ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
07-16-2011, 02:18 PM   #1 (permalink)
ศึกษาหาความรู้
 
 
มาตรฐาน เข้าพรรษาสัญญาฮ้าง

...สายฝนพรำฮำใบหญ้า ป่านน้ำตาอ้ายไหลหย่าว
คึดฮอดสาวผุเคยเว้า พรรษาเข้าสิอ่วยคืน
ยืนคองทาง นางน้อง คองแล้วคองบ่เห็นไหง่
สัญญาใจอ้ายมาฮ้าง นางลืมซ่ำ บ่ใส่ใจ
หรือมีไผรั้งใจเจ้า จนลืมวันเข้าพรรษา
ลืมสัญญาที่รอคอย ปล่อยสัญญาให้มายม้าง
ตกล้างใจแนถ่อนฝน ล้างเอาคนหัวใจเน่า
คนทีเขาเซาคึดพ้อ ว่ารอถ่า น้องต่าวคืน
ยืนตากฝนล้างความช้ำ ถืกเขาทำจำจื่อแน
เขาบ่แคร์คือเก่ากี้ ลาทีแล้วสัญญาลวง...
(บ่สมบูรณ์คับพี่น้อง)
 
8 ท่าน ที่ขอบคุณ หนุ่มน้ำโขง1
07-16-2011, 06:31 PM   #2 (permalink)
ศิลปิน นักแต่งผญา
มาตรฐาน

พิรุณหยาดหยดย้อย ฮำตองกลอยย้อยตองข่า
เข้าพรรษาพวมเริ่มต้น ฝนฟ้าสิเร่งริน
ผืนแผ่นดินที่เคยแห้ง แตกระแหงผัดคืนซุ่ม
ตามสุมทุมแมกไม้ ผลิใบปิ้นป่งเขียว
แต่สิ่งเดียวที่เหือดแห้ง ทอนเรี่ยวแรงให้ล้าหล่อย
คือสัญญาจางห่างจ้อย ถอยซ้นหม่นหาย
ย่อนมีชายอื่นมาเข้า เนาว์หัวใจเจ้าแทนพี่
เธอคนดีเลยฟืดอ้าย ผลักใจให้คลุกขี้ตม
ส่างบ่สมกับฮักอ้าย ที่ถวายมอบใจภักดิ์
พอมีผู้อุปัฎฐากแล้ว นางแก้วผัดหน่ายซัง
คำสัญญาเลยมาฮ้าง เพราะใจนางไปเป็นอื่น
ความขมขื่นทิ่มให้อ้าย ชายพี่ได้นั่งเหงา
ขอเก็บเอาความช้ำ มานำแนบสังฆทาน
อธิษฐานขอห่างไกล คนหลายใจแต่บัดนี้....



ขอมาแจมนำเด้อ ขอรับท่าน..เห็นผญาม่วนแมะ อดบ่ได้ ฮ่าๆๆๆๆ หย่าวครับหย่าว..

แก้ไขครั้งสุดท้ายโดย พลายแก้ว; 07-16-2011 เมื่อ 06:37 PM เหตุผล: แก้คำผิดครับ
 
07-16-2011, 07:04 PM   #3 (permalink)
ศิลปินแดนไกล
มาตรฐาน

เข้าพรรษาหน้าฝนทื่น บนผืนป่าเขียวขจี ท่านฤษีจำพรรษา ในป่าหนาเขาตั้ง
สุททินัง มะหังม้ม โอมนะโมพุธายะ สวดคาถาอยู่สุมื่อ จำในถ้ำอยู่สุเว็น
มีแต่แนวต้องละเว้น แลเห็นเหตุทางไกล พวกอบายของมึนเมา
บอเคยเอาเข้ามาไกล้ ถือศิลใไปใจต่อตั้ง หาหนทางได้วางปล่อย
พวกสัตย์ใหญ่และสัตย์น้อย ถอยมานั่งวิปัสนา จำพรรษาถือศิล
คือเดี๋ยวดังด้าม นั่นแหล่ว

มาขอแจมมวนๆนำหลาน หนุ่มน้ำโขงจ้า เห็นหลานเว้ามวนสำนานดี อดใจบออยู่ อิอิอิอิ
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว




เวลาทั้งหมดอยู่ในเขตเวลา GMT +7 และเวลาในขณะนี้คือ 07:18 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม