ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
04-28-2007, 02:46 AM   #1 (permalink)
Super Moderator
 
 
มาตรฐาน ความคิดฮอด.....

ใจเอ้ยใจคือเป็นไป น้อ ลายต่าง
ใจคือเป็นว้างอ้าง หนักน่วงบ่ส่วงเส่า
คิดเห็นแต่คำเว่า คำเก่าที่เคยจา
สนทนาพาทีกับคนดี ยามจาเว่า
ย่านแต่ในใจเจ้า เว่าเล่นไปบ่ได่ฮัม
บ่คิดนำอิน้อง ให้หมองเศร้า เน่าทางใจ
....แม่นบ่จริงใจแท้ ชายเอ้ย ให้บอกแน
พ่อกับแม่นางหล่า คอยถ่ายุสุแลง
เพิ่นละแปลงพาข้าว ถามนางสุเส่าค่ำ
ว่าเป็นหยังโตอ้ายหายจ้อย บ่ค่อยเห็น .......สั่นแหล่ว..
 
04-28-2007, 04:28 PM   #2 (permalink)
เจ้าหน้าที่ประชาสัมพันธ์
มาตรฐาน Re: ความคิดฮอด.....

สิบ่แม่นความฮักเข้าตาแล่วบ้อเอื้อย....

ใส่แว่นคือนางซา บิดบังความช้ำ ให้มาลัยเอื้อย๑

แต่งได้ถูกใจ



 
04-28-2007, 11:02 PM   #3 (permalink)
ฝ่ายเทคนิคและโปรแกรม
มาตรฐาน Re: ความคิดฮอด.....


แม่นถ้าไผหล่ะไก่ฟ้า ปราถนานำไผน่อ มาซ่างเฮ็ดกะด้อ ลักป๋าทิ่มกะซ่างเป็น
ได้คึดเห็นนำคำเว้า คิดฮอดเขาอยู่ออ้มล่อม ได้ถนุถนอม เก็บเอาความฮักไว้ ใจสิม้างมุ่นเพ
แม่นไผเด๊มาตั๋วเจ้า ทิ่มความเหงา เอาใจออ่ย ตั๋วให้คอยค่ำเช้า เอาความเว้าออ่ยหวาน
น่าสงสารผู้เฒ่า แต่งพาข้าว ถ้าจนจ่อย ทางผู้บ่าวหนีไปจ้อย ทิ่มไก่น้อย ให้ฮ่ำหาสั้นบ้อ
 
04-29-2007, 12:06 AM   #4 (permalink)
Super Moderator
มาตรฐาน Re: ความคิดฮอด.....

โอน้อ..ความฮัก ความคิดฮอดมันจอดอยู่กลางหัวใจ
ถึงสิไลลาไกลกะคิดนำบ่มีเว่น
กรรมหรือเวรหยังแหล่วอ้ายเอ้ย ...เคยสร้างแต่ปางก่อน
จั่งมาเฮดให้น้องได่นั่งเศร้าข้าวบ่กิน ...(กินแต่กับ อิ อิ)
...แม่นสิป๋าลาทิ่ม ชายเอ้ยน้องบ่ว่า
ขอให้จา บอกเว่า ทางผุเฒ่าเพิ่นละคอย

(กะลังอินเลิฟรึได่ละนาง 555 )




 
04-29-2007, 12:16 AM   #5 (permalink)
เจ้าหน้าที่ประชาสัมพันธ์
มาตรฐาน Re: ความคิดฮอด.....

ป้าด เจ่าติ อินลีฟ เว่าสู่น้องฟังแหน๋ อั่นผุใด่ คือซางมากล้าลักหัวใจสาวกาสินแท้หล่ะ

ครั้นลําบากในการคึดฮอดหลาย บอกเผิ่นมาขอซาเอื้อย อิแม่เจ่าฝากนางไว่กะดั่ยนางสิดูแลเลาไห่ (เจ่ามีน้องซายบ่ ฮ่าๆ)
อิอิอิิ
 
04-29-2007, 05:56 AM   #6 (permalink)
บ่าวสายฟ้า
Guest
มาตรฐาน Re: ความคิดฮอด.....

เฮือนไผฝักลาบน้อ แนมไปคือทางไปเฮือนสาวไก่ แท้ บ๊ะ ย่างไปเบิ่งจักบาดก่อนน๊า
 
05-25-2007, 12:01 AM   #7 (permalink)
kuru
Guest
มาตรฐาน Re: ความคิดฮอด.....

คันบ่ได้เห็นหน้า เห็นหลังคากะพออยู่
เห็นแต่ซิ่นพาดไว้ ใจอ้ายกะหวั่นไหว
นางเอ้ย.............
 
05-25-2007, 08:59 AM   #8 (permalink)
atirat
Guest
มาตรฐาน Re: ความคิดฮอด.....

นี่ละน้อเพิ่นว่า .... ความฮักมาแล่นตุ้มคือสุ่มงุมหัว ความฮักพัวพันคอคือกะทอคุมไว้
แม่นผู้ได๋เด้หล้าซังมาป๋าทิ่มปล่อย บ่หลูโตนคนคอย ให้นั่งหงอยอยู่บ้าน งานเวียกกะบ่เอา
อย่าสุเหงาหลายหล่า ให้เจ้าเซ็ดน้ำตาทางอ้ายกะยังอยู่ นั่งจอบเบิ่งสู่มื้อนางน้องให้หล่ำเห็น
อย่าซะมองข้ามเว้น ดึกฆ้อนกลายบักม่วง อย่าสิค่วงฆ้อนถิ่ม พ้อหมาฮ้ายยังได้ตีเด้คำ...
 
05-25-2007, 01:17 PM   #9 (permalink)
Super Moderator
มาตรฐาน Re: ความคิดฮอด.....

แม่นเวรกรรมหยังแหล่ว สร้างมาแต่ปางก่อน อ้ายเอ้ย.. จั่งมาเฮดให้น้องหมองเศร้าบ่ชื่นบาน
จักว่ามารทานฮ้าย แนวได่ดอกคุณพี่ น้องละได่อักนั่งลี้ เทิงนอนไห้อยู่ผุเดียว
จักสิเหลียวหาไผแหล่ว แนวคนไกลเพิ่นบ่ต้าว บ่ส่งข่าวให้น้อง ทางนี้หละนั่งคอย
.......กำลังใจน้อยๆจากพี่ขิโก๋นา ส่ำวาจาคำหวานปลอบประโลมให้หายกุ้ม
ขอขอบคุณยาอ้าย ซึ้งใจหลายคำอ้ายนั่นเป็นห่วง บอกดวงใจ ดวงน้อยๆกะพลอยได้ชื่นบาน
จากไปนาน เขาไปแล้ว ข่าวคร่าวกะบ่ส่ง .... ปานไปท่งเดินหน้า บ่โงโค้งต่าวหลัง
นางสิขออยู่ยั้ง คอยเมิงใจเขา ว่าไล ลาป๋า ..บ่ต้าวนามาหาน้อง
มันสิหมองสิเศร้า ส่ำได่สิทนอยู่ ดอกอ้ายเอ้ย .. ให้เพิ่นฮู้ใจน้อง ว่าฮักแท้แม่นส่ำได่....น่อละชายย เอ่ยน่อ ..

 
05-26-2007, 11:29 PM   #10 (permalink)
ผู้ช่วยผู้ใหญ่บ้านมหา
มิสบ้านมหา 2012
มาตรฐาน Re: ความคิดฮอด.....

วางหัวใจให้อ้ายแล้ว
สิเห็นเป็นแก้ว หรือว่าเศษหิน
สิมีค่าเทียมฟ้า หรือว่าแค่เศษดิน
กะแล้วแต่อ้ายตัดสินใจ...
ด้วย ความตั้งใจ ..สิมอบให้
ถ้าบ่เห็นค่า...กะอย่าผลักไส..
แค่ให้ฮู้ไว้...
บ่เคยมีไผ...นอกจากอ้ายผู้เดียว...
 
05-27-2007, 12:02 AM   #11 (permalink)
ฝ่ายเทคนิคและโปรแกรม
มาตรฐาน Re: ความคิดฮอด.....



ขอฝากนำคำคิดฮอด มาหยอดไว้ให้อ่านทวน ให้ยิ้มสวนบัดอ่านแล้ว ถึงน้องแก้วที่ห่วงหา
คำวาจาบ่หวานจ้อย แต่ใจคอยคิดฮอดเผิ่น แม่นทางอ้ายสิห่างเหิน แต่ทางเดินความคิดฮอด บ่เคยจอดอยู่หว่างทาง
ให้คิดฮอดกันบ้าง จากคำบ่นคนทางไกล หากมื้อได๋บ่เห็นเขียน กะแม่นเวียนนำความอยาก
คืออยากปากอยากเว้า ฝากถึงเขาที่คิดต่อ เป็นจั่งได๋แท้น่อ มื้อบ่ได้เห็นเจ้า หัวใจเศร้าแม่นหม่นหมอง
เป็นจั่งคลองคอยน้ำ คือฟ้าครามขาดเมฆหม่น มีแต่ความสับสน มาย่างวนในใจอ้าย มันเป็นฮ่ายคักอี่หลี
ดวงชีวีของอ้าย มื้อเดือนหงายหรือฟ้าหม่น ยังคิดฮอดคนบางคน จนได้ออกปากเว้า ว่ามีเจ้าแม่นผู้เดียว นางเอ๊ย
 
05-27-2007, 12:15 AM   #12 (permalink)
จอนฟอนน้อยขี่ดื้อ
Guest
มาตรฐาน Re: ความคิดฮอด.....

นำมาอ่านย่อนสะออน ผู้เพิ่นฮ่ำฮอนนำอ้ายขิโก๋นา
คันว่าเพิ่นบ่ซือคือคันแทนา หนทางแก้ ลืมเพิ่นสา อย่าเว่าหา
เอาตีนสิ่นขึ้นมา เซ็ดสา น้ำตาเจ้า อยากอายฝูงแมงเม่า อย่าเศร้าหมอง
เอื้อยเอ้ย... ลืมเพิ่นสา อย่าไปคอง พี่น้องเพิ่นเศร้านำ เชื่อคำนางหล่าโลด เอื้อยเอ้ย. :D
 
05-27-2007, 12:18 AM   #13 (permalink)
เจ้าหน้าที่ประชาสัมพันธ์
มาตรฐาน Re: ความคิดฮอด.....

อ้างถึง:
กระทู้ต้นฉบับโดยคุณ บ่าวโจ่โล่

ขอฝากนำคำคิดฮอด มาหยอดไว้ให้อ่านทวน ให้ยิ้มสวนบัดอ่านแล้ว ถึงน้องแก้วที่ห่วงหา
คำวาจาบ่หวานจ้อย แต่ใจคอยคิดฮอดเผิ่น แม่นทางอ้ายสิห่างเหิน แต่ทางเดินความคิดฮอด บ่เคยจอดอยู่หว่างทาง
ให้คิดฮอดกันบ้าง จากคำบ่นคนทางไกล หากมื้อได๋บ่เห็นเขียน กะแม่นเวียนนำความอยาก
คืออยากปากอยากเว้า ฝากถึงเขาที่คิดต่อ เป็นจั่งได๋แท้น่อ มื้อบ่ได้เห็นเจ้า หัวใจเศร้าแม่นหม่นหมอง
เป็นจั่งคลองคอยน้ำ คือฟ้าครามขาดเมฆหม่น มีแต่ความสับสน มาย่างวนในใจอ้าย มันเป็นฮ่ายคักอี่หลี
ดวงชีวีของอ้าย มื้อเดือนหงายหรือฟ้าหม่น ยังคิดฮอดคนบางคน จนได้ออกปากเว้า ว่ามีเจ้าแม่นผู้เดียว นางเอ๊ย
สุดยอด คึดฮอดหลายเก็บไปฝันอยูสุมื้อ
 
05-27-2007, 10:55 AM   #14 (permalink)
Super Moderator
มาตรฐาน Re: ความคิดฮอด.....

อ้างถึง:
กระทู้ต้นฉบับโดยคุณ เด็กน้อยร้อยเอ็ด
คันบ่ได้เห็นหน้า เห็นหลังคากะพออยู่
เห็นแต่ซิ่นพาดไว้ ใจอ้ายกะหวั่นไหว
นางเอ้ย.............
อย่าไปลักซิ่นกันเด้อหละ...มียุผืนเดียว ฮ่าๆๆ
ปล. จอนฟอนน้อยกะมาเติมผญาส่อยกันเด้อหล่า..
 
05-27-2007, 08:01 PM   #15 (permalink)
ผู้ช่วยผู้ใหญ่บ้านมหา
มาตรฐาน Re: ความคิดฮอด.....

.......เซาเด้อใจเอ้ย ให่ละเลยลืมสาอย่าสุห่วงคอยหา เหลียวแม้นแต่เนียมเพิ่น
เทียวคึดฮอดปากบ่ได่ มันอุกทางในใจหม่น ย่อนว่าคนคึดฮอดเพิ่นจอดแล้วน้อหน่วยใจ.........
......บ่ได่ออนซอนทางเฮาซํา บ่น้อมนำแมนคำกล่าว มีแต่ทางนางต้าวหลงเจ้าอยู่ผุเดียว ตกทางยากคะลาดเลี้ยวหมื่นล้มลุกบ่ได่ จักวะกรรมก่อไว่ยามได่ มาไล่ตามทันนางน้อ... อ้ายเอ้ย....
.(............ลองเบิ่งนำเพิ่นซือๆ แม่นบ่แม่น กะค่อยอ่านเอาเด้อจ้า...)
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว


หัวข้อที่คล้ายกัน
หัวข้อ ผู้เริ่มหัวข้อ ฟอรั่ม ตอบกลับ กระทู้ล่าสุด
ผญา ความฮัก ความคิดฮอด บ่าวเต็งคนโก้ คำผญา สุภาษิต 12 01-11-2007 09:58 AM



เวลาทั้งหมดอยู่ในเขตเวลา GMT +7 และเวลาในขณะนี้คือ 11:14 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม