ชุมชนบ้านมหา > อาหารการกิน > ห้องอาหารหวาน-ขนมต่างๆ


 
คำสั่งเพิ่มเติม เรียบเรียงคำตอบ
10-12-2011, 10:57 AM   #1 (permalink)
ดีเจ นักจัดรายการ
 
รูปส่วนตัว บักขามป้อม
 
ข้าวต้มหมก ,ขนมหมก , ขนมเทียน


สวัสดีทักทายพี่น้องบ้านมหามื้ออกพรรษาซู่คนจ้า
หลังจากที่เซาไข้แล้วกะเกิดอาการผีเป้าผีโพงจ้า กินทุกอย่างขวางหน้า
กินข้าวแซบปานหยัง แล้วกะคึดหาแต่แนวกิน

รายการสำหรับวันอาทิตย์ที่ผ่านมากะคือ "ข้าวต้มหมก , ขนมหมก" หรือว่าขนมเทียนนั่นเอง
วางแผนไว้ล่วงหน้าเป็นอาทิตย์ โดยได้รับการซ่อยเหลือจากเชฟเอาใบตองหลังบ้านมาให้


ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

วัตถุดิบกะบ่มีหยังหลายจ้า ถั่วเขียวผ่าซีก น้ำตาล กะทิ แล้วก็สาคูจ้า
เวอร์ชั่นนี้บ่ใช้แป้งข้าวเหนียว ใจจริงอยากได้สาคูใบเตย แต่ว่าบ่มีกะเลยได้สาคูขาวธรรมดา
จัดเต็ม สองถุงไปเลย พี่น้องหลาย


ข้าวต้มหมก ,ขนมหมก , ขนมเทียน

จัดการนึ่งถั่วเขียวผ่าซีกที่แช่น้ำไว้ตะมื้อคืนนี้ให้สุกซะก่อน


ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

เอากะทิใส่กระทะตั้งไฟให้แตกมันจักหน่อย
ใส่น้ำตาล หยุมโอ๊ะหยิบเกลือใส่หน่อยนึง แล้วกะเอาถั่วเขียวลงไปผัดให้เข้ากัน
ผัดจนน้ำกะทิงวด ถั่วเขียวแข่นดีแล้วกะตักใส่ซามไว้


ข้าวต้มหมก ,ขนมหมก , ขนมเทียน

ตามสูตรเพิ่นต้องเอาสาคูผ่านน้ำคราวหนึ่ง พอให้ปั้นได้
แต่ว่าเฮ็ดหลายอย่างกะลืมคราว สาคูอยู่ในน้ำดนโพด จักสิได้กินบ่ดอก ฮ่าๆ


ข้าวต้มหมก ,ขนมหมก , ขนมเทียน

พอดีซอกพ้อเม็ดงา ยังอยู่หน่อยนึง กะเลยเอางามาคั่วใส่นำสิได้หอมตึ่มกัน

ข้าวต้มหมก ,ขนมหมก , ขนมเทียน

มีฮอดผู้ขอซิมไส้ขนมพานะ
คึดพ้อตะเป็นเด็กน้อยนั่งเฝ้าผู้เฒ่าเพิ่นห่อข้าวต้ม
เพิ่นกะตักไส้ขนมใส่กะโป๋บักพร้าวที่ขูดเอาบักพร้าวออกแล้วให้
ย้อนว่าย่างไปย่างมา วนอยู่นั้นผู้เฒ่าเพิ่นย้านข่วมใบตอง ข้าวต้มสิบ่สุก


ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

พอตะได้ใบตองมา กะเริ่มห่อกันโลด
สาคูเละโพดปั้นบ่ได้กะเอาช้อนตักเอา
ต้องใช้เทคนิคนิดหนึ่งในการเอาไส้ไว้ตรงกลาง ฮ่าๆ


ข้าวต้มหมก ,ขนมหมก , ขนมเทียน


แล้วๆ ถาดแรก จัดการเอาไปนึ่งได้เลยบาดทินี้
ลุ้นๆ ขนมหมกสิออกมาหน้าตาแบบได๋

ข้าวต้มหมก ,ขนมหมก , ขนมเทียน

ข้าวต้มหมก ,ขนมหมก , ขนมเทียน

ผลออกมาเป็นจั่งซี้ กินได้อยู่จ้า ว่าแม่นสิได้ถิ่ม แหะๆ
เนื้อสาคูกะเด้งดึ๋งๆ ดี เสียแต่ว่าหน้าตาบ่งามเลย บ่เห็นสาคูเป็นเม็ดๆ
เอาไว้โอกาสหน้าแก้โตใหม่เนาะพี่น้องเนาะ ฮ่าๆ

ขอบคุณพื้นที่จากบ้านมหาดอทคอมจ้า


หมายเหตุ ::.. ถั่วเขียวผ่าซีกเป็นชื่อทางการค้า แต่ถ้าซื้อในตลาดจะนิยมเอิ้น ถั่วเหลือง
 

10-12-2011, 12:08 PM   #2 (permalink)
ร่วมถ่ายทอดความรู้สู่สังคม
ขอนำแหน่ บ่ได้เมียบ้านบุญข้าวสาก กะสิขอกินขนมหมกทางสมุยนี่ล่ะจ้า

(คนกะกินข้าวสากได้เด๋ บ่แม่นให่ตะผี อิอิอิ)
 
10-12-2011, 12:51 PM   #3 (permalink)
ดีเจ นักจัดรายการ
น้านนนนน นิสายยยยยพี่น้องหลายว่าติ เบิ่งท่านั่งและหน้าตาคนห่อ มาคือตาเคียดให้กันแท้ละ มะแลงกะจิห่อเอาบุญออกพรรษาคือกันละเจ้ๆ เอาผุเดียวดอกบุญกะดาย ฮ่าๆๆ :l- สาพอมันแซบดอกน้อเป็นนำกาทิ นี่เอง กาทิอาหร่อยดี
 
10-12-2011, 01:32 PM   #4 (permalink)
ศึกษาหาความรู้
ขามป้อม จัก 2 หมกแน่ ฝากรถสายหาดใหญ่ - สมุย มากะได้
เป็นตาแซบยุ บ่ได้กินโดนแล้ว
 
10-12-2011, 01:41 PM   #5 (permalink)
ร่วมถ่ายทอดความรู้สู่สังคม
สาคูสุกใส ๆเหลียวเห็นใส้ขนมนำ เป็นตาแซบยุจ้า
 
10-12-2011, 02:41 PM   #6 (permalink)
แบ่งปันความรู้และประสบการณ์
โอ้วววววววววววววววววววว ใบตองเป็นตาแซบแท้....:b-b
 
10-12-2011, 02:57 PM   #7 (permalink)
แบ่งปันความรู้และประสบการณ์
ขนมเทียน มักๆๆจ้า ขอชิมจักหมกแนเด้อจ้า เปนตาแช่บเนาะจ้า :l-
 
10-12-2011, 08:09 PM   #8 (permalink)
แบ่งปันความรู้และประสบการณ์
คือห่อขนมได้งามแท้น้อ5555ขนมกะเป็นตาแซบหลายสิหลอยเอาสูตรไปเฮ็ดนำกะน๊าาาา
 
10-12-2011, 08:17 PM   #9 (permalink)
ร่วมถ่ายทอดความรู้สู่สังคม
เก่งจังเลย เคยไปช่วยเพื่อนทำขนมเทียน ได้แต่เช็ดใบตองอย่างเดียว
ห่อไม่เป็น
 
10-12-2011, 08:21 PM   #10 (permalink)
แบ่งปันความรู้และประสบการณ์
:l-...แซบยุเด้อ...ขนมหมกกะดายแต่ว่าได้กินสามสี่อันหนึ่ง...ลืมเอาเข้าตู้เย็นบูดจ้อย...กะยังว่า..:l-:l-:l-
 
ชุมชนบ้านมหา > อาหารการกิน > ห้องอาหารหวาน-ขนมต่างๆ


ป้ายกำกับ
ขนมหมก, ขนมเทียน

คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search
วันไหลพัทยา 2558, ตั้งสายกีต้าร์ ผลสอบ มสธ, ซื้อโทรศัพท์รุ่นไหนดี, ฟังเพลงลูกทุ่งออนไลน์, การเพาะเห็ดฟาง, อาหารอีสาน, สงกรานต์เที่ยวไหนดี

เวลาทั้งหมดอยู่ในเขตเวลา GMT +7 และเวลาในขณะนี้คือ 04:27 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม