ชุมชนบ้านมหา > ห้องสมุดบ้านมหา > วรรณกรรม-บทกวี-นวนิยายเรื่องสั้น-Poetry > บ้านมหา-ไดอารี่

 
คำสั่งเพิ่มเติม เรียบเรียงคำตอบ
11-10-2010, 12:14 PM   #1
ผัวเขาผู้บ่าวข่อย
บ่าวกระสัง 11-10-2010, 12:14 PM




ฮ่วย คือว่าจังซั่นน้อบ่าน เสียงคึดอยู่ในใจของขะน้อยเองที่ได้ยินคู่สนทนาตอบกลับมา
ไผบ่เจอกับเจ้าของบ่ฮู้ดอกจันทร์ เพิ่นย้ำคำเพื่อที่จะพยายามให้ผมเข้าใจในสิ่งที่เฮ็ด
จังได๋เฮากะบ่เข้าใจดอก แม้นอยู่ว่าทุกคนต้องมีเหตุผลของจะของ และหลายเหตุผลที่ยกมาอ้าง
แต่ว่ามันกะผิดคือเก่าหละ เฮาบ่เห็นด้วยดอกที่โตเฮ็ดจังซี่ ผมเถียงไปโดยคิดถึงความถืกต้องเป็นหลัก
เถียงกันโดนเติบ ผมกะเลยอะชีวิตไผชีวิตมันเฮากะแนะนำโตได้ซำนี้หละ โตกะคึดเบิ่งเอาเองหละกัน
อันได๋ถืกอันได๋ควร ไหย่แล้วบ่ต้องให้คนอายุน้อยกัวมาสอนดอกเนาะ ถ้าสิ่งที่เฮ็ดมันดีไปบอกไผเขาคงชื่นชมนำเฮา
แต่ถ้ามันบ่ดีโตกะคึดเบิ่งแล้วกันว่าซิมีหยังตามมาแหน่ โตกล้าย่างไปบอกไผบ่กับสิ่งที่กำลังเฮ็ด
เฮาเมื่อยหละไว้ซำนี้ก่อนเด้อ สุดสายไปผมกะนั่งคึดย้อนไปเฮาคือพ้อแต่จังซี่น้อ
หมู่ผมสองคนอยู่ในสถานะเดียวกัน กับคำว่าผัวเขาผู้บ่าวข่อยเวลาเว้ากันเรื่องนี้ผมบ่ค่อยเห็นด้วยปานได๋
แต่ผมกะซิมองมุมกลับตลอดว่าถ้าเฮาเป็นแม่หยิงที่อยู่ในเหตุการณ์จังซี่ซิเฮ็ดจังได๋
คนนึงเพื่นกะมักเล่นมักหัว เอาไปเอามากะไปกับคนที่มีเจ้าของแล้วหมู่อีกคนนึงกะเป็นคือกัน
เลาบอกว่าช่วงนั้นกะลังเลิกกับแฟนเลยเศร้าหลายพอดีมีคนนี้มาปลอบใจ เอาไปเอามาเลยเผลอตัวเผลอใจ
ผมกะเลยมานั่งคิด หมู่สองคนนี้ เป็นหยังเลาคือเฮ็ดทั้งๆที่ฮู้ว่าหยังเป็นหยัง
ได้คำตอบมาคือความเหงา ความเหงาเฮ็ดให้หลายสิ่งหลายอย่างเปลี่ยนไป ให้เศร้า เหงา หดหู่
พอมีคนมาหยิบยื่นสิ่งที่อบอุ่น สิ่งที่ดีให้ผู้หญิงเลยอ่อนไหว กะเลยเผลอตัวเผลอใจ
นั่งคึดไปสงสารแม่กับลูกทางนั้น ที่บ่ฮู้อิหยังกะต้องมาพบเจอกับเรื่องแบบนี้
ถ้าคนเฮามีความเข้มแข็งจักหน่อย กะคงบ่มีเหตุการณ์แบบนี้เกิดขึ้น
หลายคนกะมักว่าผมว่า จันทร์บ่เข้าใจดอกถ้าบ่ได้เป็น ฮ่วย คนเฮาบ่กินยาบ้ายาเสพติด
กะยังฮู้ว่ามันบ่ดี คนที่ฮู้ว่ามันบ่ดีจำเป็นตี้ต้องลองเสมอไป

 
 
บ่าวกระสัง
แบ่งปันความรู้และประสบการณ์
วันที่สมัคร: Nov 2008
ที่อยู่: บุรีรัมย์
กระทู้: 197
ให้การขอบคุณ: 322
ได้รับการขอบคุณ 341 ครั้ง
จาก 37 หัวข้อ
เปิดอ่าน: 1493
11-10-2010, 12:36 PM   #2 (permalink)
ศึกษาหาความรู้

แมนความอ้ายว่าละสงสารแม่กับลูกผุยุเฮือนน้อ หลายคนหลายความคิด
 
11-10-2010, 12:36 PM   #3 (permalink)
ศึกษาหาความรู้

อันนี้กะโทษฝ่ายหยิงข้างเดียวกะบ่ได้เด้อครับว่าบ่รู้จักผิดจักถูก ต้องโทษพ่อซายนำครับ นั่นหล่ะตัวการสำคัญหยิบยื่นสิ่งดีๆๆให้ได้ครับแต่อย่ายื่นตัวและหัวใจ(หลงผิด)ให้แม่หยิงคะเจ่าแมะน้อ....

คือบ่มีคนมาให้หยิบยื่นแนะน้อฮ่าๆๆๆๆๆๆๆๆๆๆๆๆๆๆๆ
 
11-10-2010, 12:43 PM   #4 (permalink)
แบ่งปันความรู้และประสบการณ์

เข้าทำนองว่า

ดี ชั่ว รู้หมด แต่..อดไม่ได้


กะจั่งว่าละครับ เรื่องของหัวใจ สิมีไผมาบงการกะบ่ได้ดอก
 
11-10-2010, 01:25 PM   #5 (permalink)
ศึกษาหาความรู้
สาวหล่า

เหตุการณ์แบบนี้เห็นกับคนใกล้ๆ เลาจะหาแต่คนมีครอบครัวเปลี่ยนเดือนคนพุ้นน่า จักจั่งได๋เตือนเลากะว่า ไผ๋บ่มาเป็นเลาบ่ฮู้ดอกว่าซัน...
 
11-10-2010, 02:16 PM   #6 (permalink)
แบ่งปันความรู้และประสบการณ์

อย่าไปว่าไผเลยครับของแบบนี้ มันขึ้นอยู่กับใจสองใจ และกับคน 3 คน 555555 มันบังคับกันบ่ได้ดอกของแบบนี้ แล้วกะแล้วไปเริ่มใหม่บ่ต้องเสียซำนั้นกะพอแล้ว อิอิ
 
11-10-2010, 03:29 PM   #7 (permalink)
Super Moderator

ศีลธรรมมันสอนกันบ่ได้เนาะจ้า มันอยู่ในจิตใต้สำนึก(สันดาน)ของแต่ละคน แต่กะดีใจเนาะจ้า ที่มาอ่านพ้อกะทู้แบบนี้จากความคิดเห็นของคุณผู้ชาย เฮดให้รู้ว่า คนท่คิดหยังดีๆยังมีอยู่ในสังคมเฮาจ้า
ขอบคุณหลาย !!^_^!!
 
11-10-2010, 04:21 PM   #8 (permalink)
ฝ่ายบริหารระดับสูง

บ่าวกระสัง ช่วยวิเคราะห์ คํานี้ให้ฟังเบิ่งก่อนน๊า ครับ "เมียเขาผู้สาวอ้าย" อิอิๆๆๆๆ ตั้งกระทู้ใหม่โลด เดี๋ยวสมาชิกสิมาออกความคิดเห็นเอง ฮ่าๆๆๆ
 
11-10-2010, 06:52 PM   #9 (permalink)
พ่อครัวแม่ครัวบ้านมหา

อื่มมมมมมมมมมมมมมมมมมมมมมมมบ่มีคำสิเว้าเน๊าะ
"เจตนา" สำคัญ บ่ว่ากฏหมายหรือศีลธรรม
ทางกฏหมายบอกว่า ถ้าเราบอกว่าไม่รู้กฏหมายไม่ได้นะ
แต่ทางศีลธรรมถ้าเรารู้แล้วยังทำก็คือผิดนั่นล่ะ
แต่กะน่าสงสารผู้หญิงที่โดนหลอก โดยผู้ชายหลอกว่าบ่มีเมีย
บ่มีไผ๋ อยู่โต๋คนเดียว แล้วกะมาหลอกผุหญิง ใช้ความรักของผู้หญิงที่บริสุทธิ์ใจ
ให้เขารักจะของหมดหัวใจ แล้วในมื่อหนึ่งความจริงเปิดเผย
คนที่น่าสงสารกะคือ ผุ้หญิง ทั้งคนเก่า และคนใหม่
แค่นี้ล่ะจ้า เหอะๆๆๆๆ
 
11-10-2010, 08:52 PM   #10 (permalink)
ศึกษาหาความรู้

ต้องร้องเพลง "อยู่ดีๆมาทำให้รักทำไม" จำได้แค่นี้หล่ะค่ะ นอกนั้นจำบ่ได้ ไผ๋มีแผ่นเอามาเปิดให้ฟังแน่เด้อค่ะ มวนดี
 
ชุมชนบ้านมหา > ห้องสมุดบ้านมหา > วรรณกรรม-บทกวี-นวนิยายเรื่องสั้น-Poetry > บ้านมหา-ไดอารี่


คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 09:43 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม