ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ลิ้งก์ผู้สนับสนุน
ตอบกลับ
 
คำสั่งเพิ่มเติม เรียบเรียงคำตอบ
02-09-2007, 12:52 AM   #1 (permalink)
แบ่งปันความรู้และประสบการณ์
 
รูปส่วนตัว ทองคำ
 
ผญาว่าเอา

โอนอ อุกใจหลายเด้หล่า เอกายังหว่าเหว่
อกสิเพแตกม้าง ทางก้ำฝ่ายพี่ซาย
มาเสียดายแต่ก้ำ ผลาทำบ่ยู้ส่ง
คือจั่งกงกรรมเกี้ยว เทียวใช้แต่หมู่เวร
เกิดมาเป็นคนมาหนี่ ซาวปีสิพ้นหว่าง
ยังนอนเดียวอ้างว้าง กระทอฮ้างสาวบ่อเหลียว
ทุกมื้อเปลี่ยวใจเศร้า แนวเฮาผู้ฮ่ายใหญ่
บ่อมีสาวเห็นใจ คือไม้ตายแก่นหล่อน ดอนด้าวบ่อเฮ็ดเฮือน
แนวนามหมาขี่เฮื้อน บ่สมเฮือนไม่ยูงแก่น
แนวว่าแป้นไม้หมี้ บ่มีได้เฮ็ดแพ
อุกเหลือหลายคักแท้ แก้ผ้าย่างให้ส่วงใจ สาบ้อ
หรือแม่นไผเด้นอ สิซ่อยยอให้หวิดม้ม เจ้าเอย
 

02-09-2007, 01:10 AM   #2 (permalink)
นักปราชญ์เมืองอีสาน
ศิลปินนักแต่ง ผญา
Re: ผญาว่าเอา

...ฮ่วยยย มาสิว่าแก้ผ้าย่างนอ บาดนี้ หมาสิบ่อแล่นใส่บ่อท่าน..อิ อิ อิ

โอนอ อย่าไปโสกาเส่าเหงาใจจนเกินเหตุ ท่านเอ้ย สมพอมีหากสิได้ มีบ้างดอกเรื่องสาว
อย่าไปคิดดอกฟั่งฟ้าว ไปหาเที่ยวเทียวสนุก เอาให้หายความทุกข์ อย่าฟ้าวหาเมียซ้อน
ข่อยเห็นตอนยามมีแล้ว ลงเฮือนกะยังยาก ลำบากนำลูกเต้า ได้นอนเฝ่าอู่เปล
คิดยากเด้ยามฝนฟ้า ยามดำนาแม่เถ่าจ่ม ฮ่าลางเทื่อเฮ็ดเวียกงานบ่อม้ม เขาผั่นป้อยด่าผี พู้นตั้ว..

อย่าฟ้าวอยากได้หลายเถาะเมียหน่ะ...บ่อจักนรกสิบขุมบ่อเจ้า เว้าแล้วข่อยเมือนอนก่อนเด้อ
เขาสิว่าข่อยมาเหล่นสาว อิ อิ อิ ผั่นสิได้นอนนอกซาน ซั้นดอกหวา ยุงแฮ่งหลาย
 
02-09-2007, 01:24 AM   #3 (permalink)
สาวชุมแพ
Guest
Re: ผญาว่าเอา

นั่งเฮ้ดน้ำลายเหยื่อย ฟังผญากอ่น
[img]http://img267.imageshack.us/img267/6010/2190551155270308vc2.gif[img]
 
02-09-2007, 02:02 AM   #4 (permalink)
นักปราชญ์เมืองอีสาน
ศิลปินนักแต่ง ผญา
Re: ผญาว่าเอา

เป็นได๋หล่า สังมาเฮ็ดน้ำลายเฮี๋่ย หรือแม่นเลียหมากส่ม หมากยมน้อยต่อยตำ...
ซิมจักคำเป็นหยังน้อง อ้ายขอลองคือสิแซบ อ้ายสิแลบปากอ้ากินส่มให่ส่วงใจ นั้นแหลว..
...............................กินนำแหน่ ตำหมากยม หรือหมากม่วงบ้อนาง.......................................
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search
ตั้งสายกีต้าร์ ผลสอบ มสธ, ซื้อโทรศัพท์รุ่นไหนดี, ฟังเพลงลูกทุ่งออนไลน์, การเพาะเห็ดฟาง, อาหารอีสาน

เวลาทั้งหมดอยู่ในเขตเวลา GMT +7 และเวลาในขณะนี้คือ 01:32 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม