ไก่ใต้น้ำ ....จากครัวฝึกหัด

[สาวทองแพง]

---

สวัสดีจ้าพี่น้องบ้านเฮา อยู่ดี มีแฮงกันสุคนบ่น้อจ้า
มื้อนี้แม่ครัวฝึกหัดได้ไก่บ้านมาโตหนึ่ง จักสิเฮ็ดหยังกินดี คิดเมนูก็บ่ออก
เลยเข้าครัวหาเบิ่งว่าเมนูของไผน่าทดลองบ้าง เลยไปพ้อสูตรของ"ดอกมันปลา" กับ "ขี่ถี่มักม่วน"
เป็นเมนูที่แม่ครัวฝึกหัดบ่เคยเฮ็ด เลยจะขอทดลองเบิ่งว่าหม้อสิไหม้บ่จ้า คิคิ
เพราะเป็นเมนูที่ต้องใส่ใจและดูแลเป็นพิเศษ เมนูนั้นก็คือ"ไก่อิสานเขียว"หรือ ต่อนใต้น้ำ"
แต่แม่ครัวฝึกหัดของใช้ชื่อ "ไก่ใต้น้ำ"แล้วกันน้อจ้า มาเด้อจ้ามาช่วยกันลุ้นว่าจะผ่านหรือบ่จ้า

ไก่บ้านสับเป็นชิ้นขนาดตามต้องการจ้า


พริกแกง(พริกแห้ง กระเทียม หอมแดง เกลือ ใบมะกรูด ข่า ตะใคร้ รากผักชี)
ต้นหอม ใบผักอิตู่(ใบแมงลัก) ใบกระเพาแดง ผักชี


เอาไก่ใส่หม้อ พร้อมพริกแกง แล้วผสมให้เข้ากัน
แล้วปรุงรสด้วยเกลือ (หรือเครื่องปรุงตามใจชอบ)จ้า


แล้วใส่ผักทุกอย่างลงในหม้อ คนให้เข้ากัน


หาชามใบใหญ่ที่สามารถปิดปากหม้อได้สนิทจนไอน้ำระเหยออกมาไม่ได้
มาใส่น้ำวางบนปากหม้อ แล้วยกหม้อขึ้นตั้งไฟอ่อนๆ
ขั้นตอนนี้นี้สำคัญมาก ต้องคอยเปลี่ยนน้ำในชามปากหม้อตลอด
อย่าให้น้ำร้อนได้ การจะรู้ว่าน้ำร้อนหรือไม่ ก็ไม่ยากจ้า
เอานิ้วเฮานี้ล่ะจุ่มเบิ่ง ถ่าน้ำอุ่นๆก็ฟ้าวตักน้ำในชามปากหม้อออก
แล้วเอาน้ำเย็นใส่เข้าไปแทน ถ้าไผค้านหรือบ่อยากเสียเวลา
ก็ใช้น้ำแข็งเลยจ้า จะช่วยยืดเวลาการร้อนของน้ำได้จ้า


และแล้วเวลาก็ผ่านไป ชั่วโมงครึ่ง "ไก่ใต้น้ำ" ก็ออกมาหน้าตาแบบนี้จ้า


มาเด้อจ้าพี่น้องบาดนี้ หอมๆเครื่องแกง ไก่ก็เปื่อยดีจ้า
ขอบคุณ"ดอกมันปลา" และ "ขี่ถี่มักม่วน" สำหรับสูตรเมนูแซบๆจ้า

ขอขอบคุณสำหรับพื่นที่และทุกท่านที่แวะมาเยี่ยมชมกระทู้จ้า

[ไก่น้อย]

น่ากินหลายจ้า น้องแพง ส่างหาวิธีเฮดดีเนาะจ้า สมเป็นแม่ครัวของบ้านมหาอิหลี วันหยุดนิ เอื้อยไก่สิได้ลองยุดอกจ้า สิเมิดหม้อไปจักหน่วยน้อ บาดนิ อิอิ

[สาวบ้านแต้]

คนทางเกาหลี ผุลังคนสิกลับมาเฮ็ดให่กิน กะยังถ่ากินอยู่เด้อจ้า (พี่กุ้งเตรียมหม้อไว้ถ่าแล้ว)

เฮาสิลองเฮ็ดเบิ่งคือกั๋นทองแพง หม้อนึ่งหนึ่งเข่าได้บ่ฮึ เห็นทางภูกระดึงเอาหม้อนึ่งนี่ล่ะ
ทองแพงได้สูตรมาแต่ไส เป็นตาข้าวเหนียวใหม่ทางศรีษเกษบ้านป้าแดงคุ้ยและจ้ำคักหวุ่ย น้ำลายไหลเบิงคอมซือๆๆกะดาย

[kung สาวขอนแก่น]

ไ่ก่ใต้น้ำ อร่อยมาก เห็นน้องสาวทองแพงทำยิ่งอยากกิน
น้องอี๊ทจ้า เตรียมอุปกรณ์ได้เลย ธันวา เดี๋ยวเราไปทำกิน
ที่ชัยภูมิกัน โชว์ฝีมือโดย นักรบหัวใจ จ้า

[สาวบ้านแต้]

ขอรับท่าน
น้อมรับบัญชา เพราะว่าอยากชิมฝีมือพี่โชคจ้า

ปล.ทองแพงเขาสงสัยว่าทำไมต้องให้น้ำเย็น ตลอดเวลา

[lungyai1123]

เอ..แล่วไก่ที่คุกเคื่องอยู่ใต้หม้อใส่น้ำมันบ่ไหม่ติหือ มันกะสิคือยามหุงเ่ข่าใต้ดินก่อไฟไว้เทิงๆๆเด้เน๊าะลุงว่า

[เซียงสีผีเป้า]

น้ำลายแตรกอย่างแฮงเลยครับ

อีกสิบมื้อพ่อกันใหม่เด้อ เนื้อสัตว์ทั้งหลาย ขอลาไปกินเจก่อน อิอิอิ

[lukhin_inter]

พี่ลูกหินเข้ามาเบิ่งเป็นตะแซ่บยุเด้เน๊าะ เมนูคล้ายแบบนี้เหมือนเคยได้กินฝีมือแม่นีทางอุบลฯพุ้นแล่วเฮ็ดให้กินตอนไปยามเพิ่นนำน้องสาวที่รัก แต่พี่หินกะเฮ็ดบ่เป็นนะ กะทันเข้าใจวิธีทำ ยุ เบิ่งจากที่แพงน้องเฮ็ด พอเฮาใส่น้ำข้างบนแล้ว เอาหม้อไปตั้งไฟ บ่ หรือได๋นี่ แล้วคือบ่ไหม้ หรือจั่งได๋น๊อ อยากสิเฮ็ดเป็นเน๊าะเผื่อว่า สิมีโอกาสเฮ็ดให้ผุลังคนกินกะน๊า... สิไปกินชัยภูมิกะย่านน้องโชคเพิ่นบ่ชวนแมะ อิอิ

[สาวทองแพง]

พี่ไก่น้อย //ลองเบิ่งจ้า หม้อบ่ไหม้ดอกจ้า มีตะสิแซบจ้า
สาวบ้านแต้ //ต้นตำรับเพิ่นกะใช้หม้อนึ่งข้าวละจ้า แต่ทางพี้บ่มีเลยดัดแปลงเอานิดนึ่งจ้า
ที่มาของสูตรนี้ก็ได้มาจากในครัวบ้านมหาเฮานี้ละจ้า และที่ถามว่าทำไมต้องให้น้ำในชามปากหม้อเย็น
ก็เพื่อไอน้ำก้นหม้อระเหยขึ้นมากระทบความเย็นข้างบนที่มีชามปากหม้อใส่น้ำปิดไว้
ก็จะเกาะตัวกันเป็นหยดน้ำตกลงในก้นหม้อ ทำให้หม้อบ่ไหม้จ้า (แม่นบ่หือ ฮ่าๆๆ)

พี่ลูกหิน // เอาส่วนผสมใส่หม้อแล้วปิดปากหม้อด้วยชามใส่น้ำเย็น ก็ยกตั้งไฟอ่อนๆได้เลยจ้า
หม้อบ่ไหม้ดอกจ้า แต่ต้องปิดสนิทอย่าให้มีไอน้ำระเหยออกมาข้างนอกได้
และต้องขยันเปลี่ยนน้ำในชามปากหม้อให้เย็นตลอดหรือใช้น้ำแข็งแทนน้ำเปล่า
ที่ชามปากหม้อแทนก็ได้จ้า

อ้ายเซียงสีผีเป้า//ขออนุโมทนาบุญนำเด้อจ้า

[ขอบฟ้า]

โยนมาทางเยอรมันจักจานแนจ้าพี่แพง อ้อมสินึ่งข้าวเหนียวถ่า เปนตาแช่บหลายจ้า เคยกินแต่ยุบ้านเฮา เดี๋ยวสิลองเฮ็ดคือพี่แพงกินจักมื้อยุดอกจ้า

[กำพร้าผีน้อย]

...เป็นตะแซบแท่น้องแพง..ทางบ้านอ้ายเอิ้นกลั่นไก่ตั๊วแบบนี่...สิลองจัดการจักมื่อยุดอก..คึดอยากพอดี...

[นู๋น้อย]

ครัวเฮือนนี้ คือมีตะแนวแซบๆแท้จ้า ทองแพงๆเพื่อน ออยยอยากกินเด้ บ่ได้กินดนเติบแล้ว นึ่งไก่ใต้น้ำ แต่เฮษจะเมือกินยุบ้านดอกเพื่อน ให้พ่อเฮ็ดให้กิน แซบๆ

[isdy]

สุดยอดของเมนูเลยครับซิลองเฮ็ดเบิ่งครับไก่คือซิเปื่อยดีครับ