ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > เกษตรชุมชน


 
คำสั่งเพิ่มเติม เรียบเรียงคำตอบ
07-19-2013, 08:37 AM   #1 (permalink)
ร่วมถ่ายทอดความรู้สู่สังคม
 
รูปส่วนตัว ทิดจ่อย
 
ย้านได้หาลำขอข้าวอยู่เดอพี่น้องปีนี้


เฮ็ดนาปีนี้กะฝนฟ้าบ่ออำนวย คันบ่อตกอีกจัก 5 มื้อ ย้านบ่อยัง
ทางท้องถิ่นอื่นๆ เป็นคือจั่งบ้านทิดจ่อยบ่อน้อ


ย้านได้หาลำขอข้าวอยู่เดอพี่น้องปีนี้

ย้านได้หาลำขอข้าวอยู่เดอพี่น้องปีนี้

ย้านได้หาลำขอข้าวอยู่เดอพี่น้องปีนี้


ฝนตกบ่อทั่วฟ้าคือเทวดาเจ้าใจจืด
ฝืดนำคอคือแค้นข้าว หาน้ำหล่องบ่อมี
ฝนไปดีแต่ทางก้ำเมืองเหนือและเมืองล่าง
ผ่องดินพังผ่องน้ำท่วม ทางรถแล่นแท้ๆ ได้ขี่เฮือ

เหลือใจหลายอยากอายเว้า ฟังข่าวทางทีวี
อุตุเตือนว่าฝนดีให้ระวังภัยน้ำท่วม
จับใจควมที่เผิ่นบอก ตกเจ็ดสิบเปอร์เซ็นของพื้นที่
พออยากมุดดินหนี เจ็ดสิบเปอร์เซ็นที่เผิ่นเว้าตกแท้อยู่หม่องใด๋

มาเบิ่งแหน่ทางอีสานตอนใต้ น้ำตาไหลจนเปียกซุ่ม
ทางบ้านทิดจ่อยขี้ดินไหง่กุ้มๆ ข้าวตายแห้งเซ็ดน้ำตา
ข้าแต่แถน แนนแต่ฟ้า ชำเลืองตามาส่องแหน่
แล้งต่อไปย้านแต่แย่ ได้ขุดแง้แลกข้าวกิน......พี่น้องเอย
 

07-19-2013, 10:57 AM   #2 (permalink)
แบ่งปันความรู้และประสบการณ์
ทางอุบลฯ มีน้ำแหน่หน่อยนึง แต่ปีก่อนๆ ยามแล้งกะแล้งครับ
ยามน้ำหลายกะท่วมเอา ท่วมเอา นาจะของดอกหว้า อิๆ
 
07-19-2013, 11:56 AM   #3 (permalink)
ศึกษาหาความรู้
บาดไปทางยองฮิเบิ่งเกิ่นหน๊ามาตกบ่เฮือดบ่แห้งแท้สไปไสมาไสกะยากหนิ
 
07-19-2013, 01:01 PM   #4 (permalink)
ศึกษาหาความรู้
เป็นตาแล้งคักแท้ค่ะ มาขอข้าวทาง บร เด้อจร้าไปเฮ็ดแนว รับรองงามทุกไฮ่ค่ะ
 
07-19-2013, 01:30 PM   #5 (permalink)
ดีเจ นักจัดรายการ
ปะอ้ายไปลำขอข้าวทาง บร. ได้ข่าวว่าข้าวน้ำอุดมสมบูรณ์ งัวกะมีตะโตงามๆ (งัว ผอ.)
 
07-19-2013, 03:04 PM   #6 (permalink)
ร่วมถ่ายทอดความรู้สู่สังคม
ย้านได้พานู๋น้อยไปลำขอข้าวทางบ้านครูกอบัวอยู่ดอกเดอ
เลาะไปทางบ้านลุงใหญ่นำ ไปทางบ้านบ่าวหลอดนำ
คันไปทางนั้นกะเอิ้นกันกินข้าวนำแหน่ล่ะ เหอ เหอ เหอ
 
07-19-2013, 06:11 PM   #7 (permalink)
ศึกษาหาความรู้
แม่นฝนตกบ่ทั่วฟ้าอีหลีเนาะครับ ทางบ้านพุเฒ่ากะว่าแล้งคักหาหม่องสูบน้ำใส่ข้าวกะบ่มี
แม่นยามตกกะพอรินๆบ่ได้น้ำได้ท่า
คือกลอนลำเพลินว่า "ฝนตกรินดินลายบ่พอฮ่ง นกเขาซงพรากคู่
ขันครู๊ครู๊ พากันเขี่ยเม็ดเข่ายุนาน้อยแม่ใหญ่ลุน
บุญเอ้ยบุญบั้งไฟบ่ทันแล้วเสียงแซวๆคนซ่า....."อิอิอิอิ
 
07-26-2013, 05:30 PM   #8 (permalink)
ศึกษาหาความรู้
เข้าพรรษาไปยามพี่น้องทางหนองสองห้องขอนแก่น แล้งคัก บ้านผมศรีเมืองใหม่ตกจนคันแทขาด
 
07-27-2013, 04:35 PM   #9 (permalink)
ศิลปิน นักเขียน
หว้าว่าวา ทางพี้กะคือกัน....ยางบ่อออก แล้งคักโพด
2ปีก่อนผู้ลังคนขายยางได้ราคาออกรถออกรามา มาปีนี้ จ่าวขายฮอดไฮยางพะนะ
เห้อ ลำกะลำบ่อเป็นบาดที่นี่ ขอไปนำแน่ซั้น สิเป็นแผนกพาหางเครื่องหญิงไปเยียวๆๆๆๆดอกพะนะ
 
ชุมชนบ้านมหา > ภาษาศิลปะวัฒนธรรมและภูมิปัญญาท้องถิ่น > อยู่แบบพอเพียง > เกษตรชุมชน


คำสั่งเพิ่มเติม
เรียบเรียงคำตอบ
แบบตามยาว แบบตามยาว


Custom Search
วันไหลพัทยา 2558, ตั้งสายกีต้าร์ ผลสอบ มสธ, ซื้อโทรศัพท์รุ่นไหนดี, ฟังเพลงลูกทุ่งออนไลน์, การเพาะเห็ดฟาง, อาหารอีสาน, สงกรานต์เที่ยวไหนดี

เวลาทั้งหมดอยู่ในเขตเวลา GMT +7 และเวลาในขณะนี้คือ 05:55 PM


Powered by vBulletin รุ่น 3.8.7 Copyright ©2000-2015, Jelsoft Enterprises Ltd.
Content Relevant URLs by vBSEO
© บ้านมหา.com เว็บไซต์ส่งเสริมการศึกษา ศิลปวัฒนธรรม