ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
12-07-2011, 11:47 PM   #1 (permalink)
ดีเจ นักจัดรายการ
 
 
"แจ่วบอง"สูตรเด็กน้อยสีเกด


เนื่องจากว่ามีคนถามสูตรมาถึงการเฮ็ดแจ่วบองไว้กินเองเฮ็ดแนวได๋ ว่าซั่น

อธิบายปากเปล่าๆเผิ่นบ่ส่วงใจ สาธิตและเดือนเพ็ญให้เบิ่งแหน่ พานะ เลยจัดให้ตามคำขอ

หลังจากที่ไปเลาะตลาดหาวัตถุดิบตามต้องการหรือตามสูตรนู๋น้อยเอง ละจร้า อิอิ

ที่จริงวิธีเฮ็ดแจ่วบองนู๋น้อยได้มาจากอา ยุบ้านเผิ่นสอนให้ตะสมัยเป็นสาวส่ำน้อยขึ้นใหม่ อิอิ

จากนั้นกะลองผิดลองถืกใส่นั้นใส่นี้ตามความแซบเจ้าของ จากเฮ็ดกินเองจนกระทั่งเฮ็ดเป็นของฝาก และมีคนติดใจ อิอิ

วัตถุดิบและส่วนประกอบหลักๆ
- ปลาเมื่อย(ปลาร้า)
- เกลือ
- พริกป่น
- ข่า
- ตะไคร้
- ใบมะกรูด
- กระเทียม
- หอมหัวแดง(หัวเล็ก)
- มะขามเปียก
- ผงชูรส น้ำปลาและปลาป่นหรือปลาย่าง หรือ ปลาทอด อย่างไดก็ได้ตามสะดวก จ้า

ส่วนผสมต่างๆนู๋น้อยบ่มีการตวงเด้อจ้า แบบว่าใช้วิธีการคาดคะเนส่วนผสมตามความรู้สึกว่าจะแซบ

คั้นใช้วิธีตวงตามหลักสูตรย้านเป็นแนวอื่นยุ๊จ้า ฮ๋าๆๆ






ปลาเมื่อย(ปลาร้า)นอนในไห ได้มาจากทางร้อยเอ็ดแม่ดองเผิ่นเอามายามพี่น้องทางสีเกด

แม่ใหย่สอนเลากะเลยห่อให้ลูกสาวเอาลงมากินยุชลบุรี






ล้างสิ่งที่บ่พึงประสงค์ของคุณปลาเมื่อยออกก่อน พักไว้สะเด็ดน้ำแล้วก็สับให้ละเอียด จ้า จะได้บ่คาแข่ว อิอิ

บางคนเผิ่นกะใส่แบบเป็นต่อนบ่ต้องสับ กะได้คือกันจ้า แต่นางบ่มักแบบต่อน อิอิค้านฉีก

บางเทื่อกะต้มเอาแต่น้ำปลาเมื่อยกะได้จ้า คั้นบ่มักทั้งแบบต่อนและแบบสับ




จากนั้นก็ปอกเปลือกหอมหัวแดง กระเทียม สอยตะไคร้ ข่าอ่อน แล้วก็คั่วพอให้สุกมีกลิ่นหอมนิดๆ

ถ้ามีเตาถ่านก็ย่างเอากะได้จ้า คั่วสุกแล้วพักไว้ก่อน



หันมาฉีกปลาทอดเลือกปลาจิ๊กโก๋เพราะว่าคะเจ้าทอดขาย อิอิ บ่ต้องมาเสียเวลาทอดเอง



แต่ถ้าใช้เตาถ่าน ทุกอย่างจะย่างไฟถ่านจ้าจะหอมและแซบกั่วกันหลาย

เลือกที่จะป่นปลาจิ๊กโก๋ก่อน แล้วก็ ข่า กะเทียม หอมแดง ตามลงไปตามลำดับ พอแหลกละเอียดดีแล้ว

ก็ ใส่พระเอกลงไป(ปลาเมื่อยสับ) ตามด้วยตะไคร้สอย และใบมะกรูดหั่นฝอย

ใส่เกลือ ผงนัว(ผงชูรส)อิอิ แล้วก็ออกแรงกันอีกรอบ จนคาดว่าเครื่องปรุงทุกอย่างเข้ากัน

แล้วก็ใส่น้ำมะขามเปียกเป็นลำดับสุดท้าย แล้วก็คลุกเคล้าให้เข้ากันอีกรอบ จ้า




จากนั้นก็ตั้งกะทะด้วยไฟอ่อนๆใส่น้ำมันนิดหนึ่ง น้ำมันอะไรก็ได้เด้อจ้า แต่นี่งวกซ้ายงวกขวาหาน้ำมันถั่วเหลืองบ่พ้อ

เห็นตะขวดเปล่าจะออกไปซื้อปากซอยกะไกล ซอกตู้เย็นเห็นมีน้ำมันมะกอก อิอิ น่าจะใช้ได้ ลองดู..



แล้วก็เอาแจ่วที่ได้ลงผัดกับน้ำมันถ้าแจ่วแห้งไปก็เติมน้ำล้างจากครกที่ตำแจ่วนั้นละจ้า อิอิ บ่เสียหาย

ผัดไปสักครู่จะมีกลิ่นฉุน เริ่มจามกันทั่วบ้านก็ซิมเบิ่งว่า รสชาตได้ตามต้องการหรือไม่สุดท้ายเติมน้ำปลาทีหลังสุด ผัดต่ออีกจามหนึ่ง(เพราะเริ่มแสบจมูกแล้ว) พอแล้ว จ้า

รสชาตที่นู๋น้อยปรุง ก็คือ เค็มนำ เผ็ดตาม เปรี้ยวและหวานนิดหน่อยจากน้ำมะขาวเปียก



ผัดเสร็จแล้วพักไว้ให้เย็น แล้วก็ บรรจุใส่กล่องหรือขวดโหลใส่ตู่เย็นไว้กินนานๆจ้า



บางคนว่าประหยัดไปหลายมื้อหรือเดือนหนึ่งเลยกะได้ ฮ่าๆๆ

สำหรับคนที่กินจางบ่ได้ กะเติมน้ำปลาก่อนรับทานกะได้จ้า

เฮ็ดแล้วกะทดสอบฝีมือเจ้าของก่อน บีบบักนาวกับเย๊าะน้ำปลาเพื่อความกลมกล่อมยิ่งขึ้น

แต่งหน้าเพื่อความไฮโซยิ่งขึ้นด้วยผักชี อิอิ



มีผักลวกเป็นเครื่องเคียงและแกงปลาหรดใส่สารพัดผักเพื่อจะได้คล่องคอ ยิ่งขึ้น



จะกินกับข้าวสวยร้อนๆหรือข้าวเหนียวนึ่งสุกใหม่ๆก็อร่อย อิอิ



สุดท้ายนี้ หวังว่าคนที่ต้องการสูตรแจ่วบองนี้จะมาพ้อและทำตามได้อย่างอร่อย

บ่หวงสูตรดัดแปลงได้ตามอำเภอใจเด้อจ้า แต่ละหม่องแต่ละถิ่นบ้านเกิดความเป็นอยู่

การทำมาหากินบ่คือกัน ข้าวนาปลาซุมบ่ท่อกัน แต่กะหวังว่าจะได้เห็นอีกหลายๆสูตร

ตามก้นกันมาบอกต่อๆกันแบ่งปันกันแซบ อิอิ จะลักสูตรเผิ่นซั่นเด้ทางหนิ ฮ่าๆๆ


เวปบ้านมหาที่เป็นสื่อกลางของคนอิสานและบุคคลทั่วไป จ้า



แก้ไขครั้งสุดท้ายโดย นู๋น้อย; 01-25-2012 เมื่อ 02:32 PM
 
12-08-2011, 04:52 AM   #2 (permalink)
ศึกษาหาความรู้

คือเป็นตาเเซบเนาะ

เอาข้าวเหนียวจ้ำ คงสิดี
 
12-08-2011, 06:36 AM   #3 (permalink)
ผู้ใช้ที่อยู่ระหว่างการตรวจสอบ

น้ำมันมะกอกกะโอเคใช่ได่คือกันนู๋น้อย..ต่ะส้มน้อยไปนิด หึหึ
 
12-08-2011, 07:39 AM   #4 (permalink)
Membership renewed

ไหน้อยคือตาฮักแท้แจ๋ว อำเภอใจแม่นไผเป็นนายอำเภอ อำเภอนี้ตั้งไหม่ติแจ๋วหรือจั่งได๋
 
12-08-2011, 10:10 AM   #5 (permalink)
ดีเจ นักจัดรายการ

เอามาบ่ายปั้นข้าวจี่จักบ่วงแหน่หล่า5555555ตาแซ่บแท้หือ

แก้ไขครั้งสุดท้ายโดย บ่าวสาเกตุนคร; 12-08-2011 เมื่อ 10:31 AM
 
12-08-2011, 10:39 AM   #6 (permalink)
เจ้าหน้าที่ประชาสัมพันธ์
ช่างภาพอิสระ

ป้าดๆๆๆ เขาเอิ้นว่าสูตรล้างครกตั๊วะนี่ ขนาดเหลือติดครกยูกะยังล้างเอาบ่ยอมให่เหลือไว่ล้างถิ่มเลยจะแมนเนาะหึยยยย.. แถมมีการ pasteurize อีก แถวบ้านอ้าย No.pasteurize เผลอๆยามจ้ำมันหละหลบกันปลิ้นไปล่ยู หลบบ่ทันกะหัวแตก...





ได่เข่าใหม่มาจากบ้านพอดี ขอมาจ้ำจักกะติ๊บแน
 
12-08-2011, 11:04 AM   #7 (permalink)
ศึกษาหาความรู้

คือซงเป็นตาแซบแท้หล่าหน้าตากะไช้ได้แต่อยากพิสูทจ์กลิ่นนำนะ555
 
12-08-2011, 11:10 AM   #8 (permalink)
ดูแลตรวจสอบเนื้อหา

บ้านพี่ขาดคนหุงข้าว เป็นตาแซบ
 
12-08-2011, 11:42 AM   #9 (permalink)
ดีเจ นักจัดรายการ

sangaunchai.....ข้าวเหนียวฮ็อนๆจั้มกะแซบจ้า กับข้าวสวยฮ้อนๆทอดไข่กินนำจักหน่วยกะแซบคือกัน อิอิ


ลุงใหย่... ผัดไปผัดมาน้ำมันบักกอกกะเข้ากันดีกับแจ่วปลาเมื่อยยุน้อจ้าคุณลุง แซบไปอีกแบบ นู๋น้อยกะพึ่งเคยนี้ละสุเทื่อผัดกับน้ำมันหมู หรือน้ำมันถั่วเหลือง จ้า


เอื้อย แบบว่าอำเภอนี้ตั้งมาดนแล้ว แต่บ่ทันมีนายอำเภอประจำ เอิ้กกกตั้งอยู่แถวๆสีเกด นี้ละเอื้อย ฮ่าๆๆ


โอ้วว้าวข้าวจี่(แพนเค้กเวียงจันทร์) แหล่มเลยจ้าพ่อบักหมีอ้าย ฮ้อนๆเผ็ดๆเน๊าะ

อ้ายภูค่าว ขอบคุณจ้าที่ตั้งชื่อสูตรให้ ฮ่าๆๆมีเหตุผล สูตรล้างครก อิอิ แบบว่าเสียดายเครื่องปรุงที่ติดในครก น๊าจ้า นู๋น้อยใช้วิธีผัดให้สุกเพื่อจะได้เก็บไว้กินได้หลายมื้อจ้าอ้าย ห่อมาใส่ตู้เย็นยุโรงงานนำ เผื่อหลายๆคน


ท่านฟี่หาย อยากดมกลิ่นปลาเมื่อยบ้อ เสียใจแจ๋วดับกลิ่นเบิ้ดละ ฮ่าๆๆ อยากซิมกะบอก จาแก้มือใหม่ เที่ยวก่อนบ่เผ็ดเน๊าะ เอาใหม่ๆ

พ่อบักหามแหล่อ้าย บ่มีคนหุงข้าว กะนึ่งมากะได้ด้า อิอิ เก็บผักกาดมากินนำแหน่

ขอบคุณทุกๆความคิดเห็นจ้า

แก้ไขครั้งสุดท้ายโดย นู๋น้อย; 12-08-2011 เมื่อ 12:24 PM
 
12-08-2011, 11:44 AM   #10 (permalink)
ฝ่ายบริหารระดับสูง

หืย...ปลาเมือยพะนะ ไปถามหาตลาดบ่มีจักเจ้า ปลาเมือยเป็นแบบใด๋พะนะเพิ่นว่ากะดาย 555
 
12-08-2011, 11:51 AM   #11 (permalink)
ดีเจ นักจัดรายการ

ของไปถามแม่ค้าใน กุงเตปเน๊าะอ้าย แม่ค้ากะ งง ติ ต้องถามใหม่ แม่ค้าๆมีปลาเหนื่อยล้าไหม?? ว่าสิ

แก้ไขครั้งสุดท้ายโดย นู๋น้อย; 12-08-2011 เมื่อ 12:16 PM
 
12-08-2011, 12:00 PM   #12 (permalink)
ร่วมถ่ายทอดความรู้สู่สังคม

มีผักกะเดานำ ของมักเลยจ้า ซดต้มปลาหลดตบท้าย กินแล้วนอนเว็นเนาะจ้า อิอิอิ
 
12-08-2011, 01:54 PM   #13 (permalink)
ดีเจ นักจัดรายการ



ให้ผู้เฒ่าทางอุดรฯ กินนำแหน่ค๊าเด็กน้อยสีเกด
เก็บผักจากเอ๊าะเยาะสวนมาซุมพร้อม อิอิ
 
12-08-2011, 02:37 PM   #14 (permalink)
ร่วมถ่ายทอดความรู้สู่สังคม

แจ๋วแท้สูตรปลาแดกบองพาสเจอร์ไรซ์ ตะแซบเนาะ เป็นตาไปยามแถะ(อยากได้ของฝาก อิอิ )
 
12-08-2011, 03:19 PM   #15 (permalink)
ศิลปิน,ช่างภาพอิสระ

ส่งมาทางบางปะกงจักกล่องเด้อ ยุห้อพักเฮ็ดแนวกินกลิ่นอมตะบ่ได้แมะเพิ่น
เลิกงานแวะซื้อข้าว 5 บาท พอได้จั้ม เห้อๆ

ถามแน๊ถ่อน อำเภอใจเด้อจ้า ยุจังหวัดหยังน้อ
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
แจ่วบอง

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 02:06 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม