ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน

 
คำสั่งเพิ่มเติม เรียบเรียงคำตอบ
01-30-2013, 09:58 PM   #1 (permalink)
แบ่งปันความรู้และประสบการณ์
 
 
ลาบเป็ด เด้อพี่น้อง ... ลาซาลหม่องเก่า



วันทิตย์ก่อนเข้ากะเดิกหว่างหั่น เกิดคิดอยากสั่นแหล่วพี่น้อง กะเลยเอิ้นหมู่มาตุ้มกัน
หม่องซื้อเป็ดกะยุ ซ.แบริ่ง นั่นล่ะ แต่ต้องลุ้นเอา วาเพินสิยังมีบ่ ส่วนมากเพินสิขายส่งเป็นรุ่นๆ ถ้าไปถืกช่วงที่เพินบ่ทันส่ง กะดีไป

ไปมื่อนั่นได้มาโตนึง 3 โล พี่น้องผม เพินขายโลละร้อย มาหลกขนเอาเอง มันจั่งได้เลือดไว้ถ่าใส่อ่ำเป็ดนำสั่นดอก


ตัดภาพมาตอนหลกขนเนาะครับ เฮ็ดยุข้างทางหน้าหอพักนั่นล่ะ แฮงย่านรถตำแอวยุ



หลกขนหล่อนแล้วกะลนไฟครับ เผาขนบั่วมันออก แล้วๆกะเอาเกลือถู ล้างออก หอมห่วยๆ



พุ่นน่ะ นางแบบ ถือดีๆเด้อนางเอ้ย อย่าเฮ็ดหลูดมือเด้



หลังจากหลกขน ลนปีก แล้วกะย้ายฐานทัพครับผม ขึ้นไปเฮ็ดอยากเฮ็ดกินเทิงห้องพุ่นล่ะ
หม่องเฮ็ดแนวกิน กับหม่องนอน กะหม่องเดียวกันนั่นล่ะ พี่น้องเคยอยู่หอพัก คงสิฮู้จัก
จั๊กยามได๋สิมีเฮียนมีซานนำบ้านนำเมืองเพิน


คัวออกแล้วได้ซำเห็นล่ะพี่น้อง แยกไว้ เนื้อ+เครื่องในไว้ถ่าลาบ กระดูกไว้ต้ม ก้น ปีก ขากับ หัว เอาไว้ถ่าย่าง ทาบีขมๆ





ฝ่ายให้กำลังใจพ่อครัว นั่งเบิ่งมวยถ่า + หยิ่นแนวแก้คาวไปนำ



ต้มสุกแล้วพี่น้องผม ติแต่หาสมุนไพรใส่บ่ได้ แต่ปานนั้นกะซดจนเบิดยุเด้ล่ะ



เนื้อหั่นไว้เอามาลวน แล้วคนลาบ แบ่งออกมาอ่ำใส่เลือด ย่อนผุลางคนเพินกะบ่มักอ่ำ





เลือดเอานำฮ้อนลวกจักหน่อยก่อนเด้อ แล้วจั่งเอาใบหัวกิ่งไคมาคั้น



อ่ำเป็ดกะแล้วๆ



หาพาข้าวออกสู่กันกินสั่นตั๊ว บาดทีหนิ เฮ็ดต้องแต่สิบโมง บ่ายสองจั่งแล้ว

หาบักแตงกวา กับผักกาดขาวมากินกับลาบ เข้ากันดีคัก





ขอบคุณบ้านมหา สำหรับพื้นทีนำเสนอ เล็กๆน้อยๆ จากทีมงานครับ
 
01-30-2013, 11:18 PM   #2 (permalink)
ศึกษาหาความรู้

กินข้าวนำกันหลายๆคนเป็นตาแซบเนาะครับ
 
01-31-2013, 01:53 AM   #3 (permalink)
ดูแลตรวจสอบเนื้อหา

บรรยากาศดีครับผม กินผู้เดียวกะได้อยู่ แต่ว่ามันบ่ม่วนคือเฮ็ดกินกับหมู่กับพวกหลายๆคนเนาะคับ สุดยอดลาบเป็ด
 
01-31-2013, 03:42 AM   #4 (permalink)
แบ่งปันความรู้และประสบการณ์

เป็นตะแซ่บเนาะกินนำกันหลายคนแนวหนิตุ้มโฮมกันนานๆๆเฮ็ดแนวกินแบบนี้เสียวแหน่กะคือลนเป็ดอยู่ข้างถนนหนทางหั่นหละเนาะครับ
 
01-31-2013, 06:38 AM   #5 (permalink)
ผู้ช่วยผู้ใหญ่บ้านมหา
Mr.Reception

สุดยอดคักลาบเป็ด กินหลายคนแฮ่งแซบ
แนวคนมักเฮ็ดแนวกิน บ่อว่าสิพักอยู่ไสกะเฮ็ดกินจนได้.
.จี่หนังอยู่เทิงดาดฟ้าผุ่ข้ากะเคยมาแล้ว 555
 
01-31-2013, 07:14 AM   #6 (permalink)
ดูแลตรวจสอบเนื้อหา

เฮ้ดอยู่เฮ้ดกินเป็นปานนี่กะพอเป็นเฮือนเป็นซานแล้วตั๊วน้อง
...ขึ้นชื่อว่าลาบ..บ่หว่าสิเป็นลาบหยัง.ตอนนี่ลาบยโส .เป็นสินค้าแบรนด์เนมคือกันเด้อ
คนยโสธรกินลาบเป็นเฮ้ดลาบกะเป็น

 
01-31-2013, 08:11 AM   #7 (permalink)
ผู้ใช้ที่อยู่ระหว่างการตรวจสอบ

โอ้ยๆอดเด้อใจกินอิ่มหวั่งหั่นเด้อ555555ขยับแนซั่นดอกเน๊าะ
 
01-31-2013, 08:31 AM   #8 (permalink)
แบ่งปันความรู้และประสบการณ์

สุดยอดของมักเลย ได้เป็ดโตเป็นๆ ได้เลือดมาอ่ำพร้อม ฝีมือครับ
 
01-31-2013, 08:45 AM   #9 (permalink)
เจ้าหน้าที่ประชาสัมพันธ์

หัวทาบี แนวแกล้มชันดีเลยเด้นั่น อ่ำเป็ดกะแซบคัก พี่น้องมายามหลายเนาะบ่าว
 
01-31-2013, 11:05 AM   #10 (permalink)
ศึกษาหาความรู้

น่าสนุกคับ นึกถึงตอนเรียนแล้วอยู่หอเลย 25 ปีมาแล้ว ( น้องใหม่คับอยู่ทางเหนือ จ.น่าน ) เห็นเวปนี้สนุกพึ่งสมัครสมาชิก...!
 
01-31-2013, 09:25 PM   #11 (permalink)
ฝ่ายเทคนิค และถ่ายทอดสด

แนะมายโสเฮ็ดสู่กินแน่เด้อ ทางนี่มีตะเป็ด บ่มีไผบายจักเทื่อ เลี้ยงไว้ถ้ามัน็องหนวกหูไทบ้านซื่อๆ ย่านจัดจักมื่อยุ
ติแต่บ่มีมู่กินนำนี่หละ
 
02-01-2013, 12:12 PM   #12 (permalink)
ร่วมถ่ายทอดความรู้สู่สังคม

เป็นตาม่วนเนาะซุมเจ้าแหมะ ลาบเป็ดกินหลายๆคนเทิงแซบเทิงม่วน
 
02-01-2013, 03:58 PM   #13 (permalink)
ศึกษาหาความรู้

ปาดดดดดผมยุแถวนั่นไคบ่เอิ้นไปกินนำแน๋คับอาว มักหลายลาบเป็ดนิ.
 
02-01-2013, 07:41 PM   #14 (permalink)
ศึกษาหาความรู้

อยากกินนำเด้จ้า..
คักเนาะจ้าพ่อคัว
 
02-05-2013, 04:30 PM   #15 (permalink)
ศึกษาหาความรู้

ลาบเป็ดซอยแนวนี่หละครับสุดยอดเลย
 
ชุมชนบ้านมหา > อาหารการกิน > ครัวบ้านมหา ชวนชิม > อาหารอีสาน


ป้ายกำกับ
ลาบเป็ด

คำสั่งเพิ่มเติม
เรียบเรียงคำตอบ
แบบตามยาว แบบตามยาว



Custom Search


เวลาทั้งหมดอยู่ในเขตเวลา GMT +7 และเวลาในขณะนี้คือ 09:23 AM


Powered by vBulletin รุ่น 3.8.7 Copyright ©2000-2014, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม