ชุมชนบ้านมหา > อาหารการกิน > ครัวบ้านมหา ชวนชิม

 
คำสั่งเพิ่มเติม เรียบเรียงคำตอบ
04-26-2007, 12:43 PM   #1 (permalink)
Super Moderator
 
รูปส่วนตัว ไก่น้อย
 
ก๋วยจั๊บญวน หรือก๋วยจั๊บอุบล โดยคนกาสิน อิ อิ


....ก๋วยจั๊บญวน หรือก๋วยจั๊บอุบล โดยคนกาสิน อิ อิ
วิธีทำ
..ต้มน้ำซุปกระดูกหมู เคี่ยวให้ได้ที่เด้อค่อยสินัว หวานน้ำต้มกะดูก..แล้วกะแช่เส้นก๋วยจั๊บให้นิ่มก่อนค่อยสิสุกง่าย สำหรับเส้นสดกะบ่ต้องแช่โดนเด้อคะมันสิเปื่อยโพด
..เคี่ยวน้ำซุปได้ที่แล้วกะเอาเส้นก๋วยจั๊บลง ต้มให้สุก จับเมิงเส้นสินิ่มๆ เติม หมูสับหรือหมูบะช่อที่เฮาปั่นเป็นก้อนๆ หมูยอหั่นแผ่นบางๆ ปรุงเครื่องด้วย เกลือนิดหน่อย น้ำปลา ชุรส อันนี่แล้วแต่มัก แต่ไก่น้อยสิใส่รสดี
..ตักใส่ถ้วยโรยหน้าด้วย หอมเจียว ต้นหอมผักชี ..ทีสำคัญกะอย่าลืมใส่ใจนำเด้อ ค่อยสิแซบ ... 8)


ก๋วยจั๊บญวน หรือก๋วยจั๊บอุบล โดยคนกาสิน อิ อิ
 

04-26-2007, 01:11 PM   #2 (permalink)
ฝ่ายบริหารระดับสูง
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

ป้าด/น้องไก่มาคือเฮ็ดเป็นตาแซบแท้.....หมายเหตุ เส้นก๋วยจั๊บญวณที่อุบลราคาถูกสุดๆ ถุงครึ่ง กก. ราคา 8 บาท ถูง 1 กกง ราคา 15 บาท ไผ๋อยากก็ฝากบ่าวเซียงน้อยซื้อได้เด้อ
 
04-26-2007, 01:42 PM   #3 (permalink)
ร่วมถ่ายทอดความรู้สู่สังคม
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

ผมขอจั๊กถ่วยแนเด้อครับ สาวไก่.......... Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ
 
04-26-2007, 03:10 PM   #4 (permalink)
ศิลปิน นักร้อง นักแสดง
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

ป้าดด เอื้อยไก่คือเอาก้วยจั้บมาล่อตะเช้าแท้ ฮู้บ่ของโปรดผมเลย กินตั้งแต่เป็นเด็กน้อยเพิ่นหาบมาขาย หิวอีกแล้ว บ่ได้เด้อแนวนี่เอื้อยไก่ ถึงพุงมีกะยอมตายเพื่อก้วยจั้บ
 
04-26-2007, 07:00 PM   #5 (permalink)
ฝ่ายบริหารระดับสูง
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

น้องไก่เฮ็ดขายได้เด้นี่....
 
04-26-2007, 08:48 PM   #6 (permalink)
เจ้าหน้าที่ประชาสัมพันธ์
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

จักสองถ้วยแหน๋ ให้บ่าวข้างเทิงถ้วยหนึง น่ากินมากๆๆๆค่อยๆซดเด้อ อ้ายเซียง เส้นสิแลนออกจากหูดังเด้
 
04-26-2007, 09:53 PM   #7 (permalink)
Super Moderator
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

อ้างถึง:
กระทู้ต้นฉบับโดยคุณ ♪บ่าวเซียงน้อย♪

น้องไก่เฮ็ดขายได้เด้นี่....


คั่นมันแซบกะสิขายยุบ่จักดอก เทื่อได่เวนเดอร์ทางอุบลส่งวัตถุดิบให้ แฮะๆ...

มานางมากินนำกัน ...ให้น้องบ่าวกาสินนำถ้วยใหญ่ๆ
 
04-26-2007, 10:16 PM   #8 (permalink)
นักการภารโรง
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

เอ่า...หาหว่าอาวเซียง เป็นเวน แล่วบาดนิ คักน้อเผิ่นเว้ากับลูกน้องหลาย ซิติดปากติ

เวนเดอร์ ยูเซอร์ ซิสเต็ม พะนะ เพื่อนกันโรงงานเก่า
 
04-27-2007, 04:18 AM   #9 (permalink)
Arthit
Guest
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

เห็นแล่วเป็นตาย่าน เอ้ย เป็นตาแซ๊บตาแซบ
คั่นผมเมือบ้านยามได๋ กะแวะซื้อ ฮ้านดาวทอง ฮ้านตองหนึ่ง ฮ้านศรีณรงค์ (ขาประจำ) โลเดียวกินเบิ๊ดบ้าน..
ของ..มีครบเครื่อง แฮงใส่หอมเจียว+พริกคั่ว หอมขนาด แซบกะแซบ
บาดคึดพ้อ.คึดหยากไปกินหม่องใด๋ กะบ่แซบคือของเก่ามั่งมูลเฮาตั๊วอ้าย...
 
04-27-2007, 04:48 PM   #10 (permalink)
สงัด903
Guest
Re: ก๋วยจั๊บญวน หรือก๋วยจั๊บอุบล โดยคนกาสิน อิ อิ

เข่ามาให่รางวัล น้องไก่น้อย ๑ เต่ง ทางลาวเขาเอิ่นเข่าเปียกแม่นบ่เนอะ แซบอีหลีครับ แซบตรงมันนัวน่ำต้มกระดูก นัวคักอีหลี กิ๋นกับปลาท่องโก๋ กะเข่ากันดียูครับ 555
 
ชุมชนบ้านมหา > อาหารการกิน > ครัวบ้านมหา ชวนชิม


ป้ายกำกับ
ก๋วยจั๊บญวน, ก๋วยจั๊บอุบล


คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 02:54 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม
'