Way of life > ห้องสมุดบ้านมหา > วรรณกรรม-บทกวี-นวนิยายเรื่องสั้น-Poetry > บ้านมหา-ไดอารี่

 
คำสั่งเพิ่มเติม เรียบเรียงคำตอบ
12-22-2011, 12:34 PM   #1
คิดฮอดบ้าน ยามดอกสะแบงบาน
นู๋น้อย 12-22-2011, 12:34 PM
คะแนน: (1 votes - 5.00 average)





" คิดฮอดบ้านถิ่นอีสาน หม่องเคยอยู่แท้น้อ พ่อลุงป้า
ลมหนาวมาพัดต้อง คิดฮอดข้าวฮวงสีทอง เหลืองอร่าม
คิดฮอดยามสะแบงบานร่วง เก็บพวงฮ้อยสอดใส่ผม
คิดฮอดลมสะนูว่าว จุฬา เป้า อวดแข่งเสียง
ส่งสำเนียงดือ ดื้อ ดึง ปานรำพึงถึงไผ๋จ้า
คิดฮอดยามจี่ปลาเทิงฝั่งสระ และเถียงน้อย
คิดฮอดฮอย งอยขอนไม้ที่ไต่เทียวฮดสวนผัก
คิดฮอดต้นสะแบงที่เฮาฮัก แต่พ่อบักเฮ็ดเฮือนแล้ว
คิดฮอดแนวทิวตาลต้น ข้างทางหม่องเทียวผ่าน
อดีตกาลคือดนแท้ แม่ป้าเอ้ย คิดฮอดนา แท้เด้"








"คิดฮอดบ้าน คิดฮอดพ่อ คิดฮอดแม่ คิดฮอดท่งนา"
ความคิดฮอดบ่เข้าไผ๋ออกไผ๋
มื้อนี้เป็นลายต่างคิดฮอดบ้านแฮงแท้เด้ พี่น้องได้เลาะไปเลาะมาไปพ้อภาพทางบ้านดอกสะแบนบาน
แฮ่งคิดฮอดแฮง ทั้งๆที่ได้เมืือบ้านปีละ 2-3 เทื่อ แต่กะคิดฮอดคือเก่าอยากคืนเมือไปอยู่บ้านไวๆเด้
แต่เบิ่งซงแล้วคือหนักหน้าปานหินเป็นตาบ่ได้เมืออยู่บ้านตามที่คิดไว้แท้น้อ
ด้วยภาระและหน้าที่การงานที่ต้องรับผิดชอบต่อเนื่องอีกระยะหนึ่ง 2-3 ปี ออยอนาคตอนางอ














บ้านมหาและภาพประกอบสวยๆจาก ญาอ้ายทางฝั่งบ้านยางกันทรารมย์ แห่งสีเกดเอฟซี

 
 
นู๋น้อย
ดีเจ นักจัดรายการ


วันที่สมัคร: Mar 2010
ที่อยู่: เมืองชลบุรี(เช่านอน) สีเกด(หม่องเกิด
กระทู้: 1,366
ให้การขอบคุณ: 1,191
ได้รับการขอบคุณ 2,700 ครั้ง
จาก 151 หัวข้อ
Blog Entries: 31
เปิดอ่าน: 2138
12-22-2011, 03:20 PM   #2 (permalink)
ร่วมถ่ายทอดความรู้สู่สังคม

ขอบคุณ...ที่แบ่งปันความสุข มาให้ นะค่ะ...
 
12-22-2011, 03:21 PM   #3 (permalink)
เจ้าหน้าที่ประชาสัมพันธ์
ช่างภาพอิสระ

ฟังเพลงแล้ว คือคึดฮอดบ้านแฮงแท่น้อเทือนี่ ปีใหม่สิลักเมือบ้านสะบ้อ คึดฮอดเฒ่าพ่อเฒ่าแม


ของแซ่บอีสาน : อักษรอีสาน (ไทยน้อย) V.1






Thai Isaan song Pornsak Luk thung



แก้ไขครั้งสุดท้ายโดย ฅนภูค่าว; 12-22-2011 เมื่อ 03:42 PM เหตุผล: เปลี่ยนเพลง
 
12-22-2011, 03:39 PM   #4 (permalink)
ดูแลตรวจสอบเนื้อหา

ดอกสะแบงแดงเต็มต้น คิดเห็นคนผู้มาเที่ยว
ไปเดี๋ยวเดียวหว่าสิย้อน สงกรานต์ฮ้อนบ่ต่าวคืน
อ้ายได้ให้สะอื้นยืนจ่มระทมหนัก ดอกสะแบงแฝงฮักหล่นลาเบิ๋ดจ้อย
เจ้าผุแพงสีสร้อยยอยสะแบงเฮี๋่ยวแตบแต่ง บานกะบ่ม้มแล้งกะเลยแห่งหล่นขู
ดีเจนู๋คนงามของอ้ายหนิเอ่ย เอ่อเออเอิงเอ่ย
เด๋อนางเดอ เด๋อเด๋อนางเด่อ ตึ้งตึ้ง
แปลออกบ่หละ "เฮี๋่ยวแตบแต่ง"..55555
 
12-22-2011, 05:08 PM   #5 (permalink)
Membership renewed
คิดฮอดบ้าน ยามดอกสะแบงบาน

อยากเมือบ้านอีสานเก่าเฮาอาศัย
อยากเมือไปใจคึดฮอดกอดความเหงา
อยากพบพ้อพ่อแม่น้องผองหมู่เฮา
อยากสิเว้าถึงความเหงาให้เจ้าฟัง
....นานปีแล้วแผ้วถางทางย่างหาฝัน
พ้อแต่อันมันเจ็บเหน็บใจฝัง
ฮอดมื้อนี้ใจท้อถ้อยด้อยกำลัง
คึดหันหลังตั้งใจให้เมือบ้าน
....อีกบ่นานปานใดดอกบอกเมือหวน
เมือไปหม่วนทวนความหลังครั้งเก่าก่อน
สู่อีสานบ้านนาป่าเขาขอน
หวนไปย้อนคอนบ้านแสนนานเนา

....ในตอนนี้มีแต่หวังฝากฝังไว้
รักษาใจคนไกลถิ่นดินบ้านเก่า
อย่าเจ็บไข้ภัยมาต้องให้หมองเศร้า
จนกว่าเฮาเมือบ้านไปใจเว้าวอน
.......................
 
12-23-2011, 05:39 AM   #6 (permalink)
ผู้ใช้ที่อยู่ระหว่างการตรวจสอบ

ลมวอยวอยเดือนอ้ายค้อยเข่าเดือนยี่ตามดว้ยเดือนสามและเดือนสี่
แต่ถ่าลมพัดวีสิเริ่มแล้งท่งแตกเขิบเขียดจะนาซั่นบ๊อเพิ่นว่า
 
Way of life > ห้องสมุดบ้านมหา > วรรณกรรม-บทกวี-นวนิยายเรื่องสั้น-Poetry > บ้านมหา-ไดอารี่


คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 06:41 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม