Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
05-15-2012, 11:22 PM   #1 (permalink)
ศึกษาหาความรู้
 
 
มาตรฐาน อ้ า ย จ น ท น ไ ด้ บ่

อ้ายบ่มีดอกเด้อหล่า " ปริญญาสิมาข่อง "
มีแต่โตหล่องข่องกับใจน้อยค่อยก้าวเดิน
หวังมีเงินมีบ้านจั่งสู่งานอยู่เช้าข่ำ
เอาแฮงกายเข้าแลกเดินสู่ดอกส่าวไป
ฮอดยามใด๋คิดท้อยังคอยรอแฮงใจอยู่
จักผู่ใด๋สิฮู้แท้ในใจนั้นอ้ายส่างเหงา..แท้เด้
บ่เคยเคยคิดอุกเอ้าบ่เคยเหงาย้อนงานหย่าว
หวังเพียงแต่มื้ออื่นเช้าสิได้พ้อหม่อมพะนาง..

 
6 ท่าน ที่ขอบคุณ บ่าวภูไท
05-16-2012, 10:10 AM   #2 (permalink)
ดีเจ นักจัดรายการ
พบปะพูดคุย

ถึงสิจนน้องทนแน่ ถ้าฮักแน่บ่แปรผัน
ถึงคืนวันจะผ่านเลย น้องบ่เคยเปลี่ยนหม่องย้าย
ในความหมายมีเพียงเจ้า ฮักสองเฮายังคือว่า
สองคนหาสร้างฟันน้อ เสมอมือดอกดั่งเดิม อ้ายเอ้ย

อ้ายจนน้องทนได้ แต่ถ้าอ้ายหลายใจน้องลาก่อน...........

ให้แจมนำแหน่เด้อจ้า กลอนผญา เห็นกลอนผญาม่วนๆกินใจซั่นเด้
 
05-16-2012, 01:31 PM   #3 (permalink)
เจ้าหน้าที่ประชาสัมพันธ์
มาตรฐาน

ทุกข์ยากล้ำโตก่ำพอปานตอ
จนบ่พอมาซ้ำฮ้ายลายกั่วเสือ
ศักดิ์สูงเชื้อบัดเว้นว่างส่างบ่มี
สิไปลี้ห่างนางน้องย้อนบ่สมนาง

(หม่นไปทั่วเด้อพี่น้อง)
 
05-16-2012, 03:32 PM   #4 (permalink)
ร่วมกิจกรรมนำความรู้
มาตรฐาน

คันแม่นใจฮักแล้วถึงจนกะบ่หวั่น
ว่าแต่ใจเจ้านั้นทนนำอ้ายได้บ่นาง
คันมีเจ้าอยู่ข้างใจอ้ายบ่หน่ายแหนง
บ่ว่าเซ้าเที่ยงแลงสิยอมเป็นทาสรับใช้ให่นางน้อง อยู่ซำบาย...เด้อนางเอ้ย
 
05-16-2012, 04:08 PM   #5 (permalink)
ศึกษาหาความรู้
มาตรฐาน

ใจสมัครฮักแต่เจ้า ใจอ้ายนี้บ่เปลี่ยนผัน
ถึงคืนวันสิผันเปลี่ยน คึดฮอดเจ้าอยู่ซุยาม
ซั่นดอกหว่า.....
 
05-16-2012, 10:10 PM   #6 (permalink)
ร่วมถ่ายทอดความรู้สู่สังคม
มาตรฐาน

ถึงอ้ายจนน้องทนได่หากผทัยเจ้าสัตย์ซือ
ถือฮักหมั่นต่อนาถน้องประครองซ้อนหนึ่งเดียว
บ่คดเคี้ยวเหลียวแลแปเป็นอื่น
ซายเป็นหมื่นรวยหล่อล้อบ่หมายซ้อน..ไห่ตรอมใจดอกเด้อ

มาแจมนำซือๆดอก





 
06-09-2012, 09:15 AM   #7 (permalink)
ศึกษาหาความรู้
มาตรฐาน

ขอแจมนำบ่าวภูไทแหน่เด้ครับ ....พวมหัด
อ้ายนี่จนแต่ทนสู้เฮ้ดงานดู๋ซุเซ้าค่ำ..หล่าเอ้ย
ย้อนคิดนำนาถน้องหวังสร้างฮ่วมเฮียง..ซั่นดอก
มีแต่เพียงกายใจอ้ายแต่หมายปองเจ้าเด้อุ่น
เจ้าพุจุ่นพุ่นหน้าซิมองอ้ายแหน่บ่นาง
ฝากความหวังในโตเจ้าเทิง(ทั้ง)ใจสาวเจ้าได้บ่
หรือว่าบ่อยากได้คนไฮ้ต่ำสกุล
อยากสิซูนไปนอนข้างหอมสองปรางเจ้าเด้อุ่น
แต่เบิดบุญได้ท่อนี้ย้อนจนไฮ้ต่างเขา...หล่าเอ่ย
 
06-13-2012, 08:32 PM   #8 (permalink)
ศิลปิน นักแต่งผญา
มาตรฐาน

โอ๊ยเนาะ หาญว่าแท้ดาย.....อิอิ
(สวยหลายเด้ เด้อ้าย มางามตายแท้น้อห่า อยากได้เด้ อยากได้ไปอยู่บ้าน มานอนต้านแม่นฮ่วมสอง--เกริ่นเต้ยเดือนห้า..อิอิ )
พี่เอ๊ย..เจ้าผุคนขี้ไฮ้
แนวใส่ไซส่างหาญเว้าสิมาว่า
บ่แม่นกาเด้ออ้าย
เป็นหงส์เท่ห์แต่แนว
เจ้าผุแควทางเส้น
สังสิหาญมาล้อต่อ
ทุกข์กินข้าวนั่งตอ
สังสิท่อคือน้องกินข้าวกะบ่วงคำ
แนวว่าโตดำเตี้ย
ส่างหาญมาว่าอยากฮ่วม
ทุกข์ปานนั้นไผสิอวมเอาซ้อน
ส่างบ่เยี่ยมเบิ่งเจ้าของ
กลับคืนเมือทางบ้าน
หาแว่นบานกะโป๋ฮ้างมาหาส่อง
เหลี่ยวเบิ่งหน้าเจ้าของ
จั่งค่อยมาหาเว้า
แนวนี้น้องบ่สน.....ชิๆๆ (55555 ว่าเล่นเด้อจร้าอ้าย แบบว่าบ่มีบทนางร้ายนั่นน่ะ --ผุได่กะนางเอกเบิด เลยเป็นนางร้ายเลย)55555
 
08-02-2012, 09:03 PM   #9 (permalink)
แบ่งปันความรู้และประสบการณ์
มาตรฐาน

อ้ายเอ๋ย..ถึงอ้ายจนน้องทนได้
ขอแค่ใจอ้ายนั้นสู่...
ขอให้อ้ายนั้นรับรู้ว่าน้องบ่เปลี่ยนใจ
ถึงว่าจนกะรวยได้ถ้าแมนใจเฮาตั้งต่อ
ถึงว่าอ้ายรูปบ่หล่อ..น้องกะขอฮักอ้าย
อยู่เคียงข้างอ้ายเสมอ...เด้ออ้ายเอ๋ย...
...ถึงอ้ายจนกะทนได้...ขอแค่ใจอ้ายนั้นสู่
เฮ็ดให้พ่อแม่น้องฮู้ว่าอ้ายฮักอีหลี
คนบ่มีกะรวยได้ถ้าแม่นใจเฮาตั้งต่อ
ความขยันและบ่ท้อกะขอให้อ้ายสู้
เพื่อฮักเฮา....

..ขอแจมด้วยคนนะค่ะ...มือใหม่เพ่ิงหัดค่ะ.....
 
Way of life > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 08:32 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน