮ็ดเองเลยพากันไปซื้อวัตถุดิบมาแล้วกะลงมือละเลงทันที

เริ่มจากตั้งกระทะใส่น้ำมันแล้วเอากระเทียมลงเจียว


จากนั้นเอาหมูลงผัดกับกระเทียมให้สุก


ปรุงรสด้วยแม็กกี้


ตามด้วยเห็ดหอมกับแครอทที่หั่นเตรียมไว้แล้ว


ตามด้วยวุ้นเส้น


สุดท้ายกะเอาแผ่นเมี่ยงมาห่อให้สวยงาม แต่ตอนหั่นกะเอะใจว่าแผ่นเมี่ยงมันคึเป็นเหนียวๆ
หยาบๆน้อบาดหนิสองพี่น้องแล้วแนมหน้ากันพลางหัวร่อ.......นี่มันแผ่นเมี่ยงสำหรับทอด
ตั๊วหนิ มันบ่แม่นเมี่ยงสด จากความป่วงของสองพี่น้องเลยต้องเอาเมี่ยงที่ห่อแล้วไปนึ่ง
เพื่อให้แผ่นแป้งมันสุกแรกๆว่าสิทอดเอาแต่ผู้เอื้อยเพิ่นบ่อยากกินของมัน


สุดท้ายหั่นออกมาใส่จานหน้าตากะออกมาเป็นจังสิล่ะพี่น้องครับ


กินกับน้ำจิ้มแปะซะ


จากนั้นกะไปชวนท่านแม่มาเป็นหนูทดลองเพิ่นกะบอกว่า"บ่..สูกินโลดกูย่านกูหยึ่ง"
สองพี่น้องแนมหน้ากันทั้งอยากหัวแต่ของมันเฮ็ดมาแล้วเลยต้องรับผิดชอบเปิบเมนูพิสดาร
กันสองคนพี่น้อง

[บ่าวจอบบ้อน]

จักชิ้นแนครับ ตาแซ๊บแท้

[บ่าวต้อม]

มาเป็นตาแซบแท้น้อ

ขอกินนำแหน่

[กำลังใจ]

น่ากินหลายๆเนาะ ขอกินด้วยคนเด้อ

[ชิงช้าชาลี]

คืออยากกินของแปลกนำแท้ล่ะบาดนี้ มันสิติดแข่วบ่น้อ