Way of life > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
07-11-2012, 10:50 AM   #1 (permalink)
ศึกษาหาความรู้
 
 
อ่อมไก่ ใสผักชี สูตรจำอิแม่มา



แลงเมื้อนี่ ได้ไก่บ้านมาเคิ่งโต กะเลยอ่อมใสผักชี สูตรจำอิแม่มา



เครื่องปรุงตามฮูปครับ
1.ไก่บ้าน 1/2 ตัวประมาณ 1กิโล
2.ผักชี 3ขีด
3.หัวซิงใคร 4หัว
4.บักบวบ แล้วแตะมัก
5.บักเขือ จักหน่อย
6.บักพริกโพน 1/2 ขีด ผุได๋มักเผ็ดกะเพิ่มเอาคับ
7.บักเขือเครือ ดิบ 3 หน่วย
8.หัวข่าผาน 5 แว่น
9.ใบหมากกูด 5 ใบ
10.หัวหอมแดงแห้ง 4 หัว
11.น้ำปลาร้า ประมาณ 1ถ้วยน้อย, น้ำสะอาด ,น้ำปลา,ผงนัว,เกลือ เอาใว้ปรุงแต่งคับ




เริ่มตำ บักพริก,หัวชิงใคร,หัวหอมแดง,ข่า ตำพอแหลงจักหน่อยใส่เกลือนำคับมันสิตำง่าย ผักอื่นๆเฮากะซอย พอดีคำคับ




ตั้งหม้อ เอาไก่และกะเครื่องที่ตำใว้ใส่ลงไปใบมักกูดนำ ลืมบ่ได้ น้ำปลาร้าเด้อคับ ใช้ไฟปานกลาง แม่เพิ่นว่าลวนคับให้เครื่องมันเขากัน ห้ามใส่น้ำเด้อคับ



ลวนไปเรื่อยๆคับ น้ำไก่กะสิออกมาให้เห็น







ไปเรื่อยๆคับจนแห้ง จักหน่อย ระวังอย่าให่ใหม้คับ



เติมน้ำ ประมาณ 1 ลิตร กะเอาคับให้พอซด แล้วเร่งไฟแฮงๆ ปรุง ผงนัว น้ำปลา ซีมให้เค็มนำจักหน่อยหรือแล้วแตะผุมัก




สุดท้ายกะเอาผักที่เตรียมใว้ใส่ลงไป ปิดไฟทันทีคับ ผักสิสุขพอดีคับ




แลงนีกะมีตำหมากแตงจิงนำ ขอบคุณสุท่านที่แวะเขามาเบิ่งคับ
 
07-11-2012, 11:01 AM   #2 (permalink)
ศึกษาหาความรู้

แซบ ๆๆๆอยากกินนำ เฮ็ดกับข้าวเก่งแท้ไทบ้านนี่
 
07-11-2012, 11:37 AM   #3 (permalink)
ศึกษาหาความรู้

นอกจากอ่อมไก่แล้ว กะยังมีลาบหมูใส่หนังนำ ตาแซบหลาย ได้สูตรแล้วมื้อแลงสิลองไปซอกหาไก่กับผักชีมาลองเฮ็ดกินเบิ่งอยู่ดอก ฮวยบ่วงสังมาโฮมกันอยู่จานลาบ
 
07-11-2012, 11:41 AM   #4 (permalink)
แบ่งปันความรู้และประสบการณ์

ตะแซ่บยุออ่มไก่ใส่ผักชีมักนำยุได้ไก่บ้านเฮ็ดแฮงแซ่บเนาะ
 
07-11-2012, 12:41 PM   #5 (permalink)
ศึกษาหาความรู้

มาลองเบิ่งเด้อผมเอ็ดงานแถวยุดยา
 
07-11-2012, 12:55 PM   #6 (permalink)
ศึกษาหาความรู้

แนวแซ่บตั๊วหนิ ใส่ปลาแดกนัวเนาะ
 
07-11-2012, 02:52 PM   #7 (permalink)
ฝ่ายบริหารระดับสูง

อ่อมไก่ ใส่ผักซี อ่อมไก่ ใส่ผักซี เอามาพี้เด้อแม่ออก เอามาพี้เด้อแม่ออก....กรี๊ดดดด

อ่อมบ้านเฮา ได้กลิ่นผักซี ถือว่าเป็นกลิ่นคุ้นเคยครับ เอาข้าวเหนียวจ้ำจักบาดเด้...แซบ
 
07-11-2012, 04:19 PM   #8 (permalink)
บ่าววีโก้
Guest

เป็นตาเเซบคักออ่มไก่กินกับข้าวเหนียวเบิ่งเด้อ
 
07-11-2012, 05:09 PM   #9 (permalink)
เจ้าหน้าที่ประชาสัมพันธ์

เป็นตาแซบยุครับ คึดอยากซดน้ำฮ้อนๆนำแล่วล่ะ
 
07-11-2012, 06:56 PM   #10 (permalink)
ศึกษาหาความรู้

สะออนแต่กระปุกปลาร้าใหญ่นั่นแล้ว เห็นปลากระดี่เป็นโตๆอยู่ เอามา แต่นครพนมพุ่นบ่ฮึ เฮ็ดงานอยู่ยุดยา แล้วพักอยู่แถวได๋ครับ ผมอยู่แถวๆโรงพักยุดยาครับ สิได้ยามกินข้าวนำกัน
 
07-11-2012, 08:08 PM   #11 (permalink)
เจ้าหน้าที่ประชาสัมพันธ์
ช่างภาพอิสระ

อ้างถึง:
กระทู้ต้นฉบับโดยคุณ บ่าวจัย อ่านกระทู้
เป็นตาแซบยุครับ คึดอยากซดน้ำฮ้อนๆนำแล่วล่ะ



คำว่าอ่อมเขาใส่น้ำหน่อยๆให่เอาคำเข่าจ้ำ สิมาซดได่จังได๋ ผมกะเฮ็ดสูตรนี่หละ(สูตรล้างครก) ครกที่ตำเครื่องปรุงเอาน้ำเทลงล้างเอาทีติดยูในครกให่เหมิดแต่อย่าเทถิ่ม ให่เทลงในกะทะนั่นหละ จังค่อยเติมน้ำธรรมดาเอาถ่าน้ำบ่พอจ้ำ... มันต้องกินกับเข่าเหนียวจังถึกกัน...แซบบบๆๆๆเซิญๆๆๆ...

แก้ไขครั้งสุดท้ายโดย ฅนภูค่าว; 07-11-2012 เมื่อ 08:21 PM เหตุผล: เพิ่มคำ
 
07-11-2012, 10:20 PM   #12 (permalink)
ร่วมถ่ายทอดความรู้สู่สังคม

.ใส่ผักซีลาวมันกะแซบซั่นแล่ว หุ หุ หุ หุ
 
07-12-2012, 07:20 AM   #13 (permalink)
Banned

มีแต่แนวแซป มานำเสนอทุกมื้อเลยน่ะ อยากเฮ็ดเป็นมั้งจังเลย
 
07-12-2012, 08:50 AM   #14 (permalink)
เจ้าหน้าที่ประชาสัมพันธ์

เมนูนี้ บ่เคยเฮ็ดแซบได้เลยจ้า ใคแหน่แต่อ่อมปลาดุก อิอิ
 
07-12-2012, 09:39 AM   #15 (permalink)
ท่องเวบ

เคยกินแต่อ่อมเนื้อ อ่อมหมู อ่อมไก่ก็เป็นตาแซบจ้า คือแกงป่าเนาะคะ
 
Way of life > อาหารการกิน > ครัวบ้านมหา ชวนชิม > อาหารอีสาน


คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 12:39 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม