Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
09-27-2010, 02:44 PM   #1 (permalink)
ศึกษาหาความรู้
 
 
มาตรฐาน ศิลห้าฆ่ากิเลส

ฮ้อนเอ้ยความฮ้อนฮุ่ม มันสุมอยู่ในอก
มันคือจั่งเหมือนนรก เผาใจให้ม้ายม่าง
บุญกุศลบ่ได้สร้าง นำกันแต่ปางก่อน
เวรมันเลยได้ย้อน ให้นอนกลุ้มกุ่มใจ



เฮ็ดมาลาดอกไม้ ไหว้พระพุทโธ
ตั้งนะโม 3 จบ นบงามงามพร้อม
ดอมเอาจิตเอาใจ ให้พระธรรมนำส่อง
ให้ปกป้องนางหล่า กัลยาณ์นี้ปลอดภัย
เอาพระธรรมนำใจ เฮ็ดให้น้องนี้ผุดผ่อง
สิสนองพระคุณท่าน สืบสานด้านพุทโธ
ตั้งนะโมจบแล้ว ข้อศิลห้าสิพาว่า
-ปานาติปาให้จบสิ้น ศิลข้อนี้ห้ามฆ่าสัตว์
-อทิทนาธานาว่าให้ชัด อย่าสัมผัส ของไผ๋นั้น อย่าสุจอง
-กามาหรือกาเมว่าให้คล่อง ผิดฮีตคองท่องให้ผ่าน
อันตำนานข้อนี้ อีหลีแท้อยากเฮ็ดนำ
-มุสาวาจาจำ คำได๋ดีให้เจ้าว่า
อย่าสุมาหลอกต้ม ตั๋วต้อยให้ม้อยตาม
-สุราเมลัยอย่าสุข้าม น้ำดื่มของเมา
คนเข้าใจอีหลี อยากหลายตี้พวกพี่น้อง



ลองกันมาหมดแล้ว หมดทุกแนวที่น้องว่า
วาสนาคนต่ำต้อย บักหอยน้อยแมนอยากเกิน
อย่าสุเขินเด้อพี่น้อง นางขอลองประพันธ์แต่ง
แจกแจงเพียงท่อนี้ เพื่อเป็นที่พอเข้าใจ
อันความฮักฝากไว้ เขียนจากใจให้ได้อ่าน
ฝากผลงานนี้ไว้ ให้พี่น้องได้คิดนำ สั่นแล้ว





ปล.ข้าวต้มมัดข้ามขั้นตอนการสวดมนต์ ที่ถูกต้องไปจักน้อยน้อค่ะ ขาดคำอาราธนาศิลและไตรสรณะคมไป แต่มันแต่งค่อนข้างยากเลยได้แค่นี้หล่ะค่ะ


แก้ไขครั้งสุดท้ายโดย ข้าวต้มมัด; 09-29-2010 เมื่อ 02:29 PM
 
09-27-2010, 04:04 PM   #2 (permalink)
แบ่งปันความรู้และประสบการณ์
มาตรฐาน

สุดยอดผญาเลยจ้าเอื้อยข้าวต้มมัด
 
09-27-2010, 06:43 PM   #3 (permalink)
ศึกษาหาความรู้
มาตรฐาน

ผญาสุดยอดเลยครับ ขอสมัครเป็นลูกศิษย์ได้บ่ครับ ให้เฮ็ดจังได๋จังซิได้เอิ่นอาจาร์ข้าวต้มมัด
 
09-28-2010, 03:36 AM   #4 (permalink)
แบ่งปันความรู้และประสบการณ์
มาตรฐาน

ม่วนครับ เตือนสติได้พร้อม เยี่ยม
 
09-29-2010, 03:39 PM   #5 (permalink)
ศึกษาหาความรู้
มาตรฐาน ขอขมา

บทประพันธ์ บรรจงแต้ม ออกไปให้ได้อ่าน
จากลูกหลานพี่น้อง ไทบ้านหมู่เฮา
นางได้เข้ามาหน้า เสวนานำพวกพี่
ย้อนมีผู้ซ่อยยู้ ตู๋หลูน้องค่อยได้มา
บางครั้งกะอ่อนหล้า เกือบได้ป๋า ผญ๋าหย่อย
แต่เห็นฮอยเคยเว้า แห่งอยากเข้ามาม่วนนำ
คำได๋เคยล่วงล้ำ ก่ำเกินต่อผู้ได๋
น้อนขอให้อภัย ขอโทษหลายในที่นี้
อันตัวสาวหล่านี้ คำบ่ดีที่ได้ว่า
ขอขมายกไว้ เหนือพื้นพสุธา
บุญกุศลได๋น้องหล่า เคยทำมาแต่ปางก่อน
ขอให้ย้อนมายู้ ชูน้องให้โด่งดัง
ถาปะนังความดี ฮีตที่มีให้สร้างต่อ
พอให้เป็นเอกลักษณ์ไว้ ให้หลานน้อยสิใหญ่มา
ขอขอบคุณแม่ป้า อาวอาน้องพี่
ติดตามงานในมื่อนี้ ประพันธ์จี้ที่กล่าวกลอน
 
Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 07:56 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน