ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
02-26-2012, 11:58 AM   #1 (permalink)
เจ้าหน้าที่ประชาสัมพันธ์
 
 
มาตรฐาน ดอกคูนบานประหารใจอ้าย


หล่านางเอย... ลมหนาวลาบ้านเฮาแล้ว เจ้ายุใสน้อเนื้ออุ่น

ดอกคูน เหลืองทั่วต้น ใสเจ้าบอกสิอ่วยมา

ให้อ้ายนับวันค่อยถ่า ถือสัญญาด้วยใจซื่อ

คือยังบ่เห็นเจ้าต่าวโค้ง คืนบ้านถิ่นเฮา

ผุคอยวันนับมื้อเศร้า ย้านฮักเฮาถูกหักหมุ่น

หรือว่าบุญอ้ายบ่ฮอด พอสิกอดฮ่วมนาง

มองไปใสกะอ้างว่าง หนทางย่างเคยเดินเคียง

เหลือแค่เพียงความหวัง ให้อ้ายยังหายใจได้

หากเธอยังเห็นใจให้ ส่งข่าวคืนบ้างแหน่อุ่น

ว่าอ้ายพอสิได้ลุ้น หรือสิฮ่างฮักเฮา...ละน้อ

เสียงคนลือกะแห่งจ้อ ว่าเจ้าม่วนยุทางไกล

บ่เอาใจหวนคืน บ้านนาเฮาที่เคยเว้า

อ้ายคนรอกะยังแห่งเศร้า ฟังคนเว้าแล้วสิป่วง...เด้น้อ

อยากสิขอฟังคำ จากปากเธอคนเดียวนั้น

ว่าลืมวันของเฮาแล้ว ละบ้อเนื้อผุอุ่น

ให้กลับมาส่งข่าวบ้าง สงสารอ้ายผุคอยแหน่เด้อ...น้องสาวเอย

แก้ไขครั้งสุดท้ายโดย วัฒนชัย หาริโร; 02-26-2012 เมื่อ 12:03 PM
 
02-26-2012, 12:26 PM   #2 (permalink)
พ่อครัวแม่ครัวบ้านมหา
มาตรฐาน

งาม.....
บ่น่าประหารใจน้องซายหล่าเอื้อยเลย

 
02-26-2012, 12:57 PM   #3 (permalink)
แบ่งปันความรู้และประสบการณ์
มาตรฐาน

แนมดอกคูนบานเหลืองคับต้นบ้างกะหล่นโรยรา
มะซ่างคือใจผู้คอยถ่าให้นางหล่าโค้งต่าวคืน แท้เด๊

***ออนซอนดอกคูนเด๊เนาะพี่น้องงามคักเนาะจ้า***
 
02-26-2012, 01:37 PM   #4 (permalink)
ศึกษาหาความรู้
มาตรฐาน

โอ้น้อ...สาวคนไคเอ้ย ดอกคูณบาน เ็ต็มต้นอีกแล้วเด้อ
หลายรอบ ล่นแล้วล่นอีก ยังบ่เจอสาวนางน้อง
อ้ายยืนมอง คูณต้นนั้น สัญญากันลืมแล้วบ่
บอกให้อ้ายคอยรอ อีกบ่ด่นสิคืนบ้าน ปานนี้ยังบ่มา
เดือนมีนาสิผ่านพ้น เมษายนเข้ามาต่อ
หนุ่มสาวชวนกันมาพบพ้อ รอคอยมื้อคืนลำเนา
แต่ว่าสาวของผุข้าส่างมาเงียบมิดมี่ ...แถ่น้อ....
ได้แต่คำว่ารอ...นี่สั่นบ้อเจ้าให้อ้าย..ใจร้ายคักแถ่น้อ....
.............
 
02-26-2012, 02:03 PM   #5 (permalink)
ผู้ใช้ที่อยู่ระหว่างการตรวจสอบ
มาตรฐาน

ใช้ได่ ๆ หารีโอมาหลอยเป็นผญา๋นำเพิ่นยุพ่ะน่ะพ่ะนะ
 
02-26-2012, 02:15 PM   #6 (permalink)
Banned
มาตรฐาน

ดอกคูณบานจนร่วง นางยังห่วงหาพี่ชาย
ครั้งก่อนอ้ายเก็บมาห้อย เป็นพวงย้อยห่อยคองาม
เหลืองอร่ามไปทั่วต้น ฮ่มเคยซ้นน้องบ่อลืม
มีแต่ตื่มความคิดฮอด อยากเมื่อกอดทุกเซ้าแลง
ความแห้งแล้งเฮ็ดให่พราก บ่ออยากจากบ้านนาเฮา
ให่อดเอาเด้ออ้าย ขอพี่ชายอดใจแน่
เพื่อพ่อแม่รอยุบ้าน ขอเฮ็ดงานหาเงินก่อน
อีกบ่อด่นนางซิย้อน ขอวิงวอนให่คอยท่า ซิอ่วยมาหาอ้ายคือเก่า ล่ะพี่เอ้ยยย....

ลงซะ ง่วงนอน อิอิ
 
02-28-2012, 07:48 AM   #7 (permalink)
Craftsmanship
พบปะพูดคุย



...

อ้ายเอย...ดอกคูณบานโรยร่วง คือใจห่วงนำพี่ซาย
ฮักเพิ่นหลายได้แต่คอย จนใจลอยสิเป็นบ้า
เฝ้าเพ้อหานั่งฮ้องไห่ เพิ่นไปไกลบ่กลับเฮือน
นางอยากเตือน แต่บ่กล้า...อ้ายบ่าวจ๋า..กินข้าวแน
ถ้าสองตาเพิ่นบ่แล ให้มองแน..สาวข้างบ้าน
ที่คอยอ้ายมาโดนนาน อ้ายมองฝ่านบ่เหลียวแล
แม้ว่าอ้าย บ่เคยแคร์ ฮักเพิ่นแท้แต่ผู้เดียว
บ่อาจเกี่ยวหัวใจอ้าย นางเจียมกาย เจียมวาสนา
จนดอกคูณบานโรยรา คือความหวังที่ไร้ค่า
อ้ายไม่มองมา ไม่เหลียวแล ...แท้น้อ...อ้ายเอย

 
02-28-2012, 11:43 AM   #8 (permalink)
ศึกษาหาความรู้
มาตรฐาน

ผู้สาวคนไคเอ้ย.....ดอกจานบานร่วงหล่นแล้ว แนวดอกคูณกะบานต่อ
เจ้าสิฮู้แน่บ่น้อ ว่าคนทางพี่เป็นจั่งได๋
ได้ไปอยู่เมืองทางไกล โดนแล้วได๋บ่เห็นต่าว
ดอกจานบานหล่นแล้วหล่นเล่า ดอกคูณกะบานหล่นแล้วกะหล่นเล่า เจ้ากะยังบ่อ่วยมา
เหลือไว้แต่คำสัญญาวาจาหวานให้กันไว้
บอกว่าหากไปแล้วสิเทียวหมั่นกลับมาหา
แต่พอถึงเวลากะบ่มาเห็นหน้าจ้อย
ลมพัดมาคอยๆๆๆ ดอกคูณกะเริ่มร่วง อ้ายแห่งป่วงคะนิงคิด
เทียวโทรหากะบ่ติด .. ได้แต่ฝากข้อความไว้ ให้สาวได้เปิดอ่าน
อย่าลืมเด้อมื้อสงกรานต์ วานให้เจ้าโง่โค้ง ลงมาพ้อบ่าวพี่ชาย...แน่เด้อ....
หรือถิ่มอ้ายให้คอยเก้อ เคียงคู่คำสัญญา เมื่อวันวาน
นอนเฝ้าดอกคูณบาน จนลาก้านดอกสุดท้าย...ใจร้ายคักอีหลีน้อ....
.....................................
อิอิอิ มือใหม่ครับ ทนอ่านเอาเด้อครับ
 
04-06-2012, 02:43 PM   #9 (permalink)
ศึกษาหาความรู้
มาตรฐาน

ดอกคูณบานดอกจานร่วง ความเป็นห่วงบ่เคยหาย
คิดฮอดหลายทั้งน้ำตา หยดย่าวมาทั้งสองแก้ม
แนมเบิ่งทางอยู่พ้อว้อ ปานได๋น้อเจ้าสิต่าว
คนคอยทนปวดร้าว ปานได๋เจ้าสิต่าวคืน
คนทางบ้านกลับวื่นๆ นี่กะแม่นสงกรานต์
ปานได๋น้อคนดี ซิต่าวคืนมายามบ้าง
ให้อ้ายคอยอยู่อ้างว้าง นางมาซางใจดำ..แท้เด้
ผู้คิดนำอยู่ทุกคืน แม่นว่ามึนแทบเป็นบ้า
กลับบ้านนาเฮาเถิดน้อง กับมาครองบ้านพ่อแม่
ซูซูคนคิดฮอดแท้ สาวเจ้าให้ต่าวคืน...เด้อนางเอ้ย
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว




เวลาทั้งหมดอยู่ในเขตเวลา GMT +7 และเวลาในขณะนี้คือ 04:28 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม