ชุมชนบ้านมหา > บ้านมหา วาไรตี้ > General-Talk-พูดคุยเรื่องสรรพเพเหระ

 
คำสั่งเพิ่มเติม เรียบเรียงคำตอบ
12-02-2012, 10:37 AM   #1 (permalink)
Membership renewed
 
 
ปลาข่อใหญ่



ปลาค่อใหญ่ "มนนต์แคน แก่นคูน"

รบกวนปราชผู้ฮู้แนครับ ผมฟังเพลงนี่หลายเทือแล้ว บ่อเข้าใจจักเทือ อยากถามว่าเพลงนี้หมายความว่าจังได๋ ต้องการสื่ออีหยัง โดยเฉพาะท่อนนี่
"แพงเอ้ย สาวผู้ไทนั่นเด้น้อง ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย นางเอ๊ย ปลาข่อใหญ่มาฮอดแล้ว ปลาข่อใหญ่มาฮอดแล้ว อย่าวางถิ่มแม่นห่อเกลือ อย่าวางถิ่มดอกห่อเกลือ เออ…เอ่อ…เอ๊ย…นั่นนา…หล่าเอ๊ย"
ผมบ่อได้ว่าสิเอาไปปรับใช้หยังดอก แต่อยากเข้าใจให้หลายขึ้น เผื่อมุมมองการใช้ชีวิตสิเปลี่ยนไป

ขอบคุณหลายๆครับ



คำร้อง/ทำนองโดย ดอกเพชร แดนจำพอน
เรียบเรียงโดย ธีระพงษ์ ศักดิ์แก้ว
ตัดทอน ปรับคำร้องเป็นภาคภาษาไทยโดย สลา คุณวุฒิ

เดือนสามออกใหม่เก้าค่ำ ได้มายามผู้สาวบ้านภูไท
มาค้ำคูนขวัญข้าว ตามฮีตคองเก่าละของเผ่าภูไท
ถึงแม้เป็นสังคมยุคใหม่ ยังรักษาไว้ประเพณีอันดีงาม

สาวเอ้ยมีคู่แล้วบ่ ได้บ่หนอถ้าอ้ายขอมาอยู่นำ
มาปลูกพริกหน้าแล้ง ช่วยแก้มแดงสร้างแปงทุกยาม
โปรดสงสารอ้ายแนคนงาม อยากมาทำหน้าที่ลูกเขยพ่อตา

โอ่..เด๋ เอ้ เอ๋..เอ้..เอ
โอ่..เด้..เอ้..เอ เอ้..เอ๋…เอ..

โอ่เด..สาวภูไทเอ๊ย โอ่เด..สาวผู้ไทเอ้ย
แพงเอ้ย สาวผู้ไทนั่นเด้น้อง
ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย

นางเอ๊ย ปลาข่อใหญ่มาฮอดแล้ว
ปลาข่อใหญ่มาฮอดแล้ว อย่าวางถิ่มแม่นห่อเกลือ
อย่าวางถิ่มดอกห่อเกลือ เออ…เอ่อ…เอ๊ย…นั่นนา…หล่าเอ๊ย

ฮอยยิ้มในตาหวานฉ่ำ นั่งกินข้าวนำจนลืมจ้ำแจ่วข่า
ยามตำหูกเข็นฝ้าย มางามหลายสาวผู้ไทคนส่า
งามซิ่นหมี่เสื้อย้อมคามน้องหล้า
มันซูนสายตาจนอยากเป็นเขยภูไท
จนอ้ายอยากมาเป็นเขย..ภูไท

โอ่..เด๋ เอ้ เอ๋..เอ้..เอ
โอ่..เด้..เอ้..เอ เอ้..เอ๋…เอ..

โอ่เด..สาวภูไทเอ๊ย โอ่เด..สาวผู้ไทเอ้ย
แพงเอ้ย สาวผู้ไทนั่นเด้น้อง
ให้นางอดดอกสาจ้ำ โอ๊ยแจ่วเกลือต่างลาบไก่…ผู้แพงเอ๋ย

นางเอ๊ย ปลาข่อใหญ่มาฮอดแล้ว
ปลาข่อใหญ่มาฮอดแล้ว อย่าวางถิ่มแม่นห่อเกลือ
อย่าวางถิ่มดอกหอเกลือ เออ…เอ่อ…เอ๊ย…นั่นนา…หล่าเอ๊ย

บ่อได้เข้ามาดนแล้ว บ่อรู้สิโพสห้องได๋ รบกวนผู้ดูแลย้ายไปไว้หม่องที่เห็นสมควรแนเด้อครับ
 
12-02-2012, 10:55 AM   #2 (permalink)
เจ้าหน้าที่ประชาสัมพันธ์

อันท่อนที่อ้ายว่าน่ะในความเข้าใจของน้องน่าสิเป็นการ อ้อนหรือการขอร้อง ประมาณว่าได้เจอสิ่งใหม่หรืออิหยังกะอย่าที่เป็นของใหม่แนวใหม่ กะขออย่าให้ลืม สิ่งเก่าๆที่เคยมีอยู่ ส่วนเนื้อหาของเพลงเท่าที่ผมฟังมาจนนับรอบบ่ถืกผมเข้าใจว่า น่าจะเป็นการจีบสาวกระเช้าเย้าแย่ ระหว่างผุบ่าวที่ได้มีโอกาสหวนกลับมาพบพ้อผุสาวอีกครั้งครับ ถืกบ่ถืกบ่รู้เด้อครับแต่นิเป็นการตีความของเด็กน้อยรุ่นใหม่คือน้อง อิอิ
 
12-02-2012, 10:58 AM   #3 (permalink)
Membership renewed

น่าสิแม่น ว่าอย่าลืมของเก่า
 
12-02-2012, 11:01 AM   #4 (permalink)
เจ้าหน้าที่ประชาสัมพันธ์

แต่ถ่าเป็นในเพลงกะน่าสิสื่อให้หมายถึงอย่าลืมผุบ่าวเก่าละเนาะอ้าย อิอิ
 
12-02-2012, 11:12 AM   #5 (permalink)
Membership renewed

เขาเปรียบว่าให้กินแจ่วเกลือ ต่างลาบไก่ แล้วกะถ้าได้ปลาค่อใหญ่ กะอย่าลืมแจ่วเกลือ
หมายความว่าจังได๋ แจ่วเกลือนี่หมายถึงผู้บ่าวคนนี่แม่นบ่อ ส่วนปลาค่อ คือผู้บ่าวคนโก้คนอื่น

บ่อรู้เด้ คิดว่าจังซี่
 
12-02-2012, 12:38 PM   #6 (permalink)
เจ้าหน้าที่ประชาสัมพันธ์

พอกะเทินกะเข้าใจถืกแล้วนี่น่า หึยยย ทำเป็นถ่อมตน(คือผุบ่าวในเพลงเลยจ้า) วัฒนชัยกะเว่าถืกแล้วจ้า ป้าเติมให้หน่อยหนึ่งเดอจ้า ปลาข่อใหญ่เปรียบเป็นของดีของแพง(สมัยป้าไปตึกแหนำพ่อมื้อได๋ตึกแหได้ปลาข่อใหญ่ส่ำถืกหวยพู้นละ) ผุบ่าวในเพลงเพิ่นถ่อมโตว่าบ่อแม่นปลาข่อใหญ่ แต่เป็นเพียงแจ่วหรือเกลือ(ที่ราคาถืก) ขอให้สาวอิโต๋นเพิ่นหลายๆ ผุบ่าวอีสานสิบ่อคุยใหญ่ดอกจ้า นอกจากเวลาเหล้าออกฤทธิ์......แม่นบ้อจ้า
 
12-02-2012, 02:08 PM   #7 (permalink)
ร่วมถ่ายทอดความรู้สู่สังคม

"ให้เจ้าอดสาจ้ำ แจ่วเกลือตางลาบไก่ ปลาค่อใหญ่มาฮอดแล่ว อย่าวางถิ่มห่อเกลือ"

ถอดความ = ให้น้องทนกินข้าวกับเกลือไปก่อนแม้จะไม่มีลาบไก่ บางทีน้องอาจจะไปเจอปลาช่อนตัวใหญ่ ก็อย่าลืมแจ่วเกลือที่ถืออยู่นะ

แปลความ = พี่เป็นคนจนมาจีบน้อง ขอน้องอย่าได้รังเกียจเลย หากวันใดมีหนุ่มคนรวยมาจีบ น้องก็อย่าทิ้งพี่คนจนคนนี้นะ ( ได้โปรด...... อันนี่แถม )


ฝึกแปลผญาต่อ ลองเบิ่งครับ

" ให้เจ้าอดสาแง่น อดกินข่าตางขิง อดกินลิงตางกระต่าย อดสาเบิ่งคนผุฮ่าย ซามพ่อผุเพิ่นดี "
"ให้เจ้าอดสาหิ่ง อดกินขิงตางข่า อดสากินปลาร้า ซามพ่อปลาแดกบอง"
"ให้เจ้าอดสาเลี้ยง ควายโซไว่ถ่าห่า ลางเทียห่าบ่พ่อ ยังสิได้ใส่นา อยู่เด๋ "
" คันได้กินลาบก้อย อย่าลืมแก่วแพวผัก คันได้กินพาเงินพาคำกะอย่าลืมกะเบียนฮ้าง"
 
12-02-2012, 02:23 PM   #8 (permalink)
Membership renewed

ผมบ่อมั่นใจครับป้า นึกว่าประเพณีคะเจ้ามีหยังหลายกว่านี่ กะเลยถามเบิง อิอิอิ

เซียงสี อ่าผญาเจ้าอันสุดท้าย คิดฮอดกลอนลำสาทิต ทองจันทร์ อย่าสิลืมกะเบียนฮ้าง

ตั้งแต่น้อยจนใหญ่ กะบ่อทันเห็นกะเบียนยุ หารูปมาให้เบิงแน สิได้ฮู้ เทือเอิ้นบ่อคือกัน
 
12-02-2012, 03:09 PM   #9 (permalink)
ร่วมถ่ายทอดความรู้สู่สังคม

เฒ่าปิ๊ก ...... กะเบียนตามที่บ้านข่อยเอิ้น หมายถึง กระด้งมนไว้สำหรับหาพาข้าว

กระด้งบ้านข่อยมีสองอย่าง

กระด้งมน ใช้หาพาข้าว ใช้เลี้ยงม่อน ตากปลา ตากบักพริก

กระด้งส่วย เอิ้นว่า กระด้งฝัด ไว้ถ่าฝัดข้าว

และจากที่สังเกตเบิ่ง สิบ่ได้ยินพุได๋เอิ้น กะเบียนม่อน กะเบียนฝัด
เห็นเอิ้นว่ากะเบียนเฉพาะที่ใช้หาพาข้าว ที่เป็นกระด้งกลม กระด้งส่วยบ่เห็นเพิ่นเอิ้นกะเบียน

ถืกบ่ถืกจั่งได๋กะซอยกันเด้อครับ ผมกะเกิดใหม่ใหญ่ลุนเว่าตามที่เห็นคับ พุได๋เอิ้นแบบได๋กะซอยบอกกันครับ
 
12-03-2012, 10:02 AM   #10 (permalink)
ศึกษาหาความรู้

เป็นคำออดอ้อนจากหนุ่มต่างถิ่นต่างวัฒนธรรมครับ ให้สาวผู้ไทหันมาสนใจคนนอกวัฒนธรรมบ้าง และก็อย่าได้มองว่าคนต่างถิ่นเป็นแค่ของ "กินเล่น""ฆ่าเวลา"ประมาณนั้นครับ
 
01-16-2013, 02:06 PM   #11 (permalink)
ศึกษาหาความรู้

ถ้าไปฟังกอนนี่ ของลาว จะเข่าใจคับ
ประมาณวา บ่าวนี่ออดสาวให่ฮักเจ่าของ ถ่ามีของดีกว่าจังถิ่มไป ในกอนของลาวสิวา
ปาคอใหญ่มาฮอดแล่วจังวางถิ่มแมนฮอเกือ คือให่อดกินเกือไปก่อน ปาคอมาแล้วจังวางถิ่มแมนฮอเกือ
วาซั่นดอก
 
ชุมชนบ้านมหา > บ้านมหา วาไรตี้ > General-Talk-พูดคุยเรื่องสรรพเพเหระ


คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 06:56 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม