ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
08-09-2011, 10:38 PM   #1 (permalink)
เจ้าหน้าที่ประชาสัมพันธ์
ช่างภาพอิสระ
 
รูปส่วนตัว ฅนภูค่าว
 
ก้อยลิ้น


หลายเดือนเติบแล้วหละที่บ่ค่อยเจอกันกับหมู่ฮักหมู่แพงทั้งๆที่กะกลับบ้านดู๋ บ้านกะบ่ไกลกันปานได๋ ระหว่างสหัสขันธ์กับคำม่วง ย้อนว่าต่างคนกะมีภาระ ความรับผิดชอบ มื้อหยุดกะบ่ตรงกัน กลับบ้านเดือนก่อนกะเลยมีโอกาสไปกินเข่าแลงกับหมู่อยู่คำม่วง กะตามธรรมเนียมเจอกันเลยหาแนวแซบๆแนวมักคือกันมาสู่กันกิน.... มาครับมา กินก้อยลิ้น นำกันเด้อไทพี่น้อง

ก้อยลิ้น


พอดีลูกเขยของหมู่มีเขียงเนื้ออยู่บ้านโพนกะเลยสั่งได่ปานก๊วยเตี๋ยว แนวได๋แซบจัดการโลดเสี่ยว สิกินซ้อยดอก

ก้อยลิ้น

แบ่งลิ้นออกเป็นสองส่วน ส่วนหนึ่งก้อยส่วนปลายลิ้นกะย่าง

ก้อยลิ้น

ส่วนที่สิก้อยกะจัดการซอยน้อยๆบางๆ ต้องเอาเฉพาะลิ้นๆอีหลี

ก้อยลิ้น

ส่วนเครืองในกะใส่ตับอย่างเดียวซอยน้อยๆบางๆคือกัน

ก้อยลิ้น

ก๋าว่ากินกันพอแซบๆกะพอ เพราะว่าเฮ็ดกินหลายอย่างหลายแนว

ก้อยลิ้น

จัดการเทเพี้ยกับบี(ของแท้)ลงคนๆให่เข่ากันแซไว้จักยี่สิบนาที

ก้อยลิ้น

เฮ็ดไปนำกะฮองท้องไปนำมักแนวใด๋กะใส่โลด โดนๆกินนำกันเทือหนึ่ง

ก้อยลิ้น

แจ่วเพี้ย กับบีของแท้ลูกเขยเพิ่นจัดให่.....

ก้อยลิ้น

มีหมู่อีกคนอยู่บ้านหนองกุงน้อยแถวๆสามชัย เลยโทร.เอิ้นเอากัน เพิ่นเลยเอาหลานน้อยมาอ้างหมู่(กำลังเป็นตาซัง)

ก้อยลิ้น

เพิ่นว่าเลี้ยงง้ายงายกินเล่นอ้อแอ้ๆแล้วกะนอน บ่ส่อบ่ไห่

ก้อยลิ้น

ส่วนปลายลิ้นกะจัดการเตรียมหมักเครืองแล้วกะย่าง

ก้อยลิ้น

ก้อยลิ้น

บ้านเจ้าภาพอยู่อำเภอคำม่วง

ก้อยลิ้น

ในระหว่าที่รอกะเฮ็ดอย่างอื่นไปนำ

ก้อยลิ้น

เนื้อน่องลายกะหั่นพอดีคำเอาไปอู๋ใส่เพี้ยนำจักหน่อยใส่เครืองมี ข่า ตะไคร่ ใบบักกูด แล้วปรุงรสตามใจเธอ

ก้อยลิ้น

หมักได่ที่แล้วกะปรุงเครื่องใสพริกเข่าขั่วน้ำปลาผงนัว ขมบ่พอกะใส่บีเพิ่มอีก ขมแป๋ตาย

ก้อยลิ้น

ซิมเบิ่งแซบถึกปากแล้วกะตักใส่จานพร้อมลุย

มีต่ออีกหน่อย
 

08-09-2011, 10:54 PM   #2 (permalink)
เจ้าหน้าที่ประชาสัมพันธ์
ช่างภาพอิสระ
ก้อยลิ้น

ก้อยลิ้น

เนื้อน่องลายกะสุกแล้วตักใส่จานเอามาจิ้มกับแจ่วเพี้ยขมๆ แซบบบบบบบบบบบบ

ก้อยลิ้น

ลิ้นย่างสุกแล้วกะหั่นมาเสริฟฮ้อนๆกะแซบบบบบบอีก

ก้อยลิ้น

ส่วนเครื่องในที่เหลือกะต้มฮ้อนๆซดน้ำจักหนอย มาเด้อพี่น้องบาดนี่ มากินก้อยลิ้น ลิ้นย่าง อู่เนื้อลาย ต้มเครื่องในนำกัน

ก้อยลิ้น


กินกันไปคุยกันไปแนวโดนๆเห็นกันเทือ อิ่มหนำสำราญกันทุกคน ดื่มกันนิดหน่อยแก้คาว หกโมงก่าๆกะแยกย้ายขับรถกลับกัน ไปแล้วเด้อหมอมีโอกาสจังเอิ้นมากินใหม่เด้อ เมี่ยนพาเข่าเอาเองเด้อ


ขอขอบคุณ บ้านมหา ดอทคอม ที่ให่นำเสนอ ก้อยลิ้น
 
08-09-2011, 10:56 PM   #3 (permalink)
แบ่งปันความรู้และประสบการณ์
ย่างลิ้นคือยุครับ แต่ก้อยนี่บ่อค่อยถนัดปานได๋ แต่กะเป็นตาแซบนอครับ
 
08-10-2011, 12:29 AM   #4 (permalink)
แบ่งปันความรู้และประสบการณ์
อยากคุ้ยนำเด้จ้า ยุแถวบ้านกะมักก้อยเดิกจ้า :l-



:b-b ขอจานนี้เด้อจ้า สิกินกับข้าวเหนียวฮ้อนๆๆคือสิแช่บหลายจ้า :b-b
 
08-10-2011, 12:39 AM   #5 (permalink)
ดีเจ นักจัดรายการ
อันก้อยลิ้นนั่น ก้อยสดๆๆเลยติจ้า ย่างลิ้นเปนตาแซ่บ
 

08-10-2011, 01:42 AM   #6 (permalink)
Banned
เป็นตาแซ่บยุ..แต่กินนำบ่อเป็น...บ่อกล้ากินดิบ กินเนื้อมันย่อยยากนำล่ะ เฒ่าแล้วแข่วกะบ่อดีระบบทางเดินอาหารกะบ่อดี
 
08-10-2011, 06:05 AM   #7 (permalink)
ร่วมถ่ายทอดความรู้สู่สังคม
:l- งานขึ้นบ้านใหม่ มีแบบนี้บ่จ้าอ้าย เห็นแล้วอยากกินเด๊
ขอบคุณสำหรับภาพที่นำมาให้เบิ่งจ้า
 
08-10-2011, 06:57 AM   #8 (permalink)
ศึกษาหาความรู้
จ๊ะเอ๋ลูกสาวเพินคือเป็นตาซั่งแท้มาไห้อุ่มแน แนวกินเทิงเป็นตาแซบเทิงเป็นตาย่าน
ก้อยลิ่นพะนะขั่วไห้จักถ้วยแนเด้อ เป็นตาซังแตลูกสาวเพินนี่แล้ว โอ้ะหึกแมนลูกชาย
โทษเด้อครับบ่อฮู่วาลูกสาวหรือลูกชายครับ
 
08-10-2011, 07:04 AM   #9 (permalink)
แบ่งปันความรู้และประสบการณ์
.......น้ำลายไหลลลลล....มียอดบักกอก + ยอดมะตูมนำ แฮ่งคักกก......
 
08-10-2011, 07:37 AM   #10 (permalink)
เจ้าหน้าที่ประชาสัมพันธ์
ช่างภาพอิสระ
อ้างถึง:
กระทู้ต้นฉบับโดยคุณ หนุ่มหนองหาน
จ๊ะเอ๋ลูกสาวเพินคือเป็นตาซั่งแท้มาไห้อุ่มแน แนวกินเทิงเป็นตาแซบเทิงเป็นตาย่าน
ก้อยลิ่นพะนะขั่วไห้จักถ้วยแนเด้อ เป็นตาซังแตลูกสาวเพินนี่แล้ว โอ้ะหึกแมนลูกชาย
โทษเด้อครับบ่อฮู่วาลูกสาวหรือลูกชายครับ


เพิ้นได่หลานสาวครับ หลานเพิ้นกะซ่ำหลานผมนี่หละ....กำลังเป็นตาซังแฮง
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
ก้อบลิ้นย่าง

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search
, มวยไทย7สี, ตั้งสายกีต้าร์ ผลสอบ มสธ, ซื้อโทรศัพท์รุ่นไหนดี, ฟังเพลงลูกทุ่งออนไลน์, การเพาะเห็ดฟาง, อาหารอีสาน

เวลาทั้งหมดอยู่ในเขตเวลา GMT +7 และเวลาในขณะนี้คือ 09:20 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม