ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
09-04-2010, 01:09 PM   #1 (permalink)
ดีเจ นักจัดรายการ
 
 
แนวกินบ้านเฮา..เท่าที่จะหาได้ในเขตเมืองหลวง


มาอีกแล้วค้า หลังจากที่นู๋น้อยก้มหน้าก้มตาซาวหาเพลงมาเปิดสู้พี่น้องฟัง
ยามแลงๆ ว่างๆกะเลยไปหาหย่างตลาด ซื้อกับข้าวมาเฮ็ดกินแลง แล้วกะเป็นโชคดีค่ะ
มื้อนี้ไปตลาดได้กบมา 2 โต ในใจคึดว่าอยากกินอ่อมกบ แบบบ้านเฮานั้นน้า..
ว่าแล้วกะเลยหย่างหา ผักมาอ่อม เป็นบุญอีกแล้วจ้า ได้ผักดอกแค มะเขือ
พริกอ่อนของโปรด โอ้ยยยคึดฮอดบ้านเด้ ว่าแล้วกะเลยหย่างต่อไป
เห็นปลาดุกย่างหอมๆ กะเลยขอเผิ่น โอ๊ะ ซื้อมา 2 โตพร้อมผักกินกับอีกเพียบ
แบบว่า หย่างกับบ้านจนเซ ซื้อของเพลิน ฮ้าๆๆ
โอ้ยเว้าหลายเดียวสะบ่แล้วแนวกินแลง เอาเป็นว่า เมนูมื้อนี้กะอ่อมกบ ฮั่นละค้า
มาลงมือกันเลยพี่น้อง


1.ได้กบมาแล้วกะ ถอดเสื้อกบ(ว้ายยกบโป้) แล้วล้างน้ำให้สะอาด พักไว้ให้เด็ดน้ำ
ค่อยจั่งเอามาสับเป็นต่อนๆมันจั่งบ่กะเด็นใส่ตะของก๊ากกกก หน้าตาออกมาแบบนี้




2.แล้วกะพักเรื่องกบ ถอดเสื้อไว้ก่อนไว้ก่อนค่ะ หัวนมาเตรียมเครื่องแกงก่อน
กะมี ข่า ตะไคร้ ใบมะกรู้ด พริกชี้ฟ้า หรือพริกหยังกะได้ที่มีในตู้เย็นหรือปลุกไว้หลังบ้าน
กะเทียม 3 กีบพอย้านขิว ใส่พอเป็นพิธีชื่อๆ ก๊ากกกก สอย ข่า ตะไคร้ เป็นแว่นๆ
เสร็จแล้ว โยนลงครก ใส่พริก กะเทียม ลงไปนำ แล้วกะตำแบบบ่หยั้งมือ จนแหลก
ละเอียกพอประมาณ อ้อ เด็ด พริกหน่วยอ่อนๆ ไว่นำจ้า ถ่าใส่เป็นลูดโดด
สำหรับคนมักกินเผ็ด


3.เสร็จแล้วกะทั้งกะทะ ใส่น้ำมัน จักน้อยค่ะบ่หลายเด้อค่ะย้านอ้วน
ก๊ากก แล้วเอาเครื่องแกงที่โครกไว้ลงผักพอหอม แล้วกะโยน กบที่สับไว้แล้ว
ลงในกะทะ อย่าฟ้าวคนจ้า ให้กะทะเดืือนจักหน่อย หรือจะปิดฟาไว้ ประมาณ 2นาที
ค่อยเปิดออก ใส่น้ำผงนัว(ผงชูรส)1 หยิบมือ เกลือ 2หยิบมือน้ำตาล 1 หยับมือ ค่ะ
อ้อ ลืมใส่ส้ม งานนี้ใบหมากขามอ่อนออกงานจ้า ใส่ใบขามอ่อนเด้อพี่น้อง


4.หันมาทางผักที่เตรียมใส่กอ่อมกบ บาดนี้ ล้างดอกแค มะเขือ ใบกระเพา หอมต้น
พริกอ่อน พร้อมแล้วกะโยนผักลงกะทะแบบบ่คิดหยังเลยค่ะ เหอะๆ บาดนี้ละจั่งค่อยคนให้เข้ากัน
ทั้งผักและกบ แล้วเติมน้ำเปล่า จักหน่อยประมาณ 1 ถ้วนตวง ทิ่มไว้แปบ 1

แล้วจั่งชิมรสชาติจ้า คั้นกินจางบ่ได้กะจั่งใส่น้ำปลาเอาเพราะสูตรนู๋น้อย บ่ค่อยใส่น้ำปลา
เพราะกลิ่นมันแฮง ใส่ตะเกลือกะพอ ฮ้าๆๆ อิแม่ว่ามันจั่งนั่ว ซั่นดอก หน้าตาออกมาแบบนี้



ชิมเบิ่งแซบแล้ว ออกรส เผ็ด นัว นั้นละแม่นแล้ว ตักใส่จานหรือถ้วย
พร้อมกะติบข้าวเหนียว ปูสาดนั่งกิน บาดทีนี้ พร้อมกับ อาหารบ้านแบบนี้จ้า


1.อ่อมกบ วั่งฮั่นนี้ละ


2.ปุ่นปลาดุกย่างใส่หมากเขือ กับผักต่างๆ


ผักต่างๆเท่าที่หาได้


3.หมกปลาสหวายใส่พริกหยวก


4.ต้มปลานิลแบบบ้านๆ



5.ตำหมากม่วง ของแซบ เอิ้กกกก




โอ๊ะ ข้าวนึงบ่ทันสุกบาดนี้จ้า ไผ๋มีข้าวกะเอามาสู่กันกินแหน่เด้อ เอาแต่แนวกิน
มาต้อนละมื้อนี้ ไปเบิ่งหม้อข้าวก่อน กับหาน้ำมากิน ย้านแค้นข้าว

แหล่งที่มา :ครัวนู๋น้อย


 
09-04-2010, 01:22 PM   #2 (permalink)
เจ้าหน้าที่ประชาสัมพันธ์

กรี๊ดดดดดดดดดดด
อิหล่า ลาบปลาดุก
เอื้อยดิ้งช๊อบ ชอบ
ขอทั้งถ้วยเลยเด้อ
 
09-04-2010, 01:32 PM   #3 (permalink)
ร่วมถ่ายทอดความรู้สู่สังคม

ไญ่นู๋ แนวกินเจ่าซางมาเป็นตาแซบแท้ น้ำลายไหลลลล เป็นตา......แซบบบบ
 
09-04-2010, 01:36 PM   #4 (permalink)
ดีเจ นักจัดรายการ

เชอะ ประสาอ่อมกบ บ่อยากนำดอก ง๊าก ง๊าก
นั่นๆ หมกปลาสวาย เบิ่งซงแล้วกะบ่เป็นตาแซบจักเม็ด (แต่กะลักอืนน้ำลาย)

จะแม่นเพิ่นอาหารการกินอุดมสมบูรณ์น้อ บ่อยากนำดอก กินโลดบ่ย้านได้ลื่นดอก (ย่างหนีแบบงอนๆ ห่าเทื่อเพิ่นเอิ้นนำ) ไปต้มมาม่ากินเที่ยงก่อน บ่มีหยังแซบท่อมาม่าดอก บรรยากาศฝนตกแบบนี้ หุ หุ ง๊ากกกกกกกก
 
09-04-2010, 03:12 PM   #5 (permalink)
ดีเจ นักจัดรายการ

แกงไข่มดแดง
 
09-04-2010, 03:37 PM   #6 (permalink)
ร่วมถ่ายทอดความรู้สู่สังคม

ตาแชบเนาะจ้า หิวข้าว คิดออดบ้านเฮือนเคยอยู่ อู่เคยนอนเด้ๆๆ หิวข้าวแต่กินบ่ได้ มันบ่ทวงอยู่55+
 
09-04-2010, 03:50 PM   #7 (permalink)
เจ้าหน้าที่ประชาสัมพันธ์

มาแบบบ่เอาหยังมาเลย มาหากินซื่อๆได้บ่นู๋น้อย..อิอิ มีแต่แนวเป็นตะแซ่บแท้ มื้อแลงเฮ็ดกินก่อนน๊า..
 
09-04-2010, 04:27 PM   #8 (permalink)
ร่วมกิจกรรมนำความรู้

อืม...ตาแซบเนาะ
แกล้มบักสองซาวคือสิคัก อิอิ
 
09-04-2010, 05:15 PM   #9 (permalink)
ศิลปิน,ช่างภาพอิสระ

อ่อมกบกับหมกปลาสวาย เพ็นนีขอผ่าน ข่าน้อยบ่กินกบ ปลาสวายกะบ่กิน


ขอป่นปลาดุกกับผักกะพอแล้วจ้า อิอิ
 
09-04-2010, 05:35 PM   #10 (permalink)
ดีเจ นักจัดรายการ

ถ่ามองบ่ผิด มีตำบักม่วงบ่นั่น มาต่อนไหย่แท้ เข้าเครื่องบ่น้อ ต่ะแชบเนาะ
 
09-04-2010, 06:26 PM   #11 (permalink)
International chef

ตะแซบแท้จ้า แต่คือมาภาพน้อยแท้น้อนู๋น้อย อ่านกินบ่คักแมะจ้า
 
09-08-2010, 03:46 PM   #12 (permalink)
ศึกษาหาความรู้

ส่างว่า เป็นแม่ศรีเรือนคือกันติ 5555 แต่บ่กิบกบ อ้ายทิด ขอปลาดุกละกันนู๋น้อย เป็นตาแซบอยู่
 
09-08-2010, 09:17 PM   #13 (permalink)
ศึกษาหาความรู้

มาทันข้าเจ้าบ่น้อ แต่ก้อคือซิเหลือพอได้อิ่มจักมื้อดอกเนาะ กับข้าวหลายขนาดนี่ขออิ่มนำจักเวลาเด้อครับ คร้านหุงข้าวมื้อนี่
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
อ่อมกบ

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 01:14 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม