ถักหมวกไหมพรมโครเชต์

[ติ๋ม เปอร์โย]

---

รายละเอียด

ลูกสาวติ๋มสิไปเที่ยวเล่นหิมะสกีประเทศนอร์เวกับทางโรงเรียนต้นๆเดือนกุมภาฯ ซึ่งอากาศหนาวมากก
ติ๋มสิต้องได้ซื้อเสื้อผ้ากันหนาวให้ลูกหลายอย่าง...ผ้าพันคอเคยถักให้แล้ว เทือนี่มาขอหมวก
อยากให้แม่ถักให้ ติ๋มกะเลยคึดอยู่ตั้งโดน เพราะบ่เคยถักหมวกจักเทือ นิตติ้งหัดจังใด๋กะบ่เป็น โพดปึก
หาในอากู๋ กะเลยได้อย่างที่เห็นนี่หละจ้า



ขอบคุณเจ้าของผลงาน ที่ลงยูทูปสอนกันเลย ฟังและเข้าใจง่ายมากๆ
ท้ายๆกระทู้สินำมาลงให้เบิ่งจ้า...สำหรับคนถักบ่เป็นกะเรียนง่าย...



ติ๋มถักขึ้นโซ่4 แล้วถักพ1ค 20หลัก แล้วกะแยกลายให้กว้างขึ้นตามแบบทุกขั้นตอนเลย



นางแบบจ้า อายุ15ปี เรียนอยู่ม.3 ลูกสาวขะน้อยเอง มาลีน่า ใส่โชว์
เอารูปเขามาลงบ่ได้บอก กลับบ้านมาพ้อ ฮ่ายข่อยสาน้ออิหล่า...
งามบ่จ้าพี่น้อง หมวกเด้อหมวก....อิอิ
ขอบคุณอ้ายต่วงนำเด้อจ้า สำหรับไอเดียการลงโลโก้บ้านมหาในรูปภาพ ผู้ใด๋สอนข่อยเจ้าว่ากะนางแบบหนี่แหล่ว อิอิ



ผ้าพันคอติ๋มเองที่ถักค้างไว้บ่แล้วกระทู้ก่อนจ้า ตอนนี่ได้ใช้แล้ว...

ขอบคุณผู้สอนถักหมวกอีกครั้งจ้า ตามนี่เลย มีอยู่3ตอน...ขอลงแค่ตอนเดียวนะจ๊ะ

[ไก่น้อย]

ขอบคุณพี่ติ๋มเด้อจ้า งามเทิงนางแบบ เทิงหมวกสองอย่างเลยจ้า หลานสาวขะน้อยใหญ่ขึ้นมาหละผุดีเนาะจ้า สะออนๆ

ปล..สิได้หัดยุดอกจ้า เป็นตาง่ายยุเนาะ

[ติ๋ม เปอร์โย]

ถักง่ายหล่าไก่ พี่ งมๆซาวๆยามว่างๆอยู่2มื้อแล้ว...ไหมกะเส้นใหญ่ เข็มกะใหม่ ไปเร็วขนาด
ผู้ดีว่าซั้น ตัดผมปกหน้าตุซุอยู่หลานเพิ่นกะดาย... ดีแต่ครูทางนี่เขาบ่ฮ่ายกะยังว่า...ความหวังพี่หล่าเอ้ย แก้วตาดวงใจ...

[บ่าวข้าวจี่]

งานเรียงร้อยหัตกรรม...สวยๆอย่างนี้ต้องยกนิ้วให้หละครับติ๋ม...สวยเทิงหมวกเทิงนางแบบครับ.....

[ม๋าน่อย]

หมวกกะสวยนางแบบกะน่ารักเนาะจ้าพี่ติ๋ม ว่างๆสิลองถักยุดอกจ้า

[nuzing]

หลานยายๆ ทั้งสวยทั้งเก่ง บาดใหญ่มาหละหน้าถั่งดังคมได้ยายหนู
ปล.ย่านผ่อบักโหยดมาเว่าก่อน 555+

[pui.lab]

ว้าว ถักเก่งแท้ที่รัก ปุ้ยถักบ่เป็นจักอย่าง ขนาดโซ่ก็ถักบ่งาม 555555

กรี๊ดดดดดด นางแบบ บ้านมหาโปรโมชั่น ท่านนาวิน ได้นางแบบถ่ายมิวสิคยังน้อ อิ อิ

[หล่อร้อยเมตร]

หลานสาวข่อยต๊ะฮักแท่ะ หมวกกะงาม คนกะงามคับ

[ธีระปลัด]

งามครับ หมวกงามครับ ฝีมือดีครับ ละเอียดมากๆ

[ข้าวต้มมัด]

เก่งแท้พี่ติ๋มหมวกน่ารักจ้า อยากถักนำหมู่ยุจ้า แพ้สายตาแฮงแต่กี้ถักยุ

[ผู้ก่อการรัก]

เคยถักอยู่พักถึง เดี๋ยวนี้ขี้เกียจสุดๆ อิอิ

มาลีน่า ยิ่งโตยิ่งงามเนาะ แบบนี้ต้องเอามาโชว์หลายๆ จ้า น้องติ๋ม

[ติ๋ม เปอร์โย]

ขอบคุณหลายๆจ้าที่เข้ามายามกระทู้ ไปพ้อเห็นว่าถักง่ายใช้งานได้จริง กะเลยเอามาลงฝากพี่น้องบ้านมหาจ้า....
ถักหมวกแล้วติดใจ แล้วไว มีความคึดว่าถ้าขยันสิถักไปบริจากตามวัดทางเมืองไทยอยู่จ้า

ข้าวต้มมัด ส่างว่าแพ้สายตาแท้ ยามติ๋มถักถอดแว่นถักจังเห็นชัด จักตาอิหยังดอกหนี่กะดาย

เจ๊ที่รัก เอาจังซั่นเลยตี้ นิสัยอายๆหย่างค่อยๆ เป็นดาราบ่ได้ดอกจ้าเจ๊...
ให้เขาอยู่เป็นหมู่ติ๋มไปหนี่หละ พอได้จ่มให้กันยามเช้ายามแลงแก้เหงาไปมื้อๆ อิอิอิ

ติ๋มกะขยันเป็นบางมื้อจ้าพี่แม็ก...บางมื้อกะนอนเว็นจนตาตูบ คั่นบ่ไปทำงาน...จัดให้จ้าพี่แม็กอีกจักภาพ

[pui.lab]

หึยยยย หวงลูกสาวอย่างแฮง นางแบบ ดาราจากต่างประเทศ ให้แจ้งเกิดที่บ้านมหากะได้น้อซั่น อิ อิ อิ
หลานหน้าตาน่ารัก ได้ดีเจเป้ยยยย เนาะจ้า คึ คึ

[พล พระยาแล]

ฮ่วย ๆ ๆ ฝีมือบ่ธรรมดาตั๊วะนี่แมะ กรี๊ด ๆ ๆ นางแบบกะตาฮัก

ไปประเทศไทย เอามาฝากแนจัก 2 ใบ อิอิ

[ติ๊กต็อค]

กระทู้ต้นฉบับโดยคุณ nuzing

หลานยายๆ ทั้งสวยทั้งเก่ง บาดใหญ่มาหละหน้าถั่งดังคมได้ยายหนู
ปล.ย่านผ่อบักโหยดมาเว่าก่อน 555+

หน่าถั่งดังคม ได้ยายหนู ผ่วนนะ คุณยายหอกะไปเกาหลีมา แม่นเก๊าะ

มาลีน่า นิ งามได้น้าติ๊กหั่นแหล่ว จั่งสิแม่น

เดี๋ยวสิ ลองถักเบิ่งจ้า หมวก กะผ้าพันคอนิ งามแท๊แท่ๆ