ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต


ตอบกลับ
 
คำสั่งเพิ่มเติม เรียบเรียงคำตอบ
06-20-2007, 12:54 AM   #1 (permalink)
เซียงข่อล่อ
Guest
 
มาตรฐาน ผญาความรัก

ซื่อว่าคนอักแท้ เห็นแต่แม่กับเธอ ท้อนี้แล้ว
เพียงแรกจอะกะเผลอฮัก ซักกะเซ็นอยากเห็นเจ้า
บ่ได้วาจาจาเว้าเพียงสบตาฟ้ากะผ่า นางเอ้ย
เห็นแต่คอ พ้อแต่หน้า กะปานได้นั่งนำ พู้นแหล่ว

 
06-20-2007, 12:32 PM   #2 (permalink)
atirat
Guest
มาตรฐาน Re: ผญาความรัก

ซื่อว่าคนฮักแท้มีแต่แม่กับพ่อ ท่อนั้นแล้ว
ลืมตาตื่นขึ้นมาแซว แม่ยัดนมเข้าปากป้อน
พ่อเฮ็ดอู้ไกวต้อน นอนดีสบายอยู่
แม่ผู้ย่ำข้าวน้ำ ใส่กล้วยหมกไฟ...
 
06-21-2007, 09:42 PM   #3 (permalink)
เซียงข่อล่อ
Guest
มาตรฐาน Re: ผญาความรัก

อันว่าความฮักนี้ แม่นบ่มี กะบ่ขาดใจตาย ดอกนา
แต่ว่าเข้าและน้ำบ่ใส่ท้อง นั้นหากตาย

อดความฮักบ่ตายคืออดเข้า ตายย้อนขาดเจ้าแม่นบ่ได้ดอกตี๋...................
 
06-29-2007, 10:44 PM   #4 (permalink)
นักปราชญ์เมืองอีสาน
ศิลปินนักแต่ง ผญา
มาตรฐาน Re: ผญาความรัก

@ ฮักมักนี้หากสุดที่พรรณา ทิดคำศรีเลยขอจา กล่าวผญาเติมแต้ม
พอได้แกมกลอนกว้าง คนทั้งปวงได้เห็นอ่าน ได้พบพานอ่านพ้อ ขอท่านหล่ำซอม
ศรีขอยอยกน้อม เบื้องบาทเมธี เพิ่นมีความคิดอ่านไกลเกินกว้าง
ฮักทั้งปวงในโลก โลกาฟ้าแผ่น ฮักที่เหนียวแนบแหน่น บ่อเคืองแค้นแม่นฮักตน...นั้นแหลว ฯฯฯ
 
06-29-2007, 11:15 PM   #5 (permalink)
เซียงข่อล่อ
Guest
มาตรฐาน Re: ผญาความรัก

ยอมือยกอัญชลีกราบก้ม พ่อแม่คูจารย์
ผูประสานสืบสร้างเสริมส่งลูกศิษย์
ให้ได้มีความคิดกระจ่างใสปานแก้ว
ตกแต่งแล้วเครื่องสักการะบูชา
อีกทั้งพานนำมาวางตรงหน้าท่าน
ความฮักครูจารย์นั้นที่มีต่อลูกศิษย์
พอปานแก้วนฤมิตรที่งามแจ้ง
 
06-30-2007, 12:25 AM   #6 (permalink)
นักปราชญ์เมืองอีสาน
ศิลปินนักแต่ง ผญา
มาตรฐาน Re: ผญาความรัก

ฮักเสมอหมายหมั่น สัมพันธ์เพียงพากษ์ บ่อห่อนจากเจ้าได้ โดยด้ามดั่งดี
มะโนจิตอ้ายนี้ นอนแนบนำนาง บ่ออาจวางคีงหลับ ล่วงเลยเหลือล้ำ
กรรมโตเด้ นอนเดียวดายดอก อ้ายขอบอกนาดน้อง นางหล่าว่าคึดนำ...แท้แหลว ฯฯฯ
 
06-30-2007, 12:31 AM   #7 (permalink)
บ่าวเต็งคนโก้
Guest
มาตรฐาน Re: ผญาความรัก

ป้าด ฟามรักแล่นตำเนาะ มีซักกะเซ็นพ้อม เป็นบ่าวเต็งบ่ได้เด้นี่ จีบสาวถืกสากเมีย ซักกะซิว แน่นอน อิอิอิ
 
07-07-2007, 10:19 PM   #8 (permalink)
เซียงข่อล่อ
Guest
มาตรฐาน Re: ผญาความรัก

ฝากความฮักฮอดสาววารินนำแหน่เด้อ
 
07-07-2007, 10:26 PM   #9 (permalink)
Super Moderator
มาตรฐาน Re: ผญาความรัก

สุดสิพรรณาได่ในหัวใจที่คิดต่อ..อ้ายเอ้ย อยากสิมาพบพ้อแต่โตอ้ายส่างยุไกล
อยากสิดึงฟ้าให้โค้งต่ำลงมา อยากสิหาหนทาง ย่างนำพี่ชายเอิ่น
ตกกะเทินทางน้อง คองท่ายุมิดมี่ จากพ้นเดือนกะนับปี เป็นอยู่พอส่ำนี่
จักโตอ้าย สิคิดนำ แน่บ่น่อ................
 
07-07-2007, 11:43 PM   #10 (permalink)
ฝ่ายเทคนิคและโปรแกรม
มาตรฐาน Re: ผญาความรัก


จักแม่นฮักหยังแน่แล่ว ฮักฮอดแมว ฮอดหมาเผิ่น ซ่างมาพอกะเทิน มะเบิ่นฮักเจ้าของจ้อย น้ำตาย้อยบัดคิดถึง
มารำพึงนั่งให้ สิไปไสกะเป็นห่วง จักแม่นหนักในทรวง คือเจ้าทวงเงินยืมอ้าย ลืมบ่ได้คักอิหลี
ตายเป็นผีย่านบ่ม่ม กลายเป็นลมกะคือเก่า ย่อนคิดพ้ออยู่บ่เซา สิมาเฝ้านำฮักน้อง สิมีหม่องอยู่บ่น้อ
จักมื้อได๋สิท้อ จักมื้อได๋สิพอ เซาฮักน้อหัวใจพี่ สิเป็นเดือนหรือเป๊นปี ย่านแล่นหนีไปบ่ได้ หัวใจอ้ายบ่ห่างเธอ น้องเอ๊ย
 
07-08-2007, 10:43 PM   #11 (permalink)
Super Moderator
มาตรฐาน Re: ผญาความรัก

ฮักเสมอมั่นสัมพันธ์ให่แน่นแก่น ขอให้สมมาดแม้นคือน้องนี้ห่วงหา
ไปไกลภายภาคหน้าทางได่กะให้ห่วง คิดนำดวงดอกซ้อน โตอ้ายอยู่บ่เซ่า
อย่าสิลืมคำเว่า คำเก่าที่เคยจา ปารถณาแต่นางร่วมเคียงหอห้อง
อย่าสิป๋าทิ่มน้อง บ่นำฮองฮีตเก่า อย่ามีเพียงปากเว่า แต่โตอ้ายบ่เฮดนำ .....สั่นแหล่ว
 
07-09-2007, 07:34 PM   #12 (permalink)
นักปราชญ์เมืองอีสาน
ศิลปินนักแต่ง ผญา
มาตรฐาน Re: ผญาความรัก

@ อันว่าความมัก ความฮักนี้สุดจาบรรย์กระสันต์โลก มีความโศรกสืบซ้ำ ตำเข่าหว่างใจ
บ่อว่าไผคันพานพ้อ โอน้อทุกขะเวท ปฏิเสธบ่อได้ ใจซ้ำ กระหน่ำทรวง
เหลียวเห็นแผ่นฟ้ากว้าง อ้ายแสนห่วงนางหลาย ทั้งอยากอายละออเนียง บ่อได้เคียงซมซ้อน
แสนสะออนอกโอ้ โตน้อมาเป็นต่าง เก็บแต่ความอ้างว้าง หมองเศร่าเก่าใจ...นั้นแหลวว
เว้าแนวได๋กะเป็นฮ้าย มีแต่หมายเคียดโกรธ โทษหากมีส่ำก้อย นางน้อยว่าส่ำภู
คึดอีดูโตเด่ หัวใจเพย้อนมักเพิ่น แม่นสิปากกล่าวเอิ้น พระเนียงน้องหากบ่อเหลียว...นั้น แหลววววววว ฯฯฯ
 
07-09-2007, 09:18 PM   #13 (permalink)
ผู้ช่วยผู้ใหญ่บ้านมหา
มาตรฐาน Re: ผญาความรัก

โอ้หนอ เป็นหยังน้ออ้ายคือบรรยายเศร่าแท้พี เฮ็ดไห่นางน้องทางนี่คึดนำเจ้าดอกห่วงหา
ย่อนเพราะน้องนาดหล่าขอแต้มแต่งเติมผญา อ้ายซือศรีมาจาเศร่าใจแท้หนออ้าย
บ่ได่หมายมาเว่ากวนชายให้อ้ายฮํา เพียงน้องอยากเว่านำพอได่หายส่วงเศร่านำเจ้า..ให้ส่วงเบย..เด้ออ้าย..
 
07-18-2007, 11:07 AM   #14 (permalink)
เซียงข่อล่อ
Guest
มาตรฐาน Re: ผญาความรัก

อ้ายมักน้อง มาตั้งแต่โดนๆ
มักแต่เมืองสกล ยังบ่ทันได้ตั้ง
สารคาม ยังเป็นบ้านท่าบ่อ
มักแต่พู้น ปานนี้ก้บ่วาย
 
07-18-2007, 11:22 AM   #15 (permalink)
ดูแลตรวจสอบเนื้อหา
มาตรฐาน Re: ผญาความรัก


...คันแม่นอ้ายฮักน้อง ให้แนมเบิ่งดวงดารา
นับเอามาจักแสน ปานสายแนนห่วงเจ้า
แนมเบิ่งเอาเด้ออ้าย คือความหมายน้องบอกฮัก
อยากให้อ้ายได้ฮู้จัก ว่าความฮักของน้อง..ดาราน้อยกะบ่ปาน....


 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > คำผญา สุภาษิต

ตอบกลับ

คำสั่งเพิ่มเติม
เรียบเรียงคำตอบ
แบบตามยาว แบบตามยาว



เวลาทั้งหมดอยู่ในเขตเวลา GMT +7 และเวลาในขณะนี้คือ 02:05 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม ภูมิปัญญาท้องถิ่นฯลฯ (ไม่สนับสนุนการคัดลอกข้อมูลมาจากที่อื่น) การเผยแพร่ข้อมูลที่ไม่ใช่ต้นฉบับฯ ต้องอ้างอิงที่มาให้ชัดเจน