ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
01-29-2013, 09:29 PM   #1 (permalink)
แบ่งปันความรู้และประสบการณ์
 
 
ลาบเหนียวปลาตอง .... @ ลาซาล หม่องเก่า


ย้อนกลับไปช่วงเดือนตุลา 55 โทรหาอิแม่จ่มอยากกินลาบเหนียวปลาตอง อีกสองมื่อต่อมา แม่เพินโทรกลับมาหา บอกว่า "แม่ฝากไปนำรถตู้ให้ล่ะเด้อ มีส้มไข่ปลา กับปลาเอียบนำพร้อม ถ้าลัดเอาเด้อ" ว่าซั่น กะเลยเป็นที่มาของเมนูนี้สั่นดอกครับ

วัตถุดิบ
- ปลาตองสด (ต้องสดอิหลีเด้อครับ ถ้าบ่สดเนื้อปลาสิคาว)
- หอมแดง ใบมะกรูด ผักชีจีน ต้นหอม ข่าอ่อน ตะใคร้
- ผักสดสำหรับเป็นผักเคียง เท่าที่หาได้ วันนี้ผมได้มา 3 อย่าง ผักกระโดน ผักเม็ก ผักพาย จากตลาดลาซาลนั่นล่ะ
- เครื่องปรุง ผงชูรส น้ำปลา น้ำปลาแดก ข้าวคั่ว พริกป่น (ถ้าคั่วเเล้วใหม่ๆแฮงดี)
ปลาตอง ส่งตรงจากยโสธร แช่น้ำแข็งมา ยังสดๆอยู่


ผักกระโดน ผักเม็ก ผักพาย จากตลาดลาซาล เอาไว้กินกับลาบ


พ่อครัวหน้าลาวๆ เฮ็ดเป็นแต่แนวกินบ้านเฮา


ล้างปลาให้สะอาด ลอกหนังออก เอาช้อนขูดเอาแต่เนื้อ




ส่วนก้าง หัว กับหนังปลา แยกไว้ต้มเฮ็ดน้ำซุป สำหรับคนลาบ


ต้มน้ำ ใส่ตระใคร้ทุป ใบบักกรูด ข่าออ่น เกลือ และน้ำปลาแดก น้ำเดือด กะเอาก้างปลาที่แยกไว้มาใส่ลงไป


ใสล่ะแนวแก้คาว หยิ่นมาถะแม้ คาตะเก๊กยุหั่น หมู่กะดาย


ได้เนื้อปลามาแล้ว เอาใส่ครก ตำๆๆ ไปเรื่อยๆครับ ตำจนเนื้อปลาเนียน เป็นเนื้อเดียวกัน จากนั้นพักไว้ก่อน


หันมาทางน้ำซุปที่ต้มไว้ เทใส่ถ้วย ปล่อยให้เย็นก่อนเด้อครับ
จากนั้น ปรุงน้ำซุปด้วยผงชูรส น้ำปลา ให้นัว เวลาเอาลงคนกับเนื้อปลา รสชาดจะได้เข้ากันดีกับเนื้อปลา


เติมน้ำซุปที่ปรุงไว้แล้ว และคนไปเรื่อยๆ แฮงคนเนื้อปลาแฮงฟู แนมเบิ่งพอเถ่านำแนล่ะ ฮะเทียเพินหิวแฮง สิสูนให้ โยนคกลงน้ำคือในนิทานเด้


จากนั้นก็ใส่ใบบักกรูด หอมแดง ต้นหอม ผักชี ข่าอ่อนซอย ตามด้วยพริกป่น ข้าวคั่ว
คนให้เข้ากัน ชิมเบิ่ง ขาดหยังกะเติมเอา


แล้วๆกะตักใส่ถ้วย หาสู่กันกิน ไผบ่มักดิบกะเอาไปหมก หือสิขั่วกะแซบ
แนวกินตื่ม กะมีต้มปลา ทอดปลาแห้ง หมกส้มไข่ปลา





มาพี่น้องกินข้าวนำกัน
เล็กๆน้อยๆ ตามประสาลูกอีสานพลัดถิ่น หากินไกลบ้าน
ขอบคุณพื้นที่ดีๆ เวปบ้านมหาให้นำเสนอ ครับผม


 
01-29-2013, 10:16 PM   #2 (permalink)
แบ่งปันความรู้และประสบการณ์

เมนูเด็ดหลายครับ เป็นตาแซบขนาด
 
01-29-2013, 11:04 PM   #3 (permalink)
ศึกษาหาความรู้

เป็นตาแซบยุครับ กินหลายๆคน บ่ว่าอยู่ไสน้อครับ คนบ้านเฮาแนวกินบ้านเฮาละจังแซบ
 
01-30-2013, 04:37 AM   #4 (permalink)
แบ่งปันความรู้และประสบการณ์

เออเป็นตะจํ้านำแท้ลาบปลาตองคือสิแซ่บเนาะให่คักเอาหมกใบตองกล้วยตั้งไฟไว้เนาะยามเอามากินกะแซ่บคือกันหอมใบตองน่ากินยุครับ
 
01-30-2013, 07:20 AM   #5 (permalink)
ผู้ช่วยผู้ใหญ่บ้านมหา
Mr.Reception

จนกว่าสิได้กินลาบปลา คือสิเบิดแนวแก้คาวไปหลายเติบอยู่เนาะ 5555
 
01-30-2013, 11:23 AM   #6 (permalink)
ร่วมถ่ายทอดความรู้สู่สังคม

ตาแซบคัก เบิ่งหน้าพ่อครัวกะซงคือยุเด้ล่ะเนาะ
 
01-30-2013, 11:53 AM   #7 (permalink)
ศึกษาหาความรู้

โอ้ยน้อ!! ซะมาเป็นตาแซบแทะครับ บ่ได้กินมาโดนล่ะครับแนวนี่
แต่สมัยเป็นหนุ่มผมกะเคยยู่คือกันครับลาซาล แต่จำซอยบ่ได้ จำได้แต่ซื่อหอพัก
สันติพรแมนชั่นครับ
 
01-30-2013, 12:57 PM   #8 (permalink)
เจ้าหน้าที่ประชาสัมพันธ์

เป็นอีกเมนูที่ผมอยากสิลองเฮ็ดเบิ่ง เป็นตาแซบยุครับ แนวแก้คาวเอามาหลายๆเด้อได้แนวกินเป็นตาแซบปานนี้
 
01-30-2013, 02:33 PM   #9 (permalink)
ดีเจ นักจัดรายการ

พ่อครัวคือหล่อแท่ะ .......555555555
 
01-30-2013, 06:48 PM   #10 (permalink)
ศึกษาหาความรู้

เป็นตาแซ่บน้อครับ ลาบเหนี่ยวๆ บ่ได้กินโดนแล้ว น้ำลายย้อยปกบาดหนึ่ง
 
01-30-2013, 10:07 PM   #11 (permalink)
ผู้ช่วยผู้ใหญ่บ้านมหา

เป็นตะแซ่บแท้.. แฮงว่าค่ำแล้วสิบ่กินหยังกะสิลดน้ำหนัก
มาเจอลาบปลา ลาซาล...หิวปรี๊ดดดเลยแมะ ซงสิต้อง..เข้าครัวสาก่อน...
 
01-31-2013, 02:57 AM   #12 (permalink)
ดูแลตรวจสอบเนื้อหา

มักบรรยากาศ อาหารกะเป็นตาแซบคับผม พ่อคัวเป็นตามืออาชีพเนาะ
 
02-01-2013, 05:01 PM   #13 (permalink)
ศึกษาหาความรู้

โอ๊ยอยากกินนำหลาย แซบคักเน้ออาว
 
02-01-2013, 08:24 PM   #14 (permalink)
ศึกษาหาความรู้

ตุ้ยเข่าเหนียวฮ้อนๆ คือสิแซ่บคักเนาะจ้า
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
ปลาตอง, ลาบปลาตอง, ลาบเหนียว

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 03:17 PM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม