พ้อกันอีกแล้วนะครับมื้อนี้หลังจากพาพี่น้องไปยามจั่นปลาค่อ เอาปลาข่อนแล้ว
บาดนี้ลงน้ำลึกแน่นิดหนน่อยหาหอยจูบครับ ไปกันสามคนกับลูกสาวมันฮ้อนเลยชวนกันลงเล่นน้ำ
พอได้ล้อลูกสาวมาเล่นนำ จักเป็นแนวได๋ย้านคักย้านพ่อ ปานว่าบ่ได้เลี้ยงใส่คนแหมะครับ กะอาศัยตอนนี้ล่ะเนาะพอได้หัวเราะ:l-
ฮอดหนองสระในนา ลงไปก่อนพ่อมันอีกจั่งแม่่นเพิ่นมั่นคักลูกสาวกะดาย(รึว่ามันอยากเล่นน้ำว่ะ)
จัดการเก็บของเสร็จกะฟ้าวตามลูกลงน้ำเลยครับ น้ำบ่ลึกปานได๋ดอกครับแค่เอวนี้เอง
แต่ว่าเด็กเล็กเด็กน้อยสิลงเองบ่ได้เด้ดอครับต้องมีผู้ใหญ่ลงนำเด้อเดียวสิได้ยินธรณีกรรแสงเด้
งมปด้สักพัก น้องนานากะขอขี่คอ อยากเล่นน้ำพะน่ะจัดไปละครับขัดกะบ่ได้ย้านเขาบ่เล่นนำ:l-
เล่นแล้วกะงมอีก ตามประสาเด็กน้อยละครับพี่น้อง
บาดนี้งมได้หอยกาบโตบักใหญ่เลยครับ
หากินแนวมันหนีบ่ได้นี้ละเนาะครับพี่น้อง หาปลามันด้เทื่อละโตสองโต หาหอยด้เทื่อละคุพุ้นน่ะ
นานาอยากสิเอามาโชว์เลยขอพ่อ ให้อ้ายเพิ่่นถ่ายรูปให้
ออกจากกอบัวกะมายกเอาตามไม้ไผ่หลายคัก พี่น้อง
ซ่อยกันทั้งลูกทั้งหลานผุหนึ่งจับไม้ผุหนึ่งเก็บ
ใกล้สิเต็มคุถังแล้วครับ เอาถังลอยน้ำไว้จนสิจมแล้วครับ
งมพอแล้วกะาเขาเล่นน้ำละครับบาดนี้ มักขนาดเลยได้ขี่คอพ่อน่ะบ่ลงมาจักเทื่อ
เล่นให้สะใจไปเลยอิหล้า อีกบ่กี่มื้อพ่อกะลงไปกรุงเทพแล้ว
:l-:l-:l-
กับผลงานบ่าวจัยงมกับลูกสาว ทั้งงมทั้งเล่นตามประสาเด็กน้อย ถ้ามันบ่หลายคือสิบ่ได้ต้มดอกครับ
ล้างเอาขี้ไคน้ำออกแล้วกะเอาไปขังแช่น้ำอีกจักคืนก่อน
ให้มันคายดินออกให้เบิ่ดค่อยแกง ค่อยเอามาต้มกินกับตำหมากหุงเนาะพี่น้อง
ลากันด้วยภาพนี้เลยเนาะครับ ขอบคุณพี่น้องทุกคนที่เข้ามาชมมาเชียร์บ่าวจัย
ขอบคุณพื้นที่ลงกระทู้เว๊ปบ้านมหาดอทคอมครับผม ขอบคุณอ้ายบ่าวคนเดิมที่ทำให้ผมได้มีโอกาศลงกระทู้ครับ
Bookmarks