ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
09-08-2010, 12:01 PM   #1 (permalink)
ศิลปิน นักแต่งผญา
 
รูปส่วนตัว พลายแก้ว
 
แอบปลื้ม...สาวบ้านมหา..

นับแต่มื้อย่างเข้า เซาฮ่มเฮือนมหา
ได้เว้าจาพูดคุย ได้ย่างสุยหน้าเวปไซด์
สาวผุไคมาจาต้าน วจีหวานปานตาลหยด
คันเป็นมดสิขอตอม ดมดอมอยู่เหมิดมื้อ
สัมพันธ์ถือเป็นพี่น้อง คล้องใจให้หมั่นแก่น
อยากเป็นแฟนหากบ่กล้า สิจาเว้ากล่าวขาน
เพียงแค่หาญวนเวียนอ้อม สังฮอมใจสิ่งตาส่อง
เพียงแค่หลิงล่ำน้อง ทรวงสะบั้นเมื่อยมึน
อดที่ฝืนใจยั้ง มะนังใจล่วงหลงจิต
พอปานโดนยาพิษ จนป่วงวินเวียนเซ่อ
ใจมาเผลอหลงฮักเจ้า สาวผุงามแก้มแป่นแว่น
แม่นมีแฟนแล้วไป่เจ้า อยากสิเข้ามานั่งเฮียง
พบแค่เพียงเสียงคำต้าน อักษรสาร์นพิมพ์ผ่านบอร์ด
ซ่างคิดฮอดตั้งแต่เธอ อยู่เสมอบ่มีเว้น
ย่านแต่เวรสิเทียวจ้อง มักคนมีเจ้าของ มาหลงข่องของมีค่า
แนวชื่อว่าภรรยา ผุสามีหากหวงแท้ เลยขอแค่...ว่าปลื้มเธอ...


แอบปลื้ม...สาวบ้านมหา..แอบปลื้ม...สาวบ้านมหา..แอบปลื้ม...สาวบ้านมหา..
 
09-08-2010, 12:35 PM   #2 (permalink)
ร่วมถ่ายทอดความรู้สู่สังคม
วจีนี่สุดยอดเนาะ
อ่านแล้ว ขนแขน สแตน อัพ เลยแหม
 
09-08-2010, 12:39 PM   #3 (permalink)
ฝ่ายเทคนิคและโปรแกรม
อัน จักแม่นหยังหล่ะ Click ให้คำขอบคุณบ่ได้ กะแม่นว่าเอาโลดเนาะ ขอบคุณคร๊าบบบบบ

มักไผหล่ะน้อง บอกแน่เป็นหยังหล่ะ แม่นผู้เดียวกันบ่เหอออออออ ฮ่า ๆ ๆ (ล้อเล่นดอกเหว่ย)

พุ้นหล่ะ ตาเหลื่อมแมบไส่อ้ายคือหลายเถาะ ฮิ้วววววววววววววว
 
09-08-2010, 12:58 PM   #4 (permalink)
แบ่งปันความรู้และประสบการณ์
เบ้ยยยยยยยยยยยยยยยยยยยยยยยยยย มักพุสาวว่าหั่นเถาะ อิอิ
 
09-08-2010, 01:06 PM   #5 (permalink)
เจ้าหน้าที่ประชาสัมพันธ์
หวานหยดย้อย สุดยอดเลยจ้า แต่งได้ม่วนคักจ้า..ว่าแต่แอบปลื้มสาวคนได๋น้อจ้า สิจอบเบิ่ง..อิอิ:l-
 
09-08-2010, 01:47 PM   #6 (permalink)
ร่วมถ่ายทอดความรู้สู่สังคม
นับแต่มื้อย่างเข้า เซาฮ่มเฮือนมหา
ได้เว้าวาจาต้าน บ่าวบ้านมหาตาฮักนัก
แค่อ้ายเว้ามาทัก ว่าฮักและคิดฮอด
พอให้ใจเต้นๆ เห็นชื่อเข้าห้องแชท
แอบจอบแชวเจ้า ให้พอเชาหายคิดฮอด
...มื้อได๋บ่เห็นชื่อเจ้า..ใจสาวเฝ้าแอบคอย
...มื้อได๋อ้ายเข้ามา..ใจสาวกะสุขหลายเด้ อ้าย เอย


555+ มาแจมๆๆ อะจ้า
 
09-08-2010, 02:25 PM   #7 (permalink)
เจ้าหน้าที่ประชาสัมพันธ์
สุดยอดบทกลอน สอนผญาเนาะครับ
มักไผ๋ หลงไผ๋กะบอกไปโลด บ่บอกมันสิอดเด้
สิหาว่าผมบ่เตือน แค่อยากบอกว่า.....
รักและคิดฮอดจ้า
 
09-08-2010, 02:25 PM   #8 (permalink)
ร่วมถ่ายทอดความรู้สู่สังคม
เห็นแล้วมี่แต่ผู้จบ ผู้งามครับ พี่น้องคร้บ
 
09-08-2010, 03:03 PM   #9 (permalink)
ศิลปินแดนไกล
หลานบ่าวก๋าคามเอ๋ย เห็นเปิดเผยฉเลยตั้ง ฮักจริงจังอีหลีบอ
สาวได๋น้อเป็นคนนั่น อยู่ในบ้านดอกมหา คั่นว่าป็น โตป้า ฮ่าฮ่าฮ่าพุ้นแหล่ว
คั่นว่าเป็นดอกโตป้า ขอเวลาคึดเบิงก่อน ยังบออยากสิเดือดร้อน
ขอวอนไว้สาก่อนเด้อ อิอิอิอิ เว้าหยอกเหล่นนำหลานเด้อ

แก้ไขครั้งสุดท้ายโดย chudhancock; 09-08-2010 เมื่อ 03:49 PM
 
09-08-2010, 03:42 PM   #10 (permalink)
แบ่งปันความรู้และประสบการณ์
ออยยย อ้ายบีกะดาย แอบมักกะบ่บอกน้องน้อ
มาหาตั้งกระทู้หลาย คนเลยสิรู้เบิด5555555555555555555555
(เว่าเล่นเด้อจ้า)
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

ป้ายกำกับ
ผญาแอบปลื้มสาว

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 04:56 AM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'