ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
12-05-2012, 08:38 PM   #1 (permalink)
ดูแลตรวจสอบเนื้อหา
 
รูปส่วนตัว หนุ่มลาวสาวขะแมร์
 
เมนูหมูๆ ตำบักฮุงเหิ่ม


หลังแล้วจากจุดเทียนชัยถวายพระพรพ่อหลวง กะมาหาแนวใส่แลง

มื้อนี่วันหยุด หยุดอีหลีครับ เบิ่งถ่ายทอดในหลวงเสด็จตอนเช้าฮอดเที่ยง

หลังจากนั้นกวาดหน้าบ้านนิดหน่อย ปกติกะบ่ฮกปานได๋ดอก หญ้าข้างทางน้ำท่วมตายเบิด


บ่มีแนวกินแลง ไปโค้เล่เบิ่งในตู้เย็น ได้บักฮุ่งเหิ่มเปี่ยงนึง มาตำบักฮุ่งเฮิ่มใส่แลงครับพี่น้อง


เมนูหมูๆ ตำบักฮุงเหิ่ม

ตำบักฮุ่งเฮิ่มใส่บักกอกครับ แล้วกะลวกหมูจ้ำแจ่ว(เมนูลัด)



เมนูหมูๆ ตำบักฮุงเหิ่ม

พริกแห้ง กระเทียม บักกอก บักเขียเคีย ต่อนปลาแดก ชูรส น้ำตาลหน่อยนึง ซำนี่ละครับเครื่องปรุง



เมนูหมูๆ ตำบักฮุงเหิ่ม

มาครับบาดนี่ มากินแลงนำกัน

เมนูแบบพอเพียง ตำบักฮุ่งเหิ่มกับแค๊ปหมู หมูลวกจ้ำแจ่ว ทอดซิ้นหมู รสชาดแซ่บแบบพอเพียง(กินได้เฉพาะสองคน)



เมนูหมูๆ ตำบักฮุงเหิ่ม

ผมเห็นบักฮุ่งเหิ่มมันสีงาม(พี่น้องเพิ่นเอามาฝาก) กะเลยอยากเอามาสู่อ้ายสู่พี่กินนำ เบิ่งนำซือๆ ดอก

เอื้อยๆ ทางแอลเอหรือเมืองนอก บักฮุ่งเหิ่มเด้อครับ บ่แม่นแครอทเด้



เมนูหมูๆ ตำบักฮุงเหิ่ม

ของดองสาวขะแมร์เฮ็ดเอง ส่วนหน่อไม้ส้มอีแม่ ยังบ่ได้จกจักเทือ

บักกอกกลับบ้านเที่ยวก่อน มันหลายเสียดาย เพิ่นว่าดองได้ตั้ว กะเลยเดาๆ เบิ่ง ครับ

ต้มน้ำเกลือเย็นแล้วกะเทใส่กันโลด มื้อนี่กะครบเดือน เค็มคักแล้ว ใส่ตำบักฮุ่งกะพอกินอยู่ครับ


ปล. ตำบักฮุ่งถ้าใส่บักกอกดอง ใส่ปลาแดก น้ำปลาใส่บ่ได้ มันเค็มแฮง



ขอบคุณบ้านมหา
 
ลิ้งก์ผู้สนับสนุน
12-06-2012, 03:04 AM   #2 (permalink)
Craftsmanship
เป็นตาแซบน้อค่ะ กินข้าวพร้อมหน้าพร้อมตาครอบครัวเนาะค่ะ
อยากกินต้มไข่เค็มนำ อิอิอิ
 
12-06-2012, 03:18 AM   #3 (permalink)
แบ่งปันความรู้และประสบการณ์
เบิ่งแล้วกะคึดอยากกินเนาะตำหมากหุ่งเหลืองเป็นตะแซ่บได้หมากกอกใส่นำกะเข่ากันกันสั่นแหล่วกินกับข้าวเหนียวแซ่บคักยุครับ
 
12-06-2012, 10:34 AM   #4 (permalink)
ศึกษาหาความรู้
เป็นตาแซบแท้ครับตำบักหุ่งเฮิ่มใส่บักกอก แนวมักเด้นิแต่ทางผมนี่บ่เห็นดนแล้วบักกอก อันไข่เค็มกะเฮ็ดง่ายเนาะต้มน้ำเกลือดองเลยติครับ บ่ย้านมันเน่าก่อนติ อิอิอิ (เว่าเล่นเด้อครับ)
 
12-06-2012, 11:03 AM   #5 (permalink)
แบ่งปันความรู้และประสบการณ์
มักตำถั่ว กับตำซั่ว บักฮุง พอได้อยู่ :l-
 

12-06-2012, 12:38 PM   #6 (permalink)
ร่วมถ่ายทอดความรู้สู่สังคม
ตำบักหุ่งเหิ่มใส่บักกอก มันกะคักปานหยังแหล่วพี่น้องเอ๊ย
 
12-06-2012, 03:41 PM   #7 (permalink)
เจ้าหน้าที่ประชาสัมพันธ์
ช่างภาพอิสระ
ไสหละต่อนปลาแดกให่สีกนำแน
 
12-06-2012, 04:43 PM   #8 (permalink)
ดูแลตรวจสอบเนื้อหา
ต่อนปลาแดกปลาขาวน้อยสามสี่ต่อน ซีกเบิดแล้วละครับอ้าย

บ่ทันเน่าครับอ้าย suny เช็คไปนำเบิดหลายหน่วยแล้ว บ่ทันเค็มปานได๋


ขอบคุณทุกๆ ท่าน หลายๆ ครับ
 
12-06-2012, 05:15 PM   #9 (permalink)
Super Moderator
เป็นตาแซบขอเผ็ดๆจักครกแน่จ้า ป้าดดดบักกอกกะดองได้เนาะ สิได้เลียนแบบยุดอกจ้า
 
12-06-2012, 08:21 PM   #10 (permalink)
ศึกษาหาความรู้
กินนำแหน่น๊า..คิดฮอดอิพ่อ เพิ่นตำไห่กิน
สีอุ่มทุ่มขนาด อยากกิน..
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search

เวลาทั้งหมดอยู่ในเขตเวลา GMT +7 และเวลาในขณะนี้คือ 01:29 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม