ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > งานฝีมือ

 
คำสั่งเพิ่มเติม เรียบเรียงคำตอบ
05-18-2012, 10:27 PM   #1 (permalink)
ดีเจ นักจัดรายการ
 
 
แกะสลักฟักทอง



สวัสดีจ้ามื้อฝนตกรินของวันศุกร์แห่งชาติ ตกค่ำยามแลงมาจักจะเฮ็ดหยังเลยหาแนวเฮ็ดเล่นๆแก้เซ็ง

พอดีว่ามื้อเช้าซื้อบักอึ(ฟักทอง)จากรถตลาดไว้ซีกหนึ่งแต่บ่มีแนวแกงใส่กะเลยหิ้วเอากลับมาห้องนำ

...ต่อมอารมย์ศิลเปอะทำงานกะเลย เอามาแกะเป็นดอกไม้เล่นๆ ทวนความจำตั้งแต่เรียนมัธยมต้น



แกะสลักดอกรักเร่...จากผักหรือผลไม้ เป็นอีกวิชาหนึ่งที่ได้เรียน ตอน อยู่ ม.ต้น

ทุกๆปีครูจะคัดเลือกโตแทนนักเรียนเข้าแข่งขันทางวิชาการระดับอำเภอหนึ่งในสาขาวิชาที่มีในการแข่งขันกะคือ

การแกะสลักผักผลไม้ ...เป็นงานของกลุ่มวืชา กพอ.(กลุ่มพื้นฐานงานอาชีพ) ครูเห็นแววไผ๋มีฝีมือด้านได๋กะจับโตไปฝึก

แต่ตอนนั้นบ่ได้ไปในกลุ่มงานอาชีพแต่ไปแจม หัดนำเขาชื่อๆ ควมว่าอยากลองเฮ็ด ซั่นเด้ กลับมาบ้านนั่งปอกบักหุ่งเฒ่ายายเล่นจนถืกฮ้ายฮ่าๆๆ ว่ากันไปตามประสา

มื้อนี้เลนกูดไอเดีย ขึ้นมาอยากรื้อฟื้นความทรงจำเก่าๆ เอามาเล่าใหม่....ตั้นแต่หลายปีแล้ว(ยังบ่เฒ่าปานใด๋) อิอิ

มาว่ากันต่อเรื่องของการแกะสลักบักอึให้เป็น "ดอกรักเร่"

บักอึ ซีกหนึ่ง



แบ่งเป็นส่วนๆ ตามขนาดของดอกไม้ที่จะแกะ จ้า



ปอกเปลือก แล้ว แต่งผิวด้านจพแกะให้เรียบ



ดอกแรก เริ่มต้นที่ ตรงกลางดอก เฮ็ดเกษรก่อน โดยการใช้มีดวนเป็นวงกลม



ต่อไป เริ่มกลีบชั้นแรก ใช้มีดตวัดกรีดให้เป็นกลับคือกลับบัว



ต่อไป เซาะร่องตรงกลางกลีบดอก



เฮ็ดจนครบทุกกลีบ



ชั้นที่สอง สาม กะเฮ้ดคือเก่าจ้า สลับตามกลีบแถวแรก เฮ็ดสลับกันไปเรื่อยๆ จนพอเป็นดอก



"ดอกกุหลาบ"

การแกะกุหลาบกะบ่มีหยังหลาย เริ่มที่ วงกลมตรงกลางดอก ขนาดแล้วแต่มักดอกน้อยดอกใหย่จ้า

วิธีกะคือ ร่องการแกะต้องลึก จะออกมาสวย



เริ่มกลีบแรก ชั้นในก่อน แล้วแต่จิตนาการไผ๋มันจ้า จะจัดใก้รูปดอกเป็นดอกบานหรือดอกตูม ตามถนัด



กลีบที่สองที่สาม กะ วนไปเรื่อยๆ สลับกันไป ถ้าจะบอกว่าตามจิตนาการอีกกะบ่ผิด เพราะบ่มีหยังตายโตสำหรับงานศิลป์



แกะไปเรื่อยๆเวลาผ่านไป หนึ่งชั่วโมง แกะได้ส่ำนี้ จร้า รูปร่างมันอาจจะเพี้ยนๆจักหน่อยกะส่างมัน



ตัดตกแต่งส่วนที่เกินออกไปเพื่อความสวยงาม แล้วกะเอาไปนึ่ง วิธีนึ่งใช้กระดาษฟอร์ยรอบจะทำให้เวลาตักออก ดอกไม้บ่เสียสูนปานใด๋



ผ่านไป ยี่สิบนาที สุกแล้ว



ส่วนเกินที่ตัดออก บ่ได้เอาทิ่มจ้า เอามาเฮ็ดแนวกินแลงได้อีก ตอนแรกว่าจะบ่กินข้าวแลง แต่...ไปๆมาๆหิวซะงั้น

เลยได้กินแกงเลียงกุ้งแห้ง ของที่มีในครัวเก็บๆมาใส่ให้มันแซบตื่มกัน







ตรบท้ายด้วย ชาเย็น....หนึ่งแก้ว แล้วแลงแบบเต็มอิ่มเลยมื้อนี้ อิอิ



นี่แหระคือการพักผ่อนที่สุขใจที่สุด อิ่มท้องนำ อิอิ ขอบคุณพื้นที่บ้านมหา และทุกๆการติมตามเยี่ยมชมจ้า




 
05-18-2012, 10:34 PM   #2 (permalink)
ผู้ช่วยผู้ใหญ่บ้านมหา
มิสบ้านมหา 2012

อั้ยยะ!!! แกะยากปานนิ บ่แย่งกินดอก อิอิ ย้านน้องบ่อิ่ม
 
05-18-2012, 10:41 PM   #3 (permalink)
ดีเจ นักจัดรายการ

มาๆ พี่ติ๊ก กินคนเดียวบ่เบิ้ดดอกจ้า เพราะว่า อิ่มแกงแล้ว นั่งแนมเบิ่งชื่อๆตอนนี้ อิ่มหลาย
 
05-19-2012, 12:53 AM   #4 (permalink)
ร่วมถ่ายทอดความรู้สู่สังคม

งามอิหลีครับ .....ขั่นมีบวชฟักทองเป็นของหวานนำ กะคือสิเป็นตาแซบหลายน้อครับ ..
 
05-19-2012, 04:17 AM   #5 (permalink)
แบ่งปันความรู้และประสบการณ์

มีผีมือในการแกะผลไม้งามจ๊ะนู๋นอ้ยอยากเรียนยุงานแกะสลักผลไม้แบบนี้มีความสุขกับผลงานเฮาเนาะสุดยอดจ๊ะ
 
05-19-2012, 05:51 AM   #6 (permalink)
ร่วมถ่ายทอดความรู้สู่สังคม

ตื่นเช้ามา เห็นกับข้าวของนู๋น้อยแล้ว ทำให้หิวข้าวเลยจ้า
 
05-19-2012, 08:30 AM   #7 (permalink)
ผู้ใช้ที่อยู่ระหว่างการตรวจสอบ

บึ๊ยสาวพุหนิแหมเลากะสิเฮียนเอาเหมิ๊ดซุแนวพ่ะน่ะ ถ่าแกะสลักแล่วแกงกินหนิมันสิแซบบ่หน่อ
 
05-19-2012, 10:51 AM   #8 (permalink)
เจ้าหน้าที่ประชาสัมพันธ์

อารมณ์ศิลป์ออก กะถ่ายทอดออกมาสู่สายตาพี่น้องได้เบิ่งเนาะ ความสุขทางใจดีเนาะครับ
 
05-19-2012, 10:57 AM   #9 (permalink)
ร่วมถ่ายทอดความรู้สู่สังคม
ช่างภาพอิสระ

รับสมัครนักเรียนบ่จ้าเอื้อย สอนเกาะสลัก สอนเย็บหมอน
น้องสิสมัครเป็นนักเรียนก่อนหมู่เลยจ้า....ใจรัก แต่เฮ็ดบ่เป็นจ้า
 
05-19-2012, 11:19 AM   #10 (permalink)
ศึกษาหาความรู้

ลายมือของคนๆนี้ เส้นสมองกับเส้นชีวิต บรรจบกันเป็นรูปเรือหงส์
เผิ่นวาเป็นคน ฉลาด เรียนเก่งปานกลาง มีศิลปะเป็นพรสวรรค์ แต่
มีเส้นหนึ่งเข้าล่องระหว่างนิ้วซี้กับนิ้วกลาง เป็นคนใจถึงโอบอ้อมอารี
ระวังเรื่องการใช่จ่าย พะนะ


แก้ไขครั้งสุดท้ายโดย อีหยังสิปานนั้น; 05-23-2012 เมื่อ 09:17 PM เหตุผล: ลงภาพ
 
05-19-2012, 11:48 AM   #11 (permalink)
ดีเจ นักจัดรายการ

ทุกคำติชม จ้า หาแนวเฮ็ดเล่นๆคลายเครียด ไปตามเรื่องซั่นเด้

ถึงน้องหลินหล่า สนใจเรื่องเย็บหมอนกะลงมายามเอื้อยทางชลรี เลยจร้าน้องหล่า ยินดีถ่ายทอดวิชาแบบบ่หวง

ลูกสิด...เบิ่งลายมือกะเป็นติ โอ๋เรื่องฉลาดกับเรียนเก่งบ่ปานใด๋ สอบเกือบได้ตลอด แต่อั่นแนวศิลเปอะกะพอมีอยู่ รายจ่ายตามใจ..คักแม่นที่สุด จ้าลูกสิด ที่เบิ่งลายมือให้จารย์
 
05-19-2012, 09:50 PM   #12 (permalink)
เจ้าหน้าที่ประชาสัมพันธ์
ช่างภาพอิสระ

แกะยากแกะซาปานนั่นคือสิแกะนำบ่เป็นดอกบ่ถนัด เรื่องกินพอคือยู....
 
05-19-2012, 11:39 PM   #13 (permalink)
ท่องเวบ

ปร๊าสสสสสสสส บ่หน่าเซือเฮ้ดเป็นหลายอย่าง ไผได้เป็นใภ้โชคดีที่สุดด
 
05-23-2012, 08:00 PM   #14 (permalink)
ดีเจ นักจัดรายการ

ดอกคาร์เนชั่น....จากฟักทอง



กุหลาบขาว...จากมะม่วง

ทุกคำติชมจ้า เป็นกิจกรรมยามว่าง(ตั้งใจให้ว่าง)
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > งานฝีมือ


ป้ายกำกับ
แกะสลักฟักทอง

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 08:46 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม