Way of life > ห้องสมุดบ้านมหา > คลังความรู้ > ต้นไม้ต่างๆ

 
คำสั่งเพิ่มเติม เรียบเรียงคำตอบ
11-14-2012, 04:21 PM   #1 (permalink)
ดูแลตรวจสอบเนื้อหา
 
 
บักม่วงกะหล่อน มะม่วงกะล่อน



บักม่วงกะหล่อน พี่น้องกะฮู้จักเบิดทุกคนแล้ว
ผมถ่ายรูปเก็บไว้ ขอเอามาเป็นข้อมูลไว้ให้เบิ่งให้ศึกษา เพื่อประโยชน์เล็กๆ น้อยๆ สำหรับผู้สนใจ อีกหน้านึงครับ

โดยส่วนโตผม บักม่วงกะหล่อน บักม่วงป่า คนละอย่างครับ เอามาเทียบกับบักม่วงเบาทางภาคไต้
บักม่วงเบาภาคใต้เพิ่นสิเนื้อนวลหลายออกสีเหลืองส้ม ผมกะบ่มั่นใจว่าแม่นอันเดียวกันบ่

แต่ซือภาษาอังกฤษ กะใช้ซือคือกัน บ่คิดหยังหลายเนาะครับพี่น้อง เอิ้นจังได๋กะได้

มะม่วงป่าทุกชนิด (Mangifera spp.)
มะม่วงป่า, Mangifera caloneura Kurz
มะม่วงป่า (Mangifera gracilipes)
มะม่วงเบาปักษ์ใต้ Mangifera caloneura Kurz
มะม่วงกะล่อน. Mangifera caloneura
มะม่วง, Mangifera indica L. ANACARDIACEAE (มะม่วงทั่วไป)





บักม่วงกะหล่อนต้นนี่อายุเกินห้าสิบปี สวนนาไทบ้านผมได้เก็บกินมาแต่น้อย





ต้นและใบ ถ้าเบิ่งคักๆ ใบบักม่วงกะล่อนสิต่างจากใบบักม่วงป่าอยู่เล็กหน่อย





ดอก ช่อดอก บักม่วงกะล่อนสีเขียวอ่อน ออกดอกช่วงปีใหม่




หน่วยน้อย ช่วงใกล้สงกรานต์










หน่วยใหญ่และสุก ช่วงเดือนพฤษภาคม






ใน เมล็ด





ต้นน้อยครับ


หน่วยสุกบ่ได้ถ่ายรูปไว้ ผมสิหามาตื่มให้ครับ



ขอบคุณบ้านมหา
 
11-14-2012, 04:53 PM   #2 (permalink)
ศึกษาหาความรู้

นวยน้อยๆ ซำโป้มือ ผ่าครึ่งล้างน้ำกินกับน้ำปลาหวาน ใส่ปลาแดกน้อยลงไปนำ โอ้ววว น้ำลายแตก
 
11-14-2012, 09:19 PM   #3 (permalink)
ร่วมถ่ายทอดความรู้สู่สังคม

อ้างถึง:
นวยน้อยๆ ซำโป้มือ ผ่าครึ่งล้างน้ำกินกับน้ำปลาหวาน ใส่ปลาแดกน้อยลงไปนำ โอ้ววว น้ำลายแตก
ฮ่วย เว้าออกมา คิดอยากเด้บาดทีเนี้ย
 
11-15-2012, 04:31 AM   #4 (permalink)
ผู้ใช้ที่อยู่ระหว่างการตรวจสอบ

มาหากินยากแท้เด้หละเพราะขะเจ้าป้ำมันถิ่มเบิ๊ด
 
11-15-2012, 06:12 AM   #5 (permalink)
ฝ่ายบริหารระดับสูง

ยามลมฝน ตอนเป็นเด็กน้อยแล่นยาดกัน เอามากินกับข้าวเหนียวกะแซบครับ

รสชาติตอนดิบ ๆ รสชาติแซบแสบสันต์ รสชาติเฉพาะคือหอม

ฝานบาง ๆ ทั้งเปลือกจิ้มแจ่ว....ออย น้ำลายแตกใส่หน้าคอม...อิอิ
 
11-15-2012, 07:15 AM   #6 (permalink)
Banned
ความตอนหนึ่งที่จำได้

ที่รู้ๆพอหน่วยมันสุก มันจะหล่นไส่คอกงัว งัวมักกินดีคัก....หรือว่าเวลาไล่งัวผ่าน กกบักม่วง กะล่อนงัว มันกะแลนไปจุ้มกินกันอย่างเอร็ดอร่อย///
 
11-15-2012, 07:52 AM   #7 (permalink)
ศึกษาหาความรู้

ถ้าเป็นสมัยเด็กน้อยนี่บ่อต้องสอยดอก ห่อแจ่วปีนขึ้นไปกินฮอดยู่ทั้งต้นโลดล่ะครับ
ทุกมื้อนี่ทางบ้านผมสิเหลือบ่บุ ปีใหม่นี้สิลองไปหาเบิ่งก่อน ถ้าบ่มีกะรบกวนขอพันธุ์
นำแนเด้ออ้ายหนุ่มฯ
 
11-15-2012, 08:51 AM   #8 (permalink)
ศึกษาหาความรู้

ให้มันกะร่อนแต่หมากม่วง ใจคนอย่ากะร่อนนำเด้อผู้สาวบ่มักเด้..
 
11-15-2012, 09:22 AM   #9 (permalink)
ดูแลตรวจสอบเนื้อหา

ขอบคุณครับ ที่เว้ามาเป็นความจริงทั้งเบิดอ้ายคน....เอ๋ย

ผู้สาวเพิ่นบ่เซือหยังจักแนวดอกครับ เว้าความจริงเพิ่นกะว่าตั๋ว กะล่อนเพิ่นกะว่าบักม่วง

พันธุ์หรือใน บ่อึดครับ
 
11-15-2012, 10:02 AM   #10 (permalink)
ร่วมถ่ายทอดความรู้สู่สังคม

บ้านผมพุลังคนเพิ่นกะเอิ้น บักม่วงกะล่อน ลังคนกะเอิ้น บักม่วงกะโดน

ต้นเดียวกันหั่งเอิ้นสองชื่อพะนะ
 
11-15-2012, 10:28 AM   #11 (permalink)
แบ่งปันความรู้และประสบการณ์

ขู่มื่อหนี่หายากแล้วคับ ตะก่อนแถวบ้านขะน้อยนำท่งนาบ่อึด เดี๋ยวนี่จิบแนวเบิดแล้ว ขะเจ้าป้ำไปเฮ็ดถ่านเบิดแล้ว ย้อนขะเจ้าว่ากกไม้นำนามันหงำเข๋า เลยพากันป้ำถิ่มเบิ๊ด โพนนากะพากันเอารถไถ รถแบ็คโคไปจกถิ่มเบิ่ด ผู่ข่าคึดเสียดายหลายคับนาบ่มีกกไม้ฝนทางได๋มันสิมาตกใส่ เพราะนาแถวบ้านผู่ข่าบ่มีระบบชลประทาน อาศัยท่านพญาแถนผู่เดียว ขู่มื่อนี่ผู่ข่ามีนาอยู่ 7 ไฮ่ มูลมังอีพ่อปันให้ผู่ข่าจงไว้เบิ่ดโพนมีจักหน่วย กกไม้มีจักต้น บ่ตัด มีตะให้มันขึ้นหลายๆ เฮ็ดนาบ่ได้เข๋าหลายกะซ่างจั่งได๋กะพอกิน เอาแค่นั้นพอ ถางถิ่มเบิ่ดแนมไปแปนเอิดเติด บ่มีกกไม้จั๊กต้น มันหดหู่บ่มีชีวิตชีวาจั๋งได๋บ่จั๊ก..(ออกทางจ่มเนาะพี่น้อง...อิิอิอิ )
 
11-15-2012, 01:26 PM   #12 (permalink)
ศึกษาหาความรู้

คักสุดๆต้องก้อยใส่กะปอมครับ คันหน่วยสุกกะปาดหัวเอาในออก ข้าวเหนียวฮ้อนๆยัดลงไป โอย....บ่ไหวแล้ว น้ำย่อยไหลหลัวไหลล่วงเลยบาดนี่
 
11-16-2012, 11:12 AM   #13 (permalink)
ศึกษาหาความรู้

อ่านข้อความแต่ละคนแล้ว กะมีแต่คนอยากกิน แล้วกะอยากอนุรักษ์เนาะ แถวบ้านผม เพิ่นปลูกอ้อย ปลูกยาง กะป้ำถิ่มเบิดคือกันครับ ตอนเป็นเด็กน้อยเลี้ยงควาย ทั้งคนทั้งควายกะได้อาศัยห่มจากต้นหมากม่วงกะโดนนี่ล่ะ
 
11-16-2012, 12:08 PM   #14 (permalink)
เจ้าหน้าที่ประชาสัมพันธ์

บ้านผมเอิ้นบักม่วงอ้งนก แม่นอันเดียวกันบ่น้อ แต่เท่าที่เบิ่งด้วยตาเปล่าน่าสิแม่นยุดอกคือ
 
04-20-2013, 08:01 AM   #15 (permalink)
ดูแลตรวจสอบเนื้อหา









สงกรานต์ บักม่วงกะหล่อนสุกหล่น หวานหอมครับ



 
Way of life > ห้องสมุดบ้านมหา > คลังความรู้ > ต้นไม้ต่างๆ


ป้ายกำกับ
บักม่วงกะหล่อน, มะม่วงกะล่อน

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 08:59 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม