Way of life > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > งานฝีมือ

 
คำสั่งเพิ่มเติม เรียบเรียงคำตอบ
12-10-2010, 12:13 AM   #1 (permalink)
Administrative
 
 
ถักผ้าพันคอโครเชต์



นักเรียนโข่ง ไปเรียนได้5อาทิตย์แล้วจ้า เหลืออีก4อาทิตย์กะเบิดภาระกิจแล้วหละ
แล้วกะเข้าสู่ชีวิตการทำงานเหมือนเดิม...ทำงานกะดีจ้าบ่ยากปานใด๋
การที่เอาคนเคยหย่างทำงานไปนั่งอยู่ซื่อๆ ติ๋มคึดว่ายากกว่าทำงานอีก หาวกะดู๋ ง่วงกะเบิดทอนั่น...อิอิ
ฝรั่งเรียนไปแหน่ เดี๋ยวกะพักกินกาแฟ เดี๋ยวกะพักสูบบุหรี่ เดี๋ยวกะพักกินข้าวเที่ยง เฮ้อออ...
ยามเพื่อนๆเขาพัก ติ๋มกะบ่มีแนวสิเฮ็ด นั่งถ่าเขาซื่อๆกะจอบแต่สิหลับ กะเลยหาแนวเฮ็ด
อากาศกะหนาวๆ หิมะกะตกได้ตกดี ถนนกะลื่น รถกะติด...จ่มเล่นซื่อๆหนี่หละพี่น้อง



นั่งถักผ้าพันคอใช้เองดีกว่า สิได้อุ่นๆ ผืนนี่เป็นผืนแรกจ้า ถักตามแบบเขาเป๊ะๆ โช่43ห่วง
ติ๋มว่าผืนน้อยไป(แคบ) แต่กะมักลายมากๆ....



ลงให้เบิ่งลายชัดๆอีกภาพจ้า...



ต่อมายังติดใจลายเดิมบ่หาย ขออีกผืน สีตามใจฉันเหมือนเดิม แต่ถักให้กว้างกว่าผืนแรก
โซ่53ห่วง...ห่มให้ลืมหนาวไปเลยเนาะพี่น้อง



ให้เบิ่งลายชัดๆอีกครั้ง...การถักผ้า เป็นการนั่งสมาธิไปในโต..บ่ต้องคึดอิหยังหลายให้ปวดหัว
แต่ละแถวคึดแต่ว่าโซ่3 พ1ค โซ่2 พ1ค4ครั้งลงหลักเดียวกัน พ1ค5 หลัก โซ่2 แค่นี่ ไปเรื่อย
ห้ามมีใจคึดไปแนวอื่น ห้ามคึดฮอดคนที่เขาบ่คึดฮอดเฮา...อิอิ เดี๋ยวถักผิด กว่าสิรู้ว่าผิดกะต้องถักวนมาอีกรอบ
แก้ไขที กะต้องเสียเวลาถักเป็นรอบๆ...การถักผิดกะต้องแก้ไขทันที ห้ามถักข้าม
คนอื่นเบิ่งอาจสิบ่เห็นว่า ถักผิด แต่ตัวเองรู้ ฉะนั้นถักข้ามบ่ได้...มันบ่งามในตาเจ้าของหนี่หละคั่นถักผิดบ่แก้ไข...
ขอให้ถักม่วนๆเด้อจ้า.....

ขอบคุณที่มาของแพทฯจ้า...


แก้ไขครั้งสุดท้ายโดย ติ๋ม เปอร์โย; 12-10-2010 เมื่อ 12:19 AM
 


12-10-2010, 03:23 AM   #2 (permalink)
Super Moderator

ตาสะออนขนาดเลยจ้าพี่ติ๋ม ป๊าด ใช้เวลาว่างให้เกิดประโยชน์คักเนาะ ทางนิว่างแน่กะแนมหาตะหม่องนอนเว่น นน. ขึ้นอีกแล้ว ฮ่าๆๆ
 
12-10-2010, 03:26 AM   #3 (permalink)
แบ่งปันความรู้และประสบการณ์

เฒ่าอันนี้เเม้ โทรหากะปิดเครื่อง ยังมีชีวิตอยู่น้อหมอ โทรกลับมาหาเเน่เด้อ
คิดฮอด จ้า
 
12-10-2010, 08:15 AM   #4 (permalink)
ร่วมถ่ายทอดความรู้สู่สังคม

ลายนี้ถ้าถักเป็นผ้าสไบกะคือสิงามเนาะ เดี๋ยวสิถักผ้าสไบถ่าไปถือศีล 8 จักผืน
ผ้าพันคอถักไว้ บ่มีโอกาสได้ใช้เลยค่ะ มันบ่หนาวแล้วค่ะประเทศไทยเฮา
 
12-10-2010, 09:31 AM   #5 (permalink)
ฝ่ายกิจการพิเศษ

การถักผ้า เป็นการนั่งสมาธิไปในโต..บ่ต้องคึดอิหยังหลายให้ปวดหัว
..............................

มักประโยคข้างบนนี่หละติ๋ม..ถูกต้องที่สุด..การที่เฮามีใจจดจ่ออยู่กับสิ่งใดสิ่งหนึ่ง

ไม่วอกแวก ไม่ฟุ้งซ่าน ก็คือการทำสมาธิอย่างหนึ่งเหมือนกัน แม้แต่การกวาดลานวัด

ที่ผู้กวาดเพ่งมองแต่ใบไม้ หรือปลายไม้กวาดของตัวเองไม่สนใจสิ่งอื่น ก็เหมือนกัน..

...เอ้า กระทู้ถักผ้าคือสิกลายเป็นกระทู้ธรรมน้อบาดนี่..55....
 
12-10-2010, 09:36 AM   #6 (permalink)
ผู้ช่วยผู้ใหญ่บ้านมหา

สุดยอดจ้าติ๋มน้อง พี่ลูกหินตอนสมัยเป็นสาวพุ้นนะ
เฮ็ดเป็น ยุแนวถักๆ ถักหมวก ถักผ้าพันคอ กะพอได้นะตะก่อน
เดี๋ยวนี้ตาบ่ค่อยไหวแล้ว อิอิ แต่ถ้าแชทนี่ยังสู้นะ..ตางี้แจ่ม 555555+
 
12-10-2010, 01:03 PM   #7 (permalink)
ร่วมถ่ายทอดความรู้สู่สังคม

เข้าหน้าหนาวพอดีถักเผื่อจักผืนแหน่คับหนาว
 
12-10-2010, 08:10 PM   #8 (permalink)
ร่วมถ่ายทอดความรู้สู่สังคม

ผีมีการถักปรานีตดีค่ะสม่ำเสมอ งามค่ะ
 
12-10-2010, 10:05 PM   #9 (permalink)
ร่วมถ่ายทอดความรู้สู่สังคม

สวยมาก ขอบคุณลิงค์แพทเทิร์น แต่ตอนนี้พี่เปลี่ยนแนวมาศึกษา bead กำลังบ้าๆ บอๆ กับเขาค่ะคงอีกนานกว่าจะได้กลับมาจับโครเชค์ซึ่งตอนนี้ค้างกระเป๋าสองใบ กล่องทิชชู่กุหลาบ และก็ Table running เออลายนี้ดัดแปลงเป็น table running ได้เนาะ
 
12-11-2010, 03:57 PM   #10 (permalink)
Administrative

นอนบ่ได้ตั๊วไก่ อยู่โรงเรียน ย่านบ่มีผู้ปลุก...คั่นมาฮอดบ้าน พี่กะเข้าบ่อนไปงีบเป็นชั่วโมงพุ้นแหล่วจังตื่น อิอิ

เฒ่าศรี เดี๋ยวมื้อแลงโทรหา คั่นเห็นเบอร์แปลกๆรับสายแหน่หละ...จังคุยกันเด้อหมอ...

ไผ่หวาน...เอาไปดัดแปลงเบิ่งจ้า ถักง่ายๆลายงามอิหลี แล้วเอามาลงให้เบิ่งนำแหน่เด้อจ้า สไบ ติ่มกะมักถักไปแจกผุ้เฒ่าทางบ้านคือกัน...

แม่นแล้วจ้าอ้ายดูลย์ ติ๋มหละนั่งสมาธิซื่อๆบ่ได้ จิตบ่นิ่งจ้าอ้าย คั่นมีแนวเฮ็ดแบบนี่ บ่ให้คึดฮอดอิหยังเลยกะได้จ้าอ้าย
มีคนมาเว้ามาถาม ติ๋มยังบ่ได้ยินเลยคั่นได้นั่งถักผ้า อิอิอิ

พี่หินจ๋า ม่วนๆเนาะพี่แชทกะดาย ช่วงนี่ติ๋มบ่ไหวแล้วหละจ้าพี่ สงบขึ้นเยอะ เพิ่นยากซั่นแหล่ว อิอิ

ส่งที่อยู่มาตี้หละบ่าว สิส่งให้ดอกจักผืน ถักไว้หลายผืน...อิอิ แบ่งกันอุ่น พะนะ

หัดถักดอกจ้าน้องจำปา...ลายยากหลายกะเฮ็ดบ่เป็น.....

คักเนาะพี่แจ่มใส เอาหลายๆอย่างจ้าพี่ ได้เฮ็ดได้ทำในสิ่งที่ชอบ มีความสุขเนาะจ้าพี่...
ยังถ่าอยู่เด้อแพทฯทิชชู่นะจ้า...ติ๋มต้องถักตามแบบ ตามแพทเทริ์น คั่นบ่มีลายมาให้เบิ่ง ไปบ่เป็นจ้าพี่...
ตอนนี่กะกำลังถักอีกผืน เดี๋ยวสิเอาลายมาฝาก ผืนนี่งามกว่าทุกผืนที่ถักมา พะนะ มื้ออื่นคือสิได้ลงให้เบิ่งอยู่จ้า....

แก้ไขครั้งสุดท้ายโดย ติ๋ม เปอร์โย; 12-11-2010 เมื่อ 03:59 PM
 
Way of life > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > งานฝีมือ


ป้ายกำกับ
งานฝีมือ, ถักผ้าพันคอ, โครเชต์

คำสั่งเพิ่มเติม
เรียบเรียงคำตอบ
แบบตามยาว แบบตามยาว






Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 12:11 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน